Urug`larni ekishga tayyorlashning zamonaviy uslublari Reja: Urug’larni yig’ib-terib olish. Urug’larni qayta ishlash

Urug’larni ekish muddati, chuqurligi va me’yori. Bahorgi yekish uchun urug’larning stratifikasiya jarayoni O’zbekiston sharoitida fevral oxiri, mart oyi boshlarida tugaydi. Iliq ob-havo boshlanishi bilan urug’lar bo’rta boshlaydi va ular transheyalarda o’sib ketmasligi uchun zudlik bilan pushtalarga yekish lozim, aks holda yekishni qiyinlashtirishi va unuvchanligini pasaytirib yuborishi mumkin.

Ob-havoga qarab O’zbekiston ko’chatxonalarida urug’ fevral oyini oxiridan aprelda yarmigacha yeksa mumkin. Bahorda ekilgan stratifikasiyani o’tgan urug’lar qiyg’os ko’karib chiqadi. Bahorda o’z vaqtida ekilmagan urug’larni unib chiqish darajasi past bo’ladi, ko’chatlarni bo’yi talabdan 0,3 % past bo’lsa va yekish me’yorini ko’paytirishga to’g’ri keladi.

Urug’larni yekish chuqurligi ularni unib chiqishiga va rivojlantirishga ta’siri katta.

Kashtan urug’lari pushtaga ekiladi. Pushtalarni (jo’yaklarni) uzunligi 100-150 m dan oshmasligi kerak. Pushtalar orasi – 70 sm, ularning ustki qismining kengligi – 30 sm, balandligi – 20-25 sm, sug’oriladigan ariqning yuqori qismining kengligi – 40 sm bo’lishi zarur.

Yekish chuqurligi 7-8 sm bo’lib, keyin usti mulchalash maqsadida xazon, qipiq va poxol bilan berkitiladi. Chuqur ekilgan urug’lar tuproqdagi nam bilan yaxshi ta’minlanadi, lekin qalin tuproq qatlamidan o’tishi qiyin bo’ladi. Juda chuqur ekilsa umuman unib chiqa olmaydi. Sayoz ekilgan urug’ quruq tuproqda nobud bo’lishi mumkin. Urug’ni yekish chuqurligi tuproqqa, ob havoga, yekish muddatiga bog’liq.

Ekilgan urug’larni qiyg’os unib chiqishi va ko’chatlarni yaxshi o’sishi uchun quyidagi parvarish ishlari bajariladi: ekilgan urug’larni ustidan katok bilan zichlash, mulchalash (ekinlarni yog’och qipig’i, qum va poxol bilan yopish) o’tash, tuproqni yumshatish va sug’orish.

Ekilgan urug’lar ustidan katok bilan zichlash natijasida urug’lar tuproqqa yaxshi birikadi va suv kapillyar orqali urug’ga yetkaziladi. Shuning uchun tekis yengil katoklardan foydalaniladi.

Mulchalashning asosiy maqsadi yer yuzidagi namlikni saqlab qolish, qatqoloq bo’lmasligi uchun tuproq haroratini bir tekis saqlab qolish. Mulcha begona o’tlarni o’sishiga ham halaqit beradi.

Qurg’oqchilik tumanlarda mulchadan foydalanish zarur. Mulchalash uchun torf, kompost, yaxshi chirigan go’ng, yog’och qipig’idan 1-1,5 sm qatlamida foydalanish mumkin, urug’larning asosiy qismi chiqqandan so’ng mulcha olib tashlanadi.

Urug’dan ko’chatlar paydo bo’lgandan keyin ularga yaxshi sharoit yaratib berish uchun quyidagi parvarish ishlari bajariladi: begona o’tlarni o’tash, tuproqni yumshatish, soyalash, ildizlarini qirqish, oziqlantirish, siyraklash.