Bu mərhələlərin ardıcıllığına əməl edilməsi həm əlaqənin ya
radılması üçün, həm də tərəf-müqabilə psixoloji təsir göstərilməsi
üçün prinsipial baxımdan mühümdür.
I
m ərhələ Psixoloji m aneələrin aradan qaldırılm ası. İki ada
mın (məsələn, həmkarların, rəis və tabeliyində olanın, biznes
tərəfdaşlarının və s.) görüşü zamanı hər iki tərəfdaş bir-birindən
müəyyən hərəkətlər gözləyir. Məhz bu, onların ilkin mərhələdə
münasibətlərinə təsir göstərir.
Qarşı tərəfin hər hansı təsirinə hazırlaşarkən (bu isə, bir qay
da olaraq, ilk görüş zamanı o qədər də arzuedilən deyil) insan
düşünmədən tərəfdaşı ilə özü arasında bir sıra sədlər qurur: yüksək
ehtiyatlılıq, mülahizələrinə nəzarət və s.
Təcrübə göstərir ki, bu halda ən yaxşı vasitə vaxtaşırı tərəf-
müqabili ilə razılaşdığını bildirmək və eyni davranışın də qarşı
tərəfdən nümayiş etdirilməsidir. Beləliklə, birinci mərhələnin iki
funksiyası - psixoloji sədlərin aradan qaldırılması və gərginliyin
səviyyəsinin azaldılması - bir əsas funksiyada birləşir. Bu, sonrakı
qarşılıqlı fəaliyyət üçün yolların hazırlanmasıdır. Birinci mərhələ
müsbət və mənfi kimi iki əsas amilə bölünür.
Müsbət amil - razılaşmaya, yaxud m üxtəlif məsələlər üzrə ra
zılıqların toplanmasına aparan bütün şərtlər. Onlara aiddir:
A) razılaşmaların sürətliliyi;
B) onların qarşılıqlı olması və üst-üstə düşməsi;
C) həm bu, həm də qarşı tərəfdən razılaşmaların növbələşməsi.
Mənfi amil kimi sədlərin yaranmasına səbəb olan ehtiyatlılığı
göstərmək mümkündür.
Ünsiyyətin təşəbbüsçüsü kimi çıxış edən şəxsin işində ünsiy
yətin birinci mərhələsində mühüm prinsip söhbət üçün mövzunun
seçilməsidir. Bunlar ictimai həyatdakı
hadisələr, havanın vəziyyəti, id
man yarışlarının nəticələri və s. ola bilər. Bu zaman söhbət problem və
hadisələrə razılaşmamaq mümkün olmayan tərzdə qiymət verilməsi
ilə müşayiət olunmalıdır. Bir qayda olaraq, bunlar müəyyən qrup üçün
hamı tərəfindən qəbul edilən fikirlər, mülahizələr və rəylər olur.
Beləliklə, əsas vəzifə - gərginlik, qorxu yarada biləcək, ya
xud psixoloji sədd əmələ gətirə biləcək anlan aradan qaldırmaqdır.
94