27
Heydər baba, oldun millət atası
Vətənin çox ağır gün-saatında,
Yarandı Vətəni bölmək xətası.
Tanrım pay göndərdi Heydər adında,
Heydər baba, oldun millət atası.
Tökülən qanları dayandıraraq,
Yatmış vicdanları oyandıraraq,
Dar gündə xalqına hayan duraraq,
Heydər baba, oldun millət atası.
Ölkəmiz əbədi müstəqil deyə,
Üç rəngli bayrağı ucaltdın göyə,
Durdun xalqa yiyə, xalq sənə yiyə,
Heydər baba, oldun millət atası.
Zəkanla susdurdun ölüm silahın,
Qoydun təməlini parlaq sabahın,
Hifz etdi qəsdlərdən səni Allahın,
Heydər baba, oldun millət atası.
Məşələ döndərdin od nəfəsini,
Dünyaya çatdırdın xalqın səsini,
Dincliyə çağırıb Yer kürəsini,
Heydər baba, oldun millət atası.
Keçmişi, bu günü, sabahı gördün,
Ömrünü Vətənə, xalqına verdin,
Köçdün, ürəyində Qarabağ dərdin,
Heydər baba, oldun millət atası.
28
Vətəni bilərək könlünün quşu,
Döndərdin bahara tufanlı qışı,
Şərəflə yaşadın hər ötən yaşı,
Heydər baba, oldun millət atası.
Qorxmadan çapdın qeyrət atını,
Şəhidtək qeyb etdin öz həyatını,
Tarixə döndərib ölməz adını,
Heydər baba, oldun millət atası.
İdrakın yol açdı Bakı-Ceyhana,
Tanıtdın Vətəni, xalqı cahana,
Ömrünü pay verib Azərbaycana,
Heydər baba, oldun millət atası.
Vətəni tutaraq canından baha,
İlhamla yol açdın nurlu sabaha,
Ruhunla qovuşdun haqqa, Allaha,
Heydər baba, oldun millət atası.
Oqtay Zəngilanlı
Həmçinin məktəbli oxucularımız arasında kitabxanada ulu
öndərdən bəhs edən rəsm müsabiqələri də təşkil etmək olar.
Müsabiqə zamanı şəkilərin hazırlanması üçün uşaqlara iki həftə
vaxt verilir. Bu vaxt ərzində oxucular ulu öndər Heydər
Əliyevdən bəhs edən kitablarla, qəzetlərlə, jurnallarla tanış
olurlar. Bu müddət ərzində kitabxanaçılar uşaqlara yaxından
kömək edirlər. Ən gözəl məna kəsb edən rəsm işləri
mükafatlandırılır.
Həmçinin
rəsm
müsabiqələri
üçün
məktəblərarası yarışmalar da təşkil etmək olar. Rəsm
müsabiqələri ilə yanaşı başqa müsabiqələrin də təşkili
mümkündür. Məsələn, uşaqların ifasında Heydər Əliyevdən
bəhs edən mahnılar məktəbli oxucular tərəfindən ifa olunur. Bu
vaxt münsiflər heyəti yaradılır. Münsiflər heyəti kitabxana
29
rəhbərindən,
teatrımızın
görkəmli
nümayəndələrindən,
bəstəkarlardan təşkil edilə bilər.
Bu gün Azərbaycanın üçrəngli bayrağı BMT-də, Avropa
Şurasında, başqa mötəbər beynəlxalq təşkilatlarda vüqarla
dalğalanır. Danılmaz bir həqiqətdir ki, Heydər Əliyevin həyat
prinsipi həmişə ədalət, sülh, əmin-amanlıq və xalqın rifahı,
dövlətin qüdrətinin və təhlükəsizliyinin möhkəmləndirilməsi
olmuşdur. Heydər Əliyev ötən əsrin görkəmli siyasətçisi və
dövlət xadimi kimi bütün dünyada tanınmış və artıq öz
sağlığında tarixə düşmüş böyük şəxsiyyətdir. Azərbaycan tarixi
inkişafının son illərində yaşadığı hadisələr, Heydər Əliyev
varlığının, onun zəkasının, nüfuzunun və dərin təcrübəsinin
dövrümüz üçün nə qədər əhəmiyyətli olduğunu əyani şəkildə
göstərmişdir. Dahi şəxsiyyətin bu müdrik xüsusiyyətlərini
oxuculara tanıtdırmaq məqsədilə ümummilli lider Heydər
Əliyevdən bəhs edən ədəbiyyatların icmalını keçirmək, bu tarixi
şəxsiyyətin yaradıcılığından bəhs edən diskussiyalar da təşkil
etmək olar. İcmal və diskussiyaların məktəblərdə yuxarı sinif
şagirdləri arasında keçirilməsi məsləhətdir. Diskussiyalar
keçirilərkən, Heydər Əliyev haqqında yazılmış şeirlərdən,
poemalardan, pyeslərdən söhbət açılır və bu haqda oxucuların
fikirləri öyrənilir.
Heydər Əliyev və uşaqlar
Kitabxanada Ulu öndər Heydər Əliyevin yubileyi ilə
əlaqədar kitabxanaçı oxucularla “Heydər Əliyev və uşaqlar”
başlığı altında söhbət keçirə bilər. Bunun üçün bu mövzuda
sərgi təşkil edilir, slayd hazırlanır. Sonra isə kitabxanaçı bu
mövzuda maraqlı faktlarla uşaqları tanış edir.
Kitabxanaçı: Dövlətimiz, uşaqların şən, qayğısız böyüməsi
üçün həmişə müxtəlif tədbirlər həyata keçirir. Ulu öndərimiz
Heydər Əliyev uşaqları çox sevirdi. Onların sağlam, xoşbəxt
böyüməsi, düzgün tərbiyə olunması naminə əvəzsiz xidmətlər
göstərmişdir. Kinolentlərin yaddaşında yaşayan bəzi məqamlara
30
diqqət yetirəndə şahidi olursan ki, unudulmaz rəhbər Heydər
Əliyev uşaqların əhatəsində necə şən və bəxtəvər görünürdü.
Ulu öndərin uşaqlarla səmimi ünsiyyəti, onlara diqqət və
qayğı göstərməsi bu gün hər kəs üçün bir örnəkdir. Ümummilli
liderimiz həmişə bir məsələyə xüsusi diqqət verirdi ki, istedadlı
uşaqların peşə seçimi düzgün istiqamətlənsin. Onlar
Azərbaycanın gələcəyi üçün əsl vətəndaş, ləyaqətli övladlar
kimi yetişərək vətənə xidmət etsinlər, onun şöhrətini dünyaya
yaysınlar. Ulu öndər Heydər Əliyevin sərəncamı əsasında
1996-cı ildə yaradılmış "Qızıl kitab"a onlarla istedadlı uşağın
adı düşmüşdür. İndi həmin gənclər Azərbaycan mədəniyyətinin
müxtəlif sahələrində öz uğurlu addımlarını atmaqdadırlar. Ölkə
başçısı cənab İlham Əliyev də bu estafeti uğurla davam etdirərək
uşaqlara qayğı və diqqət yetirir. Möhtərəm Prezidentin 17 aprel
2006-cı ildə "Xüsusi istedada malik olan uşaqların (gənclərin)
yaradıcılıq potensialının inkişafı üzrə Dövlət Proqramı (2006-
2010-cu illər)"nı təsdiq etməsi bu qayğı və diqqətin bariz
nümunəsidir. Bu proqramın uğurla həyata keçməsində bir sıra
nazirliklərin üzərinə mühüm vəzifələr qoyulmuşdur.
Azərbaycan
Respublikasının Birinci vitse-prezidenti
Mehriban xanım Əliyevanın da uşaqlara göstərdiyi məhəbbət
hamıya bəllidir. Ölkəmizin birinci xanımının təşəbbüsü ilə
respublikamızın ucqar güşələrində yeni məktəb binaları tikilmiş,
uşaq evləri xüsusi qayğı ilə əhatə olunmuşdur. İstedadlı
uşaqların iştirakı ilə müxtəlif müsabiqələr, festivallar həyata
keçirilməkdədir. Bu gün Azərbaycanda dünyaya gələn hər bir
körpənin qayğısını yalnız valideynlər deyil, həm də dövlətimiz
çəkir. Məqsəd birdir: gələcəyimiz olan körpələr şən və firavan
böyüsünlər, düzgün tərbiyə olunsunlar. Buna nail olmaq üçün
yeni yaradılmış Ailə, Qadın və Uşaq Problemləri üzrə Dövlət
Komitəsinin də üzərinə bir sıra vəzifələr düşür.
Viktor Hüqonun təbirincə desək, "dünyada ən böyük himn körpə
qığıltısıdır". Ürəkdən arzu edirik ki, dünyamız bu qığıltıdan
əskik olmasın.
Dostları ilə paylaş: |