2
Zərifə xanımın həyat yolu işıqlı bir ailədən
– böyük ziyalı və dövlət xadimi Əziz
Əliyevin ailəsindən və işıqlı bir kənddən,
ustad Cəlil Məmmədquluzadənin “Sahib –
mənsəb ziyalıların məskəni” adlandırdığı
Şahtaxtı kəndindən başlanmışdır. İstər dün-
yaya göz açdığı ailənin, istərsə də doğulduğu
kəndin maarifçi mühitinin ənənələrindən
faydalanan Zərifə xanım öz həyat yolunu
insanlara işıq bəxş etmək kimi ali keyfiyyətlər
üzərində qurmuşdur. 1942-ci ildə orta mək-
təbdə təhsilini başa vurduqdan sonra bu
arzu onu Azərbaycan Dövlət Tibb İnstitutuna
gətirmiş, 1947-ci ildə həmin institutu bitirib,
Moskvada Mərkəzi Həkimləri Təkmilləş-
dirmə İnstitutunda oftalmologiya üzrə ixti-
saslaşma kursu keçmişdir”.
“Zərifə xanımın oftalmologiya ixtisasını
seçməsinin bir neçə səbəbi var. Onlardan
birincisi, bu xeyirxah insanın həyatının fəl-
səfəsindən – insanlara işıq, nur bəxş etmək
missiyasından irəli gəlirdisə, ikincisi, həmin
dövrdə Azərbaycanda oftalmologiyanın az
inkişaf etməsindən qaynaqlanırdı. Nəhayət,
ən ciddi səbəblərdən biri də İkinci Dünya
müharibəsindən sonra keçmiş SSRİ-də, o
cümlədən Azərbaycanda traxoma göz xəs-
təliyinin geniş yayılması idi”, – deyən Ali
Məclisin Sədri bildirmişdir ki, o zaman
Azərbaycanda “Traxoma ilə mübarizə haq-
qında” qərar qəbul edilsə də, nəticə görün-
mürdü. Çünki bu xəstəliyə qarşı təsirli
müalicə üsulları yox idi. Oftalmoloq hə-
kimlər çatışmırdı. Belə bir şəraitdə kəskin
gedişə malik xəstəlik kimi traxomaya qarşı
mübarizə təkcə oftalmologiya elmi üçün
yox, bütövlükdə dünya, o cümlədən Azər-
baycan səhiyyəsi üçün də həyati əhəmiyyətə
malik idi. Sənədlərdən məlum olur ki, ötən
əsrin ortalarında dünyada 40 milyona yaxın
insan traxoma tutmuş, onlardan 8 milyonu
kor olmuşdu. Azərbaycanda da xəstəlik
ocaqları genişlənir, ən çox uşaq müəssisə-
lərini, məktəbləri əhatə edirdi. 1948-ci ildə
Naxçıvan Muxtar Respublikasında 7 min
nəfər traxomaya yoluxmuşdu. Onlardan
2 mindən çoxu uşaqlar idi. Yaşlıları, o
cümlədən uşaqları görmə qabiliyyətinin iti-
rilməsi kimi əzablı xəstəlik gözləyirdi. Belə
bir acınacaqlı vəziyyət tək Naxçıvan Muxtar
Respublikasında yox, bütün Azərbaycanda
ciddi həyəcan siqnalının çalınmasına əsas
yaratmışdı.
Qeyd olunmuşdur ki, Moskva Mərkəzi
Həkimləri Təkmilləşdirmə İnstitutunda təh-
silini başa vuran gənc Zərifə xanım 1949-cu
ildə Naxçıvanda traxomaya qarşı mübari-
zəyə həsr edilmiş səyyar seminarlarda
iştirak etmiş, bu sahədə əldə etdiyi elmi
və praktik nailiyyətlərin tətbiqinə nail ol-
muşdu. Beləliklə, Zərifə xanım Əliyevanın
istər həkim kimi, istərsə də alim kimi elmi
fəaliyyətinin əsasını həyat özü müəyyən-
ləşdirmiş, o, traxomanın müalicəsi ilə bağlı
məsələlərə, bu xəstəliyin müalicəsində və
ağırlaşdırıcı hallarda daha təsirli vasitələrin
öyrənilməsinə dair geniş elmi-tədqiqat
işləri aparmışdı. Gənc alim 1960-cı ildə
“Traxomanın digər terapiya üsulları ilə
birlikdə sintomitsinlə müalicəsi” mövzu-
sunda namizədlik dissertasiyası müdafiə
etmişdi. Həmin illərdə Oftalmologiya Elmi-
Tədqiqat İnstitutunda böyük elmi işçi və-
zifəsində çalışan Zərifə xanım 1967-ci ildə
Əziz Əliyev adına Azərbaycan Dövlət Hə-
kimləri Təkmilləşdirmə İnstitutunun Göz
xəstəlikləri kafedrasına dosent vəzifəsinə
dəvət olunmuşdur. Bu dövrdə onun fəa-
liyyəti bütün oftalmologiya təşkilatlarını
və şöbələrini əhatə edirdi. O, göz xəstəlikləri
üzrə təkmilləşdirmə kurslarının dinləyici
həkimləri ilə pedaqoji iş aparır, bununla
yanaşı, elmi-tədqiqat işlərini də davam et-
dirir, oftalmologiyanın elmi cəhətdən az
araşdırılmış sahəsi olan görmə orqanlarının
patologiyası üzrə tədqiqatlar üzərində
işləyirdi.
Bu sahədə çoxillik müşahidələrin, klinik
tədqiqatların və eksperimentlərin nəticələri
Zərifə xanım Əliyevanın doktorluq dis-
sertasiyasının əsasını təşkil etmişdir. O,
“Azərbaycanın bir sıra kimya müəssisələri
işçilərinin görmə orqanının vəziyyəti” möv-
zusunda yazdığı dissertasiya işini dünyanın
ən nüfuzlu oftalmologiya mərkəzlərindən
birində – Moskva Elmi-Tədqiqat Göz
Xəstəlikləri İnstitutunda müdafiə etmişdi.
Alim-oftalmoloqların yüksək qiymətini al-
mış dissertasiya işi oftalmologiyanın bu
sahəsində o zamankı Sovetlər Birliyi mə-
kanında ilk işlərdən idi. 1977-ci ildə Zərifə
xanım Əliyevaya tibb elmləri doktoru elmi
dərəcəsi verilmiş və o, Azərbaycan Dövlət
Həkimləri Təkmilləşdirmə İnstitutunun Of-
talmologiya kafedrasının professoru seçil-
miş, 1983-cü ildə isə həmin kafedranın
müdiri olmuşdur. Elə ilk gündən Zərifə
xanım ətrafına istedadlı gənc həmkarlarını
toplayaraq, elmi-tədqiqat işini, kadrların
və elmi işçilərin hazırlanmasını müvəffə-
qiyyətlə təşkil edə bilmişdi. 1977-ci ildə
professor Zərifə xanım Əliyevanın təklifi
ilə Bakı şəhərində Ümumittifaq Oftalmo-
loqlar Cəmiyyəti İdarə Heyətinin plenumu
keçirilmişdi. Bakıda ilk dəfə keçirilən bu
tədbir həm Azərbaycanda, həm də keçmiş
ittifaqın ən yaxşı akademik müəssisələrində
oftalmologiya xidmətinin inkişafında, habelə
elmi-pedaqoji kadrların hazırlanmasında
müstəsna rol oynamışdır.
Çətinliklərdən qorxmayan, hər zaman
ən mürəkkəb problemlərin həllinə cəhd
göstərən görkəmli alim tədqiqatlarını rahat
kabinetlərdə aparmırdı. O, Azərbaycanın
rayonlarını kəndbəkənd gəzir, insanları
maarifləndirirdi. O vaxtlar Zərifə xanım
Əliyevaya dünya şöhrəti gətirən görmə or-
qanının fiziologiyası və peşə patologiyası
laboratoriyası elmi-tədqiqat institutunda
yox, məhz istehsalat müəssisəsində – Bakı
Məişət Kondisionerləri Zavodunda yara-
dılmışdı. Bütün Sovetlər Birliyində “unikal
elmi müəssisə” adlandırılan bu laboratori-
yada müxtəlif kimyəvi amillərin təsiri şə-
raitində çalışanların klinik-fizioloji və mor-
fo-histokimyəvi xarakteristikasına dair ilk
tədqiqatlar həyata keçirilmiş, ciddi elmi
nəticələr alınmışdı. Peşə fəaliyyəti ilə bağlı
göz xəstəliklərinə həsr olunmuş bu cür təd-
qiqatlar Zərifə xanıma böyük elmi şöhrət
qazandırmışdır. Bu tədqiqatlar ulu öndər
Heydər Əliyevin Azərbaycana rəhbərliyinin
birinci dövründə, ölkənin tərəqqisi naminə
sənayenin inkişaf mərhələsinə yüksəldiyi
bir vaxtda aparılmış, yeni istifadəyə verilmiş
zavod və fabriklərdə işləyən sadə əməkçi-
lərin tibbi müdafiəsinə, onların peşə xəstə-
likləri probleminin həllinə yönəldilmişdi.
Bu, o zamankı elmi mühitdə tamamilə yeni
bir istiqamət idi. Zərifə xanım Əliyeva
peşə fəaliyyəti ilə bağlı göz xəstəliklərini
dünyada ilk araşdıran alimlərdən olmuş,
bu yolla gedərək Azərbaycan elmində yeni
bir istiqamətin – peşə oftalmologiyasının
əsasını qoymuşdur. O dövrdə ümumittifaq
mükafatları müttəfiq respublikalardan olan
alimlərə tək-tək hallarda verilirdi. Amma
peşə patologiyası sahəsində apardığı elmi-
tədqiqat işlərinin uğurlu nəticələrinə görə,
Zərifə xanım Əliyeva keçmiş Sovetlər Bir-
liyinin oftalmologiya sahəsində ən yüksək
mükafatına – SSRİ Tibb Elmləri Akade-
miyasının Averbax adına mükafatına layiq
görülmüşdü. Zərifə xanım Əliyeva bu nü-
fuzlu mükafatla təltif edilən ilk qadın alim
idi. Böyük xidmətlərinə, çox illik elmi-təd-
qiqat işlərinə görə Zərifə xanım Əliyeva
1983-cü ildə Azərbaycan Elmlər Akade-
miyasının akademiki seçilmişdir.
Ali Məclisin Sədri demişdir: “Peşə of-
talmologiyası Zərifə xanımın yol açdığı ye-
ganə elmi istiqamət deyildi. O həm də o
zaman ölkədə qəbul edilməyən alternativ
təbabət sahəsi olan iridodiaqnostikanı bir
elm kimi araşdıran ilk tədqiqatçı və “İrido-
diaqnostikanın əsasları” adlı fundamental
elmi əsərin müəlliflərindən biri idi. Həmin
dövrdə mövcud olan ideoloji maneələrə
baxmayaraq, Zərifə xanımın səyi nəticəsində
nəşr olunmuş bu kitab bu gün də həkimlərin
iş təcrübəsində əvəzolunmaz elmi vəsaitdir.
Zərifə xanım yaşadığı dövrün ideoloji çər-
çivələrini aşan başqa bir maraqlı sahəni də
tədqiqat predmetinə çevirmiş, millətin sağ-
lamlığı üçün əsrlər boyu formalaşmış milli
dəyərlərin yaşadılması vacibliyinə diqqəti
çəkərək demişdir: “Azərbaycan ədəbiyya-
tının qədim mənbələrindən olan, xalqımızın
müdrikliyini özündə əks etdirən “Dədə Qor-
qud” eposunda gələcək nəsillər üçün çox
xeyirli məsləhətlər toplanmışdır. Oxucu
qarşısında hər səhifədə öz sağlamlığını necə
qorumaq, əxlaqi təmizliyin və mənəvi sağ-
lamlığın insan üçün nə qədər zəruri olması
kimi qiymətli faktlar xəzinəsi açılır”.
Böyük alimə görə, həkimin borcu yer
üzərində həyat uğrunda, insanın xoşbəxtliyi
və səadəti naminə çalışmaqdır. Bu missiyanı
əsas tutaraq o, tibb işçilərinin ətrafdakıların
tərbiyəsində mühüm rol oynadığını, cəmiy-
yətin əxlaq etalonu ola biləcəyini qeyd
edirdi. Hörmətli akademikimiz haqlı olaraq
bildirirdi ki, həkimin həyati mövqeyi onun
xəstəyə münasibətini müəyyənləşdirən baş-
lıca amildir. Qeyd olunanlar göstərir ki,
Zərifə xanım Əliyeva həkimlik praktikasını
onun əxlaqi-fəlsəfi mahiyyəti ilə yanaşı
tutur, Azərbaycanda yeni bir sahənin – hə-
kim-xəstə münasibətlərinin də əsasını yaradır,
həkim etikası və tibbi deontologiya məsə-
lələrini ölkəmizdə ilk dəfə olaraq diqqət
mərkəzinə çəkir, ictimai fikri insanın sağ-
lamlığı ilə yanaşı, cəmiyyətin də sağlamlığı
problemlərinə yönəldirdi”.
Ali Məclisin Sədri Hippokratın “Gözəl
davranış haqqında” əsərində yazdığı “insana
sevgi olan yerdə sənətə də məhəbbət
vardır” fikrini xatırladaraq qeyd etmişdir
ki, akademik Zərifə xanım Əliyeva həkim
kimi təkcə Hippokratın andına yox, həm
də onun qoyduğu əxlaqi dəyərlərə sadiq
qalmış, bu təlimi yeni bir elmi istiqamət
səviyyəsində davam etdirmişdir. Görkəmli
səhiyyə təşkilatçısı tibbi təcrübədə belə bir
əxlaqi prinsipdən çıxış edirdi ki, xəstəliyi
müalicə etmək hələ son məqsəd deyil, hə-
kimin başlıca məramı xəstəni şəxsiyyət
kimi həyata qaytarmaqdır. Nümunəvi elmi
və həkimlik fəaliyyəti ilə öz təcrübəsində
tibbi deontologiyanın əsaslarını yaradan
Zərifə xanım Əliyeva əsl həkim necə ol-
malıdır sualını belə cavablandırmışdır: “Əsl
həkim yalnız o şəxsdir ki, xəstənin əzablarını
bilir və onun üçün sağalıb evinə qayıtmış
insanın təbəssümü ən yüksək mükafatdır.
Vicdan əsas hakimimizdir. Ən çətin mə-
qamda və ən xoş saatımızda o, bizimlə üz-
bəüz durub soruşacaq: sənin ağ xalat gey-
məyə haqqın varmı?”
Qeyd olunmuşdur ki, akademik Zərifə
xanım Əliyeva gənc həkimlərin tərbiyəsinə,
onların peşə fəaliyyəti ilə bağlı problemlə-
rinin öyrənilməsinə və həllinə xeyli zəhmət
sərf etmişdir. Onun çoxsaylı məqalələri və
çıxışları, məhz bu məsələyə həsr olunmuş
“Yüksək etimad” kitabı cəmiyyətdə həkimin
şəxsiyyət kimi formalaşması prosesinə də-
yərli töhfədir. Zərifə xanımın – bu böyük
alimin, həkimin, pedaqoqun, ictimai xadimin
bütün həyatı və fəaliyyəti mənsub olduğu
xalqa təmənnasız xidmət nümunəsidir. Onun
Azərbaycan səhiyyəsi qarşısındakı xidmət-
lərini yüksək qiymətləndirən ümummilli
liderimiz Heydər Əliyev demişdir: “Zərifə
xanımın tibb elmi sahəsində xidmətlərindən
biri də göz müalicəsi tədqiqatı idi. Mənə
belə gəlir ki, onun iki dəyərli irsi vardır.
Birincisi, Azərbaycanda ilk dəfə deonto-
logiyanı bir elm kimi meydana atıbdır.
İkincisi, Zərifə xanım çalışıb ki, bizim gə-
ləcək nəsilləri irsi xəstəliklərdən xilas
etsin, sağlamlaşdırsın”.
Ali Məclisin Sədri demişdir: “Zərifə xa-
nım Əliyeva Azərbaycanda elə bir oftal-
mologiya məktəbi yaratmışdır ki, bu məktəb
bu gün də öz mövqeyini və əhəmiyyətini
itirməyən sahələrdən biri olaraq qalır. Zərifə
xanımın çoxistiqamətli elmi yaradıcılığı 12
monoqrafiya, dərslik və dərs vəsaitlərində,
160-dan çox elmi işdə, bir ixtira və 18 sə-
mərələşdirici təklifdə öz əksini tapmışdır.
Böyük alimin bütün mənalı ömrü boyu ya-
ratdığı, lakin heç yerdə çap olunmayan bir
kitabı da var: bu, heç bir dərsliyə, yaxud
monoqrafiyaya sığmayan Zərifə xanım
Əliyevanın həyat kitabıdır. Bu kitaba nəzər
saldıqda gözlərimiz önündə əsl İnsanın
obrazı canlanır. Yüksək səviyyəli peşəkar
həkim kimi insanların gözünə nur verib
zülmətdən işığa, həyata qaytaran akademik
Zərifə xanım Əliyeva həmişə himayəyə eh-
tiyacı olan tənha insanlara, kimsəsiz uşaqlara
xüsusi qayğı ilə yanaşmışdır. Onun xatirəsini
milyonlarla insanın yaddaşında böyük eh-
tiramla yaşadan cəhətlərdən biri də bu böyük
şəxsiyyətə məxsus insani məhəbbət və şəf-
qətdir. Zərifə xanımın həyatda əsas amalı
həkimlərimizi bilikli və peşəkar, millətimizi
sağlam və gözü nurlu görmək idi. Onun
zəngin elmi irsi, tədqiqatları, qazandığı nai-
liyyətlər, fundamental əsərləri Azərbaycan
tibb elminin parlaq səhifəsini təşkil edir.
Xalqımızın yetişdirib dünya tibb elminə
bəxş etdiyi görkəmli alimin və istedadlı
həkimin şəxsiyyəti bu gün də – ölkəmizin
müstəqillik şəraitində yaşadığı dövrdə də
hər bir alimin və Hippokrat andını içmiş
hər bir həkimin cəmiyyətdə oynamalı olduğu
rola parlaq nümunədir”.
“Zərifə xanım əsl ana, vəfalı ömür-gün
yoldaşı, ailəsinə qəlbdən bağlı olan insan
idi. Ailə əsrlər boyu Azərbaycanda böyük
mənəvi dayaq rolunu oynamışdır. Dəyanətli
şəxsiyyət və dərin zəka sahibi olan Zərifə
xanım ümummilli lider Heydər Əliyevin
ömür-gün yoldaşı kimi bu çətin, lakin şərəfli
missiyanı da layiqincə yerinə yetirən, ulu
öndərə etibarlı mənəvi dayaq olan Şəxsiyyət
və Ana idi. Bir-birini heyrətamiz şəkildə
tamamlayan bu iki parlaq şəxsiyyətin ailə
həyatı müasir Azərbaycan cəmiyyəti üçün
bir nümunə, milli dəyərlərimizə sədaqətin
nadir örnəyidir”, – deyən Ali Məclisin Sədri
qeyd etmişdir ki, akademik Zərifə xanım
Əliyeva Azərbaycana Heydər Əliyev siyasi
kursunun layiqli davamçısı, dünya siyasətində
öz nüfuzu və yeri olan İlham Əliyev kimi
milli lider bəxş edən Ana kimi də unudul-
mazdır. Azərbaycan Prezidentinin ölkə sə-
hiyyəsinə və elminə qayğısı, Azərbaycan
xalqının sağlamlığının qorunması yolunda
gördüyü işlər, ümumiyyətlə, ölkədə həyata
keçirilən sosialyönümlü siyasət ulu öndərin
müəyyən etdiyi siyasi xəttin uğurla davam
etdirilməsinin parlaq təzahürüdür.
Ali Məclisin Sədri görkəmli alim, həkim,
nurlu şəxsiyyət Zərifə xanım Əliyevanın
işıqlı obrazının nəsillərin yaddaşında yüksək
vətənpərvərlik və humanizm rəmzi kimi
qalacağını bildirmiş, çıxışını ulu öndər
Heydər Əliyevin “Ömür yoldaşım kimi,
həyatımda keçdiyim yolda mənə həmişə
dayaq, arxa olduğuna görə Zərifə xanım
mənim üçün çox əzizdir. O, çox istedadlı,
çox sadə insan idi. Onun xatirəsi bizim
qəlbimizdə əbədi yaşayacaqdır” fikri ilə
tamamlamışdır.
Sonra tədbirdə akademik Zərifə xanım
Əliyevaya həsr olunmuş şeirlər bədii qiraət
olunmuş, Naxçıvan Dövlət Televiziyasının
hazırladığı “Zirvələrə yüksələn zərif insan
ömrü” televiziya filmi göstərilmişdir.
Tədbir iştirakçıları görkəmli oftalmo-
loq-alim Zərifə xanım Əliyevaya həsr olun-
muş sərgiyə baxmışlar. Sərgidə görkəmli
akademikin əsərləri, müxtəlif dövrlərdə
onun haqqında yazılmış kitab, monoqrafiya
və qəzet məqalələri, fotoşəkillər və rəsm
əsərləri nümayiş olunmuşdur.
Yubiley tədbirinin sonunda Cəlil Məm-
mədquluzadə adına Naxçıvan Dövlət Musiqili
Dram Teatrında görkəmli şair-dramaturq İs-
lam Səfərlinin “Göz həkimi” pyesi əsasında
hazırlanmış tamaşa göstərilmişdir.
Naxçıvan Muxtar Respublikası
Ali Məclisinin mətbuat xidməti