28
respublikadır”. Bu maddə ilk növbədə Azərbaycanı respublika bəyan edir.
“Respublika” bildiyiniz kimi, dövlətin seçkili orqanlar tərəfindən idarə
olunmasını nəzərdə tutur. Yəni Azərbaycanda seçkili orqanlar mövcuddur və
onlar ölkəni idarə edir (və idarə etmədə iştirak edirlər). “Demokratiya” tarix
dərslərindən bildiyiniz kimi, xalqın idarəçiliyini nəzərdə tutur – təkrar edək ki,
yunan sözlərindən ibarət olan bu söz δῆμος (dêmos) "xalq" və κράτος (kratos)
“hakimiyyət” və ya “idarə etmək” deməkdir. 7-ci maddədəki “hüquqi” sözü
ölkəmizdə idarəçiliyin, xüsusən də vətəndaş və dövlət münasibətlərinin başlıca
olaraq hüquq və qanun üzərində qurulduğunu ifadə edir. “Dünyəvi” prinsipi
Azərbaycanda din və dövlətin ayrı olduğunu və dinin dövlət idarəçiliyinə
müdaxilə etməməsini ifadə edir. Coğrafiya dərslərindən bilirik ki, dünyada
“unitar” və “federasiya”, o cümlədən “konfederasiya” quruluşları mövcuddur.
Azərbaycan unitar dövlətdir və bu prinsip 7-ci maddədə əks olunmuşdur.
Bu sadalanan prinsiplər mühüm olduğu qədər də, onların konkret hallara
necə tətbiqi və bəzən də konkret olaraq nəyi ehtiva etməsi barədə mübahisələr
ola bilər. Onların bəzilərini bu kitabın digər hissələrində müzakirə edəcəyik.
Bununla belə, bu prinsiplərin bəyan edilməsi, ən azından Azərbaycan xalqının
məhz bu prinsiplər əsasında yaşamaq istəyini əks etdirir. Bunun da tarixi
əhəmiyyəti böyükdür.
Konstitusiyanın 3-cü fəsli “Əsas insan və vətəndaş hüquq və azadlıqları”
adlanır. Bu fəsildə insan hüquq və azadlıqlarını təmin edən maddələr yer
almışdır. Burada bərabərlik hüququ, azadlıq hüququ, şəxsi toxunulmazlıq
hüququ, əmək hüququ və sair hüquqlarla yanaşı, mülkiyyət hüququ və fikir
azadlığı təminatları da nəzərdə tutulmuşdur. Konstitusiyanın 29-cu maddəsinə
əsasən “[h]ər kəsin mülkiyyət hüququ vardır”, “[m]ülkiyyət qanunla qorunur”
və “[h]eç kəs məhkəmənin qərarı olmadan mülkiyyətindən məhrum edilə
bilməz”.
Konstitusiyanın 47-ci maddəsinə əsasən “[h]ər kəsin öz fikir və söz
azadlığı vardır” və “[h]eç kəs öz fikir və əqidəsini açıqlamağa və ya fikir və
əqidəsindən dönməyə məcbur edilə bilməz”.
Konstitusiya müasir konstitusionalizmin prinsiplərindən olan hakimiyyət
qanadları arasında səlahiyyət bölgüsü konsepsiyasını ehtiva etmişdir.
Konstitusiyaya əsasən qanunverici hakimiyyət Milli Məclisə (maddə 81), icra
hakimiyyəti Prezidentə (maddə 99) və məhkəmə hakimiyyəti Azərbaycanın
məhkəmələrinə məxsusdur (maddə 125). Azərbaycan Nazirlər Kabineti
mövcuddur və bu da Konstitusiyanın 114-cü maddəsi əsasında yaradılmışdır.
Nazirlər Kabineti prezidentin səlahiyyətlərini icra etmək üçün yaradılmış
kollegial orqandır. Nazirlər Kabinetinə prezident tərəfindən təyin olunan baş
nazir rəhbərlik edir.
29
Konstitusiyanın önəmli hissələrindən biri onun 10-cu fəslidir. Həmin
fəsildə hüquq normalarının iyerarxiyasıdır – yəni hansı normativ-hüquq akt
hansından üstündür və hansına nisbətdə daha aşağı pillədə durur. Bu
konstitusionalizmin vacib əsaslarından biridir. Xüsusən 149-cu maddə bu
ardıcıllığı nəzərdə tutur. Qısaca desək, Konstitusiya və referendum vasitəsi ilə
qəbul olunan aktlar bütün digər normativ-hüquqi aktlardan üstün hüquqi
qüvvəyə malikdir. Azərbaycanın qoşulduğu beynəlxalq müqavilələr əksər
hallarda adi qanunlardan üstün olsa da, onlar Konstitusiyaya zidd olmalı
deyillər. Milli Məclisin qəbul etdiyi qanunlar bütün digər dövlət orqanlarının
qəbul etdiyi sərəncamlar, fərmanlar və qərarlardan üstün hüquqi qüvvəyə
malikdir. Nazirlər Kabinetinin və ya hər hansı digər dövlət orqanlarının qəbul
etdiyi qərarlar prezidentin fərmanlarına və fərmanlardan üstün qüvvəyə malik
olan normativ-hüquqi aktlara zidd olmalı deyil.
21 dekabr 2010-cu ildə Milli Məclis "Normativ-hüquqi Aktlar haqqında"
Konstitusiya Qanunu qəbul etmişdir. Bu Konstitusiya Qanunu Konstitusiyanın
149-cu maddəsindən irəli gələn məsələləri tənzimləyir.
Konstitusiya Məhkəməsinin qərarları – hüququn mənbəyi
Bir çox dövlətlərdə ali məhkəmə orqanlarının qərarlarını da hüququn
mənbəyi adlandırırlar. Azərbaycanda Konstitusiya Məhkəməsi qanunları və
Konstitusiyanı şərh edir və nəticədə müəyyən qayda qəbul olunur. Bu nöqteyi-
nəzərdən onlar mühüm əhəmiyyətə malikdirlər və haqlı olaraq onları hüququn
bir mənbəyi adlandırmaq olar.
Məhkəmə qərarlarının hüququn bir mənbəyi olması uzun illər kontinental
hüquq sistemi üçün yad olmuş və bir sıra ölkələrdə, ümumiyyətlə, neqativ
qarşılanmışdır. Ancaq illər ötdükcə bu cür qərarların əhəmiyyəti cəmiyyətdə və
hüquq sistemində öz yerini tutdu. President sisteminin əhəmiyyəti haqda
aşağıda müzakirə aparmışıq. Bu məqamda Konstitusiya Məhkəməsinin onun
qərarlarının hüquq mənbəyi kimi çıxış etməsini təsdiq edən bir qərarını sizə
təqdim edirik:
Ombudsmanın sorğusu ilə bağlı Konstitusiya Məhkəməsinin Qərarı, 25
yanvar 2005-ci il
20
20
"Azərbaycan Respublikasının bəzi qanunvericilik aktlarına əlavələr və dəyişikliklər edilməsi
barədə" 11 iyun 2004-cü il tarixli, 688-IIQD saylı Azərbaycan Respublikası Qanununun III
hissəsinin 9-cu bəndinin və IV hissəsinin 7-ci bəndinin Azərbaycan Respublikası
Konstitusiyasının 130-cu maddəsinin IX hissəsinə uyğunluğunun yoxlanılmasına dair
Azərbaycan Respublikası Konstitusiya Məhkəməsinin Qərarı, 25 yanvar 2005-ci il.
Dostları ilə paylaş: |