Həmidli Aqşin Ceyhun oğlu
Yüklə 0,7 Mb. Pdf görüntüsü
|
78
dərinlikdə qazma, 4800 m dərinlikdə təmir işləri apara bilən qurğunun istehsalının mənimsənilməsinə başlamışdır. Hazırda Azərbaycan neft maşınqayıranlarının qarşısında duran ən mühüm vəzifələrdən biri buraxılan məhsulların beynəlxalq standartlara uyğunlaşdırılması və bunun nəticəsində məhsullarımızın dünya bazarına çıxarılması, respublikamızda neft-qaz istehsalı sferasında çalışan xarici şirkətlərin neft-qaz mədən avadanlıq- larına olan tələbatının müəyyən hissəsinin ödənilməsidir. Bu istiqamətdə Yaponiya hökumətinin köməkliyi ilə «Azneftkimyamaş» ASC-də xüsusi «model layihəsi» həyata keçirilmişdir. Həmin layihəyə əsasən «Azneftkimyamaş» ASC-nin müəssisələrinə məhsulların sertifikatlaşdırmasının «QOST»
standartları sistemindən «APİ» və «İSO» standartlarına keçirilməsi üçün lazım olan nou-hau, texnologiya, avadanlıq və proqram təminatının tətbiqi artıq başa çatdırmışdır. Bu layihə ilə SC-nin müəssisələrinə 45 ədədi texnoloji avadanlıq olmaqla 365 ədəd müxtəlif avadanlıq, tərtibat, alət və ölçü cihazları verilmişdir. “Azneftkimyamaş”a daxil olan 5 müəssisədə - «Səttarxan adına maşınqayırma zavodu», «Suraxanı maşınqayırma zavodu», «Bakı maşınqayırma zavodu», «Bakı neft-mədən maşınqayırma zavodu», «Zabrat maşınqayırma zavodu» TASC-lərində 7 adda 13 tip ölçüdə neft avadanlıqları «APİ» standartı üzrə istehsal edilir. Eyni zamanda adı çəkilən beş müəssisə ilə bərabər, əlavə 8 müəssisə, ümumilikdə 13 müəssisə «İSO» standartları üzrə sertifikatlaşdırılmışdır. Proqram çərçivəsində layihə üzrə “Sabunçu EİB”, “Bakı fəhləsi maşınqayırma zavodu” və “Balaxanı adına maşınqayırma zavodu" TASC-lərin istehsal etdikləri məhsulların API monoqramlarının alınması üçün sertifikatlaşdırma işləri həyata keçirilmişdir. Bununla da 8 müəssisədə məhsullar API standartları üzrə istehsal ediləcəkdir.
79
1.Uğurlu strateji idarəetmə müəssisəni gələcəyə istiqamətləndirir, uzunmüddətli inkişaf istiqamətlərini və biznesdə öz mövqeyini müəyyən eməyə imkan verir. Strateji idarəetmənin nəticələri müəssisənin bazarda qazandığı mövqeyində və iqtisadi-maliyyə göstəricilərinin uzunmüddətli meyllərində təzahür olunur. Biznesin strateji idarəedilməsi onun uzun müddətli inkişafının təımin edilməsinin əsasıdır. Strateji idarəetmə təşkilatın vəzifəsi, onun plan və proqnozlarının, məqsədlərinin, strategiyalarının təsərrüfatçılıq metodlarının və funksiyalarının yerinə yetirilməsi ilə bağlıdır. 2. Müasir şəraitdə biznes strategiyasının hazırlanmasına münasibət dəyişilmişdir. Əgər əvvəllər strategiyaya rəqabət mübarizəsində təşkilata üstünlük verən vasitə kimi baxılırdısa və o təşkilatın məhdud rəhbərlər dairəsinə məlum idisə,indi açıq ifadə olunmuş strategiyaya üstünlük verilir.Strategiya təkcə idarəedicilərin işi deyil,elmi-tətqiqat və layihə-konstruktor işlərində,istehsal və satış sahəsində çalışanların da işidir.Deməli icraçılar həm strategiyanın hazırlanmasında,həm də həyata keçirilməsində iştirak edirlər. 3. Müəssisənin maliyyələşdirilməsinin səhmdar kapital vasitəsilə təminatı daha real sayılır. Müəssisə rəhbərliyi tərəfindən səhmlərin buraxılışı və yerləşdirilməsi haqqında qərar qəbul olunmasına mane olan bir neçə problem mövcuddur. Birincisi, müəssisə rəhbərləri, bir qayda olaraq, faktiki olaraq müəssisədə səhm mülkiyyətindən ayrılmaz surətdə istifadə etməkdə qeyri-məhdud hakimiyyətə malikdirlər. İkincisi, bu maliyyələşmə üsulundan imtinanın səbəbi müəssisə menecmenti tərəfindən öz funksiyalarını lazımsız yerinə yetirdiyi halda idarəedənin təhdidi ola bilər ki, bunun da nəticəsində yeni səhmdar idarəedəni öz tutduğu vəzifəsindən yerini dəyişməyi tələb edir. Üçüncüsü, səhmlərin yerləşdirilməsi haqqında qərarın qəbul edilməsi yolunda aradan qaldırıla bilməyən maneə maliyyə hesabatının tam şəffaflığını təmin etmək barədə investorun tələbidir. 80
4. Bizneslər portfelinin təhlili strateji idarəetmənin ən vacib alətlərindən birini özündə birləşdirir. O, aydın təsəvvür yaradır ki, biznesin ayrı-ayrı hissələri bir- birilə qarşılıqlı əlaqədardır və portfel vahid tam kimi onun hissələrinin sadə cəmindən kəskin surətdə fərqlənir və onun ayrı-ayrı hissələrinin vəziyyətinə nisbətən firma üçün daha vacibdir. Bizneslər portfelinin təhlilinin köməyilə risk, pulun daxil olması, təzələnmə və sıradan çıxma kimi çox mühüm amillər balanslaşdırıla bilər. 5.
Texnologiyanın təşkilati struktura təsiri özünü aşağıdakı kimi göstərir. Birincisi, təşkilati struktur təşkilatda istifadə olunan texnologiyaya bağlıdır. Struktur vahidlərin sayı və onların qarşılıqlı yerləşməsi təşkilatda hansı texnologiyanın istifadə olunmasından asılıdır. İkincisi, təşkilati struktur elə qurulmalıdır ki, o, texnologiyanın tənzimlənməsini aparmağa imkan versin. Xüsusilə də, təşkilati struktur texnoloji inkişaf ideyalarının əmələ gəlməsinə və yayılmasına, texnoloji təzələnmə proseslərinin aparılmasına kömək etməlidir.
Yüklə 0,7 Mb. Dostları ilə paylaş:
|