DAŞ YUXULAR
102
Bu sözdәn sonra Babaş o başda telefonu qapadı, bu
başda telefonun dәstәyi әlindә qalan artist gözlәrini
Mopassan Mirәlәmova dikdi:
- Eşitdin? Deyir, mәni tәbrik elәmәmisәn. Nәyә görә
onu tәbrik elәmәliyәm?
- Bilmirәm. - Direktor gözünü telefon aparatından
ayırmadan mızıldandı.
- Dünәnki "Kommunist" qәzetindә yekә bir mәqalәsi
çıxıb. Yәqin onu deyir.
- O da yazıçı olub? - Artist deyinә-deyinә kabinetdәn
çıxmaq üçün qapıya yönәldi.
- Hara? - Mopassan cod sәslә soruşdu.
- Bunu aparın, özü yolu çәtin yolu tapa.
- Otur. Sürücüm aparar.
Camalı kabinetdәn qovub çıxarmadan özünü güclә
saxlayan Mirәlәmov Sadayın әlini qamarlayıb özünә sarı
dartdı vә onu kresloya oturtdu. - Qulaq as, sәnә nә olub?
- açıq-aşkar artistin halına acıyan Mopassan kәdәrlә dedi.
- Bilmirәm nә olub?
- Nә olacaq bir aydır ki, sәni evdәn çıxara bilmirәm.
- Şişirtmә, ay yoxdu - Saday Sadıqlı etiraz elәdi.
- Axırıncı sәfәr nә vaxt burda olmusan? Әgәr dәqiq
desәn, bir xaş qonaqlığı mәndә.
- Sözün düzü, Mopoş, yorulmuşam, hәr şeyә nifrәt
elәyirәm. - Artist sәmimiyyәtlә etiraf elәdi.
- Nәdәn yorulmusan axı? Kimdi sәni yoran? Burda
sәnә güldәn ağır söz deyәn var? Özünә qapanıb evdәn
bayıra çıxmırsan. Başa düşmürәm bütün günü evin içindә
necә boş-bekar oturmaq olar?
DAŞ YUXULAR
103
Mirәlәmov cibindәn açar çıxarıb açılıb örtülәn şkafın
arxasındakı gizli, köhnә seyfi açdı - teatrda kabinetin bu
hәssas nöqtәsinә "Mopoşun sirri dağarcığı" deyirdilәr.
Oradan әn hörmәtli qonaqlar üçün saxladığı bir şüşә
fransız konyakı, "moskovski" şkolad qutusu, iki bullür
qәdәh çıxarıb stolun üstünә qoydu.
- Yaxşı, gәl oturaq, - qәdәhlәrә konyak süzәrәk dedi.
- Bir az qırışığımız açılsın.
Neçә ay idi Saday Sadıqlı dilinә sipirtli içki vurmurdu.
Tam әmin olmuşdu ki, nәsә dilinә dәysә, mütlәq bir zibil
çıxardacaq. Ona görә dә içmәkdәn qorxurdu. Amma
indicә içdiyi konyak onun canındakı qorxunu bir anda silib
apardı. Bәdәnindә xoş vә әtirli hәrarәt bәdәninә yayıldı,
ürәyi sakitlәşdi, qanı duruldu. Bir anın içindә dörd tәrәf
geniş azad vә çox rahat oldu.
Ey mәnim Allahım, sәbәb nәydi? Birdәn-birә necә
oldu ki, çoxdan unudulmuş Әylisindә dağlar, daşlar dirilib
cana gәldi. Ay Allah, nә tәhәr oldu ki, Anikonun boğulan,
qәhr olan sәsi durduğu yerdә, lap elә heç nәdәn Әylis
sәhәrinin yaxasında gül kimi açılıb yenidәn parladı, dirildi.
Nә üçün, İlahi, Saday bütün varlığı ilә istәdi ki,
Mopossanın qarşısında Anikonu әzizlәsin, Әylisin vicdanlı,
zәhmәtsevәr ermәni әhalisi haqqında danışsın, onları
tәriflәsin.
O, coşğun bir istәklә Әylis ermәnilәrinin möcüzә
yaratmağa qadir әmәksevәrliyi vә Allaha bәslәdiklәri
nәhayәtsiz sevgi barәsindә teatrın drektoruna tәkrar-
tәkrar danışmaq istәyirdi. Ancaq, o, belә elәmәdi. Başa
düşdü ki, Әylis ermәnilәri barәsindә Әylisdә doğulmayan,
on iki Әylis kilsәsinin eyni anda yüksәlәn zәng sәslәrini
DAŞ YUXULAR
104
dinlәmәyәn, Әdif bәyin qara atından, qәssab
Mәmmәdağanın xançalından xәbәrsiz, kilsәnin günbәzindә
sirli bir parıltıyla әks olunub hansısa bir әylisli oğlan
uşağının qәlbinә axan o sarımtıl-narıncı işığı ömründә
bircә yol görmәyәn bir adama Әylis ermәnilәri barәdә
nәsә demәyin heç bir mәnası yoxdur.
- Yox, Mapossan Mirәlәmova ümumiyyәtlә Әylis
barәdә bircә kәlmә dә demәdi, bunun әvәzinә konyakı
tәriflәdi. Mopoşa xoş sözlәr söylәdi vә ürәyindә
insanlardan aralı qaçdığına görә özünü qınadı. Tәklik, indi
belә düşünürdü, ölümün özüdür, bәlkә ölümdәn
dәbetәrdir. Yaxşı ki, hәrdәnbir içmәk var, yoxsa adam
gәbәrәr, üstünә tökülәn dәrdin әlindәn yaxa qurtara
bilmәz.
Elә birinci qәdәhdәn sonra Mopassan Mirәlәmovun
keyfi duruldu, üzü tәravәtlәndi, gözlәrinә işıq gәldi. Yeni
pyesdәn danışmaqdan üçün hövsәlәsi daralıb bir tikә olsa
da "Mopoş dayı" әsas mәtlәbә keçmәyә tәlәsmirdi.
Görünür işin әvvәlindә o ( razılaşdırılmış plan üzrә) artistin
әhvalını yüksәltmәk istәyirdi ki, sonra onun başını
bişirmәk asan olsun. Ola bilәr, xasiyyәtinә yaxşı bәlәd
olduğu Saday Sadıqlının rәdd cavabı verә bilәcәyindәn
ehtiyatlandığı üçün vaxtı uzadırdı. Yaxud da direktor
teatra Mәrkәzi Komitәdәn göndәrilәn әsәrin bәdii
cәhәtdәn heç bir dәyәrә malik olmadığını anlayır, amma
dәfәlәrlә telefonda tәriflәmәyinin әksinә olaraq indi,
dostyana şәraitdә pyesin yaxşılığına danışmağı özünә
sığışdıra bilmirdi. Mopassan Mirәlәmov yenә qәdәhlәrә
konyak süzdü. Bir-iki qurtum içib xoşbәxtcәsinә
gülümsündü.
DAŞ YUXULAR
105
- Fikir verirsen, ustad, necә gözәl alındı. Әn yaxın
dostum Saday Sadıqlı qәdәr tәmiz adam olmasam da, heç
demә, qardaş, mәnim dә üstümdә Allahın nәzәri varmış.
Bunun hamısı Allahın hökmüdür. Sәnin o çobanını da bura
Allah hәrlәyib gәtirib. Әgәr o peyda olmasaydı, hәlә
bundan sonra sәrasәr bir ay sәni evdәn dartıb çıxara
bilmәyәcәkdim. Ziyadovla danışmağımız da әla oldu.
Uşaqlıq dostun öz ayaqıyla durub bura gәlmәsәydi, hansı
sәbәbә görә Ziyadova zәng elәyәrdim. Eşitdin dә, tәzә
Rәhbәrin adını çәkmәklә onu nә tәhәr umsuğa saldım?
İndi Ziyadov teatrın üç-dörd tәzә tamaşasına maya
buraxmağa hazırdı. Yüz faiz әminәm ki, maliyyәlәşdirәcәk.
Bәxti gәtirib, yenә köhlәn belindәdi. İndiki Birinci ilә
komsomoldan dostluq elәyirlәr.
- Yaxşı, bәs Babaş keçmiş Rәhbәrin adamı deyildi? -
Fikri-zikri Camalın yanında qalan Saday Sadıqlı laqeyd
halda soruşdu.
- İç - direktor әlindә qәdәh Saday Sadıqlının
qarşısında dayanıb bir növ tәlәb elәdi. Әla çayım da var,
indi dәmlәyәrik. - O, elektrik somavarınnı su ilә doldurub
cәrәyana qoşdu.
- Boşla getsin. Heç indiyә qәdәr keçmiş Rәhbәr,
yanında bircә nәfәr dә olsun diri adam saxlayıb ki? Onun
qabağında kimin hünәri çatırdı desin, mәn dә adamam,
atam filankәsdi, anam filankәsdi? Az-maz adamlığı olan
bir paralarını isә mәxsusi jandarm metodunu işә salıb
dinmәzcә xidmәt elәyәn idbar mәxluqlara çevirib, istinasız
olaraq hamısını maskalanmağa mәcbur edib. İndi biz nә
tәhәr deyә bilәrik ki, kim onun adamı olub, kim olmayıb.
Dostları ilə paylaş: |