Bosh ilmiy-metodik markaz fayziyeva maxbubaxon raximjonovna raqamli transformatsiya sharoitida ta

Dissertatsiya tadqiqotining dissertatsiya bajarilgan oliy ta’lim yoki ilmiy-tadqiqot muassasasining ilmiy-tadqiqot ishlari rejalari bilan bog‘liqligi. Dissertatsiya tadqiqoti Oliy va o‘rta maxsus taʼlim vazirligi huzuridagi Bosh ilmiy-metodik markazning ilmiy tadqiqot ishlari rejasining “Masofaviy texnologiyalardan foydalangan holda oliy taʼlim va qayta tayyorlash va malaka oshirish tizimlarida o‘quv faoliyatini tashkil etish” mavzusidagi amaliy loyihasi doirasida bajarilgan (2021-2024 yy.).
Tadqiqotning maqsadi raqamli transformatsiya sharoitida ta’lim platformasini yaratish va amaliyotga joriy etish metodikasini takomillashtirishdan iborat.
Tadqiqotning vazifalari:
raqamli transformatsiya sharoitida ta’limni tashkil etishning pedagogik-psixologik imkoniyatlarini tahlil qilish hamda raqamli texnologiyalarning ta’limga integratsiyasiga ta’sir etuvchi omillarni aniqlashtirish;
raqamli transformatsiya sharoitida “Informatika va axborot texnologiyalari” fani mazmunini takomillashtirish;
raqamli transformatsiya sharoitida ta’lim platformalarini yaratish talablari, konsepsiyasi, bosqichlari va pedagogik loyihasinini takomillashtirish;
raqamli o‘quv resurslardan tarkib topgan ta’lim platformasini yaratish va uni amaliyotga joriy etishning didaktik modelini ishlab chiqish;
raqamli ta’lim platformasi vositasida “Informatika va axborot texnologiyalari” fanini o‘qitishning xususiy-metodik asoslarini takomillashtirish va tajriba-sinovlarini o‘tkazish.
Tadqiqotning obyekti sifatida raqamli trasformatsiya sharoitida ta’lim platformasini yaratish va amaliyotga joriy etish jarayoni belgilanib, tajriba-sinov ishlarida Toshkent shahri 15-,16- sonli, Toshkent viloyati 45-, 123- sonli, Sirdaryo viloyati 78-, 56- sonli, Andijon viloyati 78-, 96- sonli, maktablarning 1606 nafar o‘quvchisi ishtirok etdi.
Tadqiqotning predmetini raqamli transformatsiya sharoitida ta’lim platformasini yaratish va amaliyotga joriy etish mazmuni, shakl, metod va vositalari tashkil qiladi.