42
ya oxşar hallara başqa cür tətbiqi, ilk növbədə Konstitusiyada təsbit
olunmuş bərabərlik hüququnu pozmaq deməkdir. Bundan əlavə, əgər hər
bir məhkəmənin qanunu özü bildiyi kimi şərh etmək və tətbiq etmək
hüququ olarsa, o zaman demək olar ki, bu məhkəmələrin hər biri
suverenləri təmsil edir. Bundan əlavə, presidentlərin tətbiqi və
məhkəmələrdə vahid praktikanın yaranması məhkəmə müstəqilliyinə
xidmət edən amildir.
President sistemi əslində Azərbaycanda da tətbiq olunmaqdadır.
Avropa İnsan Hüquqları Məhkəməsi öz fəaliyyətini məhz president
sistemi əsasında qurmuşdur. Nəzərə alsaq ki, Məhkəmənin presidentləri
Azərbaycanda birbaşa tətbiq oluna bilər, artıq demək olar ki, president
sistemi Azərbaycanın məhkəmə və hüquq sistemində mövcuddur.
Bundan əlavə, Konstitusiya Məhkəməsinin bir neçə qərarında özünün
digər qərarlarına istinad edərək işləri həll etməsi Konstitusiya
Məhkəməsinin öz qərarlarının ən azından özü üçün president rolunu
oynamasını təsdiq etmişdir. Ancaq Konstitusiya Məhkəməsi bununla
məhdudlaşmamışdır. Konstitusiya Məhkəməsi Ombudsmanın sorğusu
əsasında 25 yanvar 2005-ci ildə çıxardığı qərarında təsdiq etmişdir ki,
"Konstitusiya Məhkəməsinin hüquqi mövqelərinin qüvvəsi onun
qərarlarının hüquqi qüvvəsinə bərabər olduğundan və ümumi xarakter
daşıdığından, yalnız konstitusiya işinin predmetini təşkil etmiş hala deyil,
hüququn mənbəyi kimi hüquqi tətbiqetmə təcrübəsində rast gəlinən
analoji hallara da şamil edilməlidir". Bir qədər məhdud olsa da, bu qərarı
ilə Konstitusiya Məhkəməsi onun hüquqi mövqeyinin hüquq mənbəyi
kimi çıxış etməsini təsdiq etmişdir. [...]
President sisteminin üstünlükləri və boşluqlar
President sisteminin əsas üstünlüklərindən biri, əlbəttə ki, qanun və
qaydaların vahid tətbiqi praktikasını bərqərar etməkdir. Qeyd etdiyimiz
kimi, bir ölkənin başqa-başqa məhkəmələri identik və ya oxşar faktlar
üzrə ayrı-ayrı qərar verə bilməz. Bunu Azərbaycan Respublikasının
Konstitusiyasında nəzərdə tutulan qanun və məhkəmə qarşısında
bərabərlik hüququ tələb edir. Qanunların vahid tətbiqi praktikası
insanlarda müəyyənlik və öz hərəkətlərini əvvəlcədən planlaşdırmaq
üçün şərait yaradır. Xüsusən qeyd edək ki, sahibkarlığın inkişafı üçün
hüquqi müəyyənlik böyük əhəmiyyət kəsb edir – qeyri-müəyyənlik
sahibkarlar üçün əlavə riskdir və investisiya qoyuluşuna ciddi maneələr
yaradır. President sisteminin digər üstün cəhətlərindən biri presidentlərin
hakimlərin və məhkəmələrin səlahiyyətlərinin məhdudlaşdırıcı faktoru
43
rolunu oynamasıdır. Presidentlər qanun və qaydaların şərh və tətbiq
olunmasını müəyyən etməklə hakimlərə istiqamət verərək onların özləri
istədikləri kimi deyil, məhz əvvəlcədən müəyyən olunmuş meyar üzrə
qərar vermələri üçün şərait yaradır. ABŞ hüquq ədəbiyyatında bu,
hakimin səlahiyyətlərinin üzərində "doktrinal məhdudiyyət" adlandırılır.
Nəticə etibarilə, presidentlər hakimlər tərəfindən səlahiyyətlərin sui-
istifadə hallarının qarşısını almaq üçün tətbiq edilən mexanizmlərdən biri
kimi çıxış edir. Presidentlərin digər bir üstün cəhəti, fikrimcə, onların
istiqamətverici rol oynamasıdır. Hansısa bir iş üzrə president olmasa belə,
hüquqşünas digər işlərə baxaraq məhkəmələrin hər hansı bir məsələ üzrə
təxminən necə mövqedə olduqları barədə nəticə çıxara bilər.
Bununla belə qeyd etmək istərdik ki, president sistemi heç də
mükəmməl deyil – onun da bir sıra çatışmayan cəhətləri var. Məhkəmə
praktikası inkişaf etdikcə və presidentlərin sayı çoxaldıqca, tədricən
məhkəmələr presidentlərin özlərini də şərh etmək məcburiyyətində
qalır. Nəticədə bəzən hansı presidentin hansı işə tətbiq edilməli olduğu
heç də aydın olmur. Bu çatışmazlığa dair iki məsələni qeyd etmək
lazımdır. Birincisi, heç də hər zaman bu cür anlaşılmazlıq yaranmır – bir
çox
presidentlər
hüquqşünasların
və
məhkəmələrin
düzgün
istiqamətləndirilməsində böyük rol oynayırlar. İkincisi, bu çatışmazlığa
baxmayaraq, effektivlik, məhkəmə sistemində vahid praktikanın,
müəyyənliyin təmin edilməsi və səlahiyyətlərdən sui-istifadənin
qarşısının alınması baxımından hələ ki president sistemi insanların icad
etdiyi ən yaxşı mexanizmdir. [...]
Presidentlər konstitusiya hüququ üçün – istər elm olaraq, istərsə də praktiki
nöqteyi-nəzərdən – mühüm əhəmiyyət kəsb edir. Beynəlxalq təcrübədən misal
olaraq, Almaniya Federativ Respublikasının universitetlərində konstitusiya
hüququ dərsləri daha çox Federal Konstitusiya Məhkəməsinin qərarlarını
müzakirə etməklə keçirilir.
Konstitusiya Məhkəməsi üçün onun tam şəkildə tabe olmalı olduğu yalnız
bir sənəd var – Konstitusiya (o cümlədən konstitusiya və referendum aktları).
Müəyyən hədləri gözləməklə, digər qanun və qaydaların nə qədər düz və ya
səhv olmasını Konstitusiya Məhkəməsi müəyyən edir. Onun qəbul etdiyi
qərarlar da, yuxarıda qeyd etdiyimiz kimi, məcburi qaydaya çevrilir. Obyektiv
səbəblərdən Konstitusiya Məhkəməsi bəzən qanunu da yazır, nəzəriyyəni də.
Əlbəttə, bu,
o demək deyil ki,
məhkəmə üçün nə qanun, nə də nəzəriyyə mövcud
deyil. Sadəcə onlar digər məhkəmələrə baxdıqda daha çox nisbi xarakter daşıyır.