46
hansının isә “model” kateqoriyaları üzrә tәsnif edilmәsi) ilә
bağlı qәrarı Rusiya Federasiyasının Statistika Komitәsinin
yerlәrdәki nümayәndәliklәri çıxarır.
Qiymәt vә tariflәrin qeydiyyatı
İQİ-nin hesablanması üçün mәlumatın toplanması
konkret әmtәә vә xidmәtlәrә olan qiymәtlәrin aylıq әsasda
(hesabat ayının müәyyәn tarixindә, ölkәdәki qanunvericilikdәn
asılı olaraq) qeydiyyatı vasitәsilә aparılır. Mәsәlәn, Rusiya
Federasiyasının qanunvericiliyindә tәsbit olunub ki, mәlumatın
toplanması aylıq әsasda hesabat ayının 23-dәn 25-i tarixlәrinә
qәdәr aparılır.
Gürcüstanda isә qiymәtlәrlә bağlı ilkin mәlumatın
yığılması ayın 10-cu günündәn 20-ci gününә qәdәr olan
müddәt әrzindә aparılır. Bir ay әrzindә istehlak vә qeyri-
istehlak mallarının qiymәti paytaxt vә iri şәhәrlәrdә 4-6 dәfә,
orta şәhәrlәrdә isә 2-4 dәfә qeydiyyata alınır. Ödәnişli
xidmәtlәr üzrә tariflәr isә bütün şәhәrlәrdә ay әrzindә 1-3 dәfә
qeydiyyata alınır.
Tәdqiq edilәn hәr bir ölkәdә maneәsiz vә nağd pula
alınıb-satılan әmtәәnin (güzәştli şәrtlәr әsasında alınıb-satılan
mallar uçota alınmamaqla) faktiki qiymәti qeydiyyata düşür.
İstehlak qiymәtinә ӘDV, aksiz vergisi, satışdan (satış
dövriyyәsindәn) tutulan vergi vә digәr vasitәli vergilәr,
hәmçinin tәşkilatların gәlir vә xәrclәri daxil edilir.
47
İSTEHLAK QİYMӘTLӘRİ İNDEKSİNİN
HESABLANMASI ÜÇÜN “XÜSUSİ ÇӘKİ”
SİSTEMİNİN FORMALAŞDIRILMASI
İstehlak zәnbilinin “xüsusi çәki” strukturu
Postsovet ölkәlәrindә әhalinin istehlak xәrclәrinә dair
informasiya mәnbәyi ev tәsәrrüfatlarının büdcәsinin
araşdırılması nәticәsindә hәr il әldә edilәn mәlumat toplusudur.
Rusiyada ayrı-ayrı mal vә xidmәtlәri әks etdirәn
bәndlәrin istehlak zәnbilindәki xüsusi çәkisini müәyyәn etmәk
üçün qanunvericilikdә әlavә mәlumatdan (pәrakәndә mal
dövriyyәsinin strukturuna vә ya ayrı-ayrı әmtәә növlәrinin
istehsalına dair mәlumatdan, digәr mәnbәlәrdәn, ekspertlәr
tәrәfindәn qiymәtlәndirilmәdәn) istifadә hüququ tәsbit
edilmişdir. Belarusda da ev tәsәrrüfatlarının monitorinqi vә milli
hesablara dair statistik qiymәtlәndirmәdәn istifadә edilir.
Ukraynada istehlak zәnbilinin “xüsusi çәki” strukturunu
formalaşdırmaq üçün monitorinq mәqsәdilә seçilmiş ev
tәsәrrüfatlarının xәrclәrinә dair nәticәlәrdәn heç bir korrektә
olmadan istifadә edilir.
Ayrıca bir faktı qeyd etmәk lazımdır ki, Rusiyada (әhali
tәrәfindәn istehlak edilәn әmtәә vә xidmәtlәr çeşidinin
subyektlәr üzrә fәrqlәnmәsini nәzәrә alaraq) İQİ-dә malların
“xüsusi çәkisi” regional sәviyyәdә müvafiq region üçün
hesablanmış әhalinin istehlak xәrclәri strukturu әsasında,
federal sәviyyәdә isә Rusiya Federasiyasında istehlak xәrclәri
strukturunun әvvәlki il üzrә bazası әsasında müәyyәn edilir.
Hazırda Qırğızıstan Respublikasında da İQİ-nin vilayәtlәr
üzrә diferensiallaşdırılmış “xüsusi çәki” әsasında hesablanması
metodologiyası tәtbiq edilir; bu ölkәdә dә mәhz vilayәt
miqyasında istehlak zәnbilinә dair bәzi mövqelәrin qeyri-
mövcudluğu (mәsәlәn, bәzi vilayәtlәrdә qaz şәbәkәsi
qurulmamışdır) müşahidә olunur.
İstehlak zәnbilindә “xüsusi çәki” strukturunun
yenilәşdirilmәsi fasilәsi ölkәdәn-ölkәyә fәrqlәnir. Belә ki,
istehlak zәnbilinin hәm kәmiyyәt, hәm dә keyfiyyәt baxımından
48
dәyişmәsi ölkәdәki sosial-iqtisadi inkişafın sürәtindәn asılıdır.
Rusiyada qanunvericiliyә uyğun olaraq, istehlak zәnbili vә
konkret olaraq bu zәnbildәki “xüsusi çәkilәr” hәr il tәkrarәn
nәzәrdәn keçirilir, Ermәnistanda müvafiq fasilә 3-5 il,
Qırğızıstanda isә 1 il davam edir.
Bölgәlәrin “xüsusi çәkisi”
Gürcüstan istisna olmaqla, bütün postsovet mәkanında
әmtәә vә xidmәt növlәrinin qiymәt vә tariflәrinin ölkә üzrә orta
mәxrәci nәzәrә alınmaqla bölgәlәrin xüsusi çәkisi әhalinin sayı
әsasında hesablanır. Gürcüstanda әmtәә vә xidmәt növlәrinin
hesablanmış orta mәxrәc qiymәti tәtbiq edilir ki, bu da
ölkәdәki qiymәtlәrin vәziyyәtini tam obyektiv şәkildә әks
etdirmir.
İstehlak qiymәtlәri indeksinin hesablanması
Postsovet ölkәlәrinin hamısında İQİ-nin hesablanması
Laspeyres formulu әsasında aparılır.
Tәdqiq edilәn ölkәlәr üçün sәciyyәvi xüsusiyyәt ondan
ibarәtdir ki, indekslәr aylıq әsasda әvvәlki ay, әvvәlki ilin
müvafiq ayı, keçmiş ilin dekabr ayı üzrә hesablanır. Rüblük
әsasda qiymәtlәr indeksi әvvәlki rübün sonuna, әvvәlki ilin
müvafiq rübü, çıxış (baza) ilinin müvafiq rübü, çıxış ili üzrә
müәyyәn edilir.
Daxil edilmiş әmtәәlәrin (xidmәtlәrin) ayrı-ayrı növlәri
üzrә qiymәtlәr indeksinin, hәmçinin rüb, ilin әvvәlindәn olan
dövr, bir neçә ili әhatә edәn birlәşdirilmiş indekslәrin
hesablanması әmәli olaraq hәmişә “zәncirvarı” üsul әsasında
aparılır ki, bu da müvafiq olaraq, aylıq, rüblük vә ya illik
indekslәrin bir-birinә vurulması demәkdir.
Beynәlxalq miqyasda müqayisәni tәmin etmәk üçün
postsovet mәkanında indekslәrin hesablanması zamanı fәrdi
istehlakın tәyinatı üzrә tәsnifatı tәtbiq edilir ki, bu da Milli
Hesablar Sisteminin tәrkib hissәsidir.
Dostları ilə paylaş: |