E L E K T R O N B İ Z N E S
_________________________32___________________________
icranın formal kriterisi müəyyən edilməlidir. Müxtəlif
mərhələlərin və funksiyaların qarşılıqlı asılılıqlarını hər
mərhələdə göstərmək lazımdır. Təşkilatın resurslarının məhdud
olduğu halda aşkar edilən asılılıqlar prioriteti müəyyən etməyə
imkan verir. Bu isə həllin həyata keçirilməsi zamanı hökmən
nəzərə alınır. Həllin hazırlanması və həyata keçirilməsi üçün
lazım olan xarici partnyorlar və təşkilatın bu işə cəlb ediləcək
bölmələri, onların fəaliyyətlərinin formaları, qaydaları və
məsuliyyətləri təyin edilməlidir.
Maliyyələşmə mənbələri və qaydaları sahibkarlıq həllinin
ən vacib komponentləridir. Maliyyə vəsaitlərinin həllin
hazırlanması və həyata keçirilməsi mərhələləri ilə əlaqəli
şəkildə ayrılması qaydası və müddətləri müəyyən edilməlidir.
Ayrılmış vəsaitlərin istifadə edilmə dinamikasını və o cümlədən,
layihənin mənfəət gətirməyə başlayacağı momenti kifayət
qədər dəqiq planlaşdırmaq lazımdır.
Məqsədəçatma kriteriləri məqsədin məzmununu və
məqsədəçatma dərəcəsini ölçmə metodlarını aydın ifadə
etməlidir. Kriteri aydın olmadıqda layihəni idarə etmək
mümkün olmur. Elektron biznesin aparıldıqı mühitin sürətlə
dəyişilməsi məqsədin məzmununu və məqsədəçatma
dərəcəsini ölçmə metodlarını aydın ifadə etmək problemini
olduqca mürəkkəbləşdirir. Belə ki, 1999-cu ildə elektron
biznesə qoyulan investisiyanın bazar gerçəkliyinə uyğun
gəlməməsi bir çox firmaları çətin vəziyyətə salmışdı.
Həllin icrası prosesinə ayırmaların layihənin mərhələləri
üzrə həyata keçirilməsi müəyyən üstünlüklərə malikdir. Belə ki,
aşkar nəticələrə daha tez çatmaq imkanı yaranır, riskləri
pronozlaşdırmaq asan olur, həllin işləməsi gedişindən toplanan
ilk təcrübə layihənin sonrakı inkişafında istifadə edilir və s.
E L E K T R O N B İ Z N E S
_________________________33___________________________
Məzmunlu həllər, artıq qeyd edildiyi kimi, həllin
məzmununu və əsas funksiyalarını, məlumat mənbələri üçün
lazım olan məzmun və funksiyaların əlçatanlığını təmin edən
iqtisadi, kadr, texnoloji mexanizmləri təsvir edir. Təqdim edilən
həllin məzmununun və funksiyalarının, bazardakı oxşar həlldən
üstünlüyünün partnyorlar və müştərilər tərəfindən lazımi
səviyyədə qarşılanmasını təmin edən metod və vasitələrinin
müəyyən edilməsi olduqca vacibdir. Məzmunlu həllin
konseptual tamlıqla təsviri istənilən istifadəçidə bu həllin
üstünlüyü və səmərəliliyi barədə dəqiq və ətraflı təsəvvür
yaratmaqdan ötrüdür.
Həllin mahiyyətindən asılı olaraq istifadə edilən
informasiyanın həcmi - heç bir interaktiv funksiyaya malik
olmayan bir-necə statik Veb-səhifədən hər cür interaktivlik
imkanları olan dinamik qaydada yaradılan minlərlə Veb-
səhifələrədək - olduqca geniş diapazonda dəyişə biləndir.
Məzmunlu həllin əsas amili səmərəli strukturlaşmadır.
Strukturlaşdırmanın ənənəvi metodu iyerarxiyadır.
İyerarxik səliqəlilik təqdim edilən həllin məzmununun bütün
elementlərini və funksiyalarını daha aydın təsəvvür etməyə
imkan verir. Strukturlaşdırma həllin ayrı-ayrı elementləri
arasındakı qarşılıqlı asılılıqları aşkarlayıb təsvir etmək üçün
istifadə edilir.
Məzmunlu həllin mühüm elementi verilənlərin mənbəyinin
təsviridir. Məzmunlu həlli təsvir edən sənəddə lazımi
informasiyanın alındığı bütün daxili və xarici mənbələr
sadalanmalıdır. İnformasiyanın alınması üçün ümumi
reqlament (vaxt, xərclər, ötürmə kanalları, məlumat
mənbəyinin fəaliyyəti pozulduqda icra edlən əməllər) müəyyən
edilməlidir. Verilənlərin formatına qarşı qoyulan tələblər,
E L E K T R O N B İ Z N E S
_________________________34___________________________
verilənlərin emalı və saxlanması məntəqələri dəqiq müəyyən
edilməlidir.
Təqdim edilən həllin strukturlaşdırılması prosesi əsas
funksiyaların istifadəçiyə vizual təqdimatı üzrə bütün təməl
qaydaları və formaları əhatə etməlidir.
İdarəedici həllər, yuxarıda qeyd edildiyi kimi, verilmiş
elektron biznes həlli üçün lazım olan bütün prosesləri, normativ
aktları, direktivləri, təqdim edilən həllin tətbiqi və reallaşdırıl-
masına cəlb edilmiş menecerlərin rolunu və məsuliyyət
səviyyəsini təsvir edir. İdarəedici həllin tərkibində təyin edilən
proseslər içərisində informasiya prosesləri daha vacibdir.
Elektron biznes sferasında həllin informasiya təşkiledicisi xüsusi
rol oynayır. Buna görə də informasiya axınlarının, bu axınların
idarə edilməsinin metod və vasitələrinin təsviri olduqca
vacibdir.
Təqdim edilən həlli xarakterizə edən aşağıdakı proseslərin
lazımi dərəcədə xırdalaşdırılmış ətraflı təsviri zəruridir:
•
Xarici mənbələrdən seçib daxil edilməsini reallaşdıran
texnoloji zəncirlər;
•
İstifadəçiyə
təqdim
edilən
informasiyanın
formalaşdırılması üçün nəzərdə tutulan texnoloji
zəncirlər;
•
Kritik informasiyanın kontrol nüsxələrini yaratmaq və
dağılmış informasion infrastrukturun bərpası üçün olan
texnoloji zəncirlər də daxil olmaqla, informasiyanın
saxlanmasını xarakterizə edən proseslər;
•
Xarici infrastrukturdan daxil olan informasiyaya
əlçatanlıq və təqdim edilən qərarın icrası ilə müxtəlif
formalarda məşgul olan müəssisə işçilərinin informasi-
Dostları ilə paylaş: |