Apellyasiya şikayətinin yekununa dair
Yüklə 255,18 Kb. Pdf görüntüsü
|
4
etdikdən sonra birdən avtomaşını geriyə döndərib evə qayıtmaq qərarına gəlmişdir. Orada olan evlərdən birinin ara zolağından faydalanıb avtomaşını arxaya sola, daha sonra isə qabağa sağa tərəf hərəkət etdirməklə geriyə qayıtmaq istəmişdir. Bu məqsədlə də idarə etdiyi avtomobili yolun ortasında saxlayaraq avtomobili arxaya tərəf, yolun digər hərəkət zolağı tərəfə çarpaz şəkildə sürərək həmin evin qarşısında olan ara zolağa tərəf hərəkət etdirmişdir. İdarə etdiyi avtomobilin arxa hissəsini həmin evin qarşısındakı ara zolaqdan piyada yoluna tərəf salmışdır. Bu zaman arxadan taqqıltı səsinin gəldiyini eşitmiş, lakin avtomobilin yolun kənarında olan beton səkiyə dəydiyini düşünərək, buna heç bir əhəmiyyət verməmişdir. İdarə etdiyi avtomobili qabağa doğru hərəkət etdirərək sağa tərəf dönüb yolun həmin zolağı ilə gəldiyi istiqamətə əks olan istiqamətdə, yəni “Azpetrol” yanacaqdoldurma məntəqəsi istiqamətində hərəkət etmişdir. İdarə etdiyi avtomobili rayonun Car kəndində yaşayan yeznəsi Zaqalovun həyətinə sürmüşdür. Avtomobili oraya sürdükdən və Zaqalovun həyətinə saldıqdan sonra avtomobilin arxa aynasının tamamilə sındığını görmüşdür. Avtomobilinin arxa hissəsini tamamilə sellofanla örtdükdən sonra oradan çıxıb geri qayıtmaq üçün “Orxan” adlı tanışına zəng edərək, gəlib onu öz avtomobili ilə aparmasını bildirmişdir. Bir qədərdən sonra Orxan öz avtomobili ilə ora gələrək, onu oradan götürdükdən sonra şəhərə tərəf qayıdan zaman yolda polis əməkdaşları Orxanın avtomobilini saxlamış və onu Zaqatala Rayon Polis Şöbəsinə dəvət etmişlər. Polis əməkdaşlarına heç bir etiraz etməyərək, onlarla birlikdə polis şöbəsinə gəlmişdir. Polis şöbəsinə gəldikdən sonra ona idarə etdiyi avtomobili dönüb qayıtmaq üçün Zaqatala şəhəri Azərbaycan prospektində arxaya sürərək, evin qarşısında olan aradan piyada yoluna daxil edən zaman iki nəfər şəxsi avtomobili ilə vurması məlum olmuşdur. Həmin iki nəfər şəxsi avtomobillə vurmasını əvvəlcədən bilməmiş, bunu yalnız polis şöbəsinə gəldikdən sonra bilmişdir. Həmin şəxslərin heç birini əvvəllər tanımamış, onlarla hər hansı bir münasibəti, dostluğu, ədavəti və ya düşmənçiliyi olmamışdır. Avtomobilinin arxa şüşəsi qara tor örtüyü ilə örtülü olduğu üçün avtomobilini geri verərək dönmək istəyən zaman “Nihad” və “Nərgiz” adlı şəxslərin piyada yolu ilə keçmələrini görməmişdir. “Nihad” və “Nərgiz” adlı şəxsləri qəsdən vurmamışdır. Avtomobilin arxa bamperinin sol tərəfinin sındığını və arxa şüşənin sınmasını hiss
etməmişdir. Bunları yeznəsi Zaqalovun həyətinə avtomobili gətirdikdən sonra görmüşdür. Əgər hadisə törətdiyini və adamları vurmasını bilsəydi, hadisə yerindən qaçmazdı. Həmin vaxt sərxoş olduğuna görə orada avtomobilini saxlayıb baxarsa və orada ləngiyərsə, polis əməkdaşlarının onu gəlib tutacaqlarından qorxmuşdur. Bu səbəbdən də dərhal avtomobilini sürərək oradan uzaqlaşmış və heç bir yerə məlumat verməmişdir. Sonradan gəlib hadisə yerinə baxacağını və nə baş verdiyini anlayacağını fikirləşmişdir. İdarə etdiyi avtomobillə Azərbaycan prospekti ilə hərəkət etməzdən qabaq mağazaların birindən üç şüşə “Efes” adlı pivə almış və həmin üç şüşə pivəni təkbaşına içmişdir. Hadisə zamanı avtomobildə tək olmuş və avtomobildə başqa heç kim olmamışdır. Hadisə yerindən götürülmüş həmin bamperin kauçuk hissəsi və şüşə qırıntıları onun avtomobilinə məxsusdur. Həmin bamperin kauçuk hissəsi və şüşə qırıntıları avtomobilini arxaya verərək araya salan zaman orada olan şəxslərə və ya beton səkiyə dəyməsi nəticəsində sınaraq oraya düşmüşlər. Törətdiyi əməlindən çox peşmandır. Zərərçəkmiş şəxslərin müalicəsini təşkil etmiş, onların bütün xərclərini ödəmişdir. Hazırda o, zərərçəkmiş şəxslərlə barışmışdır. Göstərilənləri nəzərə alaraq, ona yüngül cəza təyin edilməsini xahiş etmişdir . Birinci instansiya məhkəmə sinin
iclаsındа zərərçəkmiş şəxs Məmmədova Nərgiz İsa qızı ifadəsində göstərmişdir ki, o, yuxarıda göstərilən ünvanda ailə üzvləri ilə birlikdə yaşayır və Zaqatala şəhər 1 saylı orta məktəbin 10 - cu sinif şagirdidir. Ali məktəbə qəbul olmaq məqsədi ilə əlavə olaraq Zaqatala rayonunda yerləşən “Modern” hazırlıq kurslarına gedərək orada hazırlaşır. 29 mart 2016 - cı il tarixdə təxminən saat 18 - 00 radələrində kurs və məktəb yoldaşı Əliyev Nihad Hüseyn oğlu ilə birlikdə “Modern” hazırlıq kursundan çıxdıqdan sonra şəhərin Azərbaycan prospekti ilə evlərinə tərəf yolun sol kənarında olan piyada yolu ilə gəlmişlər. Həmin vaxt o, piyada yolunun sağ, yəni yol tərəfi ilə, Nihad isə yolun sol, yəni hasar tərəfi ilə hərəkət etmişdir. Həmin küçədə olan 70 saylı evin qarşısına çatanda yolla hərəkət edən tünd qəhvəyi rəngli, “VAZ - 2106” minik markalı, dövlət qyddiyyat nişanı yadında qalmayan avtomobilin yolun ortasında dayandığını, qəflətən arxaya tərəf hərəkət edərək onların istiqamətində gəldiyini görmüşlər. Nihadla hərəkət 5
etməyərək, yerlərində dayanmışlar. Həmin avtomobil çarpaz şəkildə arxaya hərəkət edərək 70 saylı evin qarşısında olan aradan içəri daxil olub onlara tərəf gəlmişdir. Bu zaman həmin avtomobil onu və Nihadı arxa hissəsi ilə vurmuş, onunla Nihad yerə yıxılmışlar. Həmin vaxt avtomobilin arxa şüşəsi sınaraq yerə tökülmüşdür. Yerə yıxılan zaman onun eynəyi gözündən düşdüyü üçün artıq heç nə görə bilməmişdir. Yalnız həmin avtomobilin sürücü tərəfdən qapısının açıldığını və bu zaman Nihadın
həmin avtomobilin sürücüsünə, sonradan adını bildiyi Səfərov Mərhəmət Musif oğluna: “Neynirsən, ayağımı qırdın”
- deməsini eşitmişdir. Həmin avtomobilin sürücüsü adını sonradan bildiyi Mərhəmət isə Nihada: “Bağışla.” - deyərək avtomobilin qapısını örtmüş və avtomobilini qabağa hərəkət etdirmişdir. Bundan sonra həmin avtomobil sürətlə aşağıya doğru hərəkət edərək gözdən itmişdir. Həmin vaxt ora çoxlu adam toplaşmışlar. Nihat öz mobil telefonu ilə təcili tibbi yardım stansiyasına zəng edərək, oradan kömək çağırmışdır. Həmin vaxt onunla Nihad yerdə yıxılmış vəziyyətdə qalmışlar. Bir qədər keçəndən sonra ora təcili tibbi yardım stansiyasından avtomobil və həkimlər gəlmişlər. Onlara hadisə yerində yardım göstərərək avtomobillərinə otuzdurub Zaqatala Mərkəzi Rayon
Xəstəxanasına aparmışlar. Orada məlum oldumuşdur ki, o, alın, sağ əl və hər iki ayğının diz və baldır nahiyələrindən xəsarət almışdır. Xəstəxanada olan zaman Nihadla maraqlanmış və ona orada bildirmişlər ki, Nihadın sol ayağının hər iki sümüyü sınmışdır. Onun xəsarəti ağır olmadığına görə həmin gün xəstəxanadan çıxaraq yaşadığı evə gəlmişdir. Nihadın isə aldığı xəsarət ciddi olduğuna görə həmin gün xəstəxanada qalmış, səhərisi gün isə Nihadı Bakı şəhərindəki xəstəxanaya aparmışlar. “Mərhəmət” adlı şəxsi əvvəllər tanımamış, onunla hər hansı bir münasibəti, dostluğu, ədavəti və ya düşmənçiliyi olmamışdır. Nihadın həmin şəxsi tanıyıb - tanımaması barədə isə məlumatı yoxdur. Hadisə baş verən zaman Mərhəmətin idarə etdiyi avtomobildə başqa şəxslər də olmuş, lakin həmin şəxslərin kim olmaları barədə heç nə bilmir. Səfərov Mərhəmət Musif oğlunun yol - nəqliyyat hadisəsi törədərək, onu vurub xəsarət yetirməsi ilə bağlı onun müalicəsinə 500 (beş yüz) manat xərcləmişdir. Mərhəmət Səfərovun valideynləri onun müalicə xərcini ödəmiş və ondan üzr istəmişlər. Hazırda onun təqsirləndirilən şəxsə qarşı heç bir şikayəti və tələbi yoxdur, onunla barışmış və təqsirləndirilən şəxsi bağışlamışdır. O, təqsirləndirilən şəxsə yüngül cəza verilməsini xahiş edərək, bununla bağlı yazılı ərizəsini məhkəməyə təqdim etmişdir . Birinci instansiya məhkəmə sinin
iclаsındа şahid qismində dindirilən zərərçəkmiş şəxsin qanuni nümayəndəsi Məmmədov İsa Qasımoviç eyni məzmulu ifadə verərək, zərərçəkmiş şəxs olan qızı Nərgiz Məmmədovanın ifadəsində göstərdiklərini təsdiq etmiş
dir. Birinci instansiya məhkəmə sinin
iclаsındа ifadəsi elan olunmaqla tədqiq edilmiş zərərçəkmiş şəxs Əliyev Nihad Hüseyn oğlu ibtidai istintaq zamanı verdiyi ifadəsində göstərmişdir ki, Zaqatala şəhər 1 saylı orta məktəbin 10 -cu sinif şagirdidir. Ali məktəbə qəbul olmaq məqsədi ilə əlavə olaraq Zaqatala rayonunda yerləşən “Modern” hazırlıq kurslarına gedərək orada hazırlaşır. 29 mart 2016 - cı il tarixdə saat təxminən 18 -00 radələrində kurs və orta məktəb yoldaşı Məmmədova Nərgiz İsa qızı ilə birlikdə “Modern” hazırlıq kursundan çıxdıqdan sonra şəhərin Azərbaycan prospekti ilə evə tərəf getmişlər. Bu zaman qarşıdan tünd qəhvəyi rəngli, “VAZ - 2106” minik markalı, dövlət qeydiyyat nişanı yadında qalmayan avtomobil öz yolundan çıxaraq əks istiqamətə, yəni onların gəldiyi istiqamətdə yüksək sürətlə hərəkət etməyə başlamış və sürücü avtomobili onlar tərəfə sürmüşdür. Avtomobildən onlar tərəfə hərəkət etdiyindən qorxaraq, tullanaraq yolun ortasında olan hündür səkilərin üstünə çıxmışlar. Həmin avtomobil onların yanından keçib getmiş və onlar bir qədər irəlilədikdən sonra yolun sol kənarında olan piyada yoluna çıxaraq, həmin piyada yolu ilə getməyə başlamışlar. Həmin yolda çala - çuxurlar olduğu üçün sürücünün avtomobilini həmin çala - çuxurdan qaçırtacağını düşünmüşdür. Yolla gedən zaman bir neçə dəfə həmin avtomobilin yenidən gəlib - gəlməməsini görmək üçün baxmışdır. Lakin, həmin avtomobil gəlməmişdir. Onlar hərəkət edərək həmin küçədə olan 70 saylı evin qarşısına çatmışlar. Həmin vaxt Nərgiz yolun sol, yəni hasar tərəfi ilə, o isə yolun sağ, yəni yol tərəfi ilə hərəkət etmişlər. Onlar 70 saylı evin qarşısına çatanda həmin vaxt yolla gedən eyni, yəni “VAZ - 2106” markalı, dövlət qeydiyyat nişanı yadında qalmayan avtomobil yolla hərəkət edib qəflətən yolun
ortasında dayanmışdır. Həmin avtomobilin qəflətən arxaya tərəf hərəkət edərək onlar istiqamətində gəlməsini görmüşlər. Onlar bunu Yüklə 255,18 Kb. Dostları ilə paylaş:
|