Soliq xavfining tahlili
Soliq xavfining tahlili O‘zbekiston Respublikasi Vazirlar Mahkamasining “Soliq
xavfini boshqarish, soliq xavfi mavjud soliq to‘lovchilarni (soliq agentlarini) aniqlash va
soliq tekshiruvlarini tashkil etish va o‘tkazish to‘g‘risida” 2021-yil 7-yanvardagi 1-son
qarori bilan tasdiqlangan “Soliq xavfini boshqarish, soliq xavfi mavjud soliq to‘lovchilarni
(soliq agentlarini) aniqlash va ularni soliq xavfi darajasi bo‘yicha toifalash tartibi
to‘g‘risida” nizomga muvofiq amalga oshiriladi.
Soliq xavfini boshqarish tizimi strategiyasi va taktikasini, axborot yig‘ish va uni
qayta ishlash, soliq xavfini tahlil qilish va baholash, soliq xavfini boshqarishga doir chora-
tadbirlarni ishlab chiqish va amalga oshirish O‘zbekiston Respublikasi Davlat soliq
qo‘mitasi tomonidan belgilanadi.
Quyidagilar soliq organlari tomonidan xavfni boshqarish tizimini qo‘llash
maqsadlari hisoblanadi:
yuqori xavfga ega bo‘lgan sohalarga eʼtiborni jamlash va soliq organlari
tasarrufidagi mavjud resurslardan samarali foydalanilishini taʼminlash;
soliq solish sohasidagi huquqbuzarliklarni aniqlash imkoniyatlarini oshirish;
faoliyati bo‘yicha soliq xavfi past deb aniqlangan soliq to‘lovchilarga nisbatan soliq
nazoratini minimallashtirish;
soliqqa oid huquqbuzarliklarni, shuningdek, soliq tekshiruvlarini o‘tkazishga tanlab
olinadigan soliq to‘lovchilarni inson omilisiz avtomatlashtirilgan dasturiy mahsulot orqali
aniqlash imkoniyatlarini yana-da kengaytirish;
soliq xavfi darajasidan kelib chiqib soliq to‘lovchilarga nisbatan soliq tekshiruvlari
shakllarini belgilash.
Soliq xavfi quyidagi manbalardan olingan maʼlumotlar asosida tahlil qilinadi:
24
soliq to‘lovchilar tomonidan taqdim etilgan soliq va moliyaviy hisobotlar,
shuningdek, soliq to‘lovchilarning shaxsiy kartochkalarida aks ettirilgan maʼlumotlar;
O‘zbekiston Respublikasining Soliq kodeksi, O‘zbekiston Respublikasi
Prezidentining «Yashirin iqtisodiyotni qisqartirish va soliq organlari faoliyati
samaradorligini oshirish bo‘yicha tashkiliy chora-tadbirlar to‘g‘risida» 2020-yil 30-
oktabrdagi PF-6098-son Farmoni hamda «O‘zbekiston Respublikasi davlat soliq xizmati
idoralari axborot-kommunikatsiya tizimi faoliyati samaradorligini yana-da oshirish chora-
tadbirlari to‘g‘risida» 2012-yil 30-oktabrdagi PQ-1843-son qaroriga asosan davlat
organlari, muassasalar va tashkilotlar tomonidan soliq organlariga taqdim etilgan
maʼlumotlar;
xorijiy mamlakatlarning vakolatli organlari tomonidan o‘zaro axborot almashish
borasida tuzilgan bitimlar doirasida taqdim etilgan maʼlumotlar;
ommaviy axborot vositalaridan olingan maʼlumotlar;
o‘tkazilgan soliq tekshiruvlari materiallaridagi maʼlumotlar;
sud va huquqni muhofaza qiluvchi organlar tomonidan soliqqa oid huquqbuzarliklar
bo‘yicha aniqlangan maʼlumotlar (hukm, qaror, ajrim, hal qiluv qarori va boshqa
hujjatlar);
soliqqa oid huquqbuzarlik faktlari to‘g‘risida jismoniy va yuridik shaxslarning
murojaatlari;
statistika organlaridan olingan maʼlumotlar;
qonunchilikda taqiqlanmagan boshqa manbalardan olingan maʼlumotlar.
Soliq to‘lovchilar soliq xavfi darajasiga qarab past, o‘rta va yuqori xavfli toifalarga
ajratiladi.
25
Soliq xavfi darajasi yuqori bo‘lgan soliq to‘lovchilarga nisbatan soliq auditi
tayinlanadi. Soliq xavfi darajasi o‘rta va past bo‘lgan soliq to‘lovchilarga nisbatan soliq
organlari tomonidan Soliq kodeksida nazarda tutilgan boshqa soliq maʼmurchiligi
tadbirlari qo‘llaniladi.
Soliq nazoratining davlat soliq xizmati organlari uchun
mutaxassislar tayyorlashdagi o’rni va roli
Mamlakatimizda iqtisodiyotni modernizatsiya qilish davrida soliqlar va ularga
tenglashtirilgan to’lovlar davlatning asosiy daromad manbasi hisoblanib, ularning o’z
vaqtida to’g’ri hisoblanishi, davlat byudjetiga to’liq hamda o’z vaqtida o’tkazilishi ustidan
soliq nazoratini amalga oshirish muhim ahamiyatga ega. Soliqlar va soliqqa tortish
ixtisosligi talabalariga soliq xizmati organlari tomonidan soliq to’lovchilarning moliyaviy
xo’jalik faoliyatini soliq qonunchiligiga rioya etish nuqtai nazardan nazorat qilishning
huquqiy, uslubiy va tashkiliy asoslarini o’rganishlari lozim bo’ladi. Buning uchun esa
talabalar soliq to’lovchilarga nisbatan soliq majburiyatining yuzaga kelishi, soliq nazorati,
uning shakllari, turlari, nazorat qiluvchi vakolatli organlar, ularning huquqlari va
majburiyatlari, tekshirish o’tkazish tartiblari, tekshirish natijalarida aniqlangan soliq
qonunchiligi buzilish holatlari bo’yicha ma’muriy yoki moliyaviy jazo choralarini qo’llash
bo’yicha yetarli darajada malaka va ko’nikmalarga ega bo’lishlari lozim.
Qolaversa mamlakatimizda amalga oshirilayotgan soliq islohotlarining tadrijiy
rivojlanishi va Prezidentimiz tomonidan belgilab berilgan soliq siyosatidagi ustuvor
yo’nalishlarni amalga oshirish ushbu soha mutaxassislaridan chuqur iqtisodiy bilimga ega
bo’lishni talab etadi. Bu fanni to’liq o’zlashtirgan talaba soliq nazoratiga oid quyidagi
bilimlarga ega bo’ladi va amaliy ko’nikmalar o’zlashtiradi:
- Soliq qonunchiligiga oid tekshiruvlarning nazariy, huquqiy, uslubiy va tashkiliy
asoslarini;
26
- Хujjatli, nazorat tartibida va tezkor o’tkaziladigan tekshiruvlarning mohiyati va
xususiyatlarini;
- Тekshiruv natijalari haqida shakllantiriladigan tekshiruv materiallarining tarkibi,
ularni rasmiylashtirish tartiblarini;
- Тekshiruv materiallarini rasmiy ro’yxatdan o’tkazish, aniqlangan huquq buzilish
xolatlari bo’yicha ma’muriy yoki jinoiy chora ko’rish va ularni bajarilishini nazorat qilish
bilan bog’liq ishlarni yuritishni:
- Ma’muriy amaliyot yuritish bo’yicha soliq organlarining tekshiruv natijalari
asosida rasmiylashtiriladigan hujjatlarni yuritish tartiblarini;
- Nazoratchi, taftishchi tekshiruvchi, va davlat soliq xizmati organining mansabdor
shaxslari tushunchalarining amaliy tafsilotini;
- Nazorat qilish vakolati berilgan funksiyaviy bo’limlar va ularning vazifalari,
huquqlari va majburiyatlarini;
- Davlat soliq xizmatining inspektorlik lavozimlarida ishlayotgan xodimlarga
mutaxassis sifatida qo’yiladigan talablarni.
O’zbekiston Respublikasida joriy etilgan soliqlar va yig’imlar.
O’zbekiston Respublikasi Soliq kodeksiga asosan soliqlar deganda Soliq kodeksida
belgilangan, muayyan miqdorlarda undiriladigan, muntazam, qaytarib berilmaydigan va
beg’araz xususiyatga ega bo’lgan, byudjetga yo’naltiriladigan majburiy pul to’lovlari
tushuniladi. Boshqa majburiy to’lovlar deganda Soliq kodeksida belgilangan davlat
maqsadli jamg’armalariga majburiy pul to’lovlari, bojxona to’lovlari, shuningdek vakolatli
organlar hamda mansabdor shaxslar tomonidan yuridik ahamiyatga molik harakatlarni
to’lovchilarga nisbatan amalga oshirish uchun, shu jumladan muayyan huquqlarni yoki
27
litsenziyalar va boshqa ruxsat beruvchi hujjatlarni berish uchun to’lanishi lozim bo’lgan
yig’imlar, davlat boji tushuniladi. O’zbekiston Respublikasi hududida Soliq kodeksida
nazarda tutilgan soliqlar va boshqa majburiy to’lovlar amal qiladi. Soliqlarga quyidagilar
kiradi:
1.Qo’shilgan qiymat solig’i;
2. Aksiz solig’i;
3.Foyda solig`i;
4. Jismoniy shaxslardan olinadigan daromad solig’i;
5.Yer qa’ridan foydalanganlik uchun soliqlar;
6. Foydali qazilmalarni qazib olganlik uchun maxsus renta solig`i;
7. Suv resurslaridan foydalanganlik uchun soliq;
8. Mol-mulk solig’i;
9.Yer solig`i;
10.Ijtimoiy soliq:
Soliqlar va boshqa majburiy to’lovlarning elementlari quyidagilardir:
•
soliq solish ob’ekti;
•
soliq solinadigan baza;
•
stavka;
•
hisoblab chiqarish tartibi;
•
soliq davri;
•
soliq hisobotini taqdim etish tartibi;
•
to’lash tartibi.
28
Soliq kodeksida nazarda tutilgan hollarda, soliq yoki boshqa majburiy to’lov
belgilanayotganda soliq to’g’risidagi qonun hujjatlarida soliq imtiyozlari, shuningdek
ularning soliq to’lovchi tomonidan qo’llanilishi uchun asoslar nazarda tutilishi mumkin.
Soliq to’lovchilar, soliqlar va boshqa majburiy to’lovlarning elementlari har bir soliq yoki
boshqa majburiy to’lovga tatbiq qilinadi.
Dostları ilə paylaş: |