Nəzarət
Departmenti
ÇPY/TM
ilə mübarizəyə dair Təlim
Müştərinin Eyniləşdirilməsi Proqramı
Yoxlamanın çatışmaması
MEP bankın müştərinin həqiqi şəxsiyyəti barədə məntiqi əminlik əldə edə bilmədiyi hallar üçün
prosedurlara malik olmalıdır. Bu prosedurlar aşağıdakıları müəyyən etməlidir:
1) Bankın hesab açmalı olmadığı
vəziyyətlər;
2) Müştərinin bank tərəfindən onun şəxsiyyətinin yoxlandığı müddət ərzində hesabdan istifadə etməsi
şərtləri.
3) Bankın müştərinin şəxsiyyətini təsdiq etmək cəhtləri boşa çıxdıqdan sonra hesabın bağlanması şərtləri.
4) Bankın müvafiq qanun və qaydalara uyğun olaraq Şübhəli Əməliyyatlar barədə Hesabat təqdim etməli
olduğu vəziyyətlər.
Müştərinin yoxlanması – MƏP hesab açıldıqdan sonra məntiqəuyğun müddət ərzində müştərinin
şəxsiyyətini (müştəri barədə məlumatı) yoxlamaq üçün risk-əsaslı prosedurları daxil etməlidir.
Sənədsiz üsullarla yoxlama
Banklardan müştərinin şəxsiyyətini yoxlamaq üçün sənədsiz üsullardan istifadə etmək tələb olunmur. Lakin,
müştərinin şəxsiyyətini yoxlamaq üçün sənədsiz üsullardan istifadə edən bank həmin üsulları müəyyən edən
prosedurlara malik olmalıdır. Sənədsiz üsullara müştəri ilə əlaqənin yaradılması; müştəridən və istehlakçılar
agentliyi, ictimai məlumat bazaları və ya digər mənbələrdən əldə edilən məlumatları müqayisə etməklə
müstəqil yoxlamanın aparılması; digər maliyyə təşkilatları ilə əlaqələrin yoxlanması; və maliyyə
hesabatların əldə edilməsi daxildir.
Bankın sənədsiz prosedurları həmçinin aşağıdakı vəziyyətləri əhatə etməlidir: şəxs üzərində şəkil və ya
oxşar qorunma işarələri olan dövlət orqanlarının verdiyi etibarlı (vaxtı bitməmiş) eyniləşdirici sənədi təqdim
edə bilmir; bank təqdim edilmiş sənədlərlə tanış deyildir; hesab sənədsiz açılıb (məsələn, bank sonradan
yoxlamaq məqsədilə müştəridən tələb olunan məlumatı əldə edir/ sonradan sənədin təqdim edilməsi şərti ilə
şifahi məlumat alır); hesab müştərinin şəxsən iştirakı olmadan açılmışdır; və ya bank sənədlər vasitəsilə
müştərinin həqiqi şəxsiyyətinin müəyyən edilə bilməməsi riskini artıran vəziyyətlə qarşılaşdıqda / faktlar
təqdim edildikdə.
Müəyyən müştərilər üçün əlavə yoxlama
MƏP bankın fiziki şəxs olmayan müştərilər tərəfindən açılmış yeni hesabların risklərinin qiymətləndirilməsi
əsasında müştərinin şəxsiyyətini yoxlamaq üçün bu cür hesablar üzərində səlahiyyəti olan və ya onlara
nəzarət edən, o cümlədən imzalayan şəxslər barədə məlumat əldə etdiyi vəziyyətləri nəzərə almalıdır. Bu
yoxlama üsulu yalnız bank sənədli və sənədsiz üsullarla müştərinin həqiqi şəxsiyyətini təsdiqləyə
bilmədikdə tətbiq edilir. Məsələn, banka fərdi sahibkar və ya əsas ortaq barədə məlumat əldə etmək və onun
şəxsiyyətini təsdiq etmək tələb olunduqda və bunu başqa vasitələrlə etmək mümkün olmadıqda.
2