404
Azərbaycan dövləti mülkiyyətin çoxnövlüyü əsasında müx-
təlif təsərrüfat formalarının, daxili bazarın yaranması və fəaliyyəti
üçün bazar infrastrukturunun yaradılması, biznes və sahibkarlıq
fəaliyyətinin inkişafı, özəlləşdirmə proqramının həyata keçiril-
məsi, xarici iqtisadi əlaqələrin bərpa edilməsi, maliyyə, kredit,
bank işi, pul tədavülünün yenidən qurulması, inflyasiya və işsiz-
liyin qarşısının alınması, əhalinin sosial müdafiəsinin təşkili sahə-
sində məqsədyönlü iş aparır. Bu işlərin həyata keçirilməsində
dövlət öz funksiyası çərçivəsində iqtisadiyyatın müxtəlif sahəsinə
aid tənzimləyici tədbirlər həyata keçirir.
Azad beynəlxalq ticarətin üstünlüyü çoxdan məlumdur.
Hələ 1776-cı ildə Adam Smit bunun mahiyyətini görmüş və gös-
tərmişdir ki, ağıllı ailə başçısı heç vaxt onun ailəsi üçün lazım
olan məhsulların hamısını özü istehsal etməyə cəhd etməz. Dərzi
özü üçün ayaqqabı tikməyə cəhd etmir, onu çəkməçidən alır, çək-
məçi də özünə paltar tikmir, onu dərzidən alır. Fermer də özünə
bu və digər texnika istehsal etmir, onu istehsal edən sahibkarlar-
dan alır. Hər bir istehlakçının öz sahəsində başqalarından üstün-
lükləri var. Ona görə də onun istehsal etdiyi məhsul, ixtisası ol-
mayanlara nisbətən daha az xərclə başa gəlir.
Ölkələr arasındakı iqtisadi əlaqələrin xarakteri dünya döv-
lətlərinin xarici ticarət siyasətini də müəyyən edir. Dünya ölkələri
arasında azad ticarət və himayəçilik siyasəti həyata keçirilir.
Azad ticarət siyasəti o deməkdir ki, dövlətlər arasında
ticarətin inkişafına heç bir məhdudiyyət qoyulmur. Himayəçi-
likdə isə dövlətlərarası ticarətdə məhdudiyyətlər qoyulur.
Azad ticarət siyasətinin həyata keçirilməsi dünya iqtisa-
diyyatında iqtisadi ehtiyatların daha səmərəli yerləşdirilməsinə və
maddi rifahın səviyyəsinin daha da yüksəldilməsinə səbəb olur.
Hər ölkədə ehtiyatların quruluşu və texnoloji biliklərin səviyyəsi
müxtəlifdir. Buna görə də ölkədə müəyyən əmtəələrin real xərc-
ləri də müxtəlifdir. Hər bir dövlət o məhsulu istehsal etməlidir ki,
həmin əmtəənin istehsal xərcləri başqa ölkələrdəkinə nisbətən
aşağı olsun. Əgər hər bir dövlət məsələyə belə yanaşsa, təbii mü-
hitə görə istehsalın ixtisaslaşmasından bütün dünya tam istifadə
405
edə bilər. Başqa sözlə, dünyada hər bir azad ticarət siyasəti ye-
ridən dövlət eyni həcmli iqtisadi ehtiyatlardan daha çox real gəlir
götürə bilər.
Himayəçilik siyasəti ixtisaslaşmanın üstünlüklərindən, onun
səmərəliliyindən istifadə etməni məhdudlaşdırır.
Ə
gər dövlətlər azad ticarətdən istifadə etməyib, bu və ya
digər məhsulu dünya bazarından ucuz almaqdan məhrum olursa,
həmin məhsulu öz ölkəsində istehsal etməyə məcbur olur. Bu isə
qeyd olunduğu kimi, bəzən (bəlkə də çox vaxt) dünya bazarından
daha baha başa gəlir. Bundan həm dünya bazarı, həm də həmin
dövlət itirmiş olur.
Azad ticarət dünya bazarından istədiyi məhsulu sərbəst su-
rətdə seçməyə imkan verir. Azad ticarət, eyni zamanda azad rəqa-
bət yaradır. Bu da iqtisadiyyatın inkişafının əsas amillərindən bi-
ridir. Buna görə həyat azad ticarətin inkişaf etdirilməsini tələb
edir.
Azad ticarətin üstünlüklərinə baxmayaraq, ona mane olan
amillər də vardır. Azad ticarət siyasətini adətən o dövlətlər yeri-
dirlər ki, onların iqtisadi inkişaf səviyyəsi yüksəkdir, istehsal olu-
nan əmtəələrin fərdi dəyəri beynəlxalq bazar dəyərindən aşağıdır.
Məhsulun çeşidi, rəngarəngliyi və keyfiyyəti də belə ölkələrdə
yüksək olur. Orta və aşağı inkişaf səviyyəsində olan ölkələrdə
istehsal olunan əmtəələrin fərdi dəyəri isə dünya bazar dəyərin-
dən adətən yüksək olur. Buna görə də yerli məhsullar inkişaf et-
miş ölkələrdən gətirilən məhsullarla rəqabətə girə bilmir. Xa-
ricdən gətirilən məhsullar satılır, yerli məhsullar isə reallaşa bil-
mir. Bu isə milli sənayenin inkişafına mane olur. Bununla əla-
qədar olaraq, bu cür dövlətlər himayəçilik siyasətini irəli sürürlər.
Məqsəd milli sənayeni güclü olan xarici dövlətin zərbəsindən
xilas etmək və onun inkişafına şərait yaratmaqdır.
Milli bazarın xarici rəqiblərin təsirindən qorunmasının əsas
yolu dövlətin yeritdiyi gömrük siyasətidir. Dövlət xaricdən
gətirilən məhsulların üzərinə elə gömrük haqqı qoyur ki, yerli
məhsullarla xarici məhsulların qiyməti tarazlaşsın. Dövlət bütün
xarici əmtəələrə eyni gömrük haqqı qoya bilməz. O əmtəələrə
406
yüksək gömrük haqqı qoyulur ki, o, yerli məhsulların istehsalına
mane olur.
Milli iqtisadiyyatın xarici rəqabətdən qorunmasının dolayı
yolları da mövcuddur. Bu, ən əvvəl, yerli məhsulların qiymətini
aşağı salmaqdır. Məsələn, Yaponiyanın maşınqayırma, elektro-
texnika, cihazqayırma sənayesi son vaxtlar ABŞ məhsullarına
dünya bazarında ən böyük rəqib olmuşdur. ABŞ Yaponiya malla-
rının gətirilməsini inzibati qayda ilə məhdudlaşdırmaqla bərabər
bu metoddan özü də istifadə edir.
Milli iqtisadiyyatın, xüsusilə yeni sahələrin yaranması və
inkişafında onları xarici rəqabətdən qorumaqda gömrük siyasəti
müsbət rol oynasa da, bütövlükdə dünya istehsalının azalmasına
səbəb olur.
18.2. Azərbaycanda xarici ticarət əlaqələrinin
ə
sas xüsusiyyətləri
Azərbaycanın neft strategiyası və bu sahədə həyata keçirilən
məqsədyönlü tədbirlər, nəinki mühüm sosial-iqtisadi, həm də bö-
yük siyasi əhəmiyyət kəsb edir. Bu da Azərbaycan dövlətinin
beynəlxalq aləmdə nüfuzunun artmasını və dövlət müstəqilliyinin
möhkəmlənməsində əyani sübutdur.
Müasir dövrdə və yaxın perspektivdə Azərbaycanın siyasi,
iqtisadi və xarici ticarət əlaqələrinin genişləndirilməsində həll-
edişi göstərici neft amilidir. O, milli iqtisadiyyatın inkişafında
xüsusi əhəmiyyət kəsb edir.
Azərbaycanın xarici şirkətlərlə bağladığı neft müqavilələri
(19 müqavilə 27 ölkənin 56-dan artıq şirkətləri iştirak edir) çərçi-
vəsində neft sənayesinə 60 milyard ABŞ dolları həcmində inves-
tisiya qoyulması nəzərdə tutulur. Neft ixracından əldə edilən gəlir
səmərəli şəkildə respublikanın sosial-iqtisadi tərəqqisində istifadə
etmək məqsədilə hazırda xüsusi neft fondu yaradılmışdır. Bu,
həmçinin beynəlxalq ticarətin inkişafında və genişləndirilməsində
BVF-nun və Dünya Bankları üçün əyani zəmanət hesab edilir.
Dostları ilə paylaş: |