44
BP Azərbaycanda Davamlı inkişaf haqqında hesabat 2011
Yaxşı idarəetmə
Biz inanırıq ki, Azərbaycanda gəlirlərin
şəffaflığı təşəbbüsləri və səmərəli idarəetmə layihələrinə verdiyimiz
dəstək ölkəyə geniş sosial-iqtisadi faydalar gətirə bilər
BP uzun müddətdir ki, Mineral Ehtiyatların
Hasilatı ilə Məşğul olan Sənaye Sahələrində
Şəffaflıq Təşəbbüsünü (MSŞT) dəstəkləyir.
2003-cü ildə Londonda başlanğıcı qoyulmuş
bu təşəbbüs, karbohidrogen sektoru da
daxil olmaqla, mədən sənayesi şirkətlərinin
ödənişləri və hökumətlərin gəlirləri haqqında
şəffaf hesabatların verilməsi üçün könüllü,
bütün dünya üzrə standartlaşdırılmış prosesin
yaradılmasına kömək məqsədilə hazırlanıb.
Azərbaycanda BP MHŞT yaranandan bəri
bu təşəbbüs çərçivəsində hökumət, vətəndaş
cəmiyyəti və mədən sənayesində çalışan
digər şirkətlərlə birlikdə iş aparır. 2011-ci
ilin mart ayında BP Azərbaycanda 2010-cu
ilin yanvar-dekabr aylarını əhatə edən on
dördüncü MSŞT hesabatını təqdim etdi. Biz
fərdi MHŞT hesabatımızı Davamlı inkişaf
haqqında hesabatlarımızda açıqlamağa davam
edirik. 2012-ci ilin martında təqdim etdiyimiz
və 2011-ci təqvim ilini əhatə edən on beşinci
MSŞT hesabatımızla 53-cü səhifədə tanış ola
bilərsiniz.
Azərbaycanda MSŞT prosesində iştirak
edən yerli və xarici şirkətlərin görüşünə
2011-ci ilin sentyabrında ev sahibliyi etdik. Bir
neçə ildir ki, MSŞT təcrübələrimizi müxtəlif
tədbirlərdə yerli və beynəlxalq auditoriya ilə
bölüşürük.
2008-ci ilin sentyabr ayından BP və onun
tərəfdaşlarının dəstəyi ilə nazirliyimizdə
həyata keçirilmiş makroiqtisadi idarəetmə
və institusional islahatlar üzrə məsləhət
xidmətləri layihəsi əla nəticələr verib.
Layihənin nəticəsi olaraq yeni və güclü bir
proqnozlaşdırma departamenti yaradılıb.
Sahələr üzrə ətraflı proqnozlaşdırma
metodu və modelləri hazırlanıb,
makroiqtisadi proqnozlaşdırma modelimiz
təkmilləşdirilib.
İnflyasiyanın proqnozlaşdırılması üzrə
yeni hazırlanmış model Azərbaycanda
inflyasiyanın və onun determinantlarının
təhlilinə böyük töhfə verib. İnflyasiyanın
proqnozlaşdırılması üzrə yeniləşdirilmiş
məlumat bazası ekspertlərimizə
imkan yaradıb ki, 2011-12-ci illər üzrə
ilkin inflyasiya proqnozları və ölkədə
inflyasiyanın qarşısını səmərəli şəkildə
almaq üçün strategiya hazırlasınlar.
Bu layihənin özünəməxsus cəhəti
nazirliyimizdə insan kapitalının inkişafına
böyük sərmayə qoymasıdır. BP ilə
əməkdaşlığımızı gələcəkdə də davam
etdirmək arzusundayıq.
Sevinc Həsənova
Nazir müavini, İqtisadi İnkişaf
Nazirliyi
Makroiqtisadi idarəetmə və institusional
islahatlar üzrə məsləhət xidmətləri
İl ərzində “Makroiqtisadi idarəetmə və
institusional islahatlar üzrə məsləhət
xidmətləri” texniki yardım layihəsi davam etdi.
İcraçı tərəfdaş – Varşavada yerləşən Avropa
Sosial-İqtisadi Tədqiqatlar Mərkəzi (CASE)
adlı elmi-tədqiqat mərkəzi proqnozlaşdırma
və iqtisadi siyasətin təhlili bacarıqlarını
təkmilləşdirməklə iqtisadi planlaşdırma
potensialının artırılması üçün hazırlanmış
fəaliyyətlərdə Azərbaycan Respublikası
İqtisadi İnkişaf Nazirliyini dəstəklədi. CASE
ilə müqaviləmizin ümumi dəyəri 1,25 milyon
dollardır.
CASE ilə əlaqədar işlərin bir hissəsi
olaraq 2011-ci ildə İqtisadi siyasət, təhlil və
proqnozlaşdırma departamentinin müntəzəm
şəkildə hazırladığı hesabatların analitik əhatə
dairəsi genişləndirildi. Nazirlik əməkdaşlarının
gələcəkdə istifadə etmələri üçün
Azərbaycandakı son iqtisadi inkişaf və iqtisadi
siyasətlə bağlı təhlilləri əhatə edən formalar
hazırlandı. Bundan əlavə, 2011-15-ci illər üzrə
Azərbaycan iqtisadiyyatının makroiqtisadi
çərçivə modeli əsasında proqnoz göstəriciləri
dəqiqləşdirilərək yeniləndi.
BP-nin illik “Dünya energetikasının statistik icmalı”nı hökumət orqanlarına təqdim edərkən
Bununla bərabər, inflyasiyanın
modelləşdirilməsinə mümkün yanaşmanı
əks etdirən “Azərbaycanda pul və inflyasiya”
mövzusunda araşdırma nəşr edildi. Dünya
iqtisadiyyatının vəziyyətinə həsr olunmuş bir
sıra fəaliyyətlərdən əlavə, pul siyasəti və neft
gəlirlərinin inflyasiyaya təsiri işlənib hazırlandı.
45
Cəmiyyət
Sahibkarlığın inkişafı
BP davamlı yerli təchizat sistemi
yaratmaq, ölkə sənayesinin inkişafına stimul vermək və şirkətin
Xəzər regionunda fəaliyyət lisenziyasını gücləndirmək məqsədilə
Azərbaycanda sahibkarlığın inkişafına dəstək verir
Biz Azərbaycanda tərəfdaşlarımızla birlikdə
2011-ci ildə 38 yerli şirkətlə dəyəri təqribən
700 milyon dollar olan yeni uzunmüddətli
müqavilələr imzaladıq.
2007-ci ildən bəri 187 yerli şirkət
sahibkarlıq sahəsində inkişaf və təlim
proqramlarında iştirak edib ki, onların da 28-i
kursu 2011-ci ildə başa vurub. Bu şirkətlərdən
11-i BP və onun tərəfdaşları ilə ümumilikdə
dəyəri 62 milyon dollardan çox olan
müqavilələr bağlamaq üçün tenderdə qalib
gəldi, yeddisi digər beynəlxalq şirkətlər, 18-i
isə yerli şirkətlərlə müqavilə bağladı.
Yerli şirkətlər üçün biznes imkanlarını
genişləndirmək təşəbbüsümüzün bir
hissəsi olaraq il ərzində 226 potensial
təchizatçı müəyyən etdik və onların imkan və
bacarıqlarını qiymətləndirdik. Müxtəlif çeşidli
bazar kateqoriyaları üzrə xidmət göstərən
kiçik və orta müəssisələr (KOM-lar) haqqında
ən son məlumat BP-nin keçirəcəyi növbəti
tenderlərdə nəzərdən keçirilmək üçün təchizat
şöbəsinə təqdim edildi. Kateqoriyalara qapalı
dövrəli televiziya sistemi, qızdırıcı ventilyasiya
və kondisioner sistemləri, quraşdırma işləri,
avadanlıq, veb dizaynı, tərcümə, mühəndis
inşaat və layihələşdirmə işləri, informasiya
texnologiyaları və istifadəçi xidmətləri, fiber-
optik və mis kabel xəttə texniki qulluq və video
konfrans xidməti daxil idi.
Bizim yerli ehtiyatlardan istifadə
qaydalarımız yeniləşdirilərək BP-nin tədarük
üzrə formalarına və yeni regional tədarük
və təchizat sisteminin idarə edilməsi
kitabçasına daxil edildi. Dəyişiklik edilmiş
təlimatlar istifadəçiləri yerli ehtiyatlardan
istifadə alətlərimiz və proseduralarımız barədə
strukturlu metodologiya ilə təmin edir.
21 iyun 2011-ci il tarixində BP öz
tərəfdaşları adından Hyatt Konfrans
Mərkəzində keçirilən “Alıcı ilə tanış ol”
sərgisinə ev sahibliyi etdi. Tədbir yerli
şirkətlərə öz məhsul və xidmətlərini
Azərbaycanda təmsil olunan beynəlxalq
təchizatçı təşkilatlar arasında potensial alıcılara
təqdim etmək imkanı yaratmaq üçün nəzərdə
tutulmuşdu.
2011-ci ildəki digər fəaliyyətlərə
yerliləşdirmə strategiyası, icra mərhələləri
və monitorinq mexanizmlərini əhatə
edən təchizat zəncirinin yerliləşdirilməsi –
müqavilələrin yerli şirkətlərlə bağlanması
proqramının işlənib hazırlanması daxil idi.
Məqsəd BP-nin yerliləşdirmə strategiyasını
hazırlamaq, təsdiq etmək və elə
uyğunlaşdırmaqdır ki, o, böyük işçi qüvvəsinə
ehtiyacı olan müəyyən müqavilələr üçün milli
bacarıqların yaradılmasını dəstəkləsin. Bu
strategiya 2012-ci ildə həyata keçiriləcək.
İl ərzində region üçün təchizatçı
keyfiyyətinin idarə edilməsi strategiyasını da
hazırlayaraq razılaşdırdıq. Bu, texniki cəhətdən
rəqabətə davamlı yerli təchizatçı şirkətlərin
ehtiyat siyahısını hazırlamaq istiqamətində
yerliləşdirmə proqramını dəstəkləyəcək.
2011-ci ildə Azərbaycandakı xərclərimiz
BP və tərəfdaşlarının 2011-ci ildə
Azərbaycanda əməliyyat və layihələr üzrə
xərcləri cəmi 1,2 milyard dollar təşkil etdi ki, bu
da, 2010-cu ildəkindən az qala 17% çoxdur.
Bu xərclərin bir hissəsi kimi yalnız yerli
təchizatçılar vasitəsilə davamlı ölkədaxili sırf
əməliyyat xərclərimiz artaraq təqribən 947
milyon dollar oldu ki, bu da həmçinin əvvəlki
ildəkindən 17% çoxdur və sahibkarlığın inkişafı
Təchizatçıların inkişaf etdirilməsi
proqramlarımızda iştirak edən “MQS” şirkəti
Xəzər regionunda neft və qaz layihələrinə
geniş çeşidli xidmətlər göstərir
100
200
300
400
500
600
700
2007
2008
2009
2010
2011
110,9
42,9
37,3
27,7
37,2
128,1
28,9
148,7
281,4
132,4
Azərbaycan kapitalı ilə birgə müəssisələr
Kiçik və orta müəssisələr
a
Dövlətə məxsus şirkətlər
Azərbaycanda BP və tərəfdaşlarının
birbaşa əməliyyat və layihə xərcləri
(milyon dollar)
449,9
407,8
319,6
365,5
378,0
a
Bu məbləğə fiziki şəxslərlə olan xərclər də daxildir.