Ümumi məlumat. İnformasiya sistemi nədir? Sistem

MÜNDƏRİCAT

MühazirƏ 1 2
MühazirƏ 2 6
MühazirƏ 3 11
MühazirƏ 4 15
MühazirƏ 5 24
MühazirƏ 6 36
MühazirƏ 7 42
MühazirƏ 8 49
MühazirƏ 9 56
MühazirƏ 10 59
MühazirƏ 11 64
MühazirƏ 12 76
MühazirƏ 13 78
MühazirƏ 14 80
MühazirƏ 15 87

MühazirƏ 1

Ümumi məlumat. İnformasiya sistemi nədir?
Sistem dedikdə müəyyən məqsədə nail olmaq üçün bir-birilə əlaqələndirilmiş müxtəlif elementlərdən ibarət obyekt başa düşülür və həmin obyektə vahid tam kimi baxılır. Sistemlər bir-birindən həm onların qarşısına qoyulan məqsədlərə, həm də tərkiblərinə görə fərqlənirlər. Cədvəl 1-də müxtəlif elementlərdən ibarət olan və müxtəlif məqsədləri reallaşdıran sistemlərə aid misallar göstərilmişdir.
Cədvəl1
Sistemə aid misallar

Sistem	Sistemin elementləri	Sistemin əsas məqsədi
Firma	İnsanlar, avadanlıq, materiallar, binalar və s.	Məhsul istehsalı
Kompüter	Elektron və elektromexaniki elementlər, əlaqə xətləri və s.	Verilənlərin emalı
Telekommunikasiya sistemi	Kompüterlər, modemlər, rabitə kanalları, şəbəkə proqram təminatı və s.	İnformasiyanın ötürülməsi
İnformasiya sistemi	Kompüterlər, kompüter şəbəkələri, insanlar, infor-masiya, proqram və linq-vistik təminat	Professional informasiya-nın istehsalı

İnformatikada «sistem» anlayışı geniş yayılmışdır və bir neçə mənada işlədilir. Ən çox texniki vasitələrin və proqramların toplusu mənasında işlədilir. Məsələn, müəyyən sinfə aid məsələləri həll edən proqramlar və onlarla işləmək üçün sənədlər toplusuna sistem kimi baxılır.

«Sistem» sözünə «informasiya» sözünün əlavə edilməsi onun yaradılmasında və fəaliyyətində məqsədi göstərir.