47
Yaşıdındı?
Sofi təsdiqlədi.
Yaxşı, əminəm ki, o, çox yaxşı oğlandı, mənim balam. İndi isə
yatmağa çalışmalısan, yat bir az.
Lakin Sofi saatlarla pəncərənin qarşısında oturub qaldı. Axırda
gözlərini güclə açıq saxlayırdı. Saat bir idi. Artıq yatmağa gedəcəkdi
ki, qəfildən ağaclıqdan bir kölgə çıxdığını gördü.
Bayırda çox qaranlıq olsa da, Sofi bunun adam olduğunu sezə bildi.
Kişi idi və Sofi gördü ki, onun yaşı kifayət qədər çoxdur. Heç yaşıdı
deyildi! Bir cür beret vardı başında.
Sofi and içə bilərdi ki, o, evə baxdı. Amma Sofinin işığı sönülüydü.
Kişi düz poçt qutusuna yanaşdı, ora böyük bir zərf uzatdı. Zərfi salanda
Sofinin məktubunu gördü. Poçt qutusuna tərəf əyildi və onu götürdü.
Bir dəqiqə keçməmiş sürətlə meşəliyə sarı getdi. Meşə cığırına endi və
gözdən itdi.
Sofi ürəyinin guppuldadığını duydu. Ürəyindən gecə paltarındaca
onun dalınca qaçmaq keçdi, lakin gecəyarısı
tanımadığı bir adamın dalınca qaçmağa cürət etmədi. Amma nə olursa
olsun, bayıra çıxıb zərfi götürməliydi.
Pilləkənlə aşağı yüyürdü, küçə qapısını sakitcə açdı, poçt qutusuna
yaxınlaşdı. Bir anın içində zərf əlində otağına qayıtdı. Çarpayısında
oturdu, nəfəsini içinə çəkdi. Bir neçə dəqiqə keçmişdi. Evdə sakitlik
idi. Məktubu açdı.
Bilirdi ki, bu onun məktubuna cavab deyil. O cavab sabaha qədər
Sofiyə çata bilməzdi.
“Tale
Sabahın xeyir, mənim əziz Sofim. İcazə ver bir məsələyə aydınlıq
gətirim. Sən mənim kim olduğumu bilməyə çalışma.
Bir gün biz görüşəcəyik, amma bunun nə vaxt və harada olacağına mən
qərar verəcəyəm. Vəssalam. Sən mənim sözümdən çıxmaq istəmirsən,
hə, Sofi?
Qayıdaq filosoflara. Biz gördük ki, onlar təbiətdə baş verən
çevrilmələrə görə, təbii izahlar tapmağa çalışırdılar. Əvvəllər bu
downloaded from KitabYurdu.org
48
məsələlər miflərlə izah olunmuşdu.
Köhnə xürafatlara başqa sahələrdə də aydınlıq gətirilməli idi.
Məsələn, canlılar niyə xəstələnir, niyə sağlamdır, müxtəlif siyasi
hadisələr niyə baş verir? Bu məsələlərdə yunanlar fatalizmə çox
inanırdılar.
Fatalizm hər bir şeyin qabaqcadan nəzərdə tutulduğu kimi baş
verəcəyinə inamdır. Bu inama bütün dünyada, özü də yalnız tarixdə
deyil, günümüzdə də rast gəlirik. Skandinaviya ölkələrində “laqnadan”
deyilən alın yazısına biz Eddadakı island saqalarında rast gəlirik.
Bu inam qədim Yunanıstanda və dünyanın başqa hissələrində də
olub. İnsanlar öz talelərini kahinlərdən soruşub öyrənirdilər. Başqa
sözlə, insanın, yaxud hər hansı bir ölkənin taleyini cürbəcür üsullarla
qabaqcadan öyrənmək mümkün sayılırdı. Bu gün də bir çoxları inanır
ki, taleyinin necə olacağını ona kartla, əllərinin içini oxumaqla,
ulduzlara baxmaqla deyə bilərlər.
Norveçdə adamlar qəhvə falına baxırlar. Qəhvəni içdikdən sonra boş
fincanın dibində adətən qəhvə dənəciklərindən bir qədər qalır. Bu,
müəyyən bir rəsm əmələ gətirir, həmin rəsmi
görməkdən ötrü təsəvvürümüzə qol-qanad verməliyik. Dənəciklər
maşın əmələ gətiribsə, həmin fincandan qəhvə içmiş adam uzaq səfərə
gedəcək.
Beləcə, “tale oxuyan adam” əslində adamın gözləmədiyi sözlər
deyir. Bu, öncəgörmənin bütün növlərinə aiddir. Onların “görüb”
dedikləri elə dumanlı, elə mücərrəd olur ki, həmin falları inkar etmək
də çətin olur.
Biz ulduzlara nəzər salanda titrək işıqların nizamsız düzülüşünü
görürük. Buna baxmayaraq, əsrlər boyu həmişə ulduzların Yer üzərində
yaşayan insanlar haqda nə isə deyə bildiyinə inanan insanlar olub. Hətta
bu gün elə siyasətçilər var ki, hər hansı önəmli qərar qəbul etməzdən
əvvəl astroloqlara müraciət edir, onların məsləhətlərini soruşurlar.
Antik yunanlar inanırdılar ki, Delfidəki məşhur tanrılar məbədində
öz taleləri haqda məlumatları soruşub öyrənə bilərlər. Kahinlik tanrısı
Apollon öz rahibəsi Pisia vasitəsilə insanlarla danışırdı; Pisia
downloaded from KitabYurdu.org
49
torpaqdakı bir çatlağın üzərində qoyulmuş stulda otururdu, stulun
altından qalxan hipnotik
buxar Pisiyanı transa salırdı. Və başlayırdı Apollonun sözlərini
deməyə.
İnsanlar Delfiyə gələndə öz suallarını məbədin rahibələrinə
verirdilər, rahibələr bu sualları Pisiyaya çatdırırdılar. Pisiyanın
cavabları elə qaranlıq və ya ikimənalı olurdu ki, rahibələr bu cavabları
insanlara çatdıranda yozmalı olurdular. Bu üsulla insanlar Apollon
müdrikliyindən pay alır, inanırdılar ki, o, hər şeyi, hətta gələcəyi də
bilir.
Çoxlu dövlət başçıları vardı ki, Delfidə tanrılar məbədində olmadan
müharibəyə getməyə, yaxud başqa qəti qərarlar qəbul etməyə cürət
etmirdilər. Beləcə, Apollonun rahibələri diplomat və ya müşavir kimi
fəaliyyət göstərirdilər. Onlar insanlar və ölkə haqqında dərin biliyə
malik mütəxəssislər idi.
Delfidəki məbədin girişi üzərində belə bir məşhur yazı vardı:
“Özünü dərk et!” Bu yazı insanlara xatırladırdı ki, insan heç vaxt
özünün öləri olduğunu unutmamalıdır və heç kəs öz taleyindən qaça
bilməz.
Yunanlar taleyindən qaça bilməyən insanlar haqda çoxlu hekayətlər
danışırdılar. Vaxt keçdikcə bu “faciəvi” insanlar
haqda çoxlu pyeslər - faciələr yazıldı. Ən məşhuru Kral Edipin faciəsi
idi.
Tarix və Tibb
Lakin Tale yalnız fərdlərin həyatını idarə etmir. Yunanlar hətta
dünya tarixini Taleyin idarə etdiyinə inanırdılar. İnanırdılar ki,
müharibə qismətinin qarşısı tanrıların müdaxiləsi ilə alına bilər. Bu gün
də bir çox insan Tanrının və ya başqa sehrli qüvvələrin tarixin gedişini
idarə etdiyinə inanırlar.
Amma qədim yunan filosofları təbiətdə gedən proseslərə təbii
izahlar tapmağa çalışdıqlarından ilk tarixçilər də tarixin gedişinə dair
təbii izahlar axtarmağa başladılar. Ölkə müharibəni uduzanda daha
tanrıların intiqamı kimi izahları qəbul etmirdilər. Belə tarixçilərdən
downloaded from KitabYurdu.org
Dostları ilə paylaş: |