41
fondlarının yaranması; kitabxanalara dövlət rəhbərliyinin təkmil-
ləşdirilməsi, kitabxanaşünaslıq və biblioqrafiyanın ən mühüm sahələrinə
dair elmi-tədqiqat işlərinin genişlənməsi; elmi-metodik fəaliyyətin
əlaqələndirilməsinin daha da möhkəmləndirilməsi və s. daha çox diqqəti
cəlb edir.
Sov. İKP MK-nın 1974-cü ildə qəbul etdiyi “Zəhmətkeşlərin
kommunist tərbiyəsində və elmi-texniki tərəqqidə kitabxanaların rolunu
artırmaq haqqında” qərarı ölkədə kitabxanaların ideoloji, mədəni-maarif
və məlumat funksiyalarını müəyyənləşdirdi, kitabxana işini müasir
şəraitdə dövlətimizin həyata keçirtdiyi mürəkkəb iqtisadi, siyasi və sosial
vəzifələrin həllinə yönəltdi. Azərbaycan KP MK bu mühüm partiya
sənədinin respublikamızda həyata keçirilməsi üçün xüsusi qərar qəbul
etdi. Ümummilli lider H.Əliyevin bilavasitə rəhbərliyi ilə yaxın müddətdə
qərarın əsas müddəalarının həyata keçirilməsi sahəsində ciddi işlər
görüldü.
Qərarın əsas müddəalarından biri sovet kitabxana sisteminin
strategiyası kimi qiymətləndirilən kitabxanaların mərkəzləşdirilməsi idi.
Kitabxana işinin inkişafında keyfiyyətcə yeni mərhələ olan mərkəzləşmə
nəticəsində hər bir şəhərdə və rayonda filial sisteminə malik olan,
əvvəllər müstəqil fəaliyyət göstərmiş kitabxanalardan müqayisəedilməz
dərəcədə böyük üstünlüklərə və imkanlara malik olan vahid və böyük
kitabxana müəssisələri yaradılmışdı. Mərkəzləşmiş kitabxanalar əvvəlki
kimi bir-birindən ayrılıqda deyil, şəhər və rayonlarda bir-birilə əlaqədar,
bir-birini tamamlayan vahid sistem kimi fəaliyyət göstərirdi. Vahid
kitabxana sisteminin yaranması şəhər və rayonlarda keçmişdə oları xırda
kitab fondlarının yerinə kəmiyyət və keyfiyyətcə böyük və güclü,
universal kitab fondlarının yaradılmasına səbəb olmuşdu. Mərkəzləşmə,
həmçinin kitabxanalara məlumat-biblioqrafiya və informasiya işini daha
operativ və key-fiyyətli təşkil etmək, əhaliyə məlumat-biblioqrafiya və
informasiya xidmətini daha geniş miqyasda həyata keçirmək imkanı
vermişdi. Zəngin və böyük fonda, güclü məlumat-biblioqrafiya və
informasiya işi təşkil etmək imkanına malik olan, mərkəzləşmiş sistemlər
əhaliyə kitabxana xidməti prosesini keyfiyyətcə
42
yeni mərhələyə qaldırmaq üçün şərait yaratdı. Oxuculara xidmət işinin
ideya-siyasi səviyyəsi, keyfiyyəti və effektivliyi müqayisəedilməz
dərəcədə yüksəldi. Mərkəzləşmə kitabxana işinin idarə olunmasına,
kitabxanalarda əməyin düzgün təşkilinə, işçilər arasında ixtisaslaşmalar
aparılmasına, metodik işin yaxşılaşdırılmasına əlverişli şərait yaratdı.
Az
ərbaycanda dövlət kütləvi kitabxanalarının mərkəzləşdirilməsi kimi
olduqca məsuliyyətli və mürəkkəb prosesin həyata keçirilməsi respublika
Mədəniyyət Nazirliyinin gərgin işi sahəsində müvəffəqiyyətlə başa
çatdırılmışdır.
Mərkəzi Komitənin qərarını həyata keçirmək üçün respublika
Mədəniyyət Nazirliyi böyük tədbirlər planı hazırladı. Bir neçə il
müddətində yerlərdə hazırlıq işi aparıldıqdan sonra, 1975-1980-ci illər
ərzində mərkəzləşmə əsasən həyata keçirildi. Doğrudur, bəzi ra-yonların
mərkəzi kitabxanalarında kitabxana işinin lazımi səviyyədə olmaması,
kataloqların yoxluğu bu işin həyata keçirilməsini ləngidirdi. Belə hallarda
M.F.Axundov adına Respublika Kitabxanasının, ümumiyyətlə, respublika
ictimaiyyətinin köməyi ilə mövcud çətinliklər tədricən aradan qaldırıldı.
Mərkəzi Komitənin qərarının yerinə yetirilməsinə yerli partiya və dövlət
təşkilatları yaxından rəhbərlik edir, kitabxanaların mərkəzləşməsinə,
onların maddi-texniki bazasının möhkəmləndirilməsinə böyük qayğı
göstərirdilər.
Qeyd etmək lazımdır ki, respublikamızda kütləvi kitabxana
şəbəkələrinin mərkəzləşdirilməsinin başa çatdırılması əhaliyə kitabxana
xidmətini kökündən dəyişmiş, xüsusilə kənd əhalisinə kitabxana xidməti
əsaslı surətdə yaxşılaşdırılmışdır.
Mərkəzləşmiş kitabxana sistemlərində kitab fondlarının yeni tələbata
uyğun olaraq formalaşması universal fondlar kimi onların əhəmiyyətini
artırmış, rayon mərkəzində yaşayan bütün ziyalılara, mütəxəssislərə
xidmət etmək imkanı vermişdir. Mərkəzi kitabxana fondlarından
filialların istənilən vaxt öz oxucuları üçün kitab almaq imkanlarının
olması kənd kitabxanalarına oxucuların tələbatını ödəmək imkanı
vermişdir. Mərkəzləşmiş kitabxana sistemlərində maliyyə vəsaitlərinin
düzgün xərclənməsi kitabxanalara daha çox adda kitab almaq, vəsaiti
məqsədəuyğun xərcləmək şəraiti yaratmışdır. Mərkəzləşmiş sistemlər-
43
də kitabxana kataloqlarının yenidən qurulması, kartotekaların
yaradılması, məlumat fondlarının təşkili onların funksiyalarını xeyli
artırmış, bu kitabxanaları elmi məlumat mərkəzinə çevirmişdir.
Mərkəzləşmiş sistemlərdə metodik işin təşkili filialları köməklik
göstərmək, kənd əhalisinə kitabxana xidmətinin forma və metodlarını
yaxşılaşdırmaq üçün şərait yaratmı
şdır. Mərkəzləşdirilmiş kitabxana
sistemlərinin ştat vahidinin artması, yeni şöbələrin yaranması bu
sistemlərin ətrafında yüksəkixtisaslı mütəxəssis kadrların toplanmasına
səbəb olmuşdur ki, bu da oxuculara xidmət işini yaxşılaşdırmış,
oxuculara fərqli xidmət etmək üçün şərait yaratmışdır.
Yeni sistemin yaranması kitabxanaların potensial imkanlarını
əhəmiyyətli dərəcədə genişləndirmiş, daha zəngin ədəbiyyat fondu,
təkmilləşmiş məlumat aparatı olan kitabxana müəssisələrinin meydana
gəlməsinə səbəb olmuşdur. Mərkəzləşmə zamanı kütləvi kitabxanaların
kitab fondu 5 milyon nüsxə, kitab verilişi 9 milyon nüsxə, oxucuların sayı
513 min nəfər artmış, 332 yeni kitabxana açılmışdır. İctimai-siyasi
ədəbiyyat fondu 1 milyon 700 min, həmin ədəbiyyatın verilişi isə 2
milyon 650 min nüsxə artmışdır.
Kitabxanaların daxili imkanlarının artması əhaliyə kitabxana
xidmətinin daha da təkmilləşdirilməsinə, kitab təbliğinin yeni forma və
üsullarından istifadə edilməsinə şərait yaratmışdır. Sumqayıt, Gəncə,
Bakının Xətai və Nizami rayon mərkəzləşmiş kitabxana sistemlərində
elm və texnikanın son nailiyyətləri, qabaqcıl təcrübəni əks etdirən
ədəbiyyat xüsusi təbliğat formaları: “Bülletenlər” buraxılışı, “Mütəxəssis
günləri”, “İnformasiya günləri” keçirilməsi, mühazirələr, yeni kitabların
müzakirəsi və s. vasitələrlə geniş təbliğ olunurdu.
Respublikamızın kənd rayonlarında MKS-lərin yaradılması kənd
əhalisinə kitabxana xidmətini kökündən yaxşılaşdırmışdır. Belə bir faktı
qeyd etmək sevindiricidir ki, bütün kütləvi kitabxanalarda il ərzində
verilən ədəbiyyatın təxminən yarısı məhz kənd oxucularının payma
düşürdü. Bu kitabxanalardan istifadə edən oxucuların 60 faizi isə kənd
sakinləri idi. Bir oxucuya ilboyu verilən kitabların sayına görə
respublikamızın kənd kitabxanaları ümumittifaq miqyasında əvvəlinci
Dostları ilə paylaş: |