Tariyel RƏSULOV
324
İSTİFADƏ EDİLMİŞ ƏDƏBİYYAT
1. Ziya Bünyadov, Azərbaycan VII - IX əsrlərdə, “Azərnəşr”, Bakı 1989.
2. Bəlazuri, Fütuhil-büldan, ərəbcə əlyazma nüsxəsi. AMEA Əlyazmalar
institutunun arxivi, şifrə- b/736
3. D. M. Dunlop, The History of the Jevvich Khazars.
4. А. Й. Якубовский, Ибн Мискавейх о походе русов в Бердаа в 332
– 943 - 944 г.
5. В. Г. Луконин, Иран в эпоху первых Сасанидов.
6. Е. А. Пахомов, К истолкованиö пехлевийских надписей Дербенда.
7. Е. А. Пахомов, Краткий курс истории Азербайджана.
8. Е. А. Пахомов, Крупнейшые памятники сасанидской архитектуры
в Закавказе.
9. М. Джанашвили, Известия грузинский детописей и историков о
северном Кавказе и России.
10. М. М. Дяконов, Оцерк истории древново Ирана.
11. Н. Б. Пигулевская, Города Ирана в раннем средневекове.
Nəsimi poeziyasinda əruz vəzni
325
NƏSİMİ POEZİYASINDA ƏRUZ VƏZNİ
Ülviyyə SƏLİMBƏYOVA
∗
Türk tədqiqatçısı İsmayıl Həbib çox doğru olaraq qeyd etmişdir ki,
“ərəblər islam millətlərinə iki şey verdilər: İslam dini və Əruz vəzni”.
Hələ orta əsr əruzçuları Allah /c.c/ kəlamı olan Qurani-Kərimdə və
Peyğəmbərimizin /s.ə.s/ hədislərində əruz vəznində söylənmiş bir neçə ayə
və cümləyə rast gəldikləri üçün əruz vəznini şərəfli elm saymış, şeirin,
nəzmin vəzninin düzgün olub-olunmadığının yoxlanılmasında əsas meyar
olduğuna görə bu elmin yerini yüksək qiymətləndirmişlər.
Əruz vəzni V-VI əsrlərdən etibarən ərəb poeziyasına qədəm qoymuş və
bu poeziyada öz ilkin xüsusiyyətlərini göstərməyə başlamışdır. Sonralar
əruz vəzni və bu vəznlə bağlı olan şeir sistemi bütün ərəb poeziyasına
hakim kəsilmişdir.
Əruz vəzni V-VI əsrlərdən ərəb poeziyasında işlənməyə başlasa da,
ərəb əruz elminin yaradıcısı olan Xəlil ibn Əhmədin yaşadığı dövrə, yəni
VIII əsrə qədər öz inkişafında elə bir ciddi dəyişikiliklərə uğramamışdır.
Xəlil ibn Əhməd ərəb şeirinin nəzəriyyəçisi olmaqla bərabər, eyni zamanda
onun reformatoru hesab edilir. [1, 4].
Əruz vəzninin tarixi mənşəyinə gəldikdə isə qeyd etmək lazımdır ki,
zahirən ümumi halda götürsək, ərəb xalqı arasında bu vəznin inkişaf edib
yayılması tarixən uzaqlara gedib çıxır, belə ki, cahiliyyət dövründə, yəni
islamiyyətdən əvvəl bu vəznin bəzi bəhr növləri artıq xalq arasında
yayılmışdı, çünki islamiyyətin zühurundan əvvəl yeddi şairin bu vəzndə
yazmış olduğu şeirləri Məkkənin divarında asılmışdı ki, bu da “səb-eyi-
müəlləqə”-yəni “yeddi asılmış” adlandırılmışdır və eləcə də peyğəm-
bərimizin və eyni zamanda ayrı-ayrı imamların dövrlərində bu vəzndə
yazan məşhur şairlər olmuşdur ki, bunlara misal olaraq, biz Əbubəkr
Valibini, İmrul Qeysi, Əbdüllah ibni Rəbahəni, Kəəb ibni Maliki,
∗
BDU. Magistr, II kurs.
Ülviyyə SƏLİMBƏYOVA
326
Fərəzdəqi, Dibəli və xüsusi olaraq şeirdən bir divan bağlamış Əli
əleyhissəlamın özünü göstərə bilərik. Bütün bunlara baxmayaraq, əruz
vəzni bir elm kimi Bəsrə nəzəriyyəçi alimi Xəlil ibn Əhməd tərəfindən
sistemləşdirilmiş, alim “fəələ” feli üzərində əvvəlcə bu vəznin təfilələrini-
qəliblərini, sonra isə bu təfilələr vasitəsilə əruz vəzninin ayrı-ayrı
bəhrlərini və həmin bəhrlərin müxtəlif növlərini sistemləşdirərək, hər bəh-
rin məzmununa uyğun ona adlar vermişdir.
Ərəb şeirinin vəznini sistemləşdirmək Xəlili həmişə düşündürmüşdür.
Nadr bin Şumeyyil yazır: “Bir dəfə poeziya biliciləri qrammatikadan
danışaraq Xəlilin yanından keçərkən o: “Bunlara öz əslləri (nəzəriyyələri)
lazımdır” demiş və əruzu yaratmışdır.”
Ərəb dilinin, şeirinin və musiqisinin incəliklərini dərindən bilən Xəlil
ibn Əhməd bunlardan çıxış edərək ərəb şeirinin və eyni zamanda ərəb
dilinin ritmik vahidlərini kəşf edərək onları səbəb, vətəd, fasilə adlandır-
mışdır. [2, 12].
Əruz vəzni klassik şeirimizin əsas vəzni olduğu üçün onun oxunuşu, bu
vəznin həssaslıqla qavranılıb, dərindən mənimsənilməsi mühüm bir
problem hesab olunmalıdır.
Əruz elmini bilmədən Nəsimi poeziyasını düzgün və dəqiq duyub dərk
edə bilmərik. Nəsimi yaradıcılığı “Sima” ənənələri ilə (musiqi ritmi, taktı)
bağlı olduğu üçün, şairin qələmə aldığı bütün şeirlər də takt, ritm üzərində
bərqərardır. Takt, ritm də birbaşa əruzun mayasını, nüvəsini təşkil edir.
Nəsiminin istedadı birinci növbədə doğma xalqının zəngin şifahi
dastanlarından, “Dədə Qorqud” kimi epik abidələrindən, xalq şeirinin
ənənələrindən qüvvət almış, Xaqani, Nizami kimi böyük sələflərinin
humanist dünyəvi irsi ilə tərbiyələnmişdir. Bu qaynaqlar Nəsiminin XIV
əsrdə ana dilində kamil sənət nümunələri yaratması üçün qiymətli zəmin
təşkil etmişlər. Eyni zamanda Nəsimi ərəb, fars dilləri vasitəsilə Şərq
xalqlarının elmi və bədii yaradıcılıq sahəsində əldə etdikləri nailiyyətlərlə
orijinaldan tanış olmuş, Yaxın Şərqin böyük sənətkarlarının, filosoflarının
əsərlərindən öyrənmişdir.
Nəsimi fars dilində də şeirlər yazmış, təxminən beş min misradan artıq
farsca divan yaratmış, ərəb ölkələrinə səyahəti zamanı bu yerlərdə öz
ideyalarını yaymaq məqsədilə ərəbcə də şeirlər qələmə almışdır. Ancaq,
diqqətəlayiqdir ki, o, öz yaradıcılığında şüurlu surətdə böyük üstünlüyü
Nəsimi poeziyasinda əruz vəzni
327
doğma ana dilinə vermiş, bu dildə on iki min misradan artıq böyük bir
divan bağlamışdır.
Nəsiminin dərin məzmunlu fəlsəfi lirikası, dövrünün mütərəqqi ideya-
larını tərənnüm edən dolğun əsərləri, Azərbaycan, fars və ərəb dillərində
yazdığı şeirləri təkcə doğma vətənində deyil, Orta Asiya, Anadolu, İran,
İraq, Ərəbistan və Şərqin bir çox mədəni mərkəzlərində də geniş yayılmış,
əsasən “Divan” şəklində bağlanaraq intişar tapmışdır. Şərqin bir çox
əlyazma xəzinələri və kitabxanalarının fəxri olan bu “Divan” nüsxələri
şairin ədəbi-bədii irsinin qiymətli nümunələridir.
Aydındır ki, əruz vəzni Azərbaycan şeirinin şöhrətlənməsində böyük
rol oynamış, onlarca fəlsəfi, aşiqanə, didaktik lirika nümunələri bu ölçüdə
yaradılmışdır. Nəsimi, Qazi Bürhanəddin, Kişvəri, Həbibi, Xətai, Füzuli,
Qövsi kimi sənətkarların irsində əruzun çox böyük rolu vardır.
XIII-XIV əsrlər ana dilli poeziyamızın ərəb şeirinin vəzni olan, ərəb
dilinin qayda-qanunları əsasında yaranan əruzla qarşılaşdığı ilk əsrlərdir.
XIII-XIV yüzilliklər ana dilli ədəbiyyatımızın epik əsər müəllifləri ilə
yanaşı lirik növdə yazan sənətkarları da əruzun Azərbaycan şeirinə
tətbiqində və milli poeziyada “həll olunmasında” mütərəqqi və diqqətəşa-
yan işlər görmüşlər. Bu mənada ana dilində divanı hal-hazırda əlimizdə
olduğundan İmadəddin Nəsiminin yaradıcılığına, məhz, bu yöndən daha
çox dəyər vermək mümkündür.
Azərbaycan əruzunun sabitləşməsi və çiçəklənməsində filosof şair,
məna və bəlağət fasehi İmadəddin Nəsiminin müstəsna xidmətləri olmuş-
dur. O, ana dilində nöqsansız bir əruzda yazıb yaratmış, Füzulidən iki əsr
əvvəl “türk ləfzilə”, “nəzmi-nazik” yaratmağın mümkünlüyünü sübuta
yetirmişdir. XIII-XIV əsrlər ana dilli şeirimizdə başqa sənərkarların
yaradıcılığında Q.Bürhanəddin də daxil olmaqla bu və ya digər dərəcədə
nöqsanlar tapmaq mümkün olsa da, İmadəddin Nəsimi bu mənada
kamilliyi tamamilə hifz edən bir sənətkar kimi diqqəti cəlb edir. O, əruz
vəzninə o qədər həssaslıqla yanaşır ki, bəzi şeirlərində hətta vəznin qəlibini
də verir. [3, 128].
Nəsimi şeirinin vəzn və ahəng xüsusiyyətləri ilə hətta səthi tanışlıq,
şairin o zaman “elmi-əruz” adlanan çox mürəkkəb ərəb vəzninə nə qədər
mükəmməl bələd olduğunu, ondan nə dərəcədə sərbəst istifadə etdiyini
aydın göstərir. Lirik şairlər içərisində Nəsimi qədər müxtəlif və rəngarəng
Dostları ilə paylaş: |