26
məqsədini güdmüş imanlı şəxslər olmuşdur. Onların bəziləri
unudulmamış, haqqında maraqlı, düşündürücü, tərbiyəvi
söhbətlər də qalmışdır. Günəşli nəslindən olan Hacı Seydəli
varlı olmuşdur. Yüzə qədər arısı, qoyun sürüsü, əkin sahələri
olmuşdur. Atasının adını qoyduğu oğlu Niftalının Hacı
Seyidəlidən səxavətli, əliaçıq olduğu söylənilr.
Hacı Seyidəli deyirmis; “Yanmaqla, yeməyə heç nə çatmaz,
heç vaxt onlara çox demə “, “ Ac evə qaçar, lüt bayıra “.
Xatırlamalar. Bir gün kəndin ortasında bir neçə nəfər daya
nıb söhbət ölümdən, qalımdan düşəndə peşəsi oğurluq olan
bir nəfər öləndə öz qəbrinin harada və necə olacağını söyləyir.
Bir kənarda əsasına söykənib dayanmış Hacı Seyidəli istehza
ilə gülür və deyir; “ –Sənin heç qəbrin olacaq ki, necəliyini də
biləsən?”
İllər keçir. Həmin adam harada ölür, harada qalır, məlum
olmur. Hacı Seyidəlinin uzaqgörənliklə dediyi sözlər düz çı
xır.
Əliməmmədlilərdən olan Hacı Məlik haqqında danışılır ki,
Məkkə ziyarətindən qayıdanda pulu qurtarır. Onunla bir
vaxtda ziyarətdə olan Hacı Seyidəli Hacı Məlikə pul təklif
edir. Hacı Məlik bir az düşünür və deyir:
– Seyidəli, siz gedin, kənddə deyərsən ki, Məlikin işi oldu,
bir az gecikəcək. Mən qalacağam, işləyib pul əldə edəndən
sonra gələcəyəm. İstəyirəm Həcc xərcim öz zəhmətimlə ol
sun. Sənin verdiyin pul haçansa mənə sərki (baş qaxancı) olar.
Hacı Məlik öz dediyi kimi də edir.
Ağakişililərdən olan Hacı Eynal əvvəlcə aşıq olmuşdur.
Dini təhsil alan və qəlbində Allaha bağlılığı güclü olan Eynal
ətraf kəndlərdə də toy məclisi apararmış. Toy məclislərində
çox vaxt dinlə bağlı şeirlər oxuyarmış. Məclislərin birində bir
cavan ayağa qalxıb deyir:
– Aşıq, biz buraya şənlənməyə gəlmişik, Quran öyrənməyə
gəlməmişik ki?
Aşıq Eynal deyir:
– Mənim aşıqlıq etməyim xalqa Quranı öyrətmək üçündür.
Bunu etməyəcəyəmsə, heç aşıqlıq da etməyəcəyəm.
27
Deyilənlərə görə, Aşıq Eynal sözünü deyib sazını vurub
sındırır, məclisi tərk edir. Həmin vaxtda Həccə getməyə ha
zırlıq gedirmiş. Eynal da tədarükünü görür və ziyarətə gedir.
Həcc ziyarətindən sonra Hacı Eynal adlandırılmış, kəndin sa
yılan, hörmətli şəxslərindən biri olmuşdur.
Cinitlilərdən Hacı Məhəmməd və Hacı Hacəli qardaş ol
muşlar. Hər ikisi İstanbulda İlahiyyat universitetində ali təhsil
almışlar. 1843-cü ildə Azərbaycanın müxtəlif yerlərindən
həmin universitetdə onlarla birgə daha 10 nəfər vardı.
Tələbələrdən biri – Ağsunun Qaraqoyunlu kəndindən olan –
bu qardaşlarla dostlaşıb, sonralar Həcc səfərinə də birgə
gediblər. Hacı Məhəmməd hərdən bir Ağsuya, dostunun ya
nına gedib-gələrmiş. 1892-ci ildə (hicri 1310) dostunun yanın
da olarkən xəstələnir və vəfat edir. Dostu onu oradaca dəfn
edir, möhtəşəm baş daşı qoydurur. Baş daşının üstündə ərəb
əlifbası ilə yazılmışdır: “Hacı Məhəmməd Əfəndi”. Hacı
Məhəmməd vergili insan, övliya olmuşdur, onun haqqında
sonrakı hissələrdə danışacağıq. Hacı Hacəli haqqında söz
düşəndə belə deyirlər ki, yayı quraq keçib məhsulu az olan bir
il imiş. Hacı Hacəli də öz zəmisinin məhsulunu yığıb evindəki
buğda anbarına tökübmüş. Yazağzı kənd camaatının bir çoxu
qıtlıq çəkməyə başlayır.
Bir gün Hacı Hacəli məsciddən günorta namazından evə
gəlirmiş. Küçədə Rəcəb kişi ilə qarşılaşır (Rəcəb Əlixanlı Qey
bullanın babasıdır). Hacı soruşur:
– Ay Rəcəb, necəsən?
– Maşallah, yemişəm, lap yaxşı.
– Evdə taxılın necə, varmı?
– Şükür Allaha, bir qara dağarın yarısından varımdır.
– Bəs elə bununla deyirsən yaxşıyam?
Rəcəb əl ağacını yerə atıb küçənin ortasındaca uzanır.
– Fatihə, Rəcəb öldü, dağar da qaldı.
Hacı bu səhnəyə məəttəl qalır, heç nə demədən evinə gedir.
Amma Rəcəblə olan söhbəti unuda bilmir. Xeyli düşünür:
“Rəcəbin heç nəyi yoxdur, Allaha şükürlüdür, hələ sabahı
üçün də Allahın kərəminə sığınır. Mən isə Hacı ola-ola anbar
Ağsu rayonunun Qaraqoyunlu kəndində Hacı Məhəmmədin qəbri.
29
dakı buğdama ümid olub, öz varıma sığınıb Allahın şükür və
kəramətindən uzaq düşmüşəm.
Gecəni narahat yatan Hacı səhər bir neçə adam çağırtdırıb
imkansız adamların siyahısını tutdurur. Özü də bir pay ol
maqla anbarındakı taxılı paylatdırır. Bu olmuş əhvalatda istər
Rəcəbin, istərsə də Hacı Hacəlinin hərəkətlərindən bu gün
çoxları ibrət ala bilər.
Yerfi kənd ərazisində övliyalar və pirlər
Kələva baba. Bu övliyanın məkanı kəndin arxasındakı qa
yanın ən uca zirvəsidir. Zirvədən aşağıda, cənubda və şimal
da, yəni dağın hər iki tərəfində bulaq var. Ziyarətə gələnlər
hər iki səmtdə bulağın üstündə qurban kəsə bilər.
Kələva baba ağır övliyadır. Ondan tutiya adı ilə heç nə
götürmək olmaz. Götürən ziyan tapar. Odur ki, qorxudan heç
kəs övliya ərazisindən bir çöp də götürmür. Natəmizliyi də
bağışlamır.
Sovet hakimiyyətinin 30-cu illərində allahsızlıq təbliğatı
aparılanda Qayadalı kənd məktəbinin müəllimi məktəbin
xidmətçisini göndərir ki, get Kələva babanın ağaclarından
yandırmaq üçün gətir. Çox çəkmir, müəllimin 16-17 yaşlı oğlu
tut ağacından yıxılıb ölür.
Başqa bir yerfili Kələva baba ərazisindəki otlağa od vur
muşdu. Alov Kələva babanı bürüyəndə hamı dəhşət içərisində
baxırdı. Bir qədər keçdi, həmin kişinin oğlu qəza nəticəsində
öldü. Çoxları bu faciəni atanın əməli ilə əlaqələndirirdi.
Kələva babaya dilək edib, diləyi hasil olduğu üçün hər il
qurban kəsənlər çox olur.
Baba Şəhməd baba. Bu kəramət sahibi, deyilənlərə görə,
XIX əsrin ikinci yarısından Yerfidə yaşamışdır. Şam şəhərindən
gəldiyi söylənilir. Yerfi kəndində Şıxbabalılardan olan
Məhəm məd kişiyə qonaq olmuş, ömrünün sonuna qədər tək,
yəni ailəsiz yaşamışdır. Sovet hakimiyyətinin ilk illərində tor
paq kəndliyə paylandıqda Yerfidən Nohurdüzünə köçənlər
arasında Şıxbabalılardan da olmuşdur.
Dostları ilə paylaş: |