27
Siqareti ədədlə alan və siqareti qutu ilə alan hazırda siqaret çəkən məktəblilərin (əsasən
oğlanlar) sayı eyni dərəcədə bərabər olub - 44%.
“Tütün və tütün məmulatı haqqında” Azərbaycan Respublikasının Qanunu 18 yaşına çatmamış şəxslərə
tütün məmulatlarının satışını, təşviqinin bütün formalarını qadağan edir və tütünçəkmə yerlərini
məhdudlaşdırır, sağlamlığa mənfi təsir barədə xəbərdarlıqların tütün qutuları üzərində yerləşdirilməsini
tələb edir. Eləcə də, həmin Qanun zəruri hallarda tütün məmulatı satıcılarının alıcılardan onların yaşını
təsdiq edən sənədi tələb etmək hüququnu təsbit edir, lakin reallıqda buna əməl edilmir. İnzibati Xətalar
Məcəlləsində tütün məmulatlarının satışı qaydalarının pozulmasına görə və yetkinlik yaşına çatmayanlara
satılmasına görə nəzərdə tutulmuş cərimələrin artırılmasına baxmayaraq, reallıqda cərimələrin tətbiqi çox
zəifdir. Digər tərəfdən Azərbaycanda tütün məmulatlarının növlərinə görə fərqli aksiz tətbiq olunması
bəzi tütün məmulatlarının daha ucuz olmasına və bununla da həssas qruplar üçün onların daha əlçatan
olmasına şərait yaradır. Çərçivə Konvensiyasının 16-cı maddəsi yetkinlik yaşına çatmayanlara tütün
məmulatlarının satışının qadağan edilməsini tələb edir. Həmin maddədə əks olunmuş “bütün tütün
məmulatı satıcılarının satış məntəqəsinin daxilində yaxşı görünən yerdə yetkinlik yaşına çatmayanlara
tütün məmulatının satışının qadağan olunduğu barədə aydın bir elanın yerləşdirilməsinə dair tələb”
“Tütün və tütün məmulatı haqqında” Azərbaycan Respublikasının Qanununun 15-ci maddəsində öz əksini
tapsa da, satıcılar tərəfindən yerinə yetirilmir. Konvensiyanın 16.3-cü maddəsi dövlətlərin üzərinə
siqaretlərin tək-tək satışının qadağan edilməsi öhdəliyi qoyur, çünki belə hallarda siqaretlərin yetkinlik
yaşına çatmayanlar tərəfindən əldə edilmə imkanını artırır, siqareti onlar üçün daha əlçatan edir. “Tütün
və tütün məmulatı haqqında” Azərbaycan Respublikasının Qanunu tütün məmulatlarını ədədlə satışını
qadağan edərək bu tələbə uyğun gəlsə də, siqaretlərin tək-tək satılması Azərbaycanda hələ də geniş
yayılıb.
Tütün əleyhinə məlumatın təsiri
Son bir ayda şagirdlərin 62.3%-i media vasitələrində tütün əleyhinə məlumat görüb və ya eşidib.
Son bir ayda şagirdlərin 45.3%-i idman yarışlarında və ya tədbirlərdə iştirak etdiyi zaman tütün
əleyhinə məlumat görüb və ya eşidib.
66.0%-i son bir il ərzində məktəbdə tütündən istifadənin təhlükələri haqqında məlumat alıb..
Son bir ayda siqaret çəkən şagirdlərin 74.3%-i siqaret qutuları üzərində sağlamlığa zərər barədə
xəbərdarlıq görüb və bu səbəbdən 54.0%-i tütündən imtina etməyi düşünüblər.
Heç vaxt siqaret çəkməyən 44.6% məktəbli son bir ayda siqaret qutuları üzərində sağlamlığa
zərər barədə xəbərdarlıq gördüyü səbəbindən çəkməyə başlamamaq barədə düşünüblər.
Nəticələr göstərir ki, məqsədyönlü tütünə nəzarət siyasəti, xüsusilə də tütün əleyhinə məlumatların və
tütün tüstüsünün sağlamlığa təhlükələri barədə düzgün xəbərdarlıqların mövcudluğu yeniyetmələri
tütünçəkmədən çəkindirir və tütündən imtinaya sövq edir. Lakin Azərbaycan Respublikasının “Tütün
məmulatları. Qablaşdırma və markalanma” Dövlət Standartı ilə müəyyən edilmiş sağlamlıq barədə
xəbərdarlıqlar siqaret qutuları üzərində təkcə yazı yox, həm də Çərçivə Konvensiyasının 11-ci maddəsinin
həyata keçirilməsinin Rəhbər Prinsiplərinə uyğun olaraq təsiredici şəkillərlə müşaiyyət edilməli,
xəbərdarlıq yazıları vaxtaşırı dəyişdirilməli, eləcə də bir tütün məmulatının digərindən az zərərli olması
barədə birbaşa və ya dolayı yanlış təsəvvür formalaşdıran vasitələrdən istifadə edilməməlidir. Buna görə
də 2015-ci ildə Azərbaycan Respublikası Prezidentinin müvafiq Sərəncamı ilə təsdiq edilmiş
“Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün
28
Strategiya” və onun həyata keçirilməsi üzrə Səhiyyə Nazirliyinin Fəaliyyət Planının müvafiq
müddəalarının icrası, xüsusilə də Azərbaycanda tütünlə bağlı qanunvericiliyinin Çərçivə Konvensiyasına
uyğunlaşdırılması məsələləri olduqca zəruridir. Eləcə də 2014-cü ildən başlayaraq Azərbaycanda həyata
keçirilən Təhsil Nazirliyinin “Sağlam təhsil – Sağlam millət” layihəsi çərçivəsində aparılan fəaliyyətlər
yeniyetmələrin tütün əleyhinə məlumatlandırılması baxımından daha da gücləndirilməlidir.
Tütün marketinqi barədə məlumatlılıq və onun təsirinə məruz qalma
Son bir ayda məktəblilərin 32.5%-i satış yerlərində olaraq orada tütün məmulatlarının reklamı və
satışının stimullaşdırılmasını görüb.
Son bir ayda məktəblilərin 68.9%-i televizora, videoya və ya filmə baxaraq kiminsə siqaret
çəkdiyini görüb.
Məktəblilərin 8.7%-i üzərində tütün şirkətinin və ya məmulatının adı və ya şəkli olan əşyaya
məxsus olduğunu, 14.5% heç vaxt siqaret çəkməyənlər isə onlarda belə əşyanın hazırda olduğunu
və ya gələcəkdə ola bilməsini qeyd edir.
Məktəblilərin 1/3-i düşünür ki, satış yerlərində görünən siqaret vitrinləri gəncləri siqaret
çəkməyə həvəsləndirir.
2015-ci ildə yenilənmiş “Reklam haqqında”
Azərbaycan Respublikasının
Qanunu
tütün, tütün
məmulatlarının və onların ləvazimatlarının reklamını və satışının stimullaşdırılmasını qadağan etsə də,
siqaret vitrinlərinin təsiri hələ də insanlara, xüsusilə də yeniyetmələrə güclü təsir göstərir. Məlumdur ki,
satış yerlərində tütün məmulatlarının göstərilməsi özlüyündə reklam və satışın stimullaşdırılmasıdır və
gənc insanlar tütün məmulatlarının təsvirinin stimullaşdırıcı təsirinə xüsusilə həssasdırlar. Bunun
qarşısının alınması üçün Azərbaycanda pərakəndə ticarət obyektləri və satış məntəqələrində tütün
məmulatlarının görünməsi və hər hansı təsviri tam qadağan edilməlidir. “Tütün və tütün məmulatı
haqqında” Azərbaycan Respublikasının Qanununda da tütün məmulatlarının reklamı, satışının
stimullaşdırılması və sponsorluğu ilə bağlı maddələr gücləndirilməlidir. Çərçivə Konvensiyasının 13.1-ci
maddəsinə əsasən tütün məmulatlarının reklamının, satışın stimullaşdırılmasının və sponsorluğun tam
qadağan olunması tütün məmulatından istifadənin azaldılmasına gətirib çıxarır.
Bilik və münasibət
Məktəblilərin 25.1%-i düşünür ki, bayram, görüş və ya digər yığıncaqlarda insanların siqaret
çəkməyi onların özlərini daha rahat hiss etməsinə təsir edir.
Məktəblilərin 81.8%-i düşünür ki, ətrafdakı insanların siqaret çəkməsi onların sağlamlığına zərər
yetirir.
Yeniyetmələrin 19%-i düşünür ki, siqaretçəkən gənclərin daha çox dostları olur.
Yeniyetmələrin 29.2%-i düşünür ki, siqaretçəkən gənclər daha da cəlbedicidir.
Tütünçəkmə ilə bağlı vərdişlər haqqında məktəblilər arasında yanlış düşüncələrin mövcudluğu sorğu
nəticələrindən aydın olur. Tütünlə əlaqəli sağlam və düzgün düşüncələrin formalaşması olduqca zəruridir.
Maarifləndirmə üzrə tütünə nəzarət proqramlarına valideyn və müəllimlərin cəlb olunması vacibdir. Bu
fəaliyyətlər “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci
illər üçün Strategiyanın həyata keçirilıməsi üzrə Səhiyyə Nazirliyinin Fəaliyyət Planı”, Səhiyyə
Nazirliyinin 2014-2020-ci illər üçün Strateji Planı, eləcə də Təhsil Nazirliyinin “Sağlam təhsil – Sağlam