E L E K T R O N B İ Z N E S
_________________________74___________________________
saxlamaq üçün təqdim etdikləri xidmətlərin rəngarəngliyini
artırmağa məcburdur. Elektron birja rəhbərliyi maliyyə
resurslarının cəlb edilməsi, logistikanın təşkili, serverlər
sisteminin inteqrasiyası və avadanlıqların göndərilməsinin idarə
edilməsi kimi istiqamətlərdə əlavə imkanlar axtarır. Məsələn,
kənd təsərrüfatı sferasında fəaliyyət göstərən
DirectAg.com
birjası onlayn bankında hesab açmaq imkanı verən əlavə
maliyyə xidmətləri də göstərir. Belə ki, 20 min dollara qədər
dəyəri olan mənzil almaq üçün kredit və istehsalı inkişaf
etdirmək üçün 1 milyon dollara qədər həcmdə ssuda verir.
Əlavə xidmətlər toplusu köhnə alıcıları əldə saxlamağa və yeni
alıcılar qazanmağa imkan yaradır.
DirectAg.com birjasının
rəhbərliyi bildirmişdir ki, onun fəaliyyətində iştirak edən hər bir
fermer orta hesabla hər il 230 min dollar məbləğində mal ala
biləcəkdir.
eMarketer şirkətinin analitikləri biznes-partnyora yönəlik
bir sıra şaquli elektron birjaların 2003-cü ilə dövrüyyəsini
açıqlamışdır. Bu məlumata görə, yeyinti sənayesi və kənd
təsərrüfatının dövrüyyəsi 54 milyard dollar təşkil edir. Bu
göstərici kompüterlər və elektronika üzrə – 40, avtomobilqayır-
ma üzrə – 21, tikinti üzrə – 21, əczaçılıq və təbabət üzrə - 11,
istehlak malları üzrə - 10, avia-kosmik və müdafiə sənayesi
üzrə - 2 milyard dollardır.
Hal-hazırda Rusiyada elektron birjalar əsasən taxılçılıq,
meşəçilik və metallurgiya kimi ənənəvi sahələrdə fəaliyyət
göstərir. Mahiyyətcə, bu elektron birjalar informasion rejimdə
işləyir. Yəni satıcı və alıcılar İnternet texnologiyalarından
istifadə edərək bir-biri ilə sadəcə tanış olurlar. Lakin saziş
bağlanmasının bütün mərhələlərini virtual məkanda icra
etmirlər.
E L E K T R O N B İ Z N E S
_________________________75___________________________
Elektron birjaların yaradılmasına cəhd etmək aktivliyi xeyli
geniş ərazidə səpələnmiş şəkildə fəaliyyət göstərən şirkətlərin
aid olduqları iqtisadi fəaliyyət sahələrində daha yüksəkdir.
Məsələn, taxıl bazarı Rusiyanın 30 regionunu təmsil edən 50
min iştirakçını əhatə edir. Taxıl bazarının illik dövrüyyəsi 8
milyard dollar təşkil edir. Alıcı və satıcıların çoxsaylı olması bu
bazarın pis strukturlaşdırılmasını göstərir və buna görə də
müəyyən informasiya mərkəzlərində birləşən iri qruplar
yaradılmasına ehtiyac duyulur. Elektron birja bu məqsəd üçün
ideal şəkildə münasibdir.
İnternetin Rusiya seqmentində taxıl ticarəti əsasən
«Зерно
Он-лайн»
(
www.zol.ru
)
və
«Зерно»
(
www.mtszerno.ru
) adlı 2 birjada həyata keçirilir. «Зерно Он-
лайн» elektron birjası 300 iştirakçını birləşdirir. Bu birjanın
yaradılmasına 200 min dollar xərclənmişdir. «Зерно Он-лайн»
əsasən danışıq aparmaqla bağlanan sazişlərlə işləyən ticarət
sistemidir. Gerçək sazişlər ənənəvi formada (oflayn) bağlanır.
Regionlararası ticarət sistemi olan «Зерно» ticarət-informasiya
sistemidir. Bu birjada bağlanan sazişlərə zəmanət verilmir.
Kifayət qədər müştəri yığdıqdan sonra üzvlük haqqı ilə işləyən
qapalı sistemə çevriləcəyi bildirilir.
Meşə sənayesi nazirliyinin varisi olan «Рослеспром»
tərəfindən təşkil edilmiş elektron birjada iştirak edənlərin sayı
az (100-ə qədər) olduğundan, bunun büdcəsi istifadəçilərin
qoşulmasından və üzvlük haqlarından yaranır. Lakin alıcı və
satıcıların geniş coğrafiyası bu layihənin yaxşı perspektivə
malik olduğunu göstərir.
Ənənəvi bazar xoldinqlərinin və ya görkəmli şirkətlərin
yaratdıqları elektron birjalar Rusiyada müəyyən uğurlar
qazanmışlar. Dar ixtisaslaşma meydançaları daha görkəmli
E L E K T R O N B İ Z N E S
_________________________76___________________________
nəticələr əldə etmişlər. Rusiyada elektron birjaların inkişafına
maneə törədən ən vacib amil regionlarda rabitənin keyfiyyətsiz
olmasıdır. Rusiyada elektron birjaların yaradılmasında
regionların rəhbərləri yaxından iştirak edirlər. Çünki bu,
regionun iqtisadiyyatına birbaşa təsir edən məsələdir.
E L E K T R O N B İ Z N E S
_________________________77___________________________
PORTALLAR
IBM mütəxəssislərinin təklif etdiyi tərifə görə,
portal
(Portal və ya piştağ) dedikdə, insanlar arasında qarşılıqlı
fəaliyyət imkanı yaradan və həmçinin, öz maraqlarına uyğun
informasiya və proqramları tapmağa imkan verən
şəxsləndirilmiş və sazlana bilən interfeys təmin edən
əlavə
nəzərdə tutulur. Hələ bir-neçə il əvvəl lazımi informasiyanı əldə
etmək üçün kitabxanalara getməyə, sorğu kitablarını tapmağa
və vərəqləməyə, kimlərəsə zənglər etməyə və kimlərləsə
görüşlərə getməyə külli miqdarda vəsait, qüvvə və vaxt sərf
etmək lazım gəlirdi. Bu gün konkret fəaliyyət üçün lazım olan
informasiyanı almaq üçün mausun düyməsini bir-neçə dəfə
sıxmaq kifayətdir. Müasir menecerlər lazımi informasiyanı
lazımi anda minimal vaxt sərfi ilə almaq imkanından istifadə
etməyə cəld uyğunlaşırlar. Lakin bu prosesin neqativ tərəfi də
vardır. Belə ki, informasiyanın miqdarı o qədər sürətlə artır ki,
onun iriləşdirilməsi probleminin həlli və səmərəli istifadə
formasında təqdim edilməsinin təmin edilməsi ön plana keçir.
Portal nisbətən yeni konsepsiyadır. Buna görə də bu
terminin bir-neçə izahı vardır. Bir qayda olaraq, portal
müəyyən auditoriya üçün nəzərdə tutulan informasiyanın
birləşdirilib xüsusi təşkil edilmiş şəkildə təqdim edilməsini
reallaşdırır. Bu informasiya müxtəlif mənbələrdə, o cümlədən,
müxtəlif
informasiya
serverlərində,
korporativ
və
ümumistifadəli verilənlər bazalarında, tətbiqi sistemlərdə
törəyir və universal müştəri tərəfindən istifadə edilir. Qayda
üzrə, universal müştəri portala susma rejimində müraciət edir.
Dostları ilə paylaş: |