Məsihin Qanını qəbul edib için. Ayrılmamaq üçün sizi
birləşdirən şeydən dadın; özünüzü bir heç saymamaq
üçün öz fidyənizin qiymətini için.
Əgər Məsihə itaətdə və sədaqətdə yaşayırsınızsa, sizin
burada yediyiniz və içdiyiniz hər şey sizə çevrildiyi kimi
siz də Məsihin Bədəninə çevrilirsiniz. O Öz əzablarının
ərəfəsində şagirdləri ilə birgə Pasxa keçirərkən çörəyi
götürüb xeyir-dua verərək dedi: Bu Mənim sizin üçün
verilən bədənimdir. Bu cür Kasanı da xeyir-dualayıb
verərək dedi: Bu, Əhdin bağlanması və günahların
bağışlanması üçün Mənim çoxları uğrunda tökülən
qanımdır.
Bu barədə siz artıq İncildən oxuyub eşitmisiniz, amma
bilmirsiniz ki, bu Evxaristiya Oğlun Özüdür; amma indi
saflaşmış ürəklə, ləkələnməmiş vicdanla və təmiz su ilə
yuyulmuş bədənlə Ona yaxınlaşın, nurlanın və üzünüz
heç vaxt xəcalət çəkməyəcək!» (Söhbət 228B).
105
218. Liturgiya nədir?
1066-1070
Liturgiya – Məsih sirrinin, xüsusilə də Onun Pasxa sirrinin
izzətlənməsidir. İsa Məsihin kahin xidməti vasitəsilə
Liturgiyada görünən işarələrlə insanların təqdisi ifadə
edilir və həyata keçirilir, amma Məsihin Mistik Bədəni,
yəni Başı və üzvləri vasitəsilə Allaha layiq olan ictimai
ibadət edilir.
219. Liturgiya Kilsə həyatında hansı yeri tutur?
1071-1075
Liturgiya əsasən bir müqəddəslik hərəkətidir, bir zirvədir
və Kilsənin əməlləri bu zirvəyə tərəf istiqamətləndirilir.
Eyni zamanda Liturgiya mənbədir, Kilsənin bütün həyati
qüvvələri buradan gəlir. Liturgiya vasitəsilə Məsih Öz
Kilsəsində və Kilsəsi vasitəsilə bizim satınalınmamızda
işini davam etdirir.
220. Ayinlərin (Sirrlərin) əsası nədən ibarətdir?
1076
Ayinlərin əsası “Rəbbin gəlişinədək” (1Kor 11:26) Kilsə
ayinləri vasitəsilə, ən ali dərəcədə isə Evxaristiya
vasitəsilə Məsihin satınalmasının səmərələrinin
çatdırılmasından ibarətdir.
Birinci fəsil
KİLSƏDƏ PASXA SİRRİ
Liturgiya Müqəddəs Üçlüyün işidir
221. Ata nə mənada Liturgiyanın mənbəyi və
məqsədidir?
1077-1083
1110
106
Liturgiya zamanı Ata bizi insan olmuş, bizə görə ölmüş və
dirilmiş Öz Oğlunda xeyir-dualarla doldurur və
ürəklərimizə Müqəddəs Ruh verir. Eyni zamanda Kilsə
ibadəti, şükürü, minnətdarlığı ilə Atanı izzətləndirir, Onun
Oğlunun və Müqəddəs Ruhun ənamlarını diləyir.
222. Liturgiyada Məsih nə edir?
1084-1090
Liturgiyada Məsih əsasən Öz Pasxasının Sirrini göstərir və
həyata keçirir. Həvarilərə Müqəddəs Ruhu verəndən
sonra Məsih onlara və onların varislərinə Evxaristiya
qurbanı və ayinlərində xilas işini həyata keçirmək
səlahiyyətini verdi. Evxaristiya qurbanı və ayinləri
vasitəsilə Məsih Özü bütün dünyada və bütün
zamanlarda olan imanlılara lütfünü verir.
223. Müqəddəs Ruh Liturgiya zamanı Kilsədə necə
hərəkət edir?
1091-1109
1112
Liturgiyada Müqəddəs Ruhla Kilsə arasında sıx
əməkdaşlıq baş verir. Müqəddəs Ruh Kilsəni Rəblə
görüşə hazırlaşdırır; Onun toplantısına Məsihi xatırladır
və göstərir; Məsihin sirrini həmişə aktual edir, Kilsəni
Məsihin həyatı və missiyası ilə birləşdirir və ünsiyyət
ənamını onda səmərəli edir.
Kilsə ayinlərində Pasxa sirri
224. Ayinlər (Sirrlər) nələrdir və onların sayı
nədir?
1113-1131
Ayinlər (Sirrlər)– Məsih tərəfindən qoyulmuş və Kilsəyə
etibar edilmiş lütfün görünən və təsirli əlamətləridir,
bunlar vasitəsilə bizə İlahi həyat verilir. Bunların sayı
yeddidir: Vəftiz, Yağla məshetmə (Konfirmasiya),
107
Evxaristiya, Tövbə, xəstələrin Yağla məshedilməsi,
Keşişlik və Nikah.
225. Ayinlər Məsihlə necə əlaqədardır?
1114-1116
Məhz Məsihin həyatının sirləri – əsasdır ki, Məsih indi
ayinlərdə Kilsəsinin xidmətçiləri vasitəsilə onları paylayır.
«Xilaskarımızda görünən şeylər Onun ayinlərinə keçdi»
(müq. Lev Böyük).
226. Ayinlərin Kilsə ilə əlaqəsi nədir?
1117-1119
Məsih ayinləri Öz Kilsəsinə etibar etdi. Onlar ikiqat
mənada «Kilsə ayinləridir»: «onun vasitəsilə» – çünki
Kilsə hərəkətidir və Kilsə özü də Məsihin ayinli
hərəkətidir və «onun üçün» – o mənada ki, onlar Kilsəni
təşviq edirlər.
227. Ayinin möhürü (xarakteri) nədir?
1121
Vəftiz, Yağla məshetmə və Keşişlik ayinləri tərəfindən
verilən ruhani möhür Allahın müdafiəsini vəd edir. Bu
möhürün gücü ilə məsihçi Məsihə bənzər dəyişir,
müxtəlif yollarla Onun kahinliyində iştirak edir və
mövqeyinə, yerinə yetirdiyi funksiyalara uyğun olaraq
Kilsənin bir hissəsi olur, yəni Allaha ibadət və Kilsəyə
xidmət üçün təyin olunur. Möhür (xarakter) pozulmaz
olduğuna görə onu verən ayinləri həyatda yalnız bir dəfə
qəbul etmək olar.
228. Ayinlər imanla necə əlaqədədir?
1122-1126
1133
108
Ayinlər nəinki imanı ehtimal edir, həmçinin onu
möhkəmlədir və sözlərlə, ayin ünsürləri ilə onu ifadə edir.
Ayinləri yerinə yetirərək, Kilsə həvari imanını etiraf edir.
Buradan qədim atalar sözü də yaranır: «Lex orandi, lex
credendi» («Dua qanunu – iman qanunudur»), yəni Kilsə
dua etdiyi kimi iman edir.
229. Nə üçün ayinlər təsirlidir?
1127-1128
1131
Ayinlər təsirlidir, “ex opere operato” («həyata keçirilmə
{müqəddəs əməl} faktına görə»), çünki Məsih Özü
onlarda iştirak edir və onların işarə etdiyi lütfü verir və
bu, din xadiminin şəxsi müqəddəsliyindən asılı deyil.
Lakin ayinlərin səmərəsi onları qəbul edən şəxsin
münasibətindən də asılıdır.
230. Xilas üçün niyə ayinlər zəruridir?
1129
Ayinlər Məsih imanlılarına verilməsə də, onların hər
birinin xilası üçün zəruridir, çünki onlar sirli (müqəddəs)
lütfü, günahların bağışlanmasını, Allahın övladlığı, Rəbb
Məsihə bənzərliyi, Kilsəyə məxsusluğu verir. Müqəddəs
Ruh ayinləri qəbul edən şəxslərə şəfa verir və onları
dəyişdirir.
231. Sirli (müqəddəs) lütf nədir?
1129, 1131
1134, 2003
Sirli (müqəddəs) lütf – Məsihin verdiyi və hər bir ayinə
məxsus olan Müqəddəs Ruhun lütfüdür. Bu lütf imanlını
təqdis yolunda möhkəmləndirir və bununla Kilsəyə
məhəbbət və müqəddəslikdə böyüməkdə kömək edir.
232. Ayinlər əbədi həyatla necə əlaqədədir?
1130
109
Dostları ilə paylaş: |