D
rəylərin obyektivliyini, düzgünlüyünü təmin etmək məqsədilə nəzarət
orqanlarının və onların işçilərinin sərbəstliyi; nəzarətin daha yüksək
keyfiyyətlə həyata keçirilməsi üçün nəzarət orqanları işçilərinin
peşəkarlığı; dövlət sirlərinin, habelə qanunla qorunan digər sirlərin
məxfiliyinin təmin olunması ilə aşkarlıq; dövlətin maliyyə sferasının
bütün istiqamətlərinin nəzarət tədbirləri ilə daha geniş əhatə olunması
məqsədilə dövlət maliyyə nəzarəti orqanlarının işində sistemlilik və
planlaşdırma.
Dövlət maliyyə nəzarətinin təşkili prinsipləri (principles of
organization of public finance control) – dövlət maliyyə nəzarətinin
təşkili aşağıdakı prinsiplərə əsaslanır: dövlət maliyyə nəzarəti
orqanlarının fəaliyyət dairəsinin Azərbaycan Respublikasının
qanunvericilik və icra hakimiyyəti orqanlarının vəzifə və səlahiyyətlərinin
müəyyən edilməsi barədə mövcud qanunvericiliyə uyğun olaraq
vəzifə və səlahiyyətlərinin bölgüsü; dövlət maliyyə nəzarətini həyata
keçirən orqanlar arasında onların fəaliyyət dairələrinə uyğun olaraq
vəzifə və səlahiyyətlərin bölgüsü; öz vəzifələrinin sərbəst və obyektiv
icrasını təmin etmək məqsədilə dövlət maliyyə nəzarəti orqanlarının
və onların vəzifəli şəxslərinin nəzarət obyektlərindən şəxsi və
funksional asılı olmaması; dövlət maliyyə nəzarəti orqanlarının
fəaliyyətlərində təkrarçılığa yol verilməməsi və dövlət hakimiyyətinin
bütün səviyyələrində dövlət maliyyə nəzarəti orqanlarının vahid
sisteminin təmin edilməsi məqsədilə həmin orqanların fəaliyyətlərinin
koordinasiya olunması; nəzarətin həyata keçirilməsi zamanı əldə
olunan məlumatların qorunub saxlanılması və onlardan istifadənin
məhdudlaşdırılması ilə məxfiliyin təmin olunması.
Dövlət maliyyəsi (public finance) – dövlətin vergiqoyma, borclanma və
xərc siyasətini analiz edən iqtisadiyyatın bir sahəsidir. Dövlət maliyyəsi
dövlətin yaşamasının və onun fəaliyyət göstərməsinin maddi cəhətdən
təmin edilməsinə xidmət göstərən dövlət pul vasitələri fondlarının
yaranması, bölgüsü və istifadə edilməsində cəmiyyətin iqtisadi
münasibətləri məcmusu. Dövlət maliyyəsi iqtisadi münasibətlərin
məcmusudur. Bunun əsasında pul resursları fondu yaradılır və geniş
təkrar istehsal prosesi üçün istifadə olunur.
Dövlət məvacibi (public salary) – dövlət qulluqçusuna pul ilə ödənilən
haqdır. Dövlət məvacibinin məbləği səlahiyyət həcmindən, məsuliyyət
dərəcəsindən, tələb olunan peşəkarlıq səviyyəsindən, vəzifədə qulluq
stajından asılıdır. Dövlət məvacibi vəzifə maaşından, mükafatlardan və
vəzifə maaşına əlavələrdən (dövlət qulluqçusunun ixtisas dərəcəsinə,
qulluq stajına və s. görə verilən əlavələr) ibarətdir. Xüsusi hallarda
vəzifə maaşları üçün müxtəlif əmsallar (məsələn, yerli əmsallar)
müəyyən edilə bilər.
D
Dövlət mülkiyyəti (public property) – xüsusi, yerli özünüidarəetmə
mülkiyyəti ilə yanaşı mövcud olan, müəyyən iqtisadi obyektlər üzərində
dövlətin sərəncamvermə, sahibolma və idarəetmə hüquqlarının
məcmusunu əhatə edən mülkiyyət növü. Ölkənin bütün vətəndaşları
eyni dərəcədə bu mülkiyyətin sahibləridir. Bunu dövləti təmsil edən
orqan idarə edir. Ölkədə torpaq, yerin təki, sular və meşələr dövlətin
müstəsna mülkiyyətidir. Sənayedə, tikintidə və kənd təsərrüfatında əsas
istehsal vasitələri, nəqliyyat və rabitə vasitələri, dövlət bankları dövlət
tərəfindən təşkil edilmiş ticarət və kommunal müəssisələrinin, başqa
müəssisələrin əmlakı, şəhərlərin mənzil fondunun bir qismi, məktəblər,
xəstəxanalar, eləcə də dövlətin vəzifələrinin həyata keçirilməsi üçün
lazım olan başqa əmlak dövlət mülkiyyətidir.
Dövlət nəzarəti (public control) – dövlət hakimiyyətinin həyata
keçirilməsinin elə bir formasıdır ki, dövlət orqanları tərəfindən qəbul
edilən normativ-hüquqi aktlara tam riayət olunmasını təmin edir.
Dövlət öhdəliyi yaratmayan xarici borcalmalar (foreign debts with
no public responsibility) – rəsmi qanunvericiliyə əsasən Azərbaycan
rezidentlərinin onun qeyri-rezidentləri qarşısında cari şərtsiz, dövlət
öhdəliyi yaratmayan, xarici valyutada olan borc öhdəlikləri dövlət
borcu hesab edilmir və Azərbaycan Respublikası bu borc üzrə heç bir
məsuliyyət daşımır. Ölkənin tədiyə balansını tərtib etmək üçün müvafiq
icra hakimiyyəti orqanı hər rübün yekunları üzrə bankların dövlət
öhdəliyi yaratmayan xarici borcalmaları barədə məlumatları Azərbaycan
Respublikasının Milli Bankına təqdim edir. Belə məlumatların tərkibi
və təqdim olunma qaydası Azərbaycan Respublikasının Milli Bankı
tərəfindən müəyyənləşdirilir.
Dövlət-özəl sektor əməkdaşlığı (public-private partnership) –
dövlət agentlikləri ilə mənfəət güdən korporasiyalar arasında elə bir
razılaşmadır ki, bütövlükdə cəmiyyətin və ya razılaşma tərəflərinin
ümumi xidmətlərdən optimal yararlanması üçün bacarıqların və
aktivlərin səfərbər edilməsinə imkan verir.
Dövlət proqramı (state program) – ümumdövlət əhəmiyyətli sosial-
iqtisadi, ekoloji, elmi-texniki istiqamətlərin inkişaf strategiyasını
müəyyən edən sənəddir. Burada məqsədəçatmanın başlıca vəzifələri,
bu vəzifələr çərçivəsində nəzərdə tutulan konkret tədbirlər, onların
həyata keçirilməsi müddəti (başlanğıc və son) və icraçı subyektlər
təsvir edilirlər. Dövlət proqramında nəzərdə tutulan tədbirlər layihələr
şəklində rellaşdırılır. Məhz bu mərhələdə resurslardan istifadə və
nəticəlilik məsələləri gündəmə gəlir. Dövlət proqramları adətən
nazirliklər, komitələr, agentliklər və digər dövlət orqanları tərəfindən
Dostları ilə paylaş: |