CÜMHURİYYƏTİN TƏHLÜKƏSİZLİK ORQANLARI (1918-1920)
123
Sual: Daha sonra quraşdırdığınız şeiri harada demisiniz və ya
oxumusunuz?
Cavab: Heç harada mən oxumamışam və deməmişəm.
Sual: “
Koba” və ya “Kuba” sözü necə yazılır onu göstərin. Hazırda o
şeir hardadır və kimə həsr edilmişdir?
Cavab: Şeirdə həmin söz belə yazılmışdır (istintaq işində “Koba” sözü
əski əlifba ilə Şamçızadənin dəsti-xətti ilə yazılıb göstərilmiş və imza ilə
təsdiq edilmişdir - C.Q.).
Həqiqətən onun kimə ithaf edildiyini bilmirəm
və harada olduğunu xatırlamıram”.
Dindirmə zamanı da Əli Razi əksinqilabi millətçi təşkilatla əlaqəsini
boynuna almır. Bu isə onun vəziyyətini daha da ağırlaşdırırdı. XDİK
əməkdaşları Şamçızadəni ifşa etmək üçün müxtəlif şahidlərdən ifadə
alır və onun özünü qohumları və dostları ilə üzləşdirir, əksinqilabi
millətçi fəaliyyətdə olduğunu boynuna qoymağa çalışırdılar.
Bəzi şahidlər verdiyi ifadələrində onun
həqiqətən millətçi olduğunu
qeyd etsələr də, o, bunları rədd edir, heç bir əksinqilabi millətçi işlə
məşğul olmadığını bildirirdi. Şahidlərdən biri 11.08.1937-ci ildə
verdiyi ifadəsində Əli Razini erməniləri sıxışdırdığına və Yazıçılar
İttifaqının Kirovabad filialında onlara qayğı ilə yanaşmadığına görə,
başqa sözlə, millətçilikdə ittiham edirdi:
Sual: Əli Razi Şamçızadənin Yazıçılar İttifaqının rəhbəri işlədiyi
zaman millətçi baxışlarını hiss edirdinizmi?
Cavab: Bu suala mən belə cavab verə bilərəm ki, Əli Razinin Yazıçılar
İttifaqına rəhbərliyi dövründə Kirovabad şəhərində çoxlu gənc erməni
olmasına baxmayaraq, bizim ittifaqda yalnız bir erməni var idi. Əli Razi
erməni yazıçıları ilə heç vaxt maraqlanmırdı və onların hazırlanması
barədə məsələ qaldırmırdı. Lakin Əli Razi Yazıçılar İttifaqından gedəndən
sonra onlarla erməni gənci ittifaqa daxil oldu”.
Bu idi Azərbaycan ziyalısının düşdüyü vəziyyət. Özündən öncə
özgəni sevmə dərsini keçirdilər onlara. Azərbaycan ziyalısı o günə
salınmışdı ki, Yazıçılar İttifaqında say etibarilə özündən çox ermənini
görmək istəyirdi. Ona görə də Şamçızadənin atmadığı bu addımları
millətçi baxış kimi pisləyirdilər. Hansı ki, həmin illərdə ermənilər
bütün sahələr
üzrə müxtəlif vəzifələrdə, xüsusilə də hüquq-mühafizə
orqanlarında kifayət qədər yerləşdirilmişdi və çörəyini yediyi
CÜMHURİYYƏTİN TƏHLÜKƏSİZLİK ORQANLARI (1918-1920)
124
azərbaycanlıları kütləvi surətdə məhv edirdilər. Təsadüfi deyildir ki,
M.C.Bağırov da vaxtilə ermənilərə inandığını, Azərbaycan xalqının
taleyini onlara etibar etdiyini gec də olsa etiraf edirdi:
“Mənim əsas
səhvim odur ki, Beriyaya və onunla bağlı olan və onun düşmən
mövqeyini müdafiə edən, orqanlarda birgə iş üzrə onunla uzun
illər boyu əlaqədə olan Sumbatov, Borşev, Qriqoryan, Markaryan
və başqalarına göz yummuşam, onların iç üzünü tanımamışam.
Mən onlara inanaraq XDİK orqanlarını onlara etibar etmişəm.
Bu işdə xalqın qarşısında günahlarım o qədər böyükdür ki, məni
güllələmək azdır, asmaq azdır, məni şaqqalamaq, parça-parça
etmək lazımdır”.
137
XDİK əməkdaşları fiziki güc işlətməklə bir neçə şahidi onun
əksinqilabi millətçi təşkilatda fəaliyyəti ilə bağlı
ifadə verməyə məcbur
etdilər. Əli Razi özünü müqəssir bilməsə də, şahidlərin verdiyi ifadələrlə
kifayətlənən XDİK Kirovabad şəhər şöbəsinin əməliyyat müvəkkili
DT serjantı 1937-ci il noyabrın 10-da belə bir qərar hazırladı. Qərar
Kirovabad şəhər şöbəsinin rəisi Qamrekeli ilə razılaşdırıldı:
1.
Behbudov Musa Abasqulu oğlu
2.
Məmmədov Qara Haqverdi oğlu
3.
Babayev Məmməd Əhməd oğlu
4.
Mir Cəfər Mir Abdülhəsən Mir Məmməd oğlu
5.
Şamçızadə Əli Razi Yəhya oğlu
6.
İsmayılov Məmməd Hüseyn oğlu
7.
Abramov Nikolay Yakovleviç
8.
Məmmədzadə Əyyub Məmmədəli oğlu.
Xüsusi konvoyla Bakı şəhərinə Azərbaycan SSR XDİK-in
sərəncamına göndərildi. Beləliklə, adları çəkilən şəxslər Gəncə
şəhərindən Bakıya gətirildi.
Ə.R.Şamçızadə burjua-millətçi təşkilatın üzvü olduğunu boynuna
almadığından istintaq zamanı bu məsələyə yenidən qayıtdılar.
Gəncədən Bakı şəhərinə gətirilmiş Şamçızadə 1937-ci il noyabrın
13-də verdiyi ifadəsində yenə də əksinqilabi millətçi təşkilatın üzvü
olmadığını bildirdi:
“Sual:
İstintaqa məlumdur ki, siz Kirovabad şəhərindəki əksinqilabi
137 Mir Cəfər Bağırovun məhkəməsi. Bakı,1993, s.115.
CÜMHURİYYƏTİN TƏHLÜKƏSİZLİK ORQANLARI (1918-1920)
125
millətçi, üsyançı təşkilatın üzvüsünüz. Bunu boynunuza alırsınızmı?
Cavab: Xeyr, boynuma almıram. Mən əksinqilabi millətçi, üsyançı
təşkilatın üzvü olmamışam.
Sual: Siz həqiqəti demirsiniz. İstintaqa dəqiq məlumdur ki, Siz
əksinqilabi millətçi, üsyançı təşkilata daxilsiniz. İstintaq sizdən tələb edir
ki, düzgün ifadə verəsiniz.
Cavab: Təkrar edirəm, mən – Əli Razi Şamçızadə əksinqilabi millətçi,
üsyançı təşkilata daxil olmamışam.
Sual: Həqiqəti inkar etməklə siz istintaqı azdırmağa çalışırsınız.
İstintaq sizə təklif edir ki, inadınızdan əl çəkib düzgün ifadə verəsiniz.
Cavab: Mən həqiqəti deyirəm. Mən əksinqilabi millətçi, üsyançı
təşkilatın üzvü olmamışam və bu əksinqilabi təşkilatın fəaliyyəti barədə
heç nə bilmirəm.
Sual: Sizi necə bir əksinqilabi millətçi, üsyançı təşkilatın üzvü kimi öz
həmfikirləriniz ifşa edir. Nə üçün siz inad edirsiniz?
Cavab: Bir daha təkrar edirəm, mən əksinqilabi millətçi, üsyançı
təşkilatın üzvü olmamışam. İmza”.
Bu dindirmədən düz on gün sonra Əli Razini yenidən sorğu-suala
tutdular. Həmişə olduğu kimi yenə də müstəntiq onun əksinqilabi
millətçi təşkilatda iştirakını təkidlə soruşurdu. Bu dindirmə zamanı o
özünün əksinqilabi millətçi təşkilatda iştirakını boynuna aldı. Bundan
sonra Əli Razi bir neçə
dəfə dindirildi və nəhayət, Bakı şəhərində
1937-ci il noyabrın 29-da istintaqın başa çatdığı Şamçızadəyə elan
olundu. O, istintaqa əlavə heç nə deməyəcəyini bildirdi.
Beləliklə, Şamçızadənin işi SSRİ Ali Məhkəməsi Hərbi
Kollegiyasının Səyyar Sessiyasının sərəncamına göndərildi.
Əli Razi Şamçızadənin işi üzrə Bakı şəhərində yanvar ayının
5-də hazırlıq iclası keçirildi. Hazırlıq iclasında qərara alındı ki,
Şamçızadə Əli Razi Yəhya oğlu Azərbaycan SSR CM-in 64, 70 və
73-cü maddələrində nəzərdə tutulan cinayətlərdə təqsirləndirilsin,
işinə şahidsiz, ittihamçısız və müdafiəçisiz bağlı məhkəmə iclasında
baxılsın.
1938-ci il yanvarın 7-də, Bakı şəhərində, sədr İ.T.Nikitçenko, üzvlər
V.İ.İyevlov və P.E.İşenko, katib L.H.Kuduryavçev olmaqla SSRİ Ali
Məhkəməsi Hərbi Kollegiyasının Səyyar Sessiyası ilə bağlı iclası öz