113
“Stolun yuxarı başında parlaq epoletli və sinəsini ordenlər
bəzəyən polkovnik Novruzov
əyləşmişdi. Yüksək əhval-ruhiyyəli polk komandirinin yanında iki qadın var idi. Biri onun həyat
yoldaşı, digəri isə böyük qızı idi.
... Polkovnik Novruzov əlini qaldırdı, böyük yumruğu içərisində üzəri gümüşlə işlənmiş
Qafqaz buynuzu demək olar ki, görünməz oldu. Məclisi sükut bürüdü. Novruzovun da əksər
hərbçilər kimi gur səsi olsa da çox danışmağı sevməzdi. Elə bu gur səslə də o,
Vətən və əlahəzrət
imperator haqqında bir neçə dəyərli söz deyəndən sonra sanki çiynindən ağır yük götürülmüş
kimi “ura” qışqırdı. Zabitlər hamılıqla onun səsinə səs verdilər. Sonra isə komandirin, komandir
xanımının və qızının sağlığına badə qaldırıldı.
Başqa bir səhifədə isə S.Semanov yazır: “Polkovnik Novruzovun döyüş vaxtı əsəbləri
gərildi. O, elə qızardı ki, üzünün rəngi yaxasındakı müqəddəs Anna ordeninin parıltısı ilə
həmahəng oldu. Dərhal onun gur səsi eşidildi. O, komanda verdi:
- Şeypurçular irəli çıxsınlar, siqnal versinlər!”
Rus-türk müharibəsi başlananda polkovnik Kərimbəy Novruzov ikinci Nijeqorod süvari
divizionunun komandiri olmuşdur. 1877-ci il mayın on səkkizində Bəyliəhməd kəndi
yaxınlığında gedən odlu döyüşlərdə Kərimbəyin divizionu düşmənin
beş minlik qoşununu pərən-
pərən salmış, onların iki topunu ələ keçirmişdir. Sağ cinahdan gələn əlavə qüvvə isə qəfil zərbə
endirərək Kərimbəyin divizionunu mühasirədə məhv etmək istəmişdir. Lakin qorxmaz komandir
özünü itirməmiş, güclü qüvvə ilə irəliləyən düşməni süngü döyüşü ilə geri oturtmuşdur.
Polkovnik Novruzovun divizionu səhərə yaxın təqib etdiyi düşməndən çoxlu qənimət və dörd
top ələ keçirmişdir. Bu döyüşdə göstərdiyi qeyri-adi qəhrəmanlığa görə polkovnik Kərimbəy
Novruzov “Müqəddəs Georgi ordeni” ilə təltif olunmuşdur. Komandan general-leytenant
Kondukov isə Kərimbəyi bu rəşadətinə görə brilyantla bəzədilmiş qılıncla mükafatlandırmışdır.
1913-cü ildə Tiflisdə ali zabitlər üçün buraxılmış “Sorğu kitabçası”nın yüz altmış
dördüncü səhifəsində igid həmyerlimiz haqqında belə bir qısa qeydə rast gəldik. “Qvardiya
polkovniki Kərimbəy Novruzov bir müddət Yelizavetpol quberniyasında
məhkəmə rəisi
vəzifəsində işləmişdir. Hazırda istefada olan polkovnikdir”.
Süvari generalı A.Brusilovun 1923-ci ildə qələmə aldığı “Mənim xatirələrim” kitabında
bir general həmyerlimiz haqqında da məlumat var. Maraqlıdır ki, indiyədək Azərbaycan hərb
tarixində general-mayor Ağasıbəy Avşarovun adına heç yerdə rast gəlməmişik. Nə tarixi, nə də
bədii əsərlərdə general Avşarovun adı belə çəkilmir.
1897-ci ildə general-mayor Ağasıbəy Avşarov Peterburq Süvari Məktəbinin rəisi
vəzifəsinə təyin olunur. Həmin ildən də polkovnik A.Brusilov həmyerlimizin müavini işləmişdir.
A.Brusilov xatirələrində, S.Semanov isə general Brusilov haqqında yazdığı kitabında
həmyerlimizin hərbi fəaliyyəti barədə bəzi tənqidi fikirlər söyləsələr də, onun ordudakı
xidmətlərini dana bilməmişlər. S.Semanov “Brusilov” kitabının altmış səkkizinci
səhifəsində
yazır:
“1897-ci ildə general-mayor Ağasıbəy Avşarov Peterburq suvari məktəbinin rəisi təyin
olundu. O, Azərbaycanın kübar nəslinin nümayəndəsi idi. Azərbaycan Rusiya tərkibinə daxil
olduqdan sonra onun ulu babaları bütün yerli nəcabətli kübar ailələri kimi - islam dinini
saxlamaq şərtilə rus dvoryanları ilə eyni hüquqa malik idilər. Azərbaycanlıların əksəriyyəti
orduda, xüsusilə də suvari alaylarında şərəflə qulluq edirdiləp General Avşarov geniş ürəyə
malik, hərbi işi yaxşı bilən bir sərkərdə idi. Amma onda asiyalılara məxsus hiyləgərlik və bir az
da tənbəllik vardı.
1902-ci il fevralın 3-də general-mayor Ağasıbəy Avşarovu
Peterburq Süvari Məktəbinin
rəisi vəzifəsindən azad edib qərargahda süvari ordunun baş müfəttişi təyin etdilər”.
Təəssüf ki, adı çəkilən müəlliflərin heç biri nə general-mayor Ağasıbəy Avşarovun, nə də
qvardiya polkovniki Kərimbəy Novruzovun sonrakı taleyindən məlumat verirlər. Şübhəsiz ki,
respublikamızda iki şöhrətli sərkərdənin nəvə-nəticələri yaşayır. Və əgər yaşayanlar varsa, hərb
tariximizin səhifələrini zənginləşdirmək xatirinə bizə yazmağı unutmasınlar.
114
PORT-ARTUR QƏHRƏMANLARI
Gecə keçirdi, istirahət etməyə hazırlaşırdım. Birdən telefon zəng çaldı. “Belə bivaxt,
kimdi görəsən?” - deyə fikirləşib dəstəyi qaldırdım. Zərif səsli bir qadın üzrxahlıq edib:
- Mənə filankəs lazımdır, - dedi.
- Mənəm, eşidirəm sizi...
- Geç olduğu uçün bağışlayın, sizi narahat edən Qalina Semyonovna Səfərovadır.
Telefonunuzun nömrəsini indicə çətinliklə öyrənə bildim. Tərtib etdiyiniz general-leytenant
Əliağa Şıxlinskinin “Xatirələrim” kitabını mən də maraqla oxudum, Bilirsiniz,
sizi niyə narahat
elədim? Bizdə 1905-ci ildə nəşr olunmuş “Niva” jurnalı saxlanılır. Orda Əliağa Şıxlinski və
Səmədbəy Mehmandarov haqqında yazılar var, şəkilləri də dərc olunub. Amma nədənsə
Şıxlinskinin kitabına yazdığınız “İzahlar və qeydlər” bölməsində bu barədə oxuculara heç
bir məlumat verməmisiniz.
Qalina Semyonovna, - dedim, - mənim o mənbədən xəbərim yoxdur. Çox sağ olun
ki, bu barədə məlumat verdiniz. Günü sabah kitabxanaya gedib...
- Kitabxanaya niyə, - deyə Qalina
Semyonovna etiraz etdi, - məmnuniyyətlə jurnalı
müvəqqəti istifadə üçün sizə verə bilərəm.
Ertəsi gün Q.Səfərovanın Şors küçəsindəki mənzilində görüşüb jurnalı birgə vərəqlədik.
“Niva” jurnalı 1905-ci il dördüncü nömrəsinin yetmişinci səhifəsində Əliağa Şıxlinskinin
altı nəfər döyüşçü zabit və iki qadınla birgə çəkilmiş şəklini dərc edib. Şəkilaltı yazıda oxuyuruq:
“Port-Artur müdafiəsinin igid artilleriya komandiri Əliağa Şıxlinski Suişin kəndi
yaxınlığındakı Drakonovıy Xrebet dağına atəş açaraq yaponların hücumunu dəf etmişdir.
Podpolkovnik Şıxlinski göstərdiyi rəşadətə görə “Müqəddəs Georgi” ordeninə təqdim edilmişdir.
Üçüncü istehkamda olan bu hadisəni neçə illər keçəndən sonra Əliağa Şıxlinski belə
xatırlamışdır:
“Tamamilə açıqda duran toplarımın atəşi, hücum edən yapon piyada qoşununu geriyə
oturtdu. Atışma səsini eşidən polkovnik Mehmandarov general Nadeinin yeraltı qazmasından
çıxaraq yanıma gəldi. Fikirləşdim ki, ehtiyatsızlığıma görə hirslənəcəkdir. Vəziyyətlə tanış
olduqdan sonra dedi:
- Yaxşı eləmisiniz. Birinci batareyanın bir vzvodunu da sizə köməyə göndərərəm.
Mehmandarov tədbir və sərəncamlarımı bəyəndiyini söyləyib, öz məntəqəsinə qayıtdı. Bu
əməliyyata görə mən, köhnə orduda qəhrəmanlıq ordeni olan
Georgi Pobedonessov ordeninə
təqdim edildim”.
Jurnalın həmin səhifəsində həmyerlimiz Səməd bəy Mehmandarovun da şəkli verilib.
Haqqında isə belə bir məlumat yazılıb:
“Yeddinci Şərqi Sibir artilleriya briqadasının general-mayoru Səməd bəy Sadıq bəy oğlu
Mehmandarov Port-Artur müdafiəsindəki qəhrəmanlığına görə dörduncü dərəcəli “Müqəddəs
Georgi” ordeni ilə təltif olunub”.
Onu da xatırladaq ki, Port-Arturda Ə.Şıxlinski və S.Mehmandarovdan başqa da yapon
samuraylarına qarşı döyüşən həmyerlilərimiz olmuşdur. General-mayor Mirkazımbəy
Talışxanov, Hüseynxan Naxçıvanski, İbrahimağa Usubov, Firidunbəy Vəzirov, qvardiya
polkovniki Kərimbəy Novruzov,
polkovnik Həsənbəy Yadigarov, Səmədbəy Qasımlı, poruçik
Ağababa Sadıqov və hələ adını bilmədiyimiz onlarca başqaları.
Dövrdən, quruluşdan asılı olmayaraq oğullar həmişə Vətənin əsgəridirlər. Vətən nə vaxt
təhlükə qarşısında olsa, igidlər bir səslə silaha sarılmağa hazırdırlar. İyirminci əsr tarixə
“nəfəsindən” barıt püskürəndə igidlərimiz də ayağa qalxıb Vətənin müdafiəsinə gediblər.
Ötən əsrin ortalarında Qarabağ igidlərinin, Şirvan alayının, Kəngərli döyüşçülərinin,
Qazax süvari dəstələrinin yadellilərə qarşı qeyri-adi qəhrəmanlıqlarının şahidi olan xalqımızın
böyuk oğlu M.F.Axundov fəxrlə deyirdi: “doğmamış Qafqazda analar qorxaq”.
Hələ bir az da əvvəl (1828-ci ildə) məşhur rus tarixçisi Platon Zubov “Gürcüstan və
Qafqaz haqqında altı məktub” əsərində yazırdı: