88
ri»ndə yazdığına əsaslanaraq belə qənaətə gəlmişdir ki, bu hissə 1953-1954-cü illərdə
qələmə alınmışdır. (133, 563)
«Komsomol poeması» hələ 1930-cu illərdə qəzet-curnallarda ayrı-ayrı parçalar
şəklində çap olunduğu vaxt ədəbi tənqidin diqqətini çəkmiş, şairin yaradı cılığına
ifrat tələbkarlıq göstərən tənqidçilər də əsəri yüksək qiymətləndirmişlər.
Tənqidçi Atababa Musaxanlı Səməd Vurğunun yaradıcılığına həsr olunmuş
«Böyüyən şair» adlı məqaləsində poemadakı xarakterlərin həyatdan gəldiyini xüsusi
qeyd edərək yazırdı: «O (Səməd Vurğun – A.B.), romanda hərtərəfli insan xarak-
terlərini həqiqətdə olduqu kimi, bütün müsbət və mənfi halları ilə yaratmaqla bir çox
yazıçıların yaxa qurtara bilmədikləri sxematizmə düşməyir, canlı, hərarətli, real
insanları verir. Onun təsvirində yaşayan quru, ölü, statik-kukla adamlar deyildir,
əksinə dinamik, onun üçün də canlı adamlardır». (82, 37)
1934-cü ildə Yazıçıların I Umumittifaq qurultayındakı çıxışında M.K.Ələkbərli
poemanın mətbuatda çap olunmuş parçalarını «Vurğunun axırıncı illər içərisindəki
yaradıcılığının ən yaxşı nümunələri» hesab etmişdir. (82, 22)
«Komsomol poeması» haqqında məhz həmin illərdə Mirzə İbrahimov və Mehdi
Hüseyn də xoş sözlər söyləmişlər. (87; 77, 6-9)
Əsərdən bir parça 1937-ci ildə VII sinif üçün buraxılmış «Ədəbiyyat xrestoma-
tiyası» dərsliyinə də daxil edilmişdir. (62)
Poema həmin vaxtlar oxucuların, xüsusən gənclərin böyük marağına səbəb
olmuş, onlar əsəri bütöv halda oxumaq arzularını dəfələrlə şairə bildirmişlər. Osman
Sarıvəlli xatırlayırdı: «Oxucular «Komsomol poeması»nı maraqla izləyir, onun
nəşrini həmişə səbirsizliklə gözləyirdilər. «Hörmətli şair! «Komsomol poeması» indi
nə haldadır?, «Komsomol poeması»nı nə zaman bitirəcəksiniz?, «Bəxtiyarın, Gəray
bəyin taleyi sonra necə olur?» kimi suallar görüşlərdə Səməd Vurğuna verilən - ən
çox təkrar edilən suallar idi». (143, 15)
Kiyev şəhərində yaşayan soydaşımız, kimyaçı-alim Poluş
89
Rzayev şairlə bağlı xatirələrində yazır ki, Azərbaycan Dövlət Universitetinin bir qrup
tələbəsi 1934-cü ilin dekabrında Səməd Vurğuna bu məzmunda məktubla müraciət
edib: «Hörmətli şairimiz Səməd Vurğun! Bizi maraqlandıran «Komsomol poeması»-
dır. Siz onu 1931-ci ildən yazırsınız, amma sonu görünmür... İmkan daxilində mək-
tubun cavabını səbirsizliklə gözləyirik». (159)
Kimyaçı-alimin yaddaşında şairin çavabı da qalıb: «Hörmətli oxucularım!
«Komsomol poeması» yazılıb qurtarıb, ancaq hələ nöqtə qoyulmayıb». (159) Görü-
nür, poemanın taleyi şairi də düşündürmüş və o, gəncliyin ona verdiyi sualı 1939-cu
ildə qələmə aldığı «Bizim gəncliyə» şerində özü-özünə vermişdir:
Bu gün könlüm dərdə düşdü, könül dedi: noldu şair,
Qurtarmadı komsomolun qəhrəmanlıq dastanları? (132, 35)
Qeyd etdiyimiz kimi, Səməd Vurğun 1950-ci illərdə «Komsomol poeması»
uzərində yaradıcılıq işini tam başa çatdırmaq fikrində idi. O, 1956-cı ildə Osman
Sarıvəlliyə belə demişdir: «Mənim bu ilki işim əsasən «Komsomol poeması» üzə-
rində olacaqdır. Oxuculara çox söz vermişəm, lakin... poemanı mütləq bitirmək
lazımdır!» (143, 15) Şair bununla bağlı müəyyən işlər gördü. Lakin o, nəzərdə
tutduqlarının hamısını həyata keçirə bilmədi. «Poemada Bəxtiyar və Çalpapaq Kərəm
surətləri daha geniş planda təsvir edilməli, Gülpərinin əri İmranın taleyi, Cəlalın
meyidinin axtarılıb tapılması, Bəxtiyarın nitq söyləməsi, Bəxtiyarın toy məclisi və s.
hadisələr göstərilməli idi». (162, 220)
Şair bu əlavələri yazmamışdır. Əgər bü gün bunlar qələmə alınmış olsa idi, əsər
qazanardı, yoxsa itirərdi?
Əsəri təhlil etmək, obrazları tarixi hadisələr axınında düzgün səciyyələndirmək,
onlara şairin münasibətini aydınlaşdırmaq üçün həmin dövrün gerçəkliklərini
nəzərdən keçirmək lazımdır. Ona görə ki, Səməd Vurğun özü həmin hadisələrin
iştirakçıların-
90
dan olmuşdur. Şairin müasirlərinin, xüsusən qardaşı Mehdixan Vəkilovun
xatirələrində maraqlı faktlar vardır.
1918-1920-ci illərdə Azərbaycan Xalq Cümhuriyyətinin yaradılması və devril-
məsi, habelə Azərbaycanda Sovet hakimiyyətinin qurulması kimi tarixi hadisələr Sə-
məd Vurğunun yeniyetməlik illərinə təsadüf etmişdir. Şair 1918-ci ildə, Azərbaycan
Xalq Cümhuriyyəti dövründə Qazax müəllimlər seminariyasına daxil olmuş, Sovet
hakimiyyəti dövründə isə təhsilini tamamlayaraq əmək fəaliyyətinə başlamışdır.
Əlbəttə, cəmiyyətdə baş verən bütün dəyişikliklər Qazaxda da öz əksini tapırdı.
Mehdixan Vəkilov yazır: «Bakıda Sovet hakimiyyətinin qələbəsi xəbəri Qazağa çat-
mışdı. Şəhərdə bir vəlvələ vardı, sanki dünya qopurdu. Yerli kommunistlər haki-
miyyəti ələ almışdılar... Əksinqilabçılara qarşı mübarizə aparmaq üçün silahlı atlı
dəstələri təşkil edilirdi. Varlılar və alverçilər var-yoxlarını gizlədirdilər. Hər gün mi-
tinq keçirilir, inqilabi nitqlər söylənilirdi. Bütün bu hadisələri gözümuzlə görürdük.
14-15 yaşlı Səməd inqilabın nəfəsilə isinirdi. Qəribədir, seminariyada oxuduğumuz
illərdə (1918-20) inqilab haqqında, Lenin haqqında bir kəlmə də olsun eşitməmişdik.
Siyasi mövzularda söhbət olmazdı. Biz inqilab xəbərini eşidən kimi məktəbin
həyətinə toplaşmışdıq, müəllimlər həyəcan içində idilər. Firidun bəy (seminariyanın
direktoru F.Köçərli – A.B.) görünməyirdi (onu həbs ediblərmiş). Bir nəfər türkiyəli
müəllimimiz vardı (adını unutmuşam), o, tələbələrə yanaşaraq: - bunları həp yapan
Lenindir, - dedi. Biz ilk dəfə Leninin adını eşitdik». (173, 56)
Səməd Vurğun bu hadisələrin sürətli axarında XI Ordu hissələrinin Qazağa daxil
olmasını kənardan müşahdə etmiş, mitinqlərdə müxtəlif çıxışları dinləmişdi.
Dilicanda yeni quruluşa qarşı çıxan iki nəfərin, habelə məşhur Gəncə qiyamının
iştirakçısı olmuş daha iki zabitin Qazaxda hərbi-inqilab komitəsinin qərarı ilə gül-
lələnməsi yeniyetmə Səmədə sarsıdıcı təsir göstərmişdi. Qazax coşqun inqilabi ruhla
yaşayırdı, sanki «Qırmızı Qazax»
Dostları ilə paylaş: |