7
Fəsil I. Azərbaycan Respublikasında Milli Hesablar Sisteminin
(MHS) tətbiqinin müasir vəziyyəti və inkişaf perspektivləri
§1.1 MHS iqtisadiyyatın makrostatistik modelidir
Milli Hesablar Sistemi makrosəviyyədə iqtisadi proseslərin ən ümumi
tərəflərini və nəticələrini təhlil və təsvir etmək üçün istifadə edilən göstəricilərin və
təsnifatların qarşılıqlı əlaqədə olan sistemidir. MHS–i iqtisadiyyatın makrostatikstik
modelidir. MHS – nin qurulmasında məqsəd təkrar istehsal prosesinin bütün
mərhələlərində iqtisadiyyatın inkişafının ümumiləşdirici göstəricilərini və bu
göstəricilərin arasındakı qarşılıqlı əlaqələri formalaşdırmaqdan ibarətdir.
Milli Hesablar Sistemi bаzаr iqtisаdiyyаtı şərаitində mаkrоiqtisаdi prоsesləri
özündə əks etdirən bir-biri ilə qаrşılıqlı əlаqəli оlаn və 150-dən çох ölkədə tətbiq
edilən ikitərəfli göstəricilər sistemidir. Bu sistemin metоdоlоji əsаslаrı tədiyyə
bаlаnsının və sаhələrаrаsı bаlаnsın metоdоlоji əsаslаrı ilə sıx bağlıdır.
Аzərbаycаndа bu sistemin tətbiqi beynəlхаlq stаtistikа təşkilаtlаrının Milli
Hesаblаr Sisteminin prоblemlərinə dаir hаzırlаdıqlаrı metоdiki təlimаtlаr əsаsındа
аpаrılır və hesаblаmаlаrın nəticələri vaxtaşırı İqtisаdi Əməkdаşlıq və İnkişаf
Təşkilаtı, Beynəlхаlq Vаlyutа Fоndu və statistika sahəsində fəaliyyət göstərən digər
beynəlхаlq təşkilаtlаr tərəfindən ekspertizа оlunur.
Hesablardan institutsional vahidlərin, o cümlədən ölkənin rezidenti olan
müəssisələrin, idarələrin, təşkilatların və ev təsərrüfatlarının həyata keçirdiyi iqtisadi
əməliyyatların qeydiyyatı üçün istifadə edilir. Burada həmçinin, ölkənin rezidentləri
ilə qeyri-rezidentlər arasındakı əməliyyatlar da əks olunur. Milli Hesablar Sistemi –
balans qaydasında, qarşılıqlı əlaqədə olan cədvəllər dəstidir. Milli hesabların
qurulması metodu mühasibat hesabında olduğu kimidir. Hər bir hesab ikitərəfli
cədvəl şəklində balansdır və hər bir əməliyyat iki dəfə - ehtiyatlarda (resurs) və
istifadədə əks etdirilir. Hesabın hər bir tərəfində əməliyyatların yekunu növbəti
8
hesabın resurs maddəsi kimi çıxış edən balanslaşdırıcı maddənin köməyi ilə
balanslaşdırılır [4].
Hesabın balanslaşdırıcı maddəsi onun sağ və sol tərəfinin balanslılığını
(bərabərliyini) təmin edir və resursla onun istifadəsi arasındakı fərq kimi hesablanır.
Başqa sözlə, əvvəlki hesabın “İstifadə” bölməsində əks etdirilən balanslaşdırıcı
maddə sonrakı hesabın “Resurs” bölməsinin ilk göstəricisidir. Bununla Milli
Hesablar Sisteminin qurulmasına və hesabların özü arasındakı əlaqəyə nail olunur.
Deməli, MHS – nin qurulmasının əsas prinsipləri – ikili yazılış (qeydiyyat), bütün
iqtisadi əməliyyatları əhatə etmək və onun struktur ünsürləri arasındakı qarşılıqlı
əlaqəni təmin etmək prinsipləridir.
MHS-də əsasən aşağıdakı anlayışlardan istifadə olunur.
- Mal (əmtəə) – adətən istehsal xərcini ödəyən qiymətlə bazarda satmaq
üçün nəzərdə tutulan maldır;
- Xidmətlər – məhsul şəklində təzahür etməyən, lakin müəyyən şəxsi və
ictimai tələbatları ödəyən fəaliyətin nəticəsidir;
- Qeyri-bazar xidmətləri – dövlət idarələrinin və ictimai təşkilatların cari
istehlakına aid edilən xidmətlər;
- Transfertlər – gəlirlərin və əmanətlərin yenidən bölgüsü məqsədilə həyata
keçirilən gəlirlərin həm pul , həm də natural formada birtərəfli, əvəzsiz
verilməsidir (köçürülməsidir).
MHS – də daxili və milli iqtisadiyyat anlayışlarından istifadə edilir və bunlara
müvafiq olaraq Ümumi Daxili Məhsul və Ümumi Milli Məhsul göstəriciləri
hesablanır. Bu kateqoriyaları fərqləndirmək üçün aşağıdakı anlayışlardan istifadə
edilir:
- Iqtisadi ərazi
- Rezident
- İqtisadi maraq mərkəzi.
9
İqtisadi ərazi dedikdə istehsal amillərinin sərbəst yerdəyişməsi baş verən ərazi
başa düşülür. Ölkənin iqtisadi ərazisinə həmçinin aşağıdakılar da aid edilir.
- Hava məkanı, beynəlxalq sularda ölkənin ərazi suları;
- Xaricdə
“ərazi
anklavı”
yəni
ölkənin
hökümət
idarələrinin
diplomatik,hərbi, elmi və yaxud digər məqsədlər üçün digər ölkələrdə
istifadə etdiyi ərazilər;
- Ölkənin öz sərhəddindən kənarda fəaliyyət göstərən müəssisələr, “sərbəst
zonaları”. Onların fiziki yerləşdiyi ərazi fəaliyyət göstərdikləri ölkənin
iqtisadi ərazisinə aid edilir [4].
Ölkənin iqtisadi ərazisinə başqa ölkənin, yaxud beynəlxalq təşkilatların ərazi
anklavı daxil edilmir.
Milli Hesablar Sisteminin qurulmasında əsas məqsəd iqtisadiyyatın quruluşu,
iqtisadi proseslərin müxtəlif tərəfləri haqqında ən mühüm informasiyanı əldə
etməkdir. Bunun üçün MHS – də müxtəlif təsnifatlardan istifadə edilir. Bunlara
aiddir:
1. İqtisadiyyatın sektorları və sahələri üzrə institutsional vahidlərin
təsnifatlaşdırılması;
2. İqtisadi əməliyyatların təsnifatlaşdırılması;
3. Aktiv və passivlərin təsnifatlaşdırılması;
4. Mal və xidmətlərin təsnifatlaşdırılması;
5. Təyinatına
görə
dövlət
idarəetmə
orqanlarının
xərclərinin
təsnifatlaşdırılması;
6. Vergi və subsidiyaların təsnifatlaşdırılması
Milli Hesablar Sistemində iqtisadi əməliyyatların təsnifatlaşdırılması mühüm
yerlərdən birini tutur. MHS – də bütün iqtisadi əməliyyatlar aşağıdakı qruplara
ayrılır:
1. Mal və xidmətlərlə bağlı əməliyyatlar;