Əşir Bəşiroğlu
102
H.Z.Tağıyevin fəaliyyətində geniş yerlərdən birini torpaq sahələri ilə
əməliyyatlar, ev, mülk və digər əmlakın alınması tuturdu. Yuxarıda Tağıyevin 26 min
desyatinlin “Yevlax mülkü”nü alması qeyd olunmuşdur. 1900-cü ildə Mir Əhməd
xan Talışxanovun mülkünü –bütün kəndləri, Ərkivan prıstavlığındakı torpaqları və
Lənkəran şəhərindəki evi ilə birlikdə Tağıyevə girov qoydu. Sonradan bu mülkün
sahiblik hüququnu ələ keçirən Tağıyev, onun idarəsini vəkili Hacı Hüseyn Tağıyevə
tapşırdı.
H.Z.Tağıyevin başlıca fəaliyyət sahəsi, sənaye müəssisələri tikmək üçün torpaq
sahələri almaqdan ibarət idi. H.Z.Tağıyev Bakıda ən iri ev sahiblərindən biri idi.
Lakin tam məlumatlar olmadığından ona məxsus olan evlərin dəqiq sayını
müəyyənləşdirmək mümkün deyildir.
XX yüzilliyin əvvələrində Rusiyanın bir çox şəhərlərində H.Z.Tağıyevin ticarət
firmasının nümayəndəlikləri açılmışdır. Moskvada onun dördmərtəbəli ayrıca evi,
İranda karvansarası var idi. Bakıda qızğın ticarət mərkəzlərindən biri Tağıyevin
Passajı idi.
BAKI TĠCARƏT BANKI
Bu dövrədək Bakıda yaranmış kredit müəssisələri şəbəkəsinə 1904-1913-cü
illərdə “H.Z.Tağıyev” bankir kontoru da əlavə olundu. Onun özü isə dövlət bankının
uçot komitəsinin üzvü seçilmişdir. Bəzi digər Azərbaycan kapitalistləri kimi,
H.Z.Tağıyev də iri Rusiya banklarının himayə etdiyi arzuolunmaz müştərilərindən
birinə çevrilmişdir. Təkcə dövlət bankındakı veksellərin uçotuna görə 1907-ci ildə
Tağıyevə 300 min manat kredit verilmişdir. Dövlət bankının Bakı şöbəsi
H.Z.Tağıyevə verilmiş kredit barədə bildirirdi ki, “müştəriyə məxsus əmlakın dəyəri
ilə müqayisədə açılmış kreditlər olduqca az hesab edilməlidir”. Bu o demək idi ki,
Tağıyevə daha böyük kredit vermək olardı, çünki Bankın hesablanmalarına görə, bu
zaman Hacının varidatı 16 milyon manat məbləğində qiymətləndirilmişdi.
XIX yüzilliyin 90-cı illərindən ticarət və sənayenin çoşğun inkişağı ilə səhmdar
kommersiya bankları sayca artdı və fəaliyyət forması dəyişdi. Özünün “H.Z.Tağıyev”
adlı xüsusi bankir kontoru əsasında Bakıda tacir bankının açılması sənaye
Hamının Sevimlisi
103
müəssisələrini daha geniş miqyasda və bilavasitə müliyyələşdirilməsi, ilk növbədə
Azərbaycan sahibkarlarına hər cür kömək göstərilməsi sahəsində Tağıyevin
planlarının həyata keçirilməsi idi. Lakin bu planı ancaq birinci dünya müharibəsi
ərəfəsində real surətdə həyata keçirmək mümkün oldu. Bakı tacir bankının
nizamnaməsi 1913-cü ildə təsdiq edildi. Nizamnaməyə grə 20 səhm 1 həlledici səs,
50 səhm 2, 80 səhm 3, 120 səhm 4 həlledici səsə malik olmaq hüququ verirdi. Az
səhm sahiblərinin də mənafeyi nəzərə alınmışdı. Məsələn, 20-dən az səhmə malik
olan səhmdar 1 və daha çox səs hüququ almaq üçün ümumi ehtibarnamə üzrə öz
səhmlərini birləşdirə bilərdilər.
1914-cü il aprelin 12-də Bakı tacir bankı səhmdarlarının birinci ümumi
yığıncağı olmuş, burada bankın aprelin 15-də işə başlaması qərara alınmışdır.
Səhmdarların ilk ümumi qığıncağı H.Z.Tağıyevin Qorçakov küçəsindəki
evində, Bankın yerləşdiyi binada keçirildi. Tağıyev yığıncağı açaraq bildirdi ki, bu
vaxtadək Nizamnamənin 6-cı və 61-ci paraqraflarına uyğun olaraq, 332 səs hüququ
verən bütün 12 000 səhmin pulu verilmiş və səhmdarlar kitabına salınmışdır, ümumi
yığıncağa özlərinə görə və 10 053 səhmlə razılaşma üzrə 155 səsə malik olan 38
səhmdar gəlmişdir.
H.Z.Tağıyevin Tacir bankı qısa müddətdə təsisçilərin ümüdlərini doğrultdu.
Onun müştərilərinin sayı kreditcə artırdı, həm də “müştərilərin xeyli faizi
müsəlmanlar idi” . Volqa-Kama bankı Bakı şöbəsinin arayışında bildirilirdi ki,
Tağıyev “çox varlı və kommersiya dairələrində hörmət və ehtibara malik bir adamdır.
Səhmdarların 1915-ci il fevralın 15-də keçirilmiş yığıncağında H.Z.Tağıyev, Əlibəy
Aşurbəyov, Ağa Muxtarov, Səfər Əliyev, Zeynalbəy Səlimxanov Bank Şurasının
üzvü seçildilər. Ümumi yığıncağın qərarına əsasən və maliyyə nazirinin icazəsi ilə
bank ümumi məbləği 2 mln manat olan 8 min yeni səhm buraxdı. Bu əsas kapitalın 5
mln. manatadək artırılması demək idi.
Bakı rayonunun kredit müəssisələri arasında Bakı tacir bankının səhmlərinə
böyük tələbat var idi. Eyni zamanda tacir bankı da digər bankların qiymətli
kağızlarına maraq göstərirdi. Məsələn: onun idarə heyəti 1916-cı il noyabrın 12-də
Əşir Bəşiroğlu
104
hər biri 149 manat 50 qəpik olan Petroqrad kommersiya bankının 5800 səhmini satın
aldığını bildirirdi.
Hörmətli oxucular bütün bu yazdıqlarımızdan H.Z.Tağıyevin nece adam
olduğu gün kimi aydın olur. O, nə iş görür, görsün xalqın mənafeyi ilə öz mənafeyini
paralel aparır. Hətta, bəzən xalqın mənafeyini öz mənafeyindən üstün tutur. Buna
misal olaraq dəyəri 20 milyon manat olan öz neft şirkətini 5 milyon manata satmasını
göstərmək olar. Hacı özü qeyd edir ki, neft şirkətində yüzlərlə adam özünə çörək pulu
qazanırdısa, toxuculuq fabrikində minlərlə adam özünə çörək pulu qazanır.
AZƏRBAYCAN DEMOKRATĠK RESPUBLĠKASININ YARANMASI
1918-ci ilin yazında Azərbaycan Demokratik Respublikasının yaranması
Azərbaycan xalqı qarşısında mədəni, ictimai, iqtisadi, siyasi rejimlərin dəyişdirilməsi
və müstəqillik uğrunda gərgin silahlı mübarizə nəticəsində gənc dövlətin daxili
vəziyyəti son dərəcə ağır idi. H.Z.Tağıyev əsl vətənpərvər kimi öz vətəninin taleyinə
ürəkdən yanırdı. Bu 1919-cu ilin iyunun 29-da onu Azərbaycan Demokratik
Respublikası Nazirlər Şurasının sədri N.Yusifbəyliyə müraciət etməyə sövq etmişdi.
Həmin məktubda Azərbaycanın iqtisadi vəziyyətinin dərin təhlili verilmiş, hökümətin
maliyə siyasətinin nöqsan və qüsurları göstərilmişdir. O, yazırdı ki, “Ölkədə qayda-
qanunu və ədaləti, şəxsiyyət və mülkiyyət hüquqlarına hörməti elan edən qanuni
hakimiyyət bərqərar olan” bir vaxtda respublikada bürokratik təzyiqlərin və
məhdudluqların bütöv bir şəbəkəsi qurulmuşdur. Bu siyasət həddən artıq girovlarda,
cərimələrdə, aparılan neftin müqabilində başqa yox, hökmən bu məhsulun gətirilməsi
barədə tərəddüdlərdə və i.a. öz əksini tapmışdır ki, bu da dövlətin xeyrinə ziddir. Elə
bir qayda yaradılmışdır ki, mal göndərilməsi üçün verilən icazə alver və
qarmaqarışıqlıq obyekti olmuş, əməliyyatın özü isə təhlukəli möhtəkirlik işinə
çevrilmişdir. Nəticədə dövlətin iqtisadi müstəqiliyi üçün son dərəcə vacib olan
ticarətin aktiv balansı aşağı düşmüşdür.
Bu kədərli vəziyyətdən çıxış yolunu H.Z.Tağıyev əvvəla, şəxsi təşəbbüsə geniş
meydan verilməsində, ikincisi isə aparılan bütün malların haqqının hökmən
Azərbaycan valyutası ilə ödənilməsində görürdü.
Hamının Sevimlisi
105
O, qeyd edirdi ki, “Əhalinin istismarina qarşı ən yaxşı təminat öz təbiəti etibarı
ilə, ancaq möhtəkirlik və sui-istifadə törədən qadağan sistemi deyil, azad bir
rəqabətdir”. Qadağan sisteminin sənaye və ticarətin inkişafına necə fəlakətli
nəticələrə gətirdiyini görən Tağıyev ticarət və sənaye idarələrinin siyasəti ilə
müəssisələrin üzərinə qoyulan bütün məhdudiyyətlərin aradan qaldırılmasını
məsələnin yeganə düzgün həlli hesab edirdi. Firmalara öz məhsulunun sərəncamçısı
kimi qanuni hüquqlar vermək lazımdır.
Axırda H.Z Tağıyev yazırdı ki, onu hökümətin başçısına müraciət etməyə
vadar edən tacir və sənayeçi kimi şəxsi marağı deyil, “Səmimi vətənpərvərlik hissi və
belə bir inamdır ki, dövlətin möhkəmliyi onun həqiqi siyasi müstəqilliyi əsasında
mümkündür. Siyasi mənada azad vətəndaşlar, azad sənaye və ticarət olacaqlar”. H.Z.
Tağıyevin hökümətin başçısına açıq məktub yazmaqda məqsədi yeni yaranmış
dövlətə maddi kömək etmək və qayda qanun yaradılması arzusunda olamsıdır.
Məlumdur ki, Hacı yazı-pozu bilməzdi. İmzasını yazmağı güclə
öyrənmişdir.”T”və “Z” hərflərini birtəhər yazıb , doqquz dənə xətt çəkərdi. Ancaq
onun güclü yaddaşı vardı. O, fars, ərəb, fransız, və rus dillərində çıxan qəzetləri
oxutdurar, tərcümə etdirər və əsas faktları yadında saxlardı, hansı məqalənin hansı
qəzet və jurnalda olmasını dəqiq yadında saxlayar və savadlı adamlarla mübahisəyə
girərdi.
XIX yüzilliyin yetmişinci illərində heç kimin tanımadığı hacı qısa müddətdə
80-ci illərdə nəinki Azərbaycanda, hətta onun hüdudlarından çox uzaqlarda,
Rusiyanın ucqar yerlərində, bütün Yaxın Şərqdə tanındı, məşhurlaşdı. Nəinki XX
yüzilliyin Azərbaycan, Bakı mətbuatında, hətta onun sərhədlərindən çox-çox
uzaqlarda olan mətbuat səhifələrində öz əksini tapmışdı. Biz bu kitab üzərində işi
onun haqqında həmin mətbuat orqanlarında öz əksini tapmış yazıları verməklə
tamamlamaq istəyirik.
Böyük rus dramaturqu A.N. Ostrovski 1888-ci ildəki, səyahətindən sonra H.Z.
Tağıyevi çox ağıllı adam, böyük rus alimi D. Mendeleyev isə onu təvazökar xadim,
ağıllı və ehtiyatlı adam adlandırmışdır.
Əşir Bəşiroğlu
106
N. Nərimanov 1900-cü ildə çap olunmuş (“Hacının 50 illik məişəti və caamata
xidmətləri”) və 1903-cü ildə Orucov qardaşlarının mətbəəsində Azərbaycan və fars
dillərində çıxan “sərvət və səxavətdə məşhur Hacı Zeynalabdin Tağıyevin tərcümeyi-
əhvalı”, Tağıyevə gələn məktub, teleqram və təbriklərin toplandığı, 1904-1906-ci
illərdə çap olunmuş 2 cildlik “Hümamül rical” kitabını vərəqlədikcə Hacı zəhmətkeş,
vətənpərvər, humanist, maarifpərvər, yetim-yesirin dadına çatan bir insan kimi
gözlərimiz önündə canlanır.
O zaman hacının səxavətinə mahnılar da qoşmuşdular. Budur onlardan biri:
Hacı Zeynalabdin
Xoş bəndədir xudaya
Açıb dügü anbarın
Paylayır füqaraya
Hacı məhz bu insani xüsusiyyətləri ilə başqalarından fərqlənirdi. Varlandıqca
onun daxili və mənəvi keyfiyyətləri daha da durulurdu. Tağıyev heç zaman özünü
cəmiyyətdən xaric hiss etməmişdir. O, ətrafında baş verən hadisələrin həmişə
mərkəzində olmağa çalışmışdır. XX əsrin əvvəllərində Bakının tarixində ele bir tarixi
hadisə olmamışdır ki, H.Z. Tağıyev orada birinci şəxs kimi çıxış etməsin. Maarif və
mədəniyyət məsələləri onu daha çox narahat edirdi. Şəhərin abadlaşması və su ilə
təhcizi Tağıyevi hər zaman düşündürürdü. “Təzə həyat ” qəzetinin 10 aprel 1907-ci il
tarixli 8-ci nömrəsində Haşım bəy Vəzirov Hacının fəaliyyətindən danişaraq yazırdı:
“Hacı Zeynalabdin Tağıyevin müsəlman milləti üçün elədiyi xidmətlərini durub
burada bir-bir saymaq fikrinə düşsək, heç olmasa bir ay qəzetimizi, ancaq bu
təfsilatla doldursaq, yenə hamısını deyə bilmərik.”
H.Z Tağıyev böyük şəxsiyyət idi. Öz şəxsi ləyaqəti ilə də hamının nəzərində
yüksəlmşdi. “Baku” qəzeti 1912-ci il 18 mart tarixli məqalələrinin birində belə
yazırdı: “Tağıyev bütün Qafqaz müsəlmanlarının fəxridir. Onun adı həmişə ehtiram
və məhəbbətlə çəkilir. Müsəlmanlar arasında Tağıyevdən başqa xeyli varlı
müsəlmanlar da vardı. Lakin, onlar deyil, məhz Tağıyev Qafqaz müsəlmanlarının
mərkəz dayağı oldu. Şübhəsiz, onda elə bir cəhət var ki, xalq kütləsini özünə çəkir, öz
ləyaqəti ilə onları zəbt edə bilir”. Sonra qəzet bu cəhətin mahiyyətini açaraq, sözünə
Hamının Sevimlisi
107
davam edirdi: “Qoy elə bilməsinlər ki, Tağıyevi xoşbəxtlik yüksəkliklərə qaldırmış,
milyonlara çatdırmışdır. Doğrudur, bəxt və uğur böyük işdir, lakin, uğurdan başqa
ağıl da, güc də lazımdır, dəmir inadkarlıq, insan əməyi də lazımdır.
Bakıya qonaq gəlmiş səyyah və yazıçılar da H.Z. Tağıyev haqqında xoş sözlər
söyləmişlər. XIX əsrin axırlarında Bakıda olmuş Şair Zeynalabdin Marağayi özünün
“İbrahim bəyin səyahət”ində yazırdı: “Deyilənə görə Bakıdakı müsəlman tacirlərdən
bəzisinin bir neçə milyon sərvəti vardır. Bunların içərisində H.Z. Tağıyev öz
dindarlığı və səxavəti ilə hamının hörmətini qazanmışdır. Danışırlar ki, o,
müsəlmanlarının maariflənməsi tərəfdarıdır, xeyriyyə işləri ilə məşğul olur və islamın
ən qızğın tərəfdarlarındandır. Allah belə müsəlmanları bizə çox görməsin.”
Keçən əsrin 90-cı illərində Hindistandan İngiltərəyə gedən bir ingilis zadəganı
Hacının qonağı olmuşdur. O, Hacının insanpərvərliyinə və vətənpərvərliyinə elə
valeh olmuşdur ki, vətənə qayıtdıqdan sonra İngiltərənin edinburq şəhərində öz pulu
ilə Hacının abidəsini ucaltmışdır.
Farnsanın görkəmli coğrafiyaşünası Baron de Bey 1901-ci ildə çap etdirdiyi
“Tatarların yanında” adl kitabında Bakının tarixi abidələri və görkəmli şəxsiyyətləri
barədə geniş məlumat vermişdi. Həmin kitabın bir nüsxəsinin üstündə alim yazmışdı:
“Hacı cənablarına son dərəcə hörmət əlaməti olaraq təqdim edirəm. Boron de Bey. 30
avqust-12 sentyabr, 1901-ci il.”
“Baku” qəzetinin 9 mart 1912-ci il tarixli nömrəsində Hacının bütün
Rusiyadakı şöhrətindən danışan jurnalist yazırdı: “Bütün Rusiya Tağıyevi tanıyır.
Yalnız Moskvada, Peterburqda deyil, hər hansı yerə gəldikdə, orada söhbət
Qafqazdan, Bakıdan düşdükdə, sizə mütləq deyəcəklər:
-Hə, hə...Tağıyev yaşayan yer”
Tağıyevin Rusiyanın hər bucağında belə tanınması onun milyonları sayəsində
idimi? Qətiyyən yox, Hacı haqqında rəy söyləyənlər birinci növbədə onun milyonları
barədə deyil, insanpərvərliyi və maarifpərvərliyi, xalqa əl tutması haqqında
ağızdolusu söhbət açırdılar. 1912-ci il mart ayında “Baku”qəzeti yazırdı: “Tağıyev
bütün Qafqaz müsəlmanlarının fəxridir. Onun adı həmişə ehtiram və məhəbbətlə
Əşir Bəşiroğlu
108
çəkilir. O, müsəlmanlrın qeyri-rəsmi hökümdarıdır. Bu hökmranlıq və qüdrətin, bu
tanınmanın sirri nədədir? Sərvətdəmi? Halbuki, müsəlmanlar arsında ondan da
dövlətliləri var. Lakin, onlar deyil məhz Tağıyev Qafqazda mərkəzi fiqura olmuşdur.”
Adi bənna, savadsız azərbaycanlı olan Tağıyev xalqın ən aşağı təbəqəsindən
çıxaraq ucalmış, böyük, parlaq, orijinal bir şəxsiyyətdir. O, böyük kamal və enerji
sahibidir.
Məlumdur ki, 1912-ci ilin mart-aprel aylarında Tağıyevlə mühəndis Behbudov
arasında baş vermiş bir əhvalat əsasında məhkəmə prosesi olmuşdu. Bu kiçik daxil
ailə məsələsi idi. Hacının düşmənləri ilk növbədə erməni varlıları tərəfindən Hacını
rüsvay etmək məqsədilə qızışdırlmışdır. Uzun sürən məhkəmə prosesindən sonra
Hacı bəraət qazanmışdı. Böyük sensasiyaya səbəb olan bu hadisə ilə əlaqədar Duma
üzvü, ədliyyə vəkili V.İ.Maklanov belə yazırdı: “Bakıya çağrıldıqda mənə dedilər ki,
bu iş Tağıyevin əleyhinə düzəldilmiş intriqadan başqa bir şey deyildir. Tağıyev
özlüyündə ictimai bir xadim, müsəlmanların xeyixahi kimi hər cür müdafiəyə
layiqdir. Proses zamanı heç bir şahid, hətta Behbudovun dostları belə Tağıyev
barəsində pis danışmırdılar.
H.Z.Tağıyev 1908-ci il fevralın 12-də “Təzə həyat” qəzetində nəşr etdirdiyi
“Mənim təcrübəmdən” məqləsində yazırdı ki, “Kasıb olduqları üçün atamdan və
anamdan məhəbbət və nəvazişdən başqa bir şey görməmişəm və indiki vəziyyətimə
görə bu məhəbbətə və nəvazişə borcluyam. Mənim ən çox sevdiyim iş mənim sənaye
işimlə yanaşı, mən belə hesab edirəm ki, bundan da artıq məni öz xalqımın
məsələləri, onun gələcək xoşbəxtliyi və həyatının davamı məşğul edir. Bu məqsədə
nail olmaq üçün, mən belə hesab edirəm ki, xalqımın tərbiyyəsi və maariflənməsi
lazımdır. Xalqımın maariflənməsi və tərbiyylənməsi zərurətini görərək, mən qüvvəm
çatana qədər kömək etməkdən çəkinmədim. Bunu isə kiçik uşaqların tərbiyyəsi və
maariflənməsində, böyüklər üçün isə kitab və qəzetlərin nəşrində gördüm. Bu işə
qayğı göstərdim və göstərməkdə davam edəcəyəm. Söylədiklərimə yekun vuraraq
mən həqiqətən də başa düşdüm ki, xalqın gələcək xoşbəxtliyi, dəyanəti və irəliləyişi
ana qucağının tərbiyyəsi ilə bağlıdır”
Hamının Sevimlisi
109
H.Z.Tağıyevin çox təvaze ilə söylədiyi bu sözlər, onun fəaliyyətinin cüzi bir
hissəsini əks etdirir. Qədir bilən xalqımız, nəhayət, özünün böyük oğluna qəlbinin ən
dərin güşəsində gizlətməyə məcbur olduğu böyük minnətdarlığı nümayiş etdirmək
imkanı əldə etmişdir.
Xalq arasında “el atası” adı ilə tanınan məşhur maarifpərvər milyonçu,
messenat Hacı Zeynalabdin tağıyevin adını əbədiləşdirmək məqsədilə Mərdəkanda
dəfn olunduğu qəbirstanda abidə ucaldılmış, keçmiş Nasosnu qəsəbəsinə, Bakı
şəhərindəki vaxtilə yaşayış evi (indiki Azərbaycan tarixi muzeyi) olan küçəyə,
Mərdəkan qəsəbəsində bir küçəyə, Mərdəkanda tikdirdiyi məktəbə (indiki 123
nömrəli məktəb) onun adı verilmişdir. Son zamanlarda H.Z. Tağıyev xeyriyyə
cəmiyyəti yaradılmış, adına mükafatlar təyin olunmuş, bir sıra digər tədbirlər həyata
keçirilmişdir.
Əşir Bəşiroğlu
110
SON SÖZ
Xalqımızın böyük oğlu həmişə ürəklərdə yaşayan, məşhur azərbaycanlı
milyonçu, messenat Rusiya imperiyasının həqiqi dövlət müşaviri, müsəlman şərqində
ilk qızlar məktəbinin (Tağıyev qızlar məktəbi) yaradıcısı, maarifpərvər. Xeyriyyəçi
insan olan H.Z. Tağıyev haqqında kitab yazmaq mənim çoxdanki arzum idi. Lakin,
müəyyən əsaslı səbəblər üzündən bu iş xeyli gecikmişdir.
Bildiyimiz kimi, Tağıyev həm neftxuda, həm dəyirman sahibi, həm fabrikant,
həm böyük balıq sənayeçisi (bütün Kür ətrafı və Xəzər qırağı vətəgələr onun
ixtiyarında idi), həm bankir, həm də ticarət və yük gəmilərinin sahibi idi. Quba
tərəfdə Atlıxanda, Yevlax tərəfdə böyük meşələri vardı. Ənzəli və Rəşt ərazisində də
Hacının meşələri, böyük malikanəsi, binaları və nümayəndəliyi, başqa şəhərlərdə, o
cümlədən Moskvada 4 mərtəbəli iri sarayı, İranda karvansaraları vardı.
Yuxarıda qeyd etdiyim kimi H.Z.Tağıyev haqqında kitab yazmaq mənim
çoxdankı arzum idi. Nəhayət bu il mən arzumu həyata keçirməli oldum. Kitabı
yazarkən aşağıdakı ədəbiyyatlardan istifadə etmişəm. 1. Azərbaycan tarixindən yüz
şəxsiyyət. 2. Azərbaycan xalq Cümhuriyyəti ensiklopediyası. 3. Hacı Zeynalabdin
tağıyev adlı kitabdan. 4. El atası kitabından. 5. Bakı milyonçuları kitabından və sair.
Elə böyük Şəxsiyyət haqqında oxuculara bəzi məlumatları verə bilmişəmsə
özümü xoşbəxt sayaram. Kitaba qiyməti əlbəttə oxucularım verəcəkdir. Bu kitab
mənim oxucularla 11-ci görüşümdür. Mən KİVİHİ-nin və Azərbaycan yazıçılar
birliyinin üzvüyəm. Qızıl qələm və xalqın nüfuzlu ziyalısı fəxri diplomları ilə təltif
olunmuşam.
Hamının Sevimlisi
111
ƏġĠR BƏġIROĞLUNUN NƏġR OLUNMUġ KĠTABLARININ
SĠYAHISI
Sıra
N-si
Kitabın adı
Nəşriyyatın adı
Nəşr
tarixi
Səhifə
Nüsxə
1
Xatirəyə dönən günlər
Memar nəşriyyatı
2005
225
300
2
İşıqlı şəxsiyyətlər
unudulmur
Memar nəşriyyatı
2006
300
500
3
Dağlar ağladı
Min bir mahnı
nəşriyyatı
2007
340
300
4
Mətanət
Hərbi nəşriyyatı
2008
184
250
5
Mənim ana dilim
Hərbi nəşriyyatı
2008
196
300
6
Yarımçıq ömür
Hərbi nəşriyyatı
2008
176
400
7
Nəbi yurdu
Hərbi nəşriyyatı
2009
420
300
8
Qəm karvanı
Hərbi nəşriyyatı
2011
424
300
9
Dünya düzəlməz
Təknur nəşriyyatı
2011
304
250
10
Pələng, şir və ayı
Təknur nəşriyyatı
2012
370
300
11
Hamının sevimlisi
Təknur nəşriyyatı
2012
200
250
İnternet ünvanı: www.anl.az
Dostları ilə paylaş: |