“ata holdiNQ”
“ATA HOLDİNQ” AÇIQ TİPLİ SƏHMDAR CƏMİYYƏTİ
Yüklə 4,64 Mb. Pdf görüntüsü
|
- Bu səhifədəki naviqasiya:
- “ATA HOLDİNQ” AÇIQ TİPLİ SƏHMDAR CƏMİYYƏTİ MALİYYƏ HESABATLARI ÜZRƏ QEYDLƏR
- Əlaqəli tərəflərə verilmiş kreditlər
- Vaxtı keçmiş, qeyri-işlək kreditlər
- Kreditlər üzrə ehtiyat – ehtiyat siyasəti
- Sığorta zərərləri üzrə ehtiyatların təxmin edilməsi
“ATA HOLDİNQ” AÇIQ TİPLİ SƏHMDAR CƏMİYYƏTİ MALİYYƏ HESABATLARI ÜZRƏ QEYDLƏR 31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
61 Kredit Departamenti monitorinq nəticələri üzrə planın hazırlanması, onun yerinə yetirilməsi və monitorinq nəticələrinin qənaətbəxş olmadığı təqdirdə müvafiq tərəflərin məlumatlandırılması və tədbirlər planı ilə bağlı tövsiyələrin verilməsinə görə məsuliyyət daşıyır. Kredit Departamenti müəyyən edilmiş məbləğdən yuxarı olan bütün əməliyyatların monitorinqini aparır və bu məbləğdən aşağı olan əməliyyatları seçmə üsulu ilə yoxlayır. Müəyyən edilmiş məbləğdən yuxarı olan bütün əməliyyatlar üzrə monitorinq ilk olaraq kreditin ödənildiyi aydan əvvəl və ya ən azı bir ay müddətində aparılır. Müvafiq olaraq, monitorinq cədvəlinə uyğun olaraq risklərə nəzarət olunur.
Kredit Departamenti qarşı tərəflərin kredit riskləri üzrə bütün məsələlər, o cümlədən bütün limitlərə uyğunluq, risklər üzrə konsentrasiyalar, portfel üzrə tendensiyalar, vaxtı keçmiş kreditlər və defolt statistikası, kreditlər üzrə ehtiyatlar və girov statistikasına dair məlumatların toplanması və təqdim edilməsinə görə cavabdehdir. Müntəzəm aylıq hesabatlardan başqa, həmin departament seçilmiş kredit prosedurlarına riayət edilməsinə dair hesabatlar tərtib edir.
Azərbaycan Respublikası Milli Bankı “əlaqəli tərəflər” kateqoriyası ilə bağlı dəqiq anlayışlar müəyyən etmişdir. Bu kateqoriyaya əsasən Səhmdarlar və ya fiziki şəxslər və yaxud onların yaxın ailə üzvlərinin mülkiyyətində olan/nəzarət etdiyi hüquqi şəxslər daxildir. Buraya həmçinin Qrupda səlahiyyətli vəzifələrdə çalışan fiziki şəxslər daxildir. Fiziki şəxs olan əlaqəli tərəfə verilən ən böyük kreditlər Qrupun konsolidasiya edilmiş kapitalının 3%-dən artıq ola bilməz. Müvafiq hüquqi şəxslər üzrə isə bu limit 10% təşkil edir. Əlaqəli tərəflərə verilmiş kreditlər üzrə risklər üçün ümumi limit 20%-dir. Qiymətləndirmə və digər şərtlər tərəflərin müstəqilliyi prinsipi əsasında müəyyən edilməlidir. Bəzən Bank əlaqəli tərəflər üçün verilmiş kreditlərə dair ARMB tərəfindən müəyyən edilmiş prudensial normativləri poza bilər.
Qrup vaxtı keçmiş və qeyri-işlək kreditləri onların ödəmə müddətinin başa çatdığı ilk gündən müəyyən etmək və hesabatlarda əks etdirmək üçün prosedurları tətbiq edir. 60 günədək vaxtı keçmiş kreditlər əvvəlcədən hər hansı problemin müəyyən edilmədiyi təqdirdə, müvafiq biznes vahidləri tərəfindən nəzərdən keçirilir. Fiziki şəxslərə verilmiş və 60 gündən çox vaxtı keçmiş təminatsız kreditlər avtomatik olaraq Problemli Kreditlər Şöbəsinə ötürülür. Hüquqi şəxslərə verilmiş və 90 gündən çox vaxtı keçmiş kreditlərdə eyni departamentə ötürülür. 90 gündən çox vaxtı keçmiş kreditlər faizləri hesablanmayan kreditlər statusuna aid edilir. Problemli Kreditlər Şöbəsi bu öhdəlikləri toplaya bilmədikdə hüquqi prosedurlar həyata keçirilir. Kredit geri qaytarıla bilmədikdə, müvafiq məbləğlərin silinməsinə dair təkliflər Kredit Komitəsinə və İdarə Heyətinə təqdim edilir. Silinmə ilə bağlı son qərarı Müşahidə Şurası qəbul edir.
Bütün vaxtı keçmiş kreditlər haqqında məlumat ən azı ayda bir dəfə Kredit Komitəsinə təqdim edilir. Hüquqi şəxslərə verilmiş vaxtı keçmiş kreditlər üzrə bütün məsələlər barədə bilavasitə Kredit Komitəsinə hesabat verilir.
Qrup məruz qaldığı risk dərəcəsinin yarada biləcəyi zərərləri təmin edərək kreditlər üzrə ehtiyat yaradır.
BMHS-na uyğun hesabatların hazırlanması məqsədilə, Qrup 39 saylı BMUS-da (Maliyə Alətləri – Uçot və Qiymətləndirmə) əks etdirilən metodologiyadan istifadə edir. “ATA HOLDİNQ” AÇIQ TİPLİ SƏHMDAR CƏMİYYƏTİ MALİYYƏ HESABATLARI ÜZRƏ QEYDLƏR 31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
62 Kredit riskinin maksimum səviyyəsi Qrupun balans üzrə məruz qaldığı kredit riskinin maksimum səviyyəsi, adətən, balans hesabatında maliyyə aktivlərinin qalıq dəyərində əks etdirilir. Potensial kredit riskinin azaldılması üçün aktiv və öhdəliklərin əvəzləşdirilməsi imkanı böyük əhəmiyyət kəsb etmir.
Balansdankənar maddələr, xüsusilə akkreditivlər və zəmanətlər üzrə kredit riskinin maksimum səviyyəsi öhdəliyin ümumi məbləğini əks etdirir. Qrupun balansdankənar maddələr üzrə kredit riski 30 saylı “Təəhhüdlər və Şərti Öhdəliklər” Qeydində açıqlanır.
Balansdankənar maliyyə alətləri üzrə kredit riski həmin maliyyə aləti üzrə əməliyyatların digər iştirakçısı tərəfindən müqavilə üzrə öz öhdəliklərini yerinə yetirə bilməməsi nəticəsində zərərin yaranması ehtimalı kimi müəyyən edilir. Qrup şərti öhdəlikləri və balans üzrə maliyyə alətləri ilə əlaqədar əməliyyatların təsdiqlənməsi prosedurları, riskləri məhdudlaşdıran limitlərdən istifadə və monitorinq prosedurlarına əsaslanan eyni kredit siyasətini tətbiq edir. Sığorta risklərinin idarə olunması Sığorta riski Hər hansı sığorta müqaviləsi üzrə risk dedikdə, sığorta hadisəsinin baş verməsi və nəticədə irəli sürülə biləcək iddianın hansı məbləğdə olacağının qeyri-müəyyən qalması nəzərdə tutulur. Sığorta müqaviləsinin bilavasitə mahiyyəti üzrə, risk müxtəlif vaxtlara təsadüf edə bilər və bu səbəbdən hər bir ayrıca sığorta müqaviləsi üçün proqnozlaşdırıla bilməyən bir hadisə olur.
Qiymətləndirmə və ehtiyatlara münasibətdə ehtimal nəzəriyyəsinin tətbiq olunduğu sığorta müqavilələri portfelinə münasibətdə, sığorta müqavilələri üzrə Qrupun üzləşdiyi əsas risk sığorta öhdəliklərinin qalıq məbləğinin faktiki iddialar və ödənişlər məbləğindən aşağı olması ilə əlaqədardır. Buna səbəb iddiaların tezliyi və ya yüksək məbləği, habelə ödənişlərin qiymətləndirilən məbləğlərdən artıq olması səbəb ola bilər. Sığorta hadisələri müxtəlif vaxtlarda olmaqla baş verə bilər və iddiaların faktiki sayı və məbləği ildən ilə statistik metodlar əsasında müəyyən edilmiş göstəricilərdən fərqlənə bilər.
Qrup özünün sığorta riskini təsdiq edilmiş daxili prosedurlar vasitəsi ilə idarə edir və həmin prosedurlara sığorta məbləğləri barəsində qərarların qəbul olunması hədlərinə məhdudiyyətlərin qoyulması, qiymətləndirmə siyasəti, təsdiq edilmiş təkrar sığortaçılar siyahısı və mütəmadi monitorinq daxil olur.
Zərər üzrə ehtiyatlar Qrupa aid tarixi məlumata istinadən hesablanır. Ödənilməmiş iddiaların təxmini məbləğini hesablayarkən (bu zaman həm təqdim edilmiş olan həmçinin də təqdim edilməmiş iddialar nəzərə alınır), Qrupun qiymətləndirmə metodları sırasına zərər üçün nisbətə əsaslanan qiymətləndirmələr məcmusu (bu zaman zərər nisbəti dedikdə, sığorta üzrə iddiaların yekun qiyməti ilə həmin iddialar üçün hansısa bir maliyyə ili ərzində qazanılmış sığorta haqqının nisbəti nəzərdə tutulur) və əvvəlcədən müəyyən edilmiş düstura istinadən faktiki iddialar üzrə təcrübəyə əsaslanan təxminlər istifadə olunur (sonuncuya münasibətdə, vaxt keçdikcə faktiki iddialar təcrübəsinə daha böyük qiymət verilir).
İlkin zərər nisbəti proqnozu qiymətləndirmə işi üzrə əhəmiyyətli ehtimal təxminlərini təşkil edir, əvvəlki ilin təcrübəsinə əsaslanır və sığorta haqqlarındakı dəyişikliklər, proqnozlaşdırılan bazar mühiti və iddialar üzrə tarixi inflyasiya kimi amillərə istinadən dəqiqləşdirilir. Cari il üçün istifadə olunan ilkin zərər nisbəti proqnozu (təkrar sığortadan qabaq) cari və əvvəlki il ərzində qazanılmış mükafata istinadən risklərin növləri üzrə təhlil olunur. Yüklə 4,64 Mb. Dostları ilə paylaş:
|