50
BP Azərbaycanda Davamlı inkişaf haqqında hesabat 2011
Təhsil təşəbbüsləri
Təhsil imkanlarının genişləndirilməsi üçün
tərtib edilmiş proqramlar Azərbaycanda davamlı biznesin qurulmasına
dəstək vermək səylərimizin mühüm hissəsidir
hazırlanıb. Məktəb layihələri idarəetmə
təlimi sahəsində aparıcı beynəlxalq şirkət
olan “ESI International”ın dünyada tanınmış
geniş proqramından faydalanmaq imkanı
verir. Layihənin diqqəti iki məsələyə – ölkədə
layihələri idarəetmə üzrə bacarıqların yaxın
zamanda təkmilləşdirilməsinə və bu sahədə
uzunmüddətli potensialın yaradılmasına
yönəlib. Ümumi büdcəsi 1 milyon dollar
olan layihənin 2013-cü ildə başa çatması
planlaşdırılır.
BP-nin xüsusi təqaüd proqramı
Azərbaycanda BP tərəfindən maliyyələşdirilən
BP-nin xüsusi təqaüd proqramı 2007-ci
ildə həyata keçirilməyə başlayıb. Proqram
Dövlət Neft Akademiyasında neft mühəndisi
və yerşünaslıq ixtisasları üzrə təhsil alan
tələbələrin təhsilinə dəstək vermək
məqsədilə tərtib edilib. 2012-ci ilin əvvəlinə
257 nəfər birinci və ikinci kurs tələbəsinə, o
cümlədən 2011-ci ildə 77 tələbəyə BP-nin
xüsusi təqaüdü təqdim edilib. Bunlardan 33
nəfəri – akademiyaya qəbul zamanı ən yüksək
bal toplamış birinci kurs tələbələri BP-dən
hədiyyə kompyuterlər aldı, 34 nəfər ikinci kurs
tələbəsinin isə ingilis dili kurslarında təhsilinə
sponsorluq edildi.
BP-nin tələbələr üçün geologiya üzrə yay
təcrübə kursu
2011-ci ilin yayında biz tələbə və məzunların
sedimentologiya və struktur geologiya üzrə
yay çöl-səhra təcrübəsinə sponsorluq etdik.
Belə bir qədim, müdrik ifadə var: “Bir
adama balıq ver, onu yalnız bir gün
yedirdərsən. Ona balıq tutmağı öyrət,
ömürlük ruzi verərsən”. Azərbaycan da daxil
olmaqla, fəaliyyət göstərdiyi hər bir ölkədə
yerli səriştə və bacarıqların yaradılması
istiqamətində BP-nin göstərdiyi səylərin
timsalında bu müdrik ifadə özünü tamamilə
doğruldur. Buna ən yaxşı misal olaraq BP-
nin Qafqaz Universitetinə yeni mühəndislik
fakültəsinin genişləndirilməsi və təchizində
verdiyi dəstəyi göstərmək olar. Mən
həqiqətən çox məmnunam ki, 2010-11-ci
təhsil illərinin sonuna qədər 30 nəfərə
yaxın tələbə ən yüksək balla buraya daxil
olub və onların arasında bir neçə prezident
təqaüdçüsü var. Bu məndə əminlik hissi
yaradır ki, şirkətimiz bir çox gəncimizin
həyatına müsbət təsir göstərir.
İbrahim İsmayılov
Davamlı inkişaf təşəbbüsləri
üzrə menecer, BP AGT
Bakı-Tbilisi-Ceyhan boru kəməri layihəsinin
Azərbaycanın sürətlə inkişaf etməsində
nə qədər rolu olubsa, BP və Qafqaz
Universiteti arasındakı əməkdaşlıq da bir o
qədər Qafqaz Universitetinin mühəndislik
sahəsində irəliləyişini sürətləndirib. Bu
layihə eyni zamanda Azərbaycan üçün
dünya standartlarına uyğun mühəndislərin
yetişdirilməsinə kömək edəcək.
Ahmet Saniç
Rektor, Qafqaz Universiteti
BP öz tərəfdaşları ilə birlikdə 2011-ci ildə
Azərbaycanda tələbə və məzunlar üçün təhsil
təşəbbüslərini, davamlı təhsil və təqaüd
proqramlarını dəstəklədi. Əsas diqqətimiz
təbiət elmləri ilə bağlı ixtisaslara, o cümlədən
neft-qaz, kimya və mexanika mühəndisliyinə
yönəldi.
Qafqaz Universiteti layihəsi
2011-ci ildə Bakıda yerləşən Qafqaz
Universitetində iki il bundan əvvəl BP-nin
dəstəyi ilə qurulmuş kimya mühəndisliyi
fakültəsi üçün beş yeni laboratoriyanın
açılmasına sponsorluq etdik. Müasir
avadanlıqlarla təchiz edilmiş bu laboratoriyalar
ümumi kimya, analitik kimya, üzvi kimya,
kimya mühəndisliyi və fiziki kimya üzrə
ixtisaslaşıb.
2011-ci ildə Qafqaz Universitetinin
mexanika mühəndisliyi fakültəsinə (həmçinin
bizim dəstəyimizlə açılıb) ilk 16 nəfər tələbə
qəbul oldu. 2012-ci ildə fakültədə yeni
mexanika mühəndisliyi laboratoriyalarının
açılması planlaşdırılır. Layihənin ümumi dəyəri
2,2 milyon dollardan çoxdur ki, bunun da
təqribən 1,2 milyon dolları BP-nin payına düşür.
Layihələri İdarəetmə Məktəbi
BP və onun tərəfdaşlarının 2010-cu ildə
qurduğu Layihələri İdarəetmə Məktəbi 2011-ci
ildə çox uğurlu birinci fəaliyyət ilini başa vurdu.
Bu proqram Azərbaycanda özəl və ictimai
sektorda işləyən şəxslərin layihə idarə etmək
bacarıqlarını inkişaf etdirmək məqsədilə
Tələbələr professor-təlimçi ilə birlikdə BP-nin geologiya üzrə yay çöl-səhra təcrübəsində
51
Cəmiyyət
Yerli və xarici universitetlərdən müraciət
etmiş 82 nəfər ərizəçi arasından biliklərin
qiymətləndirilməsi əsasında 22 tələbə seçildi.
Kurs Azərbaycan Milli Elmlər Akademiyasının
və Miçiqan Universitetinin nümayəndələri
tərəfindən keçirildi.
Azərbaycan neft və qaz təqaüd proqramı
BP və onun tərəfdaşları tərəfindən
maliyyələşdirilən bu proqram azərbaycanlı
tələbələrə Türkiyə və Azərbaycan
universitetlərində mühəndislik və yerşünaslıq
elmləri sahəsində bakalavr və magistr təhsili
almağa imkan yaradır. 2011-ci ildə beş nəfər
magistr və 65 nəfər bakalavr təhsili alan
tələbəyə dəstək verildi. İl ərzində on nəfər
tələbə yay təcrübəsi, 11 nəfər tələbə isə
“Çəllenc” proqramına
a
cəlb edildi. 2011-ci
ildə BP və tərəfdaşlarının verdiyi təqaüdlərin
dəyəri 200 000 dollardan çox idi.
Cənubi Xəzər hövzəsinin
modelləşdirilməsi mərkəzi
Dörd il bundan öncə biz Milli Elmlər
Akademiyasının Geologiya İnstitutunda
Cənubi Xəzər hövzəsinin modelləşdirilməsi
mərkəzini açdıq. Bu gün mərkəz müasir
geoloji modelləşdirmə avadanlıqları ilə təchiz
edilmiş bir elm müəssisəsi kimi xidmət
göstərir, çətin Cənubi Xəzər hövzəsinin
səthaltı modelləşdirilməsinə kömək edir.
Buraya geologiya, geofizika, geokimya və
biostratiqrafiya kimi müxtəlif elm sahələrində
mütəxəssislər cəlb olunur.
2011-ci ildə institutda işlər Abşeron
arxipelaqının sahilyanı-quru keçid zonasının
geotermal tarixi və çökmə modeli ətrafında
cəmləşdi. Əldə edilən nəticələr Vyanada
keçirilən beynəlxalq konfransda təqdim
edildi. BP, həmçinin Milli Elmlər Akademiyası
Geologiya İnstitutunun Avstriyanın Leoben
Universitetində apardığı “Üzvi geokimya və
Maykop formasiyasının (Azərbaycan) neft-qaz
ehtiyatları” üzrə texniki tədqiqat layihəsini
dəstəklədi.
BP-nin maliyyələşdirdiyi biznes
jurnalistikası təlim proqramı
On ildən çox davam edən və BP tərəfindən
maliyyələşdirilən biznes jurnalistləri üçün
ingilis dili kursunda indiyədək təxminən 200
nəfər yerli jurnalist iştirak edib. 2006-cı ildə
biz biznes jurnalistikası üzrə təlim proqramına
başlamaqla bu təşəbbüsün uğurlarını
davam etdirmək qərarına gəldik. 2011-ci ildə
biznes jurnalistikasında çalışan altı qabaqcıl
Azərbaycan jurnalisti – yerli radio-televiziya,
çap və onlayn medianın nümayəndələri üçün
Kardifdə (Böyük Britaniya) iki həftəlik seminar
təşkil edildi. Seminar jurnalistlərə multimedia
və video-montaj üzrə bacarıqlarını artırmaq
və beynəlxalq jurnalistikadakı yenililiklərlə
ayaqlaşmaqda kömək etdi.
Xəzər Enerji Mərkəzi
2011-ci ildə mərkəzdə 4 360 nəfər olub ki,
onların da min nəfərdən çoxu (təxminən 25%)
Azərbaycan hökumətinin, bizimlə tərəfdaş olan
şirkətlərin, Bakıdakı xarici səfirliklərin qonaqları
və bizim fəaliyyətimizlə maraqlanan müxtəlif
təşkilatların nümayəndələri olub. Digər 3 100
nəfər orta məktəb şagirdi, tələbə və onları
müşayiət edən müəllimlər, qalanları isə
mərkəzdə il ərzində təşkil edilmiş on ailə günü
tədbirində iştirak etmiş BP işçiləri, podratçılar
və onların ailə üzvləri olub.
Məktəblilər XEM-dəki interaktiv stendləri çox
bəyənirlər
a
“Çəllenc” (“Sınaq”) proqramı barədə 24-cü səhifədə daha
ətraflı məlumat ala bilərsiniz.
2011-ci ilin sentyabrında BP şirkəti Bakı-
Tbilisi-Ceyhan (BTC) və Cənubi Qafqaz boru
kəməri (CQBK) layihələrindəki tərəfdaşları
adından nəşrinə birgə sponsorluq etdikləri
“Boru kəməri dəhlizində keçmiş və gələcək
irs - Azərbaycan, Gürcüstan, Türkiyə” kitabının
ictimaiyyətə təqdimatını keçirdi.
Tədbirdəki çıxışında BP-nin Azərbaycan,
Gürcüstan və Türkiyə üzrə regional prezidenti
Rəşid Cavanşir dedi: “Biz həqiqətən çox
fəxr edirik ki, Xəzər dənizini Aralıq dənizinə
bağlayan boru kəmərlərimiz boyunca yerləşən
ərazilərdə tarixən məskunlaşmış ən qədim
sivilizasiyaların mədəni irsinin tədqiqinə dəyərli
töhfə veririk”.
Bu kitab BTC/CQBK boru kəmərinin
tikintisi zamanı aparılan arxeoloji qazıntılar
nəticəsində aşkar olunmuş çoxlu yeni arxeoloji
tapıntını özündə əks etdirir. Azərbaycan
Milli Elmlər Akademiyasının Arxeologiya və
Etnoqrafiya İnstitutu, Gürcüstanın Milli Muzeyi
və Türkiyənin Qazi Universiteti tərəfindən
aşkar olunmuş bu tapıntılar özündə bir sıra
qiymətsiz tətbiqi sənət nümunələrini əks
etdirir. İndi onlar qorunmaq, tədqiq edilmək
və gələcək nəsillərə çatdırılmaq üçün
hər üç ölkənin hökumətinə təhvil verilib.
Kitab həmçinin BTC və CQBK boyunca
Boru kəməri dəhlizində keçmiş və gələcək irs
aşkar olunmuş bütün arxeoloji tapıntılar
haqqında dəyərli tədqiqat materialları və elmi
məlumatları özündə birləşdirir.
2008-ci ildən başlayaraq Azərbaycan və
Gürcüstanda BTC/CQBK boru kəməri boyunca
həyata keçirilən mədəni irs proqramı 2011-ci
ildə başa çatdı. Proqramın büdcəsi 1 078 000
dollar idi ki, bunun da 79 060 dolları layihənin
son ilində xərcləndi.