3
Ordubad Rayon Mədəniyyət Evi-
nin foyesində rayonun istedadlı
qadınlarının əl işlərindən ibarət
sərgi-satış keçirilib.
Tədbirdə Ordubad Rayon İcra
Hakimiyyətinin başçısı Elşad Məm-
mədov çıxış edərək bildirib ki, Nax-
çıvan Muxtar Respublikasında qa-
dınların əməyinin qiymətləndirilməsi
daim diqqət mərkəzindədir. Göstə-
rilən qayğının nəticəsidir ki, rayon
üzrə təhsil, səhiyyə və mədəniyyət
müəssisələrində çalışanların 76 faizi ni
qadınlar təşkil edir. Rayondakı qa-
dınlardan 23 nəfəri Azərbaycan Res-
publikasının və Naxçıvan Muxtar
Respublikasının müxtəlif dövlət mü-
kafatlarına layiq görülüb. Artıq bir
neçə ildir ki, istedadlı qadınların əl
işlərinin sərgi-
satışı təşkil edi-
lir. Ordubad ra-
yonunda keçiri-
lən sərgidə də
bütün yaşayış
məntəqələrindən
istedadlı qadınlar
iştirak edirlər.
Tədbirin təşki-
lində məqsəd ra-
yon üzrə qadınların istedad və ba-
carıqlarını üzə çıxarmaq, milli də-
yərlərimizi qorumaq, adət-ənənələ-
rimizi gənclərə aşılamaq, mənəvi
irsimizi yaşatmaqdır.
İcra başçısı belə sərgilərin keçiril -
məsində, milli dəyərlərimizin ya-
şadılmasında qadınlarımıza uğurlar
arzulayıb.
Tədbirdə Naxçıvan Muxtar Res-
publikası Ailə, Qadın və Uşaq
Problemləri üzrə Dövlət Komitə-
sinin sədri Ramilə Seyidova çıxış
edib. O bildirib ki, bu gün ölkə-
mizin hərtərəfli inkişafı, mövcud
sabitlik, dövlət-qadın siyasətinin
uğurla həyata keçirilməsi, ailə də-
yərlərinə yüksək qiymət verilməsi
qadınların ölkəmizin ictimai hə-
yatında fəal iştirakına və istedad-
larının üzə çıxarılmasına imkan
verir. Naxçıvan Muxtar Respubli-
kasında qadınların bütün sahələrdə
fəaliyyəti təmin olunur, min illər
ərzində formalaşan milli dəyərlə-
rimiz yaşadılır. Yaradılan şəraitin
nəticəsində muxtar respublikada
istedadlı qadınların sayı ildən-ilə
artır.
Qeyd olunub ki, bu gün Ordubad
rayonunda yaşayan istedadlı qadın-
ların rəsm və əl işlərindən ibarət
sərgi-satışın təşkil edilməsi də mə-
nəvi irsimizin yaşadılmasına xidmət
edir.
İstedadlı qadınlardan Məleykə
Rəhimli çıxış edərək bildirib ki,
muxtar respublikada həyata keçirilən
quruculuq tədbirləri sayəsində ən
ucqar sərhəd kəndlərimizdə də qa-
dınların iş və məişət şəraiti yaxşı-
laşdırılıb. O, göstərilən diqqət və
qayğıya görə muxtar respublika
rəhbərinə minnətdarlığını bildirib.
Sonra sərgi-satışa baxış olub.
Sərgi-satışda rayon üzrə onlarla
qadının 250 rəsm və əl işi nümayiş
etdirilir.
abbas SEYİd
İstedadlı qadınların əl işlərindən ibarət
sərgi-satış təşkil edilib
1997-ci ildə kənddə yeni məktəb
binası istifadəyə verildi, 2003-cü
ildə isə burada yenidənqurma işləri
aparıldı. 2014-cü ilin 3 noyabr tarixi
Güznüt sakinləri üçün əlamətdar
hadisələrlə yadda qaldı, həmin gün
kənddə yeni sosial obyektlər isti-
fadəyə verildi. Onların arasında
əsaslı şəkildə yenidən qurulan Güz-
nüt kənd tam orta məktəbinin binası
da var idi. Çox gözəl şəraitin yara-
dıldığı binanın istifadəyə verilməsi
valideynlərin də, şagird və müəl-
limlərin də üzünü güldürdü. Çünki
artıq bütün çətinliklər arxada qalmış,
muxtar respublikanın müstəqillik
illərindəki inkişafının bariz nümu-
nəsi olan müasir məktəb binası
uşaqların ixtiyarına verilmişdi. Hə-
min gün uşaqların sevincini bölüş-
məyə muxtar respublika rəhbəri də
gəlmiş, kənd sakinlərini, eləcə də
məktəbliləri təbrik etmiş, pedaqoji
kollektivə öz ürək sözlərini və töv-
siyələrini çatdırmışdı. Bəli, muxtar
respublikanın sosial-iqtisadi inkişafı
üzrə 2014-2018-ci illəri əhatə edən
Dövlət Proqramı çərçivəsində əsaslı
şəkildə yenidən qurulan binası olan
kənd məktəbi güznütlülər üçün fəxr
olunası təhsil ocağına çevrilmişdi
və Naxçıvan şəhərindəki ən müasir
məktəblərdən heç nə ilə geri qalmırdı.
Hazırda 324 şagird yerlik mək-
təbdə 3-ü elektron lövhəli olmaqla,
18 sinif otağı, kimya-biologiya və
fizika laboratoriyaları, kompüter
otağı, kitabxana, idman zalı, hərbi
kabinet, şahmat sinfi və bufet var.
Məktəb-valideyn münasibətlərinin
düzgün qurulması nəticəsində şa-
girdlər tədris prosesində çətinlik
çəkmir, keçilən dərsləri daha yaxşı
mənimsəyirlər. Bu təhsil ocağının
kompüter otağında internetə çıxışı
olan 21 kompüter var. Məktəbin
elektron dərsliklərlə təminatı və
elektron lövhəli siniflərin istifadəyə
verilməsi dərslərin virtual tədrisinə
şərait yaradıb. Distant tədris mər-
kəzinə qoşulan məktəbdə muxtar
respublikanın digər təhsil ocaqları
ilə tədris mübadiləsinin aparılması,
eləcə də muzeylərlə əlaqələrin qu-
rulması təmin edilib. Məktəbin ki-
tabxana fondunda 5 mindən artıq
kitab vardır. Şagirdlərə mütaliə vər-
dişlərinin aşılanması onların asudə
vaxtlarının səmərəli təşkili baxı-
mından mühüm əhəmiyyət daşıyır.
Ən qədim oyun növlərindən biri
olan şahmat uşaq və yeniyetmələrin
əqli inkişafına təsir edən mühüm
vasitələrdən biridir. Güznüt kənd
tam orta məktəbində şahmat fənninin
tədrisi şagirdlərin zehni inkişafına,
məntiqi düşünmə qabiliyyətlərinə
əhəmiyyətli təsir göstərir. Bütün
bunların nəticəsidir ki, şagirdlərin
digər fənlərdən təlim göstəriciləri
də nəzərəçarpacaq dərəcədə artıb.
Məktəbdə şagirdlərin vətənpər-
vərlik ruhunda tərbiyəsinə və hərbi
biliklərin dərindən öyrənilməsinə
də diqqət yetirilib, hərbi kabinə
yaradılıb. İdman zalında müxtəlif
idman növləri üzrə dərslərin tədrisi
və şagirdlərin fiziki hazırlıqlarının
artırılması üçün hər cür şərait
mövcuddur.
Güznüt sakinləri isə övladları
üçün bu şəraiti yaradanlara min-
nətdardırlar. Tədris ili boyu mək-
təbin müəllim və şagirdləri kitab-
xana, laboratoriya, fənn kabinələ-
rindən səmərəli istifadə edirlər. Bu
da tədrisin keyfiyyətinin yüksəl-
məsinə öz təsirini göstərir. Hazırda
müxtəlif universitetlərə sənəd ver-
miş məktəb məzunlarının nəticələri
təhlil edilir, gələcəkdə görüləcək
işlər planlaşdırılır.
Ümidlər doğrulub, sabaha
inam artıb
Bu gün ölkəmizdə Heydər Əliyev
siyasi kursunun uğurla davam et-
dirilməsinin nəticəsidir ki, Azər-
baycanda sabitlik və sosial-iqtisadi
yüksəliş təmin olunub. Ölkəmizdə
mövcud olan sabitlik bütün sahə-
lərlə yanaşı, təhsilin də hərtərəfli
inkişafı ilə səciyyələnir. Prioritet
sahə olan təhsil bu gün Azərbaycan
dövlətinin sosial inkişaf xəttində
mühüm yer tutur. Ona görə ki, təh-
silə qoyulan sərmayə, göstərilən
qayğı təkcə ölkəmizin bu gününə
deyil, eyni zamanda gələcəyinə
xidmət edir, yüksək intellektual
potensialın formalaşmasını şərt-
ləndirir. Bu gün davamlı olaraq
təhsil sahəsində islahatlar həyata
keçirilməkdədir. Bütün bunlar bir
daha əmin olmağa əsas verir ki,
müasir Azərbaycan təhsili özünün
zəngin mütərəqqi ənənələrinə, milli
və mənəvi, ümumbəşəri dəyərlərə,
beynəlxalq təcrübəyə əsaslanaraq
daha da inkişaf edəcəkdir. Çünki
qazanılan bütün nailiyyətlər məhz
Heydər Əliyev ideyalarından güc
alır. Artıq 20 ildən çoxdur, təkcə
güznütlülərin deyil, minlərlə Nax-
çıvan sakininin “Ümidlər doğru-
lacaqmı?” sualına cavab tapılıb,
demək olar ki, hər bir kənd-qəsə-
bədə, hər bir şəhərdə ən müasir
tələblərə cavab verə bilən məktəb
binaları həyata vəsiqə alıb. Diqqət -
çəkən məqam isə ondan ibarətdir
ki, xalqı maraqlandıran bütün su-
alların cavabı sözdə deyil, əməldə
verilib. Bu isə muxtar respublikada
yaşayıb-yaradan hər bir insanın sa-
baha inamını artırır, bizi daha yaxşı
işləməyə, ölkəmizin çiçəklənməsi
naminə daha böyük fədakar lıqlar
göstərməyə sövq edir.
-
Səbuhi HÜSEYNOV
Muxtar respublikamızın düşdüyü
blokada şəraitində yarımçıq qalmış
tikililərin taleyindən söhbət açmaq
bəlkə də yersiz görünür. Amma elə
məsələlər var ki, onlar barədə sus-
maq, söz deməmək olmur. Axı bu
problemlər çoxlarının hər gün üz-
ləşdiyi çətinliklərdəndir. Güznüt
kənd 8 illik məktəbinin müəllim və
şagirdlərinin illərdən bəri həsrətini
çəkdikləri məktəb binası. O məktəb
binası ki, təməli 7-8 il bundan əvvəl
qoyulub. O vaxtlar nə blokada var
idi, nə də ki, material qıtlığı. Nə-
dənsə, hansı biganəliyin ucbatındansa
464 yerlik məktəb binasının tikintisi
ildən-ilə keçirildi və nəhayət indiki
şəraitdə tamamilə unuduldu.
Vaxtilə köhnə, yöndəmsiz mək-
təb binasının yanında, idman mey-
dançasının ərazisində yerləşəcək
məktəb binasının özülü qazılanda,
burada qrunt sularına qarşı borular
düzüləndə, nəhayət beton bloklar
hazırlananda çoxları sevindi. Mək-
təblilər inandı ki, nəhayət 2 min
nəfərə yaxın əhalisi olan Güznüt
kəndində də məktəb binası tikilə-
cəkdir. Amma əfsuslar olsun ki, bu
sevinc, bu arzu illər uzunu şagird-
lərin ürəyində qaldı.
Hazırda şagirdlər süd emalı məq-
sədilə tikilmiş, sonra isə tütün qu-
rutmaq üçün istifadə edilən köhnə,
yöndəmsiz binada dərs keçirlər. Bi-
nanın tavanından boylanan paslı mis-
marlar tütünçülərdən qalan yadigar-
lardandır. Məktəbə yolu düşənlər
yaxşı bilir ki, bu uyğunlaşdırılmış
binada dərs keçmək, uşaqlara elm
öyrətmək olduqca çətindir. Darısqal
döşəməsinə torpaq tökülmüş, divarları
bir neçə yerdən cadarlamış qaranlıq
otaqda dərs keçmək hansı səmərəni
verər? Siniflər bir-birinə o qədər ya-
xındır ki, onların birində dərs deyən
müəllimin, dərsə cavab verən şagirdin
səsi o biri siniflərdə də eşidilir. Daha
doğrusu, səs səsə qarışır. Darısqal
dəhlizdə iki nəfərin yan-yana ad-
dımlaması qeyri-mümkündür.
Bütün bunlara dözmək olar,
amma binanın uçmaq təhlükəsi var.
Belə görkəmdə olan binanı təmir
etmək də müşkül məsələdir. Bu və-
ziyyətlə əlaqədar məktəbin direktoru
İ.Babayev aid təşkilatlar qarşısında
dəfələrlə məsələ qaldırsa da, heç
bir müsbət nəticəsi olmayıb.
Lakin bizi düşündürən odur ki,
nəyə görə illərdən bəri şagirdləri
narahat edən bu vacib məsələ həll
edilməyib? Halbuki ötən illər ərzində
məktəb binasını tikmək mümkün
idi. Onda istənilən qədər tikinti ma-
terialları da var idi. Həmin material -
lar məktəbin təməli qoyulan yerdə
üst-üstə qalaqlanmışdı. Amma illər
ötdükcə yavaş-yavaş “əridi”. İndi
10-15 beton blokdan savayı heç nə
gözə dəymir.
Bizə belə gəlir ki, lap elə indiki
şəraitdə də burada yeni bina tikmək
mümkündür. Hörgünü yerli material -
lar hesabına və yerli qüvvə ilə apar-
maq olar. Heç uzağa getməyək, bi-
nanın özülündən çıxarılmış torpaqla
yüz minlərlə kərpic kəsmək olar.
Onsuz da indiki binaların çoxu belə
kərpiclərlə hörülür. Kənddə həmin
kərpiclərdən çoxlu bina tikənlər var.
O ki qaldı qalan materiallara, köhnə
məktəb binasının materiallarından
istifadə edilə bilər.
Bütün bunları yazmaqda onu de-
mək istəyirik ki, hər bir işə əlac
tapmaq mümkündür. Atalar demiş-
kən: “Çobanın könlü olsa...” Amma,
nədənsə, əməli iş görən tapılmır.
Uçmaq təhlükəsi olan sinif otaqla-
rında dərs keçən şagirdlər yeni mək-
təb binasının ümidi ilə yaşayırlar.
Bəs bu ümid nə vaxt doğrulacaq?
“Şərq qapısı” qəzeti
1994-cü il 16 iyul
“Ümidlər doğrulacaqmı?”
və ya dünəndən bu günə qısa ekskurs
Naxçıvan dünən
və bu gün
Əvvəl belə idi: Bəs indi?
23 il əvvəl “Şərq qapısı” qəzetində dərc olunmuş bu məqalə
bir kənd məktəbinin timsalında muxtar respublikamızın məktəb-
lərinin ozamankı durumunu gözlər önünə sərir. Bəli, o zaman
məktəb binası deyiləndə ilk yada düşən sınıq-salxaq qapı-pəncərələri
olan sinif otaqları, qış boyu dərs zamanı tüstüləyən, belə demək
mümkünsə, göz çıxaran sobalar, istismar müddətini çoxdan başa
vurmuş partalar, stol və stullar, yağış yağanda gölməçəyə dönən
sinif otaqları olur. Bütün bu mənzərələr klassik sovet məktəbinin
dəyişməz simvolları idi. Döşəmələri neftlə silinən məktəb binalarının
qazanxana iyi verməsi adi hala çevrilmişdi. Ozamankı təmir-
tikinti idarələri hər yay “cari təmir” adı altında məktəbi təmir
etsələr də, işlər yalnız kağız üzərində qalırdı və növbəti dərs möv-
sümünə “hazır olan” məktəb binasına gələn uşaqlar və müəllimlər
təkrar məyus olurdular.
Güznüt kənd tam orta məktəbi bu gün müasir
binada fəaliyyət göstərir
Muxtar respublikamızda sağlamlıq imkanları məhdud uşaqların
asudə vaxtlarını səmərəli təşkil etmək, eyni zamanda istedadlarını
aşkara çıxarmaq, həmçinin onların yaradıcılıq imkanlarını ge-
nişləndirmək, intellektual səviyyələrini artırmaq üçün təşkil edilən
məqsədyönlü tədbirlər diqqət mərkəzində saxlanılır.
Naxçıvan Muxtar Respublikası Əmək və Əhalinin Sosial Müdafiəsi
Nazirliyinin 11 iyul tarixdə Məhdud Fiziki İmkanlılar üçün Naxçıvan
Regional İnformasiya Mərkəzində sağlamlıq imkanları məhdud
uşaqların intellektual dünyagörüşlərini nümayiş etdirmələri üçün
“Yurdumuzu tanıyaq” bilik müsabiqəsi təşkil etməsi həmin tədbirlərin
davamıdır. Müsabiqədə sağlamlıq imkanları məhdud 10 uşaq iştirak
edib. Onlara 24 sual təqdim edilib.
Müsabiqənin qaliblərinə diplomlar, digər iştirakçılara isə həvəsləndirici
diplomlar verilib.
Məlumat üçün bildirək ki, Naxçıvan Uşaq Bərpa Mərkəzində
müalicə alan hərəkət qabiliyyəti məhdud bir uşaq mərkəzə yenicə is-
tifadəyə verilmiş əlillər üçün xüsusi nəqliyyat vasitəsi ilə müsabiqəyə
gətirilib.
Naxçıvan Regional İnformasiya Mərkəzində isə görmə qabiliyyəti
məhdud məktəbli uşaqlar üçün “Könül işığı” jurnalının “Şəfəq” adlı
xüsusi buraxılışı hazırlanıb.
Qeyd edək ki, tədbir “2016-2020-ci illərdə Naxçıvan Muxtar Res-
publikasında sağlamlıq imkanları məhdud uşaqların təhsili və reabili-
tasiyası üzrə Dövlət Proqramı”ndan irəli gələn vəzifələrin yerinə yeti-
rilməsi məqsədilə keçirilib.
Naxçıvan Muxtar Respublikası Əmək və Əhalinin
Sosial Müdafiəsi Nazirliyinin mətbuat xidməti
Sağlamlıq imkanları məhdud uşaqlar
arasında “Yurdumuzu tanıyaq” adlı bilik
müsabiqəsi keçirilib