Dövlət qeydiyyatına alınmışdır
Ödəniş dərəcələrinə ixtisas tələbləri
Yüklə 0,62 Mb.
|
- Bu səhifədəki naviqasiya:
- Ödəniş dərəcələrinə ixtisas tələbləri
- XƏZİNƏDAR (BÖYÜK XƏZİNƏDAR DA DAXİL OLMAQLA) Əmək funksiyası.
- YÜKLƏRİN DAŞINMASI ÜZRƏ EKSPEDİTOR Əmək funksiyası.
- MAKİNAÇI Əmək funksiyası.
- HESABDAR Əmək funksiyası.
- Azərbaycan Respublikasının Normativ Aktlarının Bülleteni, 2007-ci il, № 11-12 ) BÜLLETENƏ EDİLMİŞ DƏYİŞİKLİK VƏ ƏLAVƏLƏRİN SİYAHISI
- Azərbaycan Respublikasının Normativ Aktlarının Bülleteni, 2007-ci il, № 11-12
- Patentşünas
Ödəniş dərəcələrinə ixtisas tələbləri: ümumi orta təhsil və xüsusi təlim; 4-cü dərəcə: inkassatorun vəzifə borcunu yerinə yetirdikdə; 5-ci dərəcə: böyük inkassatorun vəzifə borcunu yerinə yetirdikdə.
Şəxsi və əmlak sığortası qaydalarını və göstərişlərini öz işində ciddi rəhbər tutur. Hər bir sığorta növü üzrə müəyyən olunmuş tədiyyə tapşırıqlarının ahəngdar və rüblər üzrə yerinə yetirilməsini təmin edir. Könülülük prinsiplərinə ciddi riayət etməklə sığorta müqavilələrinin düzgün bağlanması və yeni müddət üçün bərpa olunmasını vaxtında rəsmiləşdirir. Sığorta şəhadətnamələrində pozuntuya yol vermədən nəzərdə tutulmuş rekvizitləri səliqəli və aydın doldurur. Sığorta müqavilələri üzrə tədiyyə alınarkən (daxil olarkən) sığorta olunanlara müəyyən olunmuş formada müvafiq qəbzlər və sığorta şəhadətnamələrini vaxtında verir. Nağdsız hesablaşma qaydasında sığorta tədiyyələrini ödəyən sığorta olunanların düzgün rəsmiyyətə salınmış tapşırıqlarını müvafiq sığorta agentliyinin mühasibatlığına müəyyən olunmuş müddətlərdə təqdim edir. Bağlanmış sığorta müqavilələrinin və ayrılmış sığorta tədiyyələri məbləğlərinin müəyyən olunmuş formalar üzrə uçotunu aparır. Sığorta məbləği və sığorta ödənişinin verilməsi üçün sənədləri sığorta olunanlardan qəbul edir və vaxtında dövlət sığorta agentliklərinə təhvil verir. Nağd pulla toplanmış tədiyyələri müvafiq kredit idarələrinə vaxtında təhvil verir, alınmış və bank idarələrində sığorta agentliyinin hesablaşma hesabına köçürülmüş tədiyyələr haqqında müəyyən müddətlərdə sığorta agentliyinə hesabat təqdim edir, ciddi uçot blankları və digər sığorta sənədlərinin qorunub saxlanılmasını təmin edir.
4-cü dərəcə: ümumi orta təhsili və xüsusi təlim və ya iş stajına tələb qoyulmadan müvafiq sahə üzrə orta ixtisas təhsili; 5-ci dərəcə: orta ixtisas təhsili və 4-cü dərəcəli sığorta agenti vəzifəsində 2 ildən az olmayaraq iş stajı.
3-cü dərəcə: xəzinədar vəzifəsini yerinə yetirdikdə; 4-cü dərəcə: böyük xəzinədar vəzifəsini yerinə yetirdikdə.
Arxiv sənədlərinin elmi və praktiki qiymətləndirilməsi ekspertizası işində iştirak edir. Arxivin yerləşdiyi yerdə yanğından mühafizə qaydasının gözlənilməsinə nəzarət edir. Arxiv sənədlərini və surətlərini verir və arxiv sənədlərində olan məlumatlar əsasında lazımi arayışlara, tələblərə cavab tərtib edir və onların hesabını aparır. Arxivin işi haqqında hesabatı tərtib etmək üçün məlumatlar hazırlayır. Bilməlidir: sənədlərin arxivə qəbul edilməsi, onların istifadəsi və mühafizəsi qaydalar haqqında əsasnamə və təlimatları; kargüzarlığın vahid dövlət sistemini; daimi və müvəqqəti mühafizədə olan sənədlərin təsvirinin tərtib edilməsi qaydasını; işlərin rəsmiləşdirilməsi və onların mühafizəsi və istifadəsi üçün hazırlanma qaydasını; müəssisə, idarə və təşkilatların strukturunu; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: ümumi orta təhsil və xüsusi təlim; 3-cü dərəcə: müəssisə, idarə və təşkilatların dəftərxanalarında iş yerinə yetirdikdə; 4-cü dərəcə: arxiv idarələrində, eləcə də müəssisə, idarə və təşkilat və onların struktur bölmələrində olan arxivlərdə iş yerinə yetirdikdə.
3-cü dərəcə: nəql edilməyə xüsusi şərtlər qoymamaqla yüklərin müşayiət etdikdə; 4-cü dərəcə: nəql edilməyə xüsusi şərtlər qoyulmaqla yükləri müşayiət etdikdə.
3-cü dərəcə: ümumi orta təhsil, qəbul edilmiş proqram üzrə xüsusi təlim; 4-cü dərəcə: ümumi orta təhsil, qəbul edilmiş proqram üzrə xüsusi təlim və dəqiqədə 200 zərbə sürəti ilə çapetmə, 1 ildən az olmayaraq 3-cü dərəcəli makinaçı vəzifəsində iş stajı; 5-ci dərəcə: orta ixtisas təhsili və 2 ildən az olmayaraq 4-cü dərəcəli makinaçı vəzifəsində iş stajı. HESABDAR Əmək funksiyası. Mühasibin rəhbərliyi altında ilkin sənədlərdə olan göstəricilər əsasında hesabatları və işlənib hazırlanmış cədvəlləri doldurur (materiala tələbat, günəmuzd iş üçün naryadlar və s.), mühasibat keçirmələrin qeydiyyatını və hesablara köçürülməsini aparır, mühasibat uçotunun ayrı-ayrı sahələri üzrə sadə hesablamaları aparır. İlkin sənədləri qəbul edir və onların rəsmiləşdirilməsinin düzgünlüyünə nəzarət edir, onların hesab emalına, eləcə də təyin olunmuş mühasibat hesabatının möhkəmləndirilməsinə, dövlət intizamının gözlənilməsinə və təsərrüfat hesabının möhkəmləndirilməsinə istiqamətlənmiş tədbirlərin həyata keçməsində iştirak edir. Bilməlidir: mühasibat uçotunun təşkilinin əsasını; uçot sənədləri üzrə ilkin sənədlərin forması və onların doldurulma qaydasını; hesablamaların aparılması və hesabatın tərtib olunma qaydasını; hesablama texnikasının istismarı qaydasını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil, təyin olunmuş proqram üzrə xüsusi təlim. ÇERTYOJÇU Əmək funksiyası. Tələb olunan miqyasda tuş və ya karandaşla cizgi işini (hissənin, detalın ümumi görünüşünün cizgilərini və digər konstruksiya cizgilərini) eskiz sənədlər əsasında və ya rəsmxətin qaydalarına riayət edərək yerinə yetirir. Sxemləri, spesifikasiyaları, müxtəlif siyahı və cədvəlləri tərtib edir. Cizgiləri rəsmiləşdirir, lazım olan yazılar edir və şərti işarələri qoyur. Bilməlidir: cizgi işinin yerinə yetirilməsi vasitələri və metodlarını; texniki rəsmxətin əsaslarını; cizgi çəkməkdə işlədilən alətlər və tərtibatları; rəsmiləşdirmə üzrə standartları, texniki şərtləri və təlimatları; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil, təyin olunmuş proqram üzrə xüsusi təlim. KATİB Əmək funksiyası. Müəssisə, idarə və təşkilatlar və onların bölmələrində rəhbərliyin işinin təmin edilməsi və ona xidmət üzrə texniki funksiyaları yerinə yetirir. Bölmələrdən və ya icraçılardan rəhbərliyə lazım olan məlumatları alır, onun tapşırığı ilə işçiləri çağırır. Rəhbərliyin telefon danışıqlarını təşkil edir, telefonoqrammaları qəbul edir, göndərir və rəhbərlik olmadığı vaxtda alınan xəbərləri qeyd edir və aldığı məlumatların məzmununu ona çatdırır. Rəhbərliyin apardığı iclas və müşavirələrin hazırlanması işini görür, lazım olan sənədlərin yığılmasını, iclas və ya müşavirənin keçiriləcək vaxtı, yeri və gündəliyi haqqında iştirakçıları xəbərdar edir, onların qeydiyyatmı aparır, protokolu tərtib edir və onu rəsmiləşdirir. Rəhbərliyin iş yerini dəftərxana ləvazimatı, texniki-təşkilati vasitələrlə təmin edir, onun səmərəli işləməsinə şərait yaradır. Qəbuledici-danışıq vasitələrlə xəbərləri verir və qəbul edir. Kargüzarlıq işini aparır, rəhbərliyin adına gələn korrespondensiyanı qəbul edir, müəssisə, idarə və təşkilatlarda qəbul olunmuş qaydaya uyğun olaraq onları sistemləşdirir, rəhbərlik baxdıqdan sonra iş prosesində istifadə etmək və ya cavab hazırlamaq üçün onu bölmələrə və ya konkret icraçılara verir və nəzarət altına alır, rəhbərliyin tapşırığının yerinə yetirilməsi müddətinə nəzarət edir. Rəhbərin qol çəkməsi üçün sənədləri və işçilərin şəxsi ərizələrini qəbul edir. Qəbula gələnlərin qəbulunu təşkil edir, onlarla nəzakətli və diqqətli olur, işçilərin təklif və xahişlərinə tez baxılmasına kömək edir. Təsdiq olunmuş nomenklaturaya uyğun olaraq işləri formalaşdırır, onların mühafizəsini təmin edir və təyin edilmiş vaxtda arxivə təhvil verir. Bilməlidir: kargüzarlığın aparılması üzrə əsasnamə və təlimatları; müəssisə, idarə, təşkilatların və onların bölmələrinin rəhbər işçi heyətini; diktofonların, maqnitofonların istismar qaydalarını; təşkilatı göstəriş sənədlərinin vahid şəkilə salınmış sisteminin standartlarını; daxili əmək intizamı qaydalarını; əməyin təşkilinin əsaslarmı; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil və xüsusi təlim. KATİB-MAKİNAÇI Əmək funksiyası. Müəssisə, idarə və təşkilatlarda və onların bölmələrində rəhbərliyin işini təmin edir və xidmət üzrə texniki funksiyaları yerinə yetirir. Bölmələrdən və icraçılardan rəhbərliyə lazım olan məlumatlan alır, onun tapşırığı ilə işçiləri çağırır. Rəhbərliyin telefon danışıqlarını təşkil edir, telefonoqrammları qəbul edir, göndərir və onun olmadığı vaxtda alınan xəbərləri yazır və aldığı məlumatların məzmununu rəhbərliyə çatdırır. Əlyazmalarından və çap orijinallarından müxtəlif növ yazı makinalarında rəhbərliyə aid olan sənədləri çap edir, rəhbərliyin aparacağı iclas və müşavirələrin hazırlanması işini görür (lazım olanları sənədlərin yığılmasını, iclas və müşavirənin keçiriləcək vaxtı, yeri və gündəliyi haqqında iştirakçıları xəbərdar edir, onların qeydiyyatını aparır). Rəhbərin iş yerini dəftərxana ləvazimatı, texniki-təşkilatı vasitələrlə təmin edir, onun səmərəli işləməsinə imkan verən şərait yaradır. Qəbuledici danışıq vasitələrlə xəbərləri verir və qəbul edir. Kargüzarlıq işini aparır, rəhbərliyin adına gələn korrespondensiyanı qəbul edir, müəssisə, idarə və təşkilatlarda qəbul olunmuş qaydaya uyğun olaraq onları sistemləşdirir, rəhbərlik baxdıqdan sonra, iş prosesində istifadə etmək və ya cavab hazırlamaq üçün onu bölmələrə və ya konkret icraçılara verir və nəzarət altına alır, rəhbərliyin tapşırığının yerinə yetirilməsi müddətinə nəzarət edir. Rəhbərin qol çəkməsi üçün sənədləri və işçilərin şəxsi ərizələrini qəbul edir. Gələnlərin qəbulunu təşkil edir, onlarla nəzakətli və diqqətli rəftar edir, işçilərin təklif və xahişlərinə tez baxılmasına kömək edir. Təsdiq olunmuş nomenklaturaya uyğun olaraq işləri formalaşdırır, onların mühafizəsini təmin edir və təyin edilmiş vaxtda arxivə təhvil verir. Bilməlidir: kargüzarlığın aparılması üzrə əsasnamə və təlimatları; müəssisə, idarə və təşkilatların və onların bölmələrinin rəhbər işçi heyətini; makinaçılığı, orfoqrafiya və punktuasiya qaydalarını; müxtəlif sənədlərin çap olunmasında materialın yerləşdirilməsi qaydalarını; nümunəvi formaların istifadəsi ilə xidməti məktubların çap olunma qaydalarını; yazı makinasının, diktofonların, maqnitofonların istismar qaydalarını, qəbuledici-danışıq vasitələrindən istifadə qaydasını; təşkilati-göstəriş sənədlərinin vahid şəkilə salınmış sisteminin standartlarını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil və xüsusi təlim. KARGÜZAR Əmək funksiyası. Korrespodensiyanı qəbul edir, qeydiyyatdan keçirir və struktur bölmələri-nə göndərir. Müəssisə, idarə və təşkilatların rəhbərlərinin tapşırığına müvafiq olaraq sənədləri icraçılara verir, qeydiyyatlarını rəsmiləşdirir. Sənədli materialların keçməsinin qeydiyyat kartotekasını aparır, onların yerinə yetirilməsinə nəzarət edir, qeydiyyatdan keçmiş sənədlər üzrə lazım olan arayışlar verir. İcra olunmuş sənədləri ünvanlarına yola salır. Alınmış və yola salınmış korrespondensiyanın uçotunu aparır, cari arxivin sənədlərini sistemləşdirir və mühafizə edir. Kargüzarlıqda başa çatmış sənədli materialları və qeydiyyat kartotekasını hazırlayıb müəssisə, idarə və təşkilatların arxivinə təhvil verir. Xidməti sənədlərin mühafizəsini təmin edir. Bilməlidir: müəssisə, idarə və təşkilatlarda kargüzarlığın aparılmasının əsasnamə və təlimatlarını; kargüzarlığın vahid dövlət sisteminin əsaslarını; təşkilati-göstəriş sənədlərinin vahid şəklə salınmış sistem standartlarını; müəssisə, idarə və təşkilatların və onların bölmələrinin strukturunu; xidməti sənədlərin keçməsinə nəzarət qaydasını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil və xüsusi təlim. AGENT Əmək funksiyası. Naryad, sifariş və başqa sənədlərlə mal-maddi qiymətlilərini (xammal, material, avadanlıq, komplektləşdirmə məmulatı, inventar, dəftərxana ləvazimatı və s.) alır. Alman və yola salınan yüklərin sənədlərini rəsmiləşdirir, onların daşınılması üçün konteyner və nəqliyyat sifariş verir. Plandan kənar material alınmasını təmin edir. Mal-maddi qiymətliləri müəssisə, idarə və təşkilatların ünvanına göndərir, lazım olduqda yolda onları müşayiət edir və mühafizə olunmasını təmin edir. Yükləmə və boşaltma işlərində texniki təhlükəsizliyə riayət olunmasına nəzarət edir. Bilməlidir: maddi-təchizatın yükləmə-boşaltma işlərinin təşkilinin əsaslarını; konteyner və nəqliyyat vasitələrinin sifarişini; yüklərin alınması və yola salınması üçün lazımi sənədlərin rəsmiləşdirilməsi qaydasını; xammalın, material və digər mal-material qiymətlilərinin nomenklaturasını və sərfi normalarını; onların nəql edilməsi və mühafizəsi şərtlərini; daxili əmək intizamı qaydalarını; əməyin təşkilinin əsaslarını: əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 3-cü dərəcə: ümumi orta təhsil və xüsusi təlim. UÇOTÇU Əmək funksiyası. Operativ uçotun müxtəlif növləri (hazır məhsulun həcmi, xammalın, materialın, yanacağın, istehsalatda sərf olunan enerjini və s.) üzrə iş aparır. İlkin sənədlərdə uçotun növündən asılı olaraq uyğun nəticələri hesablayır və qeydlər edir, təyin olunmuş hesabatı, siyahı və məlumatları jurnal və ya kartoçkada tərtib edir. Bilməlidir: istehsalatın təşkilinin əsaslarını; operativ uçotun təşkilini; ilkin sənədlərin formalarını, onların doldurulma qaydalarını; müəssisədə buraxılan məhsulun həcminin ölçü vahidini; hesablama texnikasının istismar qaydalarını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2-ci dərəcə: ümumi orta təhsil, 1 aydan az olmayaraq xüsusi təlim. NARYADÇI Əmək funksiyası. Növbə-gün tapşırığı və ustanın, iş icrasının göstərişi ilə əmək haqqının və məhsuldarlığın ilkin sənədlərinin (naryadlar, siyahılar, məhsuldarlıq, raportlar və s.) eləcə də, xüsusi şəraitdə tətbiq edilən əmək haqlarını, fəhlənin təqsiri olmadan boşdayanmaları, iş vaxtından artıq işləri qeyd edir. Fəaliyyətdə olan normativ materiallara əsasən əmək haqqının, normalaşdırmanın təşkili üzrə, əməliyyatların texnoloji xəritələri üzrə işin dərəcəsinə və işlərin xüsusiyyətinə görə vaxt normalarını və istehsal qiymətlərini qeyd edir. Yazılmış naryadların və başqa ödəmə sənədlərinin əsasında normalaşdırılmış vaxtın uçotunu aparır, fəhlələr və briqadalar üzrə naryadları görülən işlərə qruplaşdırır və onları əmək haqqının ödənilməsi üçün lazımi xidmətə təqdim edir. Əməyin normalaşdırılması üzrə mühəndis və usta üçün lazım olan məlumatları tərtib edir. Bilməlidir: əməyin təşkili, normalaşdırılması və əmək haqqı üzrə əsasnamə, təlimat, digər rəhbər və normativ sənədləri, onların tətbiqi qaydalarını; əmək haqqı və məhsuldarlığın uçotu üzrə ilkin sənədlərin rəsmiləşdirilməsinin müddət və qaydalarını; istehsalat texnologiyasını və istehsalatın təşkilinin əsaslarını; hesablayıcı texnikanın istismar qaydalarını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2- ci dərəcə: ümumi orta təhsil, 1 ildən az olmayaraq xüsusi təlim. TABELÇİ Əmək funksiyası. Fəhlə və qulluqçuların müəssisə, idarə və təşkilatlarda olmasının faktiki vaxtını təyin etmək məqsədi ilə tabel uçotunu aparır, onların işə davamiyyətinə nəzarəti həyata keçirir. Tabeldə müvafiq qeydlər edir və hər gün işçilərin işə çıxması, çıxmaması və gecikməsi haqqında, səbəblərini qeyd etməklə raport tərtib edir. Müəssisə, idarə və təşkilatların işçilərinin işə qəbulu, bir işdən başqa işə keçirilməsi, çıxarılması, onlara məzuniyyət verilməsi barədə dəyişiklikləri əlavə edərək sistematik olaraq işçilərin siyahı tərkibinin uçotunu aparır. İşçilərin işdə olmadıqlarını təsdiq edən müvəqqəti iş qabiliyyətini itirmələri haqqında xəstəlik vərəqələrin, xəstələrə qulluq üçün arayışların və digər sənədlərin vaxtında təqdim olunmasına nəzarət edir. Müəyyən olunmuş qaydada işlənmiş, işdən əlavə işlənilən vaxt və əmək intizamının pozuntular haqqında məlumatları əks etdirən tabeli aparır. Bilməlidir: tabel uçotunun aparılması üzrə əsasnamə, təlimat və digər rəhbər və normativ sənədləri; müəssisə, idarə və təşkilatlarda və onların bölmələrində işin növbə cədvəlini və iş vaxtı rejimini; müəssisə, idarə və təşkilatlarda kargüzarlığın təşkilini; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2-ci dərəcə: ümumi orta təhsil, 1 ildən az olmayaraq xüsusi təlim. EKSPEDİTOR Əmək funksiyası. Daxil olan və göndərilən korrespondensiyanı indeksləşdirir, növlərə ayırır, qeydiyyat kitabçasında qeydə alır, qəbul və emal edir. Göndərilən korrespondensiyanı zərflərə yerləşdirir, ünvanları zərflərə yazır və zərfləri markalayır. Ekspedisiyadan keçən sənədlərin mühafizəsini təmin edir. Korrespondensiyanı emal edən maşınların texniki vəziyyətinə nəzarət edir, onların nasazlığı haqqında vaxtında xəbər verir. Bilməlidir: müəssisə, idarə və təşkilatlarda kargüzarlığın təşkilinin əsaslarını; korrespondensiyanın qəbul və emal metodlarını; daimi korrespondentlərin ünvanlarını; korrespondensiyanı emal edən maşınların istismar qaydalarını; müəssisə, idarə və təşkilatların və onların bölmələrinin strukturunu; daxili əmək intizamı qaydalarını; əməyin təşkilinin əsaslanın; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2-ci dərəcə: ümumi orta təhsil, xüsusi təlim. BURAXILIŞ BÜROSUNUN NÖVBƏTÇİSİ Əmək funksiyası. Müəssisə, idarə və təşkilatların ərazisinə giriş və çıxış üçün müvəqqəti, birdəfəlik buraxılış vərəqələrini və digər buraxılış sənədlərini müəyyən olunmuş qaydaya uyğun surətdə doldurur, rəsmiləşdirir. Jurnalda və başqa ilkin sənədlərdə, blankların, verilmiş və ya qaytarılmış buraxılmış vərəqələrinin qeydiyyatını və hesabını aparır. Müxtəlif şəkildə buraxılış vərəqələrinin verilməsi haqqında ilkin hesabatı tərtib edir və buraxılış sənədlərinin rəsmiləşdirilməsi və bağlı olan arayışlar hazırlayır. Bilməlidir: müəssisə, idarə və təşkilatlarda buraxılış rejimini nizama salan əsasnamə, təlimat və rəhbər normativ sənədləri; buraxılış vərəqələrinin və başqa buraxılış sənədlərinin verilməsi qaydalarını; müəssisə, idarə və təşkilatların strukturunu və onların bölmələrinin iş rejimini; blankların və qaytarılmış buraxılış vərəqələrinin uçotunu və mühafizə qaydalarını; buraxılış vərəqələrinin rəsmiləşdirmə formalarını. Təyin olunmuş hesabatın uçotunu, tərtibi qaydasını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2-ci dərəcə: ümumi orta təhsil və 1 aydan az olmayaraq xüsusi təlim. TEXNİKİ SƏNƏDLƏRİN SURƏTİNİ ÇIXARAN Əmək funksiyası. Kalkaya və ya xüsusi növ kağızlara tuş və ya karandaşla çəkilmiş çertyojun, sxemin və digər texniki sənədlərin surətini köçürür. Lazım olduqda, surətləri rəngli tuş və ya boya ilə rəngləyir. Bilməlidir: texniki rəsmxətin əsaslarını; surətçıxarmada işlədilən alət və ləvazimatları, onların saxlanılması və onlara qulluq qaydalarını; surətçıxarmada istifadə olunan kalkanın və ya xüsusi növ kağızın işə hazırlanması qaydalarını; daxili əmək intizamı qaydalarını; əməyin təşkilinin əsaslarını; əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını. Ödəniş dərəcələrinə ixtisas tələbləri: 2-ci dərəcə: ümumi orta təhsil, 1 aydan az olmayaraq xüsusi təlim. İSTİFADƏ OLUNMUŞ MƏNBƏ SƏNƏDLƏRİNİN SİYAHISI
BÜLLETENƏ EDİLMİŞ DƏYİŞİKLİK VƏ ƏLAVƏLƏRİN SİYAHISI 1 23 oktyabr 2007-ci il tarixli 14-1 nömrəli Azərbaycan Respublikasının Əmək və Əhalinin Sosial Müdafiəsi Nazirliyi Kollegiyasının Qərarı (Azərbaycan Respublikasının Normativ Aktlarının Bülleteni, 2007-ci il, № 11-12) ilə “Bütün sahələr üçün ümumi olan qulluqçu vəzifələrinin Vahid Tarif-İxtisas Sorğu Kitabçası”nın “Bütün sahələr üçün ümumi olan qulluqçu vəzifələrinin adı və ödəniş dərəcələri diapazonu” cədvəlinin “Vəzifələr” qrafasının “II. Mütəxəssislər” bölməsinə 3-cü sıra nömrəsi ilə “Patentşünas” vəzifəsi, “Dərəcələr diapazonu” qrafasında isə bu vəzifəyə uyğun olaraq “6-13” rəqəmləri daxil edilmişdir və sonrakı vəzifələr ardıcıllıqla nömrələnmişdir. 2 23 oktyabr 2007-ci il tarixli 14-1 nömrəli Azərbaycan Respublikasının Əmək və Əhalinin Sosial Müdafiəsi Nazirliyi Kollegiyasının Qərarı (Azərbaycan Respublikasının Normativ Aktlarının Bülleteni, 2007-ci il, № 11-12) ilə “Bütün sahələr üçün ümumi olan qulluqçu vəzifələrinin Vahid Tarif-İxtisas Sorğu Kitabçası”nın “Tarif-ixtisas xüsusiyyətləri” hissəsinin “Mütəxəssislər” bölməsində “Texnoloq” vəzifəsinin tarif-ixtisas xüsusiyyətlərindən sonra yeni redaksiyada “Patentşünas” başlığı altında bu vəzifənin tarif-ixtisas xüsusiyyətləri əlavə edilmişdir. Yüklə 0,62 Mb. Dostları ilə paylaş:
|