425
sahib olmalı, öz şəxsiyyətini kişi asılılığından qurtarmalıydı. Çünki
qadını əzən təkcə kişi deyildi. Qadın öz həyatına görə məsuliyyət
daşımaqdan imtina edərək özü- özünü də əzirdi.
-
Yalnız istədiyimiz qədər azad və sərbəst ola bilərik.
- Bəli, belə də demək olar. Ekzistensializm qırxıncı illərdən bu günə
qədər ədəbiyyata da təsir göstərib. Bu təsir teatra da aiddi. Sartrın özü
də romanlar və pyeslər yazıb. Digər görkəmli müəlliflər fransalı Albert
Kamyu, irlandiyalı Semuel Bekket, rumıniyalı Eugen İonesko və
polşalı Vitold Qombroviçdir. Onların və onlardan başqa bir sıra modern
yazçıların səciyyəvi cəhəti absurdizmdi. Bu termin xüsusən “absurd
teatrı” mənasında işlənir.
-
Maraqlıdı.
-
“Absurd” sözünün mənasını bilirsən, elə deyilmi?
-
Mənasız, yaxud irrasional bir şey deyil?
- Elədi. Absurd teatrı realist teatrın əksi kimi meydana gəlmişdi.
Məqsəd həyatın mənasızlığını səhnədə göstərərək
tamaşaçının bundan narazı olmasını təmin etmək idi. Yəni məqsəd
mənasızı yüksəltmək deyil, əksinə, gündəlik həyat hadisələrindəki
cəfəngiyyatı göstərməklə tamaşaçıların öz həyatları üçün daha mənalı
həyat axtarmalarına nail olmaq idi.
-
Çox maraqlıdı.
- Absurd teatr adətən çox adi situasiyaları nümayiş etdirir. Ona görə
də bu növə “hiperrealizm” də demək olar. Burada insanlar olduqları
kimi göstərilir. Adi bir səhər evin vanna otağında nə olduğunu olduğu
kimi göstərsən, tamaşaçı güləcək. Bu qəhqəhə əslində səhnədə
göstərilənin özü olması təhlükəsinə qarşı müdafiədi.
-
Aydındı.
- Absurd teatrda sürrealist xüsusiyyətlər də ola bilər. Bu teatrın
obrazları ən ağlasığmaz, ən xəyali vəziyyətlərdə olurlar. Onlar səhnədə
bunu təəccüblənmədən qəbul etdiklərindən, tamaşaçılar onların bu
təəccüblənməməklərinə reaksiya verirlər. Bu, Çarli Çaplinin səssiz
filmlərinə də aiddi. Bu filmlərdə əksər hallarda gülməli olan cəhət
Çaplinin başına gələn bu cəfəng şeyləri adi qəbul etməsidi. Bu,
downloaded from KitabYurdu.org
426
auditoriyanı öz
içlərinə boylanıb daha doğru, daha həqiqi şeyləri axtarmağa vadar edir.
- Doğrudan da, insanlar heç etiraz etmədən, reaksiya vermədən
nələr, nələr yaşayırlar!
- Bəzən insanın bir şeydən qaçmaq istəməsi də haqlı ola bilər, hara
gedəcəyini tam bilməsə də.
- Adamın evi yanırsa, o, yaşamağa başqa yer tapacağını
fikirləşmədən evdən qaçmağa çalışır.
-
Doğrudu. Yenə çay istəyirsən? Bəlkə Cola?
- İstəyirəm. Amma gecikməyinə görə, hələ də sənə hirsliyəm.
-
Eybi yox.
Bir azdan Alberto əlində bir fincan espresso və Cola ilə qayıtdı. Sofi
isə kafe həyatını sevməyə başladığını düşünürdü. O biri masalarda
gedən söhbətlər artıq ona bayaqkı kimi boş, əhəmiyyətsiz görünmürdü.
Alberto Cola şüşəsini masanın üstünə qoyanda möhkəm səs saldı.
Kafedəkilərdən bu səsə dönüb baxanlar oldu.
-
Beləliklə, yolun sonuna gəlib çatdıq, - Alberto dedi.
- Demək istəyirsən ki, fəlsəfə tarixi Sartr və ekzistensializmlə sona
çatır?
- Xeyr, belə demək çox şişirtmək olardı. Ekzistensializm fəlsəfəsi
dünyada çoxlu insan üçün böyük əhəmiyyət kəsb etdi. Gördüyümüz
kimi, ekzistensializmin kökləri Kyerkeqordan Sokrata qədər uzanırdı.
XX əsrdə bir sıra yeni cərəyanlar da əvvəlki fəlsəfi cərəyanların
yenilənməsi kimi ortalığa çıxdı.
-
Məsələn?
- Məsələn, bunlardan biri Foma Akvinalı ənənəsi ideyalarına
əsaslanan Neotomizmdi. Digər bir cərəyanın kökləri Yum və Britaniya
empirizminə, hətta Aristotel məntiqinə əsaslanan analitik fəlsəfə və ya
məntiqi empirizmdi. Bundan başqa, XX əsrdə Neomarksizm və çoxlu
qolları inkişaf edib. Neodarvinizm haqqında, həmçinin Psixoanalizin
əhəmiyyəti barədə artıq danışmışıq.
-
Bəli.
- Haqqında danışmalı olduğumuz bir cərəyan da var, o, kökləri hələ
downloaded from KitabYurdu.org
427
Sokrataqədərki filosoflara gedib çıxan Materializmdi. Müasir elmin
məşğul olduğu problemlərlə
Sokrataqədərki filosofların problemləri arasında bənzərliklər var.
Məsələn, bu gün elm hər şeyin ondan yarandığı bölünməz elementar
hissəciyi axtarır. Bu “maddə”nin nə olmasına dair hələlik qənaətbəxş
cavab yoxdu. Nüvə fizikası, biokimya kimi yeni təbiət elmləri bu
mövzuyla elə maraqlanır ki, bu, bir çox insanın dünyagörüşündə
mühüm yer tutur.
-
Yəni yeni və köhnə iç-içədi...
- Bəli. Çünki bu kursa başlayarkən verdiyimiz suallar hələ də
cavabsızdı. Sartr ekzistensial sualların bir dəfə və hamı üçün
cavablandırıla bilməyəcəyini deyərkən vacib bir müşahidə etmiş olub.
Fəlsəfi sual hər nəslin, əslində hər bir fərdin, yenidən və yenidən
qaldırması, soruşması gərək olan sualdı.
-
Bu fikir adamı bədbinləşdirir.
- Deyəsən, səninlə razı deyiləm. Belə sualları verərkən yaşadığımızı
hiss edirik. Bundan başqa, insanlar bir sıra ucqar suallara cavab
axtararkən başqa bir sıra suallara aydın, nəhayi cavablar tapırlar. Elmd,
tədqiqat və texnologiya fəlsəfi düşüncənin məhsullarıdı. Məgər insanın
həyata, varlığa duyduğu maraq deyildirmi ki, axırda insanları Aya
aparıb?!
-
Bəli, doğrudu.
- Neil Armstronq Aya qədəm qoyanda “Bu, bir insan üçün kiçik,
bəşəriyyət üçün çox böyük addımdı” demişdi. Bu sözlərlə o, özünə
qədər yaşamış insanları da Aya qədəm qoyan ilk insanın duyğularına
qarışdırmışdı. Çünki təbii ki, bu, təkcə onun etdiyi, bacardığı iş
deyildi...
-
Hə.
- Bizim dövrümüzün öz problemləri də var. Onların ən ciddisi ətraf
mühit problemidi. Buna görə də XX əsrin əsas istiqaməti Ekofəlsəfə və
ya banilərindən biri olan Arne Naessin adlandırdığı kimi, Ekosofiyadı.
Qərb eko-filosoflarının çoxu Qərb sivilizasiyasının tamamilə yanlış
yolda olduğunu, planetimizin buna dözə bilməyəcəyini bəyan ediblər.
downloaded from KitabYurdu.org
Dostları ilə paylaş: |