Öz Gəlini və Mistik Bədəni olan Kilsə vasitəsilə hər zaman
bəşəriyyətə xeyir-dua verir və insanın əsl həqiqət, səadət
və xilas kitabı olan Öz İncili ilə maarifləndirir.
386-cı ilin avqustunda Avqustin bağda gəzərkən onu «Al
və oxu, al və oxu» (Etiraf, 8, 12, 29), deyə çağıran bir səs
eşitdi. Kilsə katexizisinin tədris etdiyi İsa İncilinin sintezi
olan Katolik Kilsəsinin Katexizisinin Kompendiumu
həqiqət kitabını açmağa, oxumağa və hətta Yezekel
peyğəmbər kimi onu «yeməyə» (müqayisə: Yez 3:1-4)
dəvət edir.
8
Giriş
1.
11 oktyabr 1992-ci ildə Papa II İohann Pavel
Katolik Kilsəsinin Katexizisini «imanın canlı mənbələrini
yenidən katexizisləşdirmək üçün nümunəvi mətn»
1
kimi
təqdim edərək onu bütün dünyanın imanlılarına verdi,
bununla da II Vatikan Məclisinin (1962-1965)
başlanmasından otuz il sonra, 1985-ci ildə Yepiskoplar
Sinodunun Fövqəladə Assambleyasında səsləndirilən
iman və əxlaq məsələləri barədə bütün katolik təliminin
Kompendiumunu tərtib etmək xahişi uğurla yerinə
yetirildi.
Beş ildən sonra, 15 avqust 1997-ci ildə Ali Pontifik Katolik
Kilsəsinin tipik nəşrini (editio typica) təqdim edərək bu
işin əsas əhəmiyyətini bu sözlərlə ifadə etdi: «Kilsənin
şəhadət etdiyi, ibadət zamanı icra etdiyi, gündən-günə
onun həyatını və duasını təşkil edən şeyləri hər bir
insanın bilməsi üçün katolik təliminin tam və bütöv
ifadəsini özündə əks etdirmək».
2.
Katexizisin daha da yüksək qiymətləndirilməsi
üçün II İohann Pavel 2002-ci ildə Katexizatorların
Beynəlxalq Konqresində səsləndirilən xahişi nəzərə
alaraq, İman Təlimi Konqreqasiyası prefekti kardinal
Yozef Ratsinger başda olmaqla Xüsusi Komissiyanı çağırdı
və həmin iman həqiqətlərinin daha yığcam ifadəsini
özündə birləşdirən Katolik Kilsəsinin Katexizisinin Qısa
xülasəsini (Kompendium) hazırlamağı həvalə etdi. İki illik
iş ərzində Kompendiumun layihəsi hazırlandı,
məsləhətləşmələr üçün kardinallara və Yepiskop
Konfranslarının sədrlərinə göndərildi. Bütövlükdə layihə
rəy verən şəxslərin əksəriyyətinin rəğbətli qiymətini
qazandı. Buna görə də komissiya həmin layihənin
nəzərdən keçirilməsinə başladı və onun daha da
1
II İohann Pavel. Həv.Konst.Fidei depositum, 12 oktyabr 1992, 1.
9
yaxşılaşdırılması üçün alınan təklifləri nəzərə alaraq son
mətni hazırladı.
3.
Kompendium üç prinsipial xüsusiyyətə malikdir:
Katolik Kilsəsinin Katexizisindən ciddi asılılıq; mətnin sual
və cavablardan təşkil olunması; katexizdə təsvirlərdən
istifadə olunması.
Hər şeydən əvvəl, Kompendium müstəqil deyil və heç bir
ölçüdə Katolik Kilsəsinin Katexizisini əvəz etmir; əksinə,
Kompendium həm Katexizisin paraqraflarının nömrələrini
dəqiq göstərməklə, həm də onun quruluşunu, inkişafını
və məzmununu daim xatırlatmaqla ona istinad edir.
Kompendiumun məqsədi hər cəhətdən müdrikliyinin və
ruhaniliyinin ifadə gücünə görə müasir Kilsə Katexizisinin
bazisi olaraq qalan Katexizisə yenidən maraq və sevgi
oyatmaqdır.
Kompendium da Katexizis kimi Məsih həyatının təməl
qaydalarına uyğun olaraq dörd hissəyə bölünmüşdür.
«İmanın şəhadəti» başlıqlı birinci hissə “lex credendi”nin
vacib sintezini, yəni Katolik Kilsəsinin şəhadət etdiyi
imanı özündə birləşdirir və məsihçi yığıncaqlarında daim
bəyan edilən imanın əsas həqiqətlərini canlı yaddaşlarda
saxlayan Nikeya-Konstantinopol iman rəmzinin əlavə
olunduğu Həvari iman rəmzi ilə bitir.
«Məsihçi ayininin icra edilməsi» başlıqlı ikinci hissə “lex
cebebrandi” ünsürlərindən ibarətdir. Həqiqətən, İncilin
bəyan olunması daha çox öz cavabını gizli və sirli ayin
həyatında tapır. Onda sadiq imanlılar öz
mövcudluqlarının hər anında xilas verən Pasxa sirrinin
təsirini hiss edir və bu barədə şəhadət edirlər: bu sirr
vasitəsilə Məsih bizi satınalma işini icra etdi.
10
«Məsihdə həyat» başlıqlı üçüncü hissə “lex vivendi”ni,
yəni vəftiz olunanların ayinlərdə qeyd olunan şəhadət
etdikləri imana sədaqəti davranışda və əxlaqi
məsələlərdə nümayiş etdirməsi vəzifəsini yada salır. Axı
Məsihə sadiq olanlar özlərini Müqəddəs Ruhun
mərhəmətində Atanın övladı olmaq şərəfinə səsləyən
əməlləri icra etməyə dəvət olunmuşlar.
«Məsihçi duası» başlıqlı dördüncü hissə «lex orandi»nin,
yəni dua həyatının sintezini təklif edir. Dua edən insanın
kamil bir surəti olan İsanın nümunəsinə görə məsihçi
duada Allahla söhbətə dəvət olunmuşdur və İsanın
Özünün bizə öyrətdiyi «Ey göylərdə olan Atamız» duası
bunun ən üstün nümunəsidir.
4.
Kompendiumun ikinci xüsusiyyəti – onun sual və
cavablardan ibarət olan qədim ədəbi janr - katexezanı
davam etdirən dialoq formasında olmasıdır. Burada
söhbət oxucunu dialoqa cəlb edən və iman həqiqətlərinin
hər zaman yeni cəhətlərini açmağa dəvət edən ardıcıl
sual sekvensiyaları vasitəsilə müəllim və şagirdin ideal
dialoqunu canlandırmaqdan gedir. Dialoq forması
həmçinin vacib olanları qeyd etməklə mətni müəyyən
qədər ixtisar etməyə kömək edir və bu da öz növbəsində
məzmunun dərk olunmasına və lazım gəldikdə yadda
saxlanılmasına yardım edir.
5.
Üçüncü xüsusiyyət Kompendiumu tam bir şəkildə
birləşdirən bəzi təsvirlərin mövcudluğu ilə xarakterizə
olunur. Onlar məsihçi ikonoqrafiyasının zəngin irsindən
götürülmüşdür. Əsrlər boyunca davam edən Kilsə
ənənəsindən bilirik ki, surət də həmçinin İncilin vəzi
deməkdir. Bütün dövrlərdə sənətkarlar Məsihə sadiq
olanları heyrətə gətirərək xilas sirrinin əhəmiyyətli
hadisələrini rənglərin möhtəşəmliyində və gözəlliyin
kamil surətində nümayiş etdirməklə seyr üçün təqdim
11
Dostları ilə paylaş: |