37
siyasi partiya var: Respublikaçılar – onlar mühafizəkarlardır və Demokratlar –
onlar liberallar sayılırlar. Respublikaçılar azad bazar iqtisadiyyatına (tez-tez
fransız sözü olan "
laissez-faire" ifadə olunur) və dövlətin bazara mümkün qədər
minimum müdaxiləsinə inanırlar. Onlar inanırlar ki, hər kəs azaddır və onlara
bərabər imkanlar yaradılır. Əgər nəticədə kimsə milyonçu olursa və kimsə kasıb
olaraq qalırsa, dövlət müdaxilə edərək kasıba (çox vaxt milyonçunun maliyyə
imkanlarından vergi və ya digər məcburi yığımlar vasitəsi ilə istifadə edərək)
yardım etməli deyil – misal üçün, pulsuz təhsil və səhiyyə təmin etmək vasitəsi
ilə. Demokratlar isə insanlara kömək etmək üçün dövlətin müdaxiləsini
dəstəkləyirlər. Demokratlar sosial yönümlüdürlər. Əlbəttə, bu ideologiyalar
mütləq deyil – yəni nə respublikaçılar, ümumiyyətlə, dövlətin heç bir
müdaxiləsini dəstəkləmirlər, nə də demokratlar dövlətin həddən artıq
müdaxiləsini məqbul saymırlar. Yuxarıda qeyd etdiyimiz milyonçu-kasıb misalı
da sizi aldatmasın. Respublikaçıların ideyası mühüm əhəmiyyət kəsb edir – bir
çoxları onlar nə qədər sosial ideyalı insanlar olurlarsa-olsunlar, dövlətin onların
həyat və fəaliyyətinə müdaxiləsini heç də hər zaman dəstəkləmirlər.
3.
İlk Konstitusiya Amerika Birləşmiş Ştatlarında 1787-ci ildə qəbul
olunmuşdur. Konstitusiya referendum vasitəsi ilə deyil, Konstitusiya yığıncağı
24
tərəfindən tərtib edilərək ayrı-ayrı ştatların hakimiyyətləri tərəfindən təsdiq
(ratifikasiya) edilmişdir. Buna bənzər proses bir çox ölkələrdə baş tutmuşdur.
Misal üçün, Almaniyanın Əsas Qanunu
25
(
Grudgezets) Parlament Şurasını təşkil
edən ekspertlərdən ibarət bir qrup tərəfindən tərtib olundu və ştatların (
Lander)
parlamentləri ratifikasiya etdikdən sonra qüvvəyə minmişdir.
26
Rusiya
Federasiyasında Konstitusiya 1993-cü ildə keçirilmiş ümummilli referendum
vasitəsi ilə qəbul olunsa da, bu referenduma qədər gedən proseslər əvvəl
qüvvədə olan Konstitusiyaya zidd olmuşdur. O zaman ölkənin yeni Prezidenti
B.Yeltsin 1978-ci il Konstitusiyasına zidd olaraq böyük səlahiyyətlərə malik Xalq
Deputatları Konqresini buraxdı. Ancaq sonradan yeni Konstitusiyanın legitimliyi
geniş ictimaiyyət tərəfindən qəbul olundu.
27
Konstitusiya hansı formada qəbul edilməlidir ki, bütün xalqın istəyi
nəzərə alınsın? Referendum vasitəsi ilə Konstitusiyanın qəbul olunması üçün
hansı səs çoxluğu tələb olunmalıdır ki, Konstitusiya legitim sayılsın?
24
Constitutional Convention – on iki ştatı təmsil edən cəmi 74 nəfər nümayəndə. K.Janda, Berry &
Goldman, The challenge of democracy, government
in America, 3
rd
Ed. p. 92 (1992)
25
Yəni Konstitusiya. Bu sənəd ilkin olaraq müvəqqəti tənzimləyici sənəd rolunu oynamalı idi.
Ancaq sonralar o, daimi Konstitusiya kimi qəbul olundu.
26
D.Currie, The Constitution of the Federal Republic of Germany, p. 8 (1994)
27
W.Burnham & G.Danienko, Russian law (2004), səh. 167-169
39
4.
President sistemi
NƏNƏVİ OLARAQ ÇOXLARI HÜQUQ SİSTEMLƏRİNİ İKİ BÖYÜK
HİSSƏYƏ BÖLÜRDÜ (bəziləri hazırda da bölürlər) – Kontinental hüquq
sistemi və Anqlo-Sakson hüquq sistemi. Adətən onların arasındakı fərqi
çoxları, xüsusən də Sovet hüquq alimləri “president sistemi” ilə izah edirdilər.
Ancaq Sovetlər Birliyi qurulandan və hətta dağılandan bəri dünyada çox şey
dəyişib. Bu istər hüquq sistemində, istərsə də hüququn tədrisində və hüquq
təhsilində də belədir. President sistemi sadəcə Anqlo-Sakson hüquq sisteminin
deyil, demək olar ki, bütün digər hüquq sistemlərinin ayrılmaz tərkib hissəsinə
çevirilməkdədir. Ona görə yox ki, bu, gözəldir və hər hansı estetik ehtiyacları
ödəyir. President sisteminin tətbiqi obyektiv ehtiyacdan irəli gəlir. President
sistemi ayrı-ayrı ölkələrdə fərqli ola bilər: heç də bir ölkənin hüquq sistemi
digərini eynən təkrarlamalı deyil və adətən təkrarlamır. Ancaq məhkəmə
qərarlarının məhz bu qərarlar vasitəsi ilə bu və ya digər formada uzlaşdırılması
istənilən hüquq sisteminin zəruri hissəsinə çevrilməkdədir. Aşağıdakı məqaləni
sizə təqdim edirik:
President sistemi: istənilən hüquq sisteminin mühüm elementi
28
Rəşid Əliyev
Məqalənin mövzusunu və məğzini qısa formada çatdırmaq üçün bu sualı
vermək məqsədəuyğun olardı: "Elə ola bilərmi ki, bir ölkənin
başqa-başqa
məhkəmələri identik və ya oxşar işlər üzrə ayrı-ayrı qərarlar
versinlər?". Zənnimcə, bir çoxları üçün cavab aydındır – əlbəttə,
xeyr. Ancaq kimsə düşünə bilər ki, Azərbaycanın hüquq sistemi ingilisin
və ya amerikalının sistemi (yəni Anqlo-Sakson hüquq sistemi) deyil,
kontinental hüquq sistemidir – ona görə də mümkündür. Belə çıxır ki, bir
ideoloji səbəbə görə bir cür fakt üzrə 10 ayrı-ayrı məhkəmə 10 başqa-başqa
qərar çıxaracaq?
Bu cür problemin həlli, şübhəsiz ki, president sistemin tətbiqindən
keçir. Hazırda ənənəvi olaraq kontinental hüquq sisteminə aid olan
Almaniya, Fransa, Niderland və s. kimi ölkələrin məhkəmə sistemində
president sistemi tətbiq olunur. Sədə formada desək, "president" bir
məhkəmənin (misal üçün, Ali Məhkəmə və ya Konstitusiya Məhkəməsi)
digər məhkəmələr tərəfindən rəhbər tutmalı olduqları qərardır – yəni
28
Bu məqalə ilk olaraq burada yerləşdirilmişdir: http://www.legalforum.az/?cat=articles&id=171
Ə