Hörmətli Konfrans iştirakçıları, Əziz gənclər!
Azərbaycan dövlətinin banisi və qurucusu Ulu Öndər Heydər Əliyevin bütün sahələrdə
olduğu kimi, Azərbaycan elminin və təhsilinin təkmilləşməsi və davamlı inkişafı sahələrindəki
misilsiz xidmətləri də hər kəsə məlum olmaqla yanaşı danılmaz həqiqətdir. Hələ Sovetlər
dövründə onun göstərişi ilə keçmiş SSRİ-nin öndə gələn universitetlərinə hər il göndərilən
mindən çox azərbaycanlı gənclərin yüksək biliklər əldə edərək doğma Azərbaycana qayıtmaq-
la müxtəlif sahələrdə xalqına xidmət etmələri deyilənlərin çoxsaylı sübutlarından biridir.
Gənclər daimi Ulu Öndərin diqqəti mərkəzində olmuşdur. Ölkənin gələcəyini gənclərdə görən
Azərbaycan xalqının Ümummilli Lideri gənclərin bütün sahələrdə - elm, təhsil, idman və sair
sahələrdə daimi inkişaf etmələri üçün əlindən gələn nə varsa etmişdir. Ulu Öndər Heydər
Əliyevin Azərbaycan xalqının təkidli dəvəti ilə ikinci dəfə hakimiyyətə gəldiyi 1993-cü ildən
cəmi bir il sonra- 1994-cü ildə məhz gənclərə hərtərəfli xidmət məqsədilə o vaxtadək mövcud
olmayan yeni nazirliyi - Cənclər və İdman Nazirliyini təsis etməsi onun gənclərə verdiyi xüsusi
önəmin bariz nümunəsidir.
Ulu Öndərin layiqli davamçısı möhtərəm Prezident İlham Əliyev Cənabları gənclərə diq-
qəti daha da artırmış, onların bütün sahələrdə inkişafı üçün geniş şərait yaratmışdır. Gənclər
hər zaman İlham Əliyev Cənablarının diqqət mərkəzində olmuş və olmaqda davam edir. Azər-
baycan gənclərinin Prezident İlham Əliyev Cənablarının daxili və xarici siyasətini mütəşəkkil
şəkildə dəstəkləməsi məhz bu növ qayğıların nəticəsidir. Qafqaz Universiteti Ulu Öndərin və
onun layiqli davamçısı İlham Əliyev Cənablarının Gənclər siyasətini rəhbər tutaraq bu siyasətə
dəstək məqsədi ilə 2013-cü ildən etibarən hər il Ulu Öndərin anadan olma gününə həsr olun-
muş “Gənc Tədqiqatçıların Beynəlxalq konfransını” təşkil edir. Dünyanın çoxsaylı ölkələrindən
gələn gənclərin diqqətini cəlb edən bu Beynəlxalq konfransların təşkil olunmasında məqsəd
Azərbaycan gənclərinin elmi-tədqiqat işlərindən əldə etdikləri nəticələri bir-biri və xarici ölkə
gəncləri ilə müzakirə etmək, xarici ölkə gənc xarici ölkə gənclərinin tədqiqat işləri ilə yaxından
tanış olmaq, gələcək tədqiqatlarını daha yüksək səviyyədə yerinə yetirmək üçün təcrübə əldə
etmək, Ulu Öndərin, həmçinin İlham Əliyev Cənablarının gənclərə və onların hərtərəfli inkişa-
fına verdikləri önəmi əyani olaraq xarici ölkələrdən gələn gənc tədqiqatçılara bəyan etmək və
gənclərin Ulu Öndər qarşısındakı vəfa borclarını xatırlatmaqdır.
Gənc Tədqiqatçıların birinci (2013-cü il), ikinci (2014-cü il) və üçüncü (2015-ci il) Beynəl-
xalq konfranslarında olduğu kimi, bu ilki dördüncü Beynəlxalq konfrans da Azərbaycan və
xarici ölkə gənclərinin geniş maraqlarına səbəb olmuşdur. Məhz bu səbəbdəndir ki, Ulu
Öndərin anadan olmasının 93-cü ildönümünə həsr olunmuş ”Gənc Tədqiqatçıların IV Beynəl-
xalq Konfransa” Azərbaycan, Türkiyə, İran, Rusiya, ABŞ, Fransa, Albaniya, Çexiya, Əlcəzair,
Özbəkistan, Qazaxıstan, Qırğızıstan, Misir, Kanada, Estoniya, Gürcüstan, Qana, İndoneziya,
Kenya, Makedoniya, Nigeriya, Pakistan, Filippin, Polşa, Rumınya və Macarıstan və İngiltərədən
1700-ə yaxın gənc tədqiqatçı məruzələrinin tezislərini göndərmişlər. Konfransın Elmi Heyəti
rəyçilərin tövsiyələrini əsas götür-məklə 1100 məruzəni qəbul edərək konfransın gündəliyinə
daxil etmişdir. Qafqaz Universitetinin rəhbərliyi belə mötəbər tədbirin ən yüksək səviyyədə
təşkili üçün lazım olan bütün tədbirləri həyat keçirmişdir və keçirməkdə davam etməkdədir.
Bu konfransın Möhtərəm Prezident İlham Əliyev Cənablarının öz Sərəncamı ilə elan etdiyi
Multikulturalizm İlinə də təsadüf etməsi xüsusi önəm təşkil edir. Bütün bunları diqqətə alaraq
Konfrans iştirakçılarına böyük uğurlar və səmərəli fəaliyyət arzulayıram.
Prof. Ahmet Saniç
Qafqaz Universitetinin Rektoru,
Konfransın Təşkilat Komissiyasının Sədri