Ağ qovurma. Burada dibi qalın qısa qazana kərə yağı
yaxud ərinmiş yağ qoyulub yuksək temperaturda qızdırılır, sonra
bunun içinə buğda unu tökulub periodik qaydada qarışdırmaqla
açıq sarı rəng kəsb edincə 120-130° temperaturda qovrulur.
Ağ qovurmadan ağ və qırmızı souslar üçün istifadə edilir.
Ağ qovurma bilavasitə bulyona qatılası zaman hazırlanır.
Qırmızı qovurma. Bu qovurma çox vaxt yağsız hazırlanır.
Burada yağ tətbiq edilən hallarda tavanın içinə yağ (əksəriyyəti
mal piyi) qoyulub 40-50° temperatura qədər qızdırılır, sonra üs-
tünə ələnmiş buğda unu tökülüb plitənin üzərində yaxud qızdırıcı
şkafda periodik qaydada qarışdırmaq şərtilə və qızılı rəngə
gətirilincə 150-160° temperaturda qovrulur.
Bu qovurma qırmızı souslar üşün tətbiq edilir. Bəzən ələn-
miş çiy buğda unu kərə yağına qatılır. Buna təcrübədə soyuq
qovurma deyilir. Soyuq qovurma tez və az miqdar sous hazır-
lamaq lazım gələn hallarda tətbiq edilir. Burada kərə yağının
çəkisinə nisbətən 20-50% un tökülür.
Qəhvəyi bulyonun hazırlanması
Burada sümük (qaramal sümüyü, qoyun sümüyü, dana sü-
müyü) ətdən təmizlənib doğranır, soyuq suda yuyulur və tavanın
içinə qoyulub doğranmış yerkökü, cəfəri, kərəviz və baş soğan
qatılaraq 1 saat ərzində 160° temperaturda qızdırıcı şkafda qovru-
lur. Sümük qəhvəyi rəngə gətirildikdə qapaqsız qazana dolduru-
lub üstünə qaynar su tökülür və zəif qaynamaq şərtilə 9-12 saat
bişirilir. Bişən zaman periodik qaydada (3-5 dəfə) bunun kəfi
alınır. Bişəndən sonra bulyon süzülür. 1 litr bulyon üçün burada
500 q sümük götürülür. Həmin bulyondan qırmızı ət sousları
üçün və habelə quru (ikinci) xörəklərin üzərinə tökmək üçün
istifadə edilir.
Qatı qəhvəyi bulyon (fyume). Burada təzə bişirilmiş qəhvəyi
bulyon 4-5 dəfə təkrar qaynadılır, üzünün kəfi alınır və bir neçə
dəfə süzülür. Həmin qatı bulyon soyuduqdan sonra jelevari kütlə
əmələ gəlir ki, bu da soyuq yerdə saxlanır.
93
Qatı bulyon daha yaxşı saxlansın deyə, üzünə bir lay piy
tökülür.
3.2.2. Bulyon sousları
Qırmızı ət sousları
Bunun əsasını qəhvəyi bulyon, qovrulmuş un, qovrulmuş
tərəvəz, tomat-püre və ədviyat təşkil edir. Qovrulmuş una qaynar
bulyon qatılır.
Qırmızı sous (əsas sous)
Burada qırmızı qovurma qaynar qəhvəyi bulyonla birləşdi-
rilib birnövlü kütlə əmələ gəlincə qatışdırılır və qaynar vəziyyətə
gətirilir. Qovrulmuş tərəvəzə (yerkökü, cəfəri, kərəviz, baş soğan)
tomat-püre qatılıb qovrulması davam edilir, sonra bunlar hamısı
un vurulmuş bulyona (sous) tökülüb 1-1
2
1
saat bişirilir.
Bulyona burada cəfəri göyərtisi, kərəviz və şüyüd də qatıla
bilər. Bişən zaman bunun üzünün kəfi və yağı alınır. Bişib
qurtarmasına 10-15 dəqiqə qalmış sousa istiot dənləri, dəfnə
yarpağı, duz və habelə sarımsaq vurulur.
Hazır sous əgər bilavasitə xörəklə birlikdə süfrəyə veriləsi-
dirsə, ələkdən keşirilib içinə şəkər qatılır və 2-3 dəqiqə bişirdik-
dən sonra marqarin yaxud kərə yağı vurulur. Sous şəkər yanığı ilə
də boyadıla bilər.
Qırmızı sous müxtəlif xörəklər üçün, o cümlədən suda bişi-
rilmiş dil, vetçina, böyrək, sosiska, sardelka, qovrulmuş döymə
kotlet, zraza, buğda bişirilmiş və qiymələnmiş ət, qulyaş, raqu,
azu, tərəvəzdən hazırlanmış raqu və s. üçün və yaxud da digər ət
xörəklərinin hazırlanması üçün tətbiq edilir.
Hər 1 kq sous üçün burada 750 q ət sümüyü, 25 q yağ, 50 q
buğda unu, 150 q tomat-püre, 100 q yerkökü, 36 q baş soğan, 20
94
q cəfəri (kökü), 20 q şəkər, 50 q süfrə marqarini və habelə
sarımsaq və ədviyat götürülür.
Soğanlı və kornişonlu qırmızı sous
Burada narın doğranıb kərə yağında qızardılmış baş soğan,
istiot dənləri, dəfnə yarpağı sirkə ilə birlikdə quruyunca qaynadı-
lıb buxarlanır və əldə edilən kütlə hazır qırmızı əsas sousa qatılıb
10-15 dəqiqə bişirildikdən sonra içinə “Cənub” sousu və marqa-
rin yaxud kərə yağı vurulur. Bişib qurtarmağa 5-6 dəqiqə qalmış
həmin sousun içinə doğranmış kornişon salınır, yaxud hazır xörək
üstünə sous tökülüb süfrəyə veriləndə ona kornişon əlavə edilir.
Bu sous file, langet, dil və kotlet xörəklərinin yanında
süfrəyə verilir.
Hər 1 kq üçün burada 850 q hazır qırmızı əsas sous, 300 q
baş soğan, 40 q yağ, 70 q 8%-li sirkə, 30 q “Cənub” sousu, 20 q
süfrə marqarini və 130 q kornişon (marinadlaşdırılmış xiyar)
götürülür.
Soğan sousu
Burada nazik doğranmış baş soğan azacıq qızardılır və buna
istiot dənləri, dəfnə yarpağı və sirkə əlavə edilib, demək olar qu-
ruyunca qaynadılır. Nəticədə əmələ gələn kütlə hazır qırmızı
sousa qatılıb 10-15 dəqiqə bişirilir. Buna şəkər də (15 q) qatıla
bilər.
Həmin sous mal ətinin külləmə qaydada bişirilməsi üçün
tətbiq edilir.
Hər 1 kq sous üçün burada 850 q hazır qırmızı sous, 298 q
baş soğan, 58 q yağ və 70 q 9%-li sirkə götürülür.
95
3.2.3. Ətdən hazırlanan ağ souslar
Bu sousların əsasını ağ bulyon, duz və tərəvəz (cəfəri,
kərəviz, baş soğan) təşkil edir.
Ağ sous hazırlananda sousun aid olduğu ət məhsullarından
alınan bulyondan istifadə edilir.
Ağ sous (əsas sous)
Burada ağ isti qovurma tədricən isti ət bulyonunda açılır və
birnövlü kütlə şəklinə gəlincə qarışdıra-qarışdıra 25-30 dəqiqə
bişirilir. Bişən zaman bunun üzünün yağı və kəfi alınır. Bu
sousun içinə yağda qovrulmuş baş soğan, cəfəri və kərəviz qatılır.
Hazır olduqda sous süzülür və ona limon duzu və kərə yağı
vurulur. Həmin sousdan digər souslar hazırlanır və habelə
şorbalara qatılır.
Hər 1 kq sous üçün burada 1100 q ağ bulyon, 50 q buğda
unu, 50 q süfrə marqarini, 35 q baş soğan, 30 q cəfəri (kök), 50 q
şit marqarin və 1q limon duzu götürülür.
Yumurtalı ağ sous
Burada əsas ağ sousa doğranmış cəfəri, kərəviz və baş
soğan qatılıb 25-30 dəqiqə bişirildikdən sonra süzülür. Eyni
zamanda dibi qalın bir qaba çiy yumurta sarısı və kərə yağı
tikələri qoyulub üstünə turş xama yaxud bulyon tökülərək daim
qarışdırmaq şərtilə yumurta sarısı yağla tamamilə birləşincə 70-
75° temperaturda bişirilir. Sonra yenə qarışdıra-qarışdıra bunun
içinə qaynar ağ sous tökülür, limon duzu, muskat tozu və duz
əlavə edilir və 70° temperatura qədər qızdırılıb süzülür. 75°-dən
yuxarı qızdırılanda yumurta sarısı pıxtalaşır və sous duru çıxır.
Hər 1 kq sous üçün burada 1000 q ağ bulyon, 45 q buğda
unu, 32 q baş soğan, 36 q cəfəri (kök), 3 ədəd yumurta, 75 q kərə
96
Dostları ilə paylaş: |