Bosh ilmiy-metodik markaz fayziyeva maxbubaxon raximjonovna raqamli transformatsiya sharoitida ta

4-rasm. Raqamli ta’lim platformalari yordamida “Informatika va axborot texnologiyalari” fanini o‘qitishning didaktik modeli
Platformada o‘qitishni tashkil etish uchun Informatika va axborot texnologiyalari fani doirasidagi barcha raqamli ta’lim resurslari pedagogik dizayn yondoshuvi asosida tayyorlandi va platformaga kiritildi. Buni esa davlat tilidagi o‘qitish platformalarini yaratishdagi dastlabki qadamlardan biri deb hisoblash mumkin. Bu sohadagi ishlar hozirgi paytda dolzarb bo‘lib turgan onlayn ta’limning o‘quv-metodik ta’minotiga zamin yaratadi.
So‘nggi o‘n yil ichida ta’limga raqamli texnologiyalarni integratsiya qilish va ulardan foydalanishni tadqiq etuvchi bir nechta modellar, yogdoshuvlar, standartlar va nazariyalar ishlab chiqildi. О‘qituvchilarning raqamli texnologiyalarni tushunishi va ulardan foydalanishni tavsiflash va muhokama qilish uchun asos sifatida tadqiqot jarayonida TPACK (technological pedagogical content knowledge - texnologik pedagogik kontent bilimlari), RAT (replacement, amplification, transformation - almashtirish, kuchaytirish va о‘zgartirish) va SAMR (substitution augmentation modification redefinition - almashtirish, ko‘paytirish, о‘zgartirish va qayta aniqlash), PIC-RAT(passive, interactive, creative, replace, amplify, transform -- passiv, interaktiv, kreativ, almashtirish, kuchaytirish, о‘zgartirish) yondoshuvlari va ularning imkoniyatlari keltirib o‘tildi.
Tadqiqot jarayonida raqamli ta’lim texnologiyalari tahlil etildi hamda raqamli ta’lim platformasi orqali ta’limni tashkil etishning didaktik modeli ishlab chiqildi (4-rasm). Shuningdek, raqamli ta’lim platformasidan foydalanib nazariy va amaliy darslarni tashkil etish uchun “blended learning”, “flipped classroom”, “project-based”, “collaborative”, “gamifacition” texnologiyalari tanlab olindi hamda nazariy, amaliy va aralash darslarni olib borish metodikasi ishlab chiqildi.
Dissertatsiyaning “Raqamli ta’lim platformasi yordamida “Informatika va axborot texnologiyalari” fanini o‘qitish samaradorligi” deb nomlangan to‘rtinchi bobda tajriba-sinov ishlari natijalari qayd etilgan.
Umumta’lim muassasalarida “Informatika va axborot texnologiyalari” fanini o‘qitishda ta’lim samaradorligini aniqlash maqsadida tajriba-sinov ishlari olib borildi.
Tajriba-sinov ishlari bazasi sifatida Maktabgacha va maktab ta’limi vazirligi tasarrufidagi Toshkent shahri va viloyati 48-, 64-, 241- , Qashqadaryo viloyatining 6-,10-,46-, Surxondaryo viloyatining 6-,16-, Samarqand viloyatining 10-,45-, Farg‘ona viloyatining 1-, 2-son umumiy o‘rta ta’lim maktablari tanlandi. Tajriba-sinov ishlarida jami 1606 nafar, shundan 8-sinfdan 886 nafar, 11-sinfdan 720 nafar respondent-o‘quvchilar ishtirok etdi.
Tajriba-sinov ishlari 2018-2022 yillar mobaynida uch bosqichda o‘tkazildi.
Tajriba-sinov ishlari uch bosqichda amalga oshirildi.