Lakin bəzi, xüsusi müəyyən olunmuş hallarda bu hüquqlar fərdlərə də
verilir. Bu o deməkdir ki, belə halda fərdin öz adından beynəlxalq məhkəmə
orqanı qarşısında dayanmaq və həUa məhkəmə icraatını başlamaq hüququ
olur. Məsələn, Avropa İnsan Hüquqları Konvensiyası (34-cü maddə),
Avropa İqtisadi Birliyi haqqında müqavilə (173-cü maddə) müvafiq olaraq
Avropa İnsan Hüquqları Məhkəməsi və Avropa Birlikləri Məhkəməsi
qarşısında şəxsin bilavasitə prosesi başlamaq və prosesdə müstəqil tərəf
(iddiaçı) kimi iştirak etmək hüququnu təsbit etmişdir.
6.
Transmilli korporasiyalar
Dövlətlər öz ticarət və maliyyə münasibətlərini təkcə başqa dövlətlər
və ya müvafiq beynəlxalq hökumətlərarası təşkilatlarla deyil, habelə iri
xarici şirkətlərlə də qururlar. Bu cür münasibətlər, bir qayda olaraq, bir və
ya bir neçə dövlətin daxili qanunvericiliyi ilə nizama salınır. Dövlətin hər
hansı xarici şirkətlə, o cümlədən transmilli korporasiya ilə əlaqəyə girməsi
faktı öz-özlüyündə axırıncıya beynəlxalq-hüquqi subycktlik vermir.
Bcynəlxalq-hüquqi subyektlik o zaman mövcuddur ki, münasibətlər
beynəlxalq hüquqla nizama salınır. Lakin dövlətlə xarici korporasiya
arasındakı müqavilə münasibətinin beynəlxalq hüquqla nizama salınması
mümkün haldır. Belə ki, dövlətlər razılaşa bilər ki, xarici şirkətlərlə on- lann
arasında ortaya çıxa bilən mübahisələr beynəlxalq hüquq nor- malannı
tətbiq edən beynəlxalq arbitraj tərəfindən həll olunacaqdır. Məsələn,
1964-cü ildə bağlanmış
İnvestisiya mübahisələrinin həll edilməsi
haqqında Konvensiya
daimi mexanizm nəzərdə tutur ki, onun vasitəsilə
iştirakçı dövlətlər və müvafiq korporasiyalar investisiya sazişlərindən irəli
gələn uyğunsuzluqları həll edə bilər. Əlbəttə ki, şirkətin hüquq və
vəzifələrinin beynəlxalq hüquqa uyğun nəzərdən keçirildiyi bu cür
orqanlarda iştirak beynəlxalq hüquq subyektliyi doğurur. Lakin qeyd etmək
lazımdır ki, bu su- byektliyin mövcud olması və həcmi son məqamda
dövlətlərin Razılığından və tanımasından asılıdır.
49
VI FƏSİL
BEYNƏLXALQ HÜQUQDA TANIMA
1.
Tanımanın anlayışı
l
anıma bir dövlətin başqa bir dövləti beynəlxalq hüququn
subyekti kimi nəzərdən keçirməsini və onunla rəsmi münasibətlər
qurmağa hazır olmasını bəyan edən birtərəfli aktdır. Tanıma habelə
bir dövlətin başqa bir dövlətdə və yaxud onun ərazisinin bir hissəsində
qeyri-konstitusion yolla bərqərar olmuş, səmərəli idarəçilik həyata
keçirən, müvafiq ərazidə situasiyaya tam nəzarət edən hakimiyyəti
həmin dövlətin (və ya müvafiq ərazinin əhalisinin) beynəlxalq
münasibətlərdə nümayəndəsi kimi qəbul etməsinə deyilir.
Əslinə qaldıqda, tanıma bilavasitə bcynəlxalq-hüquqi məsələ deyil,
çünki bir dövlətin başqa dövləti tanımaq vəzifəsi və ya müvafiq olaraq,
ikinci dövlətin tanınmaq hüququ yoxdur. Başqa sözlə, tanıma dövlətin tam
öz ixtiyanndadır və onu heç kim məcbur edə bilməz ki, yeni yaranmış
dövləti və ya hökuməti tanısın. Bir dövlət başqa bir dövləti (və ya
hökuməti) tanıyarkən öz siyasi və iqtisadi maraqlannı əldə rəhbər tutur.
Məsələn, Mərakeş Sahara Ərəb Demokratik Respublikasını (Qərbi
Şaharam) tanımır, çünki ona qarşı ərazi iddialan vardır (baxmayaraq ki.
Qərbi Sahara Afrika Birliyi Təşkilatının üzvüdür). Lakin dövlətin və ya
hökumətin tanınması mühüm beynəlxalq-hüquqi nəticələr doğurur.
Tanıyan və tanınan dövlət (hökumət) üçün tanıma normal ikitərəfli
münasibətlər qurmaq, o cümlədən diplomatik nümayəndəliklər təsis etmək
və müqavilələr bağlamaq üçün zəruri şərtdir.
Tamma birbaşa və ya dolayı yolla ifadə oluna bilər. Bir dövlətin
tanımadığı dövlətlə beynəlxalq konfransda iştirak etməsi dolayı tarama
hesab edilməməlidir. Lakin dövlətin hər hansı bir yeni dövlətin BMT- yə
qəbul olunmasının lehinə səs verməsi dolayı tanıma sayıla bilər.
50
2. Tanıma nəzəriyyələri
Tanımanın yeni dövlət üçün hansı əhəmiyyət daşıması ilə bağlı iki
bir-birinə zidd nəzəriyyə mövcuddur: konstitutiv nəzəriyyə və deklarativ
nəzəriyyə.
Konstitutiv nəzəriyyəyə
görə («təsis etmək», «yaratmaq» sözündən),
dövlət yalnız tanındıqdan sonra beynəlxalq hüququn subyektinə çevrilir.
Tanıma dövlətçiliyin, bcynəlxalq-hüquqi subyekt- liyin ilkin zəruri şərtidir.
Məsələn, əgər İsrail dövlət kimi tanınmayıbsa, deməli o, dövlət deyildir.
Beləliklə, tanıma dövləti və ya hökuməti «yaradiD>. Konstitutiv
nəzəriyyənin bir sıra mühüm qüsur- lan vardır. Belə çıxır ki, yeni qurumun
bcynəlxalq-hüquqi subyekt- liyi üçüncü tərəflərin subyektiv mövqeyindən
asılıdır. Bcynəlxalq- hüquqi subyektlik obyektiv fakt olmalıdır və onun
mövcudluğunu yalnız beynəlxalq hüquq normalarını tətbiq etməklə ortaya
çıxarmaq olar. İkinci bir tərəfdən, sözügedən nəzəriyyədən aydın deyildir
ki, hər hansı bir dövlətin beynəlxalq hüququn subyekti sayılması üçün nə
qədər dövlət onu tanımalıdır: bir dövlət, yoxsa «apancı» dövlətlər və ya
dünyanın bütün ölkələri.
Deklarativ nəzəriyyə
(«bəyan etmək» sözündən) əksinə
hesab edir ki,
tanıma obyektiv fakt kimi artıq mövcud olan bcynəlxalq- hüquqi subycktliyi
yalnız bəyan edir. Yeni yaranmış dövlətin beynəlxalq hüququn subyekti
olması onun başqa dövlətlər tərəfindən tanınmasından qətiyyən asılı
deyildir. Deklarativ nəzəriyyə beynəlxalq praktikaya uyğun gəlir. Bu
nəzəriyyə Avropa İttifaqının Yuqoslaviya üzrə Arbitraj Komissiyasının
qərarında (1993-cü il) əsas götürülmüşdür. Beləliklə, əgər hər hansı bir
qurum dövlətçiliyin yuxanda şərh etdiyimiz meyarlarına cavab verirsə, onda
o, tanınmadan asılı olmayaraq dövlət olacaqdır.
51