65
dünyanın ən böyük ictimai hüquq ixracatçısı olmuşdur və bunun da bəlli
səbəbləri var
40
, ancaq hazırda Amerika hüquqşünasları və alimləri öz
təcrübələrinə nümunə kimi deyil, xüsusi diqqətəlayiq bir təcrübə kimi
baxmalıdırlar.
41
Bir çox konstitusion prinsiplərin konkret ölkələrin hüdudlarından çıxaraq
beynəlxalq status qazanması konstitusiya hüququnun müqayisəli öyrənilməsinə
olan marağın digər bir səbəbi kimi göstərilir
42
. Bu, xüsusən insan hüquq və
azadlıqları sahəsinə aiddir. 1948-ci ildə Ümumbəşəri İnsan Hüquqları
Deklarasiyasının, Mülki və Siyasi Hüquqlar haqqında Beynəlxalq Paktın,
İqtisadi, Sosial və Mədəni Hüquqlar haqqında Beynəlxalq Paktın, o cümlədən
İnsan Hüquqları və Fundamental Azadlıqların Qorunması üçün Avropa
Konvensiyasının yaradılması bunun bariz nümunəsidir. İnsan hüquq və
azadlıqlarının beynəlxalq status almasının ən bariz göstəricisi bəlkə də, Avropa
İnsan Hüquqları Məhkəməsinin fəaliyyətidir. Bu məhkəmənin yaratdığı
presidentlər və hüquqi standartlar konkret bir ölkənin hüdudlarından kənara
çıxaraq digər ölkələrdə tətbiq olunur və onların hüquq sisteminin
təkmilləşməsinə təkan verir
43
.
Hüququn müqayisəli analizi xüsusi olaraq, post-Sovet ölkələri və
inkişafda olan digər ölkələr üçün mühüm əhəmiyyət kəsb edir. Sovetlər birliyi
süquta yetdikdən sonra Azərbaycan da daxil olmaqla, onun tərkibindəki bir çox
ölkələrdə “Qərbləşmə” prosesi başladı: bu prosesin tərkib hissəsi olaraq bir çox
kommunist dəyərləri Qərb dəyərləri ilə əvəz olundu. Misal üçün, Sovet
konstitusiyalarında “kollektiv mülkiyyət” və ya “sosialist mülkiyyəti” sosialist
cəmiyyətinin fundamental əsası kimi yer aldığı halda, yeni qəbul olunan
konstitusiyalarda fərdi mülkiyyət mühüm insan hüququ kimi qorunur.
Təəssüf ki, Sovetlər dövründə konstitusiya hüququnun inkişafı və
xüsusən də onun müqayisəli öyrənilməsi imkanları məhdud olmuşdur. Nəticə
olaraq, ABŞ və Avropada baş verən bir çox yeniliklər Sovet konstitusiya
hüququna gec daxil olurdu. Müəlliflər V.Börnham və G.Danienko qeyd edirlər
ki, Sovetlər İttifaqı süquta yetdiyi dövrdə Rusiya hüquq sistemi Avropada 19-cu
əsrdə mövcud olmuş hüquq sisteminə bənzəyirdi. Bu, xüsusən də konstitusiya
hüququna aiddir
44
. Konstitusiya hüququnun müvafiq məhkəmələrin qərarlarının
analizi vasitəsi ilə öyrənilməsi konstitusiya hüququ sahəsində müasir dövrün
40
Bruce Ackerman,
The New Separation of Powers, 113 Har. L. Rev. 634 2000
41
B.Ackerman,
The Rise of World Constitutionalism yuxarı qeyd 8, səh. 775
42
Baxın: Michel Rosenfeld, Andaras Sajo, Susanne Baer, Norman Dorsen, Comparative
Constitutionalism Chap. 1 (2003)
43
Məhkəmənin fəaliyyəti haqda ümumi məlumat üçün baxın: L.J.Clement, Nuala Mole, Alan
Simmons,
European Human Rights, Taking a Case under the Convention, 1999
44
Daha geniş müzakirə üçün baxın: W. Burham, G. Danieko,
Russian Law 3rd Ed. 2004, səh., 3-6
66
tələblərindən birinə çevrilmişdir. Konstitusiya hüququnun bu cür tədrisi və
öyrənilməsi Anqlo-Sakson hüquq sisteminin özəlliyi kimi deyil, istənilən hüquq
sistemində konstitusionalizmin tətbiqi üçün zəruri bir proses kimi qəbul
olunur
45
.
Qeyd olunanların fonunda digər ölkələrin konstitusiyalarının və bu
sahədə mövcud olan qərarların öyrənilməsi, təhlili və tədrisi Azərbaycan
konstitusiya hüququnun inkişafına xidmət edə bilər. Bunun praktiki əhəmiyyəti
də nəzərə çarpır: Azərbaycan Respublikasının Konstitusiya Məhkəməsi bir sıra
qərarlarında xarici ölkələrin təcrübələrinə istinad
etmişdir
46
.
Konstitusiya hüququnun müqayisəli öyrənilməsinin müsbət nəticələri çox
zaman qeyd olunsa da, burada da fikir ayrılığı mövcuddur. Bir çoxları haqlı
olaraq, hər bir ölkənin konstitusionalizminin özündə müəyyən tarixi prosesləri,
mübarizələri və nailiyyətləri əks etdirdiyi fikrindədirlər
47
. ABŞ konstitusiya
hüququ sahəsində araşdırma aparan məşhur alim Daniel Levinin “nə
konstitusiya, nə də konstitusionalizm ötürülə bilməz” sözləri konstitusionalizmə
bu cür yanaşmanı ifadə edir. Belə yanaşmanın da tutarlı əsasları var: istər
konstitusiyanın yazılmasında, istərsə də onun şərh olunmasında ölkənin tarixi-
mədəni özəllikləri nəzərə alınır, bəzən isə əsas götürülür. Bu səbəbdən bəzən
formaca eyni olan prinsiplərin mahiyyəti bir ölkədən
digərinə dəyişə bilər
48
.
Ancaq
bu
cür
fərqlərin
və
müxtəlif
yanaşmaların
olması
konstitusionalizmin müqayisəli yolla öyrənilməsinin əhəmiyyətini heç də
azaltmır. Əksinə, bu elm məhz bu cür müxtəlifliyin sayəsində daha da
zənginləşir və praktiki məsələlərin həll olunmasında yardımçı vasitə kimi çıxış
edir. "
Comparative Constitutionalism" kitabının müəlliflərinin
49
qeyd etdikləri
45
Helmut Goerlich,
The Role of Constitutional Court in Resolution of Constitutional Disputes – A
Critical Outline Guided By the German Example, J. Indiana Law Inst. Vol. 44, Jan. – March 2002
(Almaniya Federal Konstitusiya Məhkəməsinin fəaliyyətini müzakirə edərkən müəllif qeyd edir
ki, Alman hüquq universitetlərində konstitusiya hüququ
fənni Federal Konstitusiya
Məhkəməsinin qərarlarının təhlili üzərində qurulur.)
46
Azərbaycan Respublikası Konstitusiya Məhkəməsinin Azərbaycan Respublikasının Cinayət
Məcəlləsinin 264-cü maddəsinin Azərbaycan Respublikası Konstitusiyasının 66-cımaddəsinə
uyğunluğunun yoxlanılmasına dair Qərarı, 29 yanvar 2004; ARKM-in Cinayət-Prosessual
Məcəlləsinin 397.1 və 397.2-ci maddələrinin şərh edilməsinə dair Qərarı, 12 may 2009-cu il.
47
Misal üçün baxın: Bruce Ackerman,
The Generation of Betrayal, 65 Fordham L. Rev. 1519 (Müəllif
tarixi proseslərin və hərəkatların ABŞ konstitusiyasının dərk olunmasında aparıcı rol oynadığını
vurğulayır.)
48
Misal üçü baxın: Wiktor Osatyinski,
Paradoxes of Constitutional Borrowing, 1 Int’l J Con Law 244
(2003). Müəllif Şərqi Avropa ölkələrində konstitusiyanın yazılması prosesində bir sıra
prinsiplərin ayrı-ayrı ölkələrdə fərqli başa düşüldüyünü qeyd edir.
49
Baxın: Michel Rosenfeld, Andaras Sajo, Susanne Baer, Norman Dorsen, Comparative
Constitutionalism (2003), səh., 3