6
mühüm əhəmiyyət kəsb edir. Istehsal olunan məhsula ancaq keyfiyyət baxımından
yanaşılır, bu məhsulun layihələndirilməsi və idarəedilməsi fəaliyyəti isə heç də
həmişə qiymətləndirilmir. Belə yanaşmada zay məhsula və reklamasiyaya çox
fikir verilir. Təbiidirki, rəqabəqabiliyyətli məhsul istehsal etməyin əsası olan
müəssisələrdə buraxılan məhsulun keyfiyyətinə nəzarət sistemi vardır, zay
məhsulun uçotu və təhlili aparılır, lakin çox vaxt ideyadan satışa qədər bütün
istehsal prosesini əhatə edən keyfiyyətin idarə edilməsi sistemi mövcud deyildir.
Keyfiyyətin idarə edilməsi çoxlu üsul və vasitələri özündə cəmləşdirir və
onlar layihələndirmə, istehsal və satış mərhələsində yüksək keyfiyyətin təmin
edilməsinə imkan verir. Keyfiyyətin idarə edilməsi üçün onun qiymətləndirilməsi
vacibdir, lakin keyfiyyətin qiymətləndirilməsinin müasir üsulları lazımı tam
informasiyanı nəzərə almağa imkan vermir. Bu isə öz növbəsində keyfiyyətin
qiymətləndirilməsi ilə bağlı qeyri ─ düzgün qərarların qəbuluna gətirib çıxarır.
Istehsal fəaliyyətiinin bütün sferasında yüksək keyfiyyətin əldə edilməsi
onun qiymətləndirilməsi və idarə edilməsinin kompleks tədbirlərinin tətbiqini
zəruri edir. Lakin, keyfiyyət özü mürəkkəb göstərici olduğundan, onun
qiymətləndirilməsində çətinliklər yaranır. Işin keyfiyyəti – işçinin və ya qrup
işçinin əmək fəaliyyətinin ümumiləşdirici xassəsidir. Bu işçinin və ya qrup işçinin
qoyulmuş tələblərə müvafiq müəyyən tapşırığın yerinə yetirilməsi bacarığını ifadə
edir. Işin keyfiyyətində istehsalın təşkili, işçinin əmək qabiliyyəti və intizamı, iş
ritmi, texnikanın inkişaf səviyyəsi və s. öz əksini tapır. Məhsulun keyfiyyət
göstəricisi – müəyyən şəraitdə onun yaradılması, istismarı və istehlakında
məhsulun bir və ya bir sıra kəmiyyət xassəsi ilə səciyyələnir. Keyfiyyət
göstəriciləri ayrı – ayrı, kompleks və ümumiləşdirici (inteqral) göstəricilərinə
bölünür.
Keyfiyyət anlayışı Fransız dilindəki “qualite” sözündən meydana gəlmiş və
bir şeyin yaxşı, ya pis olması xüsusiyyətini göstərir. Keyfiyyətlə əlaqədar
ədəbiyyatı araşdırarkən onun çoxlu sayda müxtəlif təriflərinə rast gəlmək olar.
7
Keyfiyyət və onun idarəedilməsi sahəsində dünyada tanınmış təşkilat və
müəssisələrin keyfiyyətə verdikləri təriflər müxtəlifdir: keyfiyyət, bir məhsul və
xidmətin müəyyənləşdirilmiş və ya gələcəkdə ortaya cıxa biləcək ehtiyacları
qarşılayan xüsusiyyətlərinin məcmuusudur. (İSO ─ 8402); keyfiyyət istifadəyə
uyğunluqdur (Y. Juran); keyfiyyət mal və ya xidmətin müəyyən edilmiş tələbləri
qarşılaya bilmə xassələrinin cəmidir (Amerika Keyfiyyətə Nəzarət Cəmiyyəti ─
ASQS); keyfiyyət məhsulun göndərilməsindən sonra cəmiyyətdə səbəb olduğu ən
az zərərdir (G. Taguchi); keyfiyyət bir mal və ya xidmətin istehlakçı istəklərinə
uyğunluq dərəcəsidir (Avropa Keyfiyyətə Nəzarət Cəmiyyəti ─ EOQS) və s.
Ədəbiyyatın [3,4] təhlili göstərir ki, Yapon firmaları keyfiyyətin
“standartlara uyğunluğu” tərifinin onu lazımı səviyyədə ifadə etmədiyini qeyd
edərək, bu məqsədlə “istehlakçı məmnuniyyəti” tərifindən istifadə etməyi təklif
edirlər. Ümumiyyətlə, istehlakçı nöqteyi ─ nəzərindən baxdıqda məhsulun
keyfiyyətini xarakterizə edən təhlükəsizlik, dayanıqlıq, estetiklik, etibarlılıq və s.
keyfiyyət göstəriciləri vardır və onlar istehlakçı mövqeyindən zəruridirlər.
Məhsullarının keyfiyyətini artırmaq istəyən istehsalçılar isə layihə keyfiyyyəti,
uyğunluq keyfiyyəti, istismar keyfiyyəti olmaqla keyfiyyətin üç növünü nəzərə
almalıdırlar. Bir sözlə, keyfiyyət anlyışı çox ölçülü bir anlayışdır və bu günə qədər
müxtəlif mərhələlərdən keçmişdir. Beləki, keyfiyyət məfhumunun inkişaf prosesi
“keyfiyyət müayinəsi”ndən başlanıb sonrakı evolyusiyalı inkişaf “keyfiyyətə
nəzarət”- lə davam etmiş, bu da özündə “önləmə” və “statistika üsulları” adlı alt
hissələri birləşdirmişdir. Inkişafın sonrakı dövründə Keyfiyyət Təminatı Sistemi
meydana çıxmış, əvvəlki mərhələlərdən əlavə özündə həmçinin İSO ─ 9000
seriyalı standartları birləşdirir. Keyfiyyətlə bağlı fəaliyyət göstərən İSO ─ 8402
standartlarına görə keyfiyyət təminatı məhsul və xidmət üçün müəyyənləşdirilmiş
tələbləri ödəməklə lazımı təminatı saxlamaq üçün planlı və sistematik
fəaliyyətlərin məcmuudur. Keyfiyyətlə bağlı evolyusiyalı prosesin son – müasir
mərhələsi “Keyfiyyətin Total İdarəedilməsi”dir ki, bu da özündə bir sıra əlamətləri
8
cəmləşdirir: həyat tərzi, birlikdə işləmə, istehlakçıya yönəlmə, davamlı
təkmilləşmə, problemlərin həlli, idarəetmənin təkmilləşdirilməsi, axıcı proses,
səlahiyyətlərin ötürülməsi. Ümumilikdə yuxarıda sadalananları belə ifadə etmək
olar; “Keyfiyyətin Total İdarəedilməsi” istehlakçıya yönəlmə, davamlı təkmilləşmə
və idarəetmənin təkmilləşdirilmiş prinsiplərinə əsaslanır. Ədəbiyyatların təhlili
[3,4] göstərir ki, Total keyfiyyət ideyası ilk dəfə Armand Feigenbaum tərəfndən
ortaya atılmış, 1956 ─ cı ildə dərc edilmiş “Toplam Keyfiyyətə Nəzarət” adlı
məqaləsində bu günkü Keyfiyyətin Total Idarəetməsinin əsas prinsiplərindən bəhs
etmişdir. Bu gün bu ideya dünyanın hər yeində qəbul olunmuş, “Total” sözü isə
təşkilatın bütün idarəetmə səviyyəsində və hər bölməsində işləyənlərin keyfiyyəti
təmin etməkdə iştirakını göstərir.
Okrepilov V.V. [4,5] – də (bax şəkil 1) göstərir ki, dünyada keyfiyyətin idarə
edilməsinə yanaşma üsulları uzun bir dövrü əhatə etmişdir. Məlum olmuşdur ki,
öz inkişafında keyfiyyətin idarə edilməsi bir sıra çətinliklər yaşamış, bu inkişafda
hər bir mərhələ keyfiyyətin idararəedilməsi nəzəriyyəsinin yeni işləmələrini
yaratmış, bütün bunlar isə istehlakçı çağırışlarına cavab vermək, onların artan
tələbatını ödəmək missiyasını qarşıda qoymuşdur.
Aşağıda qısa şəkildə dünyanın üç regionunda Amerika Birləşmiş Ştatları
(ABŞ), Yaponiya və Qərbi Avropada keyfiyyyətə nəzarət olunması şərh edilmişdir.
ABŞ ─ da keyfiyyətin idararəedilməsinə yanaşmalar sənayenin inkişaf
səviyyəsindən asılı olaraq müxtəlif olmuş, son illərə qədər bu məqsədlə
proteksionist tədbirlərdən (tarif, kvota, kömrük və s.) istifadə etmək amerikada
stehsal olunan məhsulları rəqiblərdən qorumağa çalışmışlar. Lakin sonralar
keyfiyyətin idararəedilməsi və rəqabəqabiliyyətli məhsul istehsalı baxımından
keyfiyyətin yüksəldilməsi məqsədi ilə aşağıdakılara fikir verilməyə başlandı:
işçilərin motivləşdirilməsi; keyfiyyət dərnəkləri; nəzarətin statistik üsulları; idarə
edən və qulluqçuların düşüncə tərzinin yüksəlddilməsi; keyfiyyətlə bağlı xərclərin
uçota alınması; keyfiyyətin yüksəldiməsi proqramı; maddi stimullaşdırma.
Dostları ilə paylaş: |