49
Cəmiyyət
müvafiq bilik və bacarıqlara yiyələnməkdə
kömək etmək idi.
Beş gənclər fondu komitəsi yaradıldı.
Üzvlərə gənclər fondunun strukturu, dəyər və
prinsipləri, həmçinin biznesdə liderlik bacarığının
öyrənilməsi, bizneslə bağlı qərar qəbul
etmə, maliyyə məsələlərinin idarə edilməsi,
hesabatların verilməsi və biznesin təşkil edilməsi
üzrə təlimlər keçirildi. On doqquz biznes planı
hazırlandı. Layihənin büdcəsi 138 551 dollar idi ki,
bunun 8 103 dolları 2011-ci ildə xərcləndi.
Gənclərin sahibkarlıq bacarıqlarının
gücləndirilməsi mərkəzi
Azərbaycan İcma İnkişafı üzrə Araşdırmalar,
Təlim və Resurs Mərkəzi tərəfindən həyata
keçirilən layihə çərçivəsində Gəncə Peşə Təlimi
Mərkəzində Biznes və idarəetmə bölümü
açılacaq. Məqsəd mərkəzin gənclərin sahibkarlıq
bacarıqlarını gücləndirmək istiqamətində
imkanlarını artırmaqdır.
150-dən çox tələbə mühasibat,
kosmetologiya, qaynaq işi, kompyuter
texnologiyaları və kompyuter təmiri, tikiş
və toxuculuq kimi peşə sahələrində əsas
bacarıqlara yiyələnir. Bundan əlavə, onlar
biznesə başlamaq, maliyyənin idarə edilməsi,
mikro-kredit, biznesin planlaşdırılması, büdcə və
marketinq üzrə təlim alırlar. Layihənin büdcəsi
98 845 dollardır ki, bunun 88 959 dolları 2011-ci
ildə xərcləndi. Bu günə qədər proqramdan
təxminən 394 nəfər gənc bəhrələnib.
Məktəbəqədər təhsilə dəstək
Bu birillik layihə seçilmiş icmalarda
məktəbəqədər təhsilin keyfiyyətini
yaxşılaşdırmaq və bağçalardan istifadə
imkanlarını genişləndirmək üçün nəzərdə tutulub.
Layihə 2011-ci ilin dekabrında başa çatdı. Dəllər
Cəyir kəndində işsiz müəllimələr açıq müsabiqə
yolu ilə seçilərək icma əsaslı məktəbəqədər
təhsil və uşaq inkişaf mərkəzində müqavilə
ilə işə götürüldülər. Layihə hədəf icmalarda
heç vaxt ilkin inkişaf və məktəbəqədər təhsil
proqramında iştirak etməmiş 5-6 yaşlı uşaqlar
üçün ilkin təhsil almaq imkanı yaradan mühüm
bir vasitə hesab edilirdi. Müasir Təhsil və Tədrisə
Yardım Mərkəzinin həyata keçirdiyi layihənin
büdcəsi 103 475 dollar idi ki, bunun 93 303
dolları 2011-ci ildə xərcləndi.
Əməkdaşların cəlb edilməsi proqramı
Əməkdaşların cəlb edilməsi proqramı (ƏCP)
əməkdaşlarımızı sövq edir ki, öz vaxt və
istedadlarını könüllü olaraq icmalara sərf etsinlər,
belə ki, şirkət təşəbbüsə vaxtın dəyəri qədər
dəstək verir. 2011-ci ildə 30-a yaxın əməkdaş
müxtəlif təhsil layihələri vasitəsi ilə ƏCP-də
iştirak etdilər, öz vaxtlarının dəyər ekvivalenti
8 855 dollar olan 442 saatını Xəzər Mühəndisləri
İctimai Birliyinin yay düşərgəsi layihəsinin həyata
keçirilməsinə töhfə verdilər.
2009-cu ilin noyabrından 2011-ci ilin
dekabrınadək yerli QHT – “Sağlam həyat” ƏCP-
nin topladığı vəsaitdən istifadə etməklə dəyəri
79 min dollar olan 12 ƏCP layihəsi həyata keçirdi.
BP-nin kitabxanalara dəstək təşəbbüsü
Təşəbbüsün məqsədi seçilmiş pilot məktəbində
kitabxanaların təmiri və kitablarla təmin edilməsi
vasitəsilə məktəblilərin kitabxanalardan
istifadəsini yaxşılaşdırmaqdır. Hacıqabul və
Yevlax rayonlarındakı kitabxanaların təmirindən
əlavə, 2011-ci ildə layihələr genişlənərək
Kürdəmir rayonundakı 2 nömrəli məktəbi də
əhatə etdi.
Layihənin 2011-ci ildə xərcləri təxminən 12
min dollar oldu. 2011-ci ildə 114 müəllim və 915
şagird daxil olmaqla, ümumilikdə 194 müəllim
və 2 480 şagird dəyəri 30 891 dollar olan bu üç
layihədən bəhrələnib.
Xeyriyyəçilik layihələri
Məktəb kitabxanalarına dəstək layihəsindən
əlavə, BP əməkdaşlarının ianə olaraq verdikləri
vəsait vasitəsilə digər xeyriyyə layihələri də
həyata keçirildi. Bu layihələrə 20 nəfər fiziki
qüsurlu şagirdin dəyəri 1 899 dollar olan bir aylıq
yay kurslarında iştirakı daxil idi. Digər təşəbbüs
isə BP əməkdaşlarının təşkil etdiyi sərgidə 30
fiziki qüsuru olan uşaq və qaçqının 500-dən çox
əl işinin satılması idi. Satışdan əldə edilən 10 min
manat əl işlərinin sahibləri arasında satılan işlərin
sayına uyğun olaraq bölüşdürüldü.
İstixana təsərrüfatı həyatı dəyişir
Bu yaxınlara qədər Goranboy rayonunun
Yolpaq kənd sakini Şəmsi Namazov böyük
problemlərlə üzləşən bir fermer idi.
Dövlətdən aldığı üç hektar torpaq payı
və dörddə bir hektar ferma sahəsinə sahib
olan Şəmsi iki baş mal-qara saxlayır və
torpaq payındakı tarlada, açıq hava şəraitində
tərəvəz yetişdirirdi. Lakin məhsul həmişə az
və keyfiyyətsiz olurdu, əkini ziyanvericilərdən
qoruya bilmirdi, hava şəraiti çətin idi və torpağı
münbitləşdirmək lazım idi. Təəccüblü deyil ki,
gəlir az, həyat isə çətin idi.
BP və tərəfdaşlarının sponsorluğu
ilə istixana təsərrüfatından istifadənin
genişləndirilməsi layihəsi haqqında eşidən
Şəmsi bu layihədə iştirak etmək qərarına
gəldi. Əvəzində o, öz torpaq sahəsinin 0,015
hektarında istixana təsərrüfatı, kifayət qədər
toxum və maliyyə dəstəyi əldə edərək növbəli
şəkildə dörd növ tərəvəz (xiyar-göyərti-
pomidor-xiyar) yetişdirməyə başladı.
Layihə çərçivəsində keçirilən tərəvəz
yetişdirilməsi üzrə bütün təlim məşğələlərində
də iştirak edərək, Şəmsi tezliklə yalnız
istixana təsərrüfatında deyil, həm də açıq
hava şəraitində daha uğurla tərəvəz yetişdirə
bildi. Onun gəliri xeyli artdı. Bu uğurları görən
qonşular ondan məhsulun ziyanvericilərdən
qorunması, əkin vaxtı və məhsulun
becərilməsi metodu haqqında məlumat
almağa başladılar. Tezliklə, Şəmsı erkən şitilləri
yetişdirərək ətrafdakı fermerlərə paylamağa
başladı, bir şərtlə ki, haqqını məhsul yığılandan
sonra ödəsinlər. Artıq o daha yaxşı gələcəyə
doğru irəliləyirdi.
BP və tərəfdaşlarının Azərbaycanda
sosial xərcləri
(min dollar)
BP
Tərəfdaşlar
1 063
2 058