V.6. Yüngül sənaye
Dünya təsərrüfatının ən qədim sahələrindən biri hesab edilən
yüngül sənaye insanların gündəlik tələbatının ödənilməsinə
istiqamətlənən məhsul növləri verir. Belə hal, onun böyük siyasi,
mədəni, estetik əhəmiyyət kəsb etməsindən xəbər verir. Eyni
zamanda, istehsal olunmuş milli paltarların və ayaqqabıların
müxtəlifliyi dünyanın ayrı-ayrı dövlət və regionlarında mövcud olan
əməyin, məişətin, milli adət və ənənələrin xüsusiyyətlərini özündə
əks etdirmiş olur. Bir çoxları isə yüksək ixtisaslı mütəxəssislərin
bədii zövqlə hazırladıqları məhsullardır. Yüngül sənaye modanın,
zövqün, bazarın tələbatının gedişini nəzərə alan ən dinamik sahə kimi
özünü göstərir. Elmi-texniki tərəqqi də yüngül sənayenin inkişafına
və düzgün yerləşdirilməsinə öz təsirini göstərmişdir.
Yüngül sənayenin tərkibi çox mürəkkəbdir. Bu mürəkkəblik
get-gedə artmaqdadır. Buraya ip əyirmə, toxuculuq, gön-dəri, xəz,
toxuma, trikotaj xalça, ayaqqabı, qalantereya, zərgərlik məmulatları,
farfor, toxuma, texniki parça, baş geyimləri, balıqçılıqda istifadə
olunan torlar - şəbəkələr istehsal sahələri daxildir. Đstehsal olunmuş
məhsulların bir çoxu insanlar tərəfindən bilavasitə istehlak edilmək
üçün buraxılır, bir hissəsi - texniki parçalar, gön-dəri və s. ağır
sənaye tərəfindən işlədilir.
Yüngül sənaye ona bitki xammalı - pambıq, kətan, çətənə,
eləcə də heyvandarlıq xammalları sayılan gön-dəri, xəz dəri, yun,
barama verən istehsalın 2-ci aparıcı sahəsi sayılan kənd təsərrüfatı ilə
sıx surətdə bağlıdır. Kənd təsərrüfatından başqa yüngül sənaye üçün
xammal bazası sayılan digər sahə - kimyadır. Üzvi kimya sintetik və
üzvi materialları - süni ipək, süni dəri, kimyəvi lif, sintetik kauçuk və
s.-ni də yüngül sənayeyə istiqamətləndirir.
Yüngül sənaye müəssisələri başlıca olaraq istehlak, xammal,
əmək ehtiyatları bol olan yerlərdə, adət-ənənələrə müvafıq
yerləşdirilir. Belə ki, ilkin emal müəssisələri xammal rayonlarında,
son məhsullar istehsalları isə istehlak yerlərində - əhalinin çox
olduğu sahələrdə yerləşdirilir.
Yüngül sənayenin tikiş sahəsi onun aparıcı məhsul növlərindən
birinə çevrilmişdir. O, təyinatına görə çoxsahəli sayılır. Belə məhsul
istehsalı ĐOÖ-rə - xüsusilə Asiya ölkələrinə miqrasiya etmişdir. Bir
sözlə, tikişin ən ucuz, sadə, kütləvi növləri istehsalı ĐEO-də xeyli
dərəcədə məhdudlaşdırılmışdır. Qərbi Avropada, Şimali Amerikada
tikiş sahəsinin ən modalı, yüksək keyfiyyətli, bahalı növlərinin
istehsalı üstünlük təşkil edir. Onların istehsalı çox bahalı natural
xammallara əsaslanır. Belə məhsullar istər ĐEÖ-də, istərsə də ĐOÖ-də
ən çox ixracat üçün nəzərdə tutulur.
Çin, Đtaliya, Koreya Respublikası, AFR, Türkiyə, Hindistan,
Portuqaliya bu sahədə ixracatda üstünlük təşkil edirlər.
Trikotaj sənayesində analoji hal baş verir. Bu sahələrin
məhsulları çox vaxt tikiş sənayesi məhsulları ilə rəqabətə girir.
Burada da bahalı məhsullar ĐEÖ-də, bahalı olmayanları isə əksinə,
ĐOÖ-də buraxılır.
Ayaqqabı sənayesi özünün çoxçeşidliliyi ilə diqqəti cəlb edir.
Bu, onun çoxnövlü xammallarının olması ilə də izah olunur. Burada
natural və sintetik xammaldan da geniş istifadə edilir. Ümumi
məhsulun 1/3-i dəri ayaqqabıların payına düşür.
Rezin ayaqqabıları nəzərə almasaq dünyada ildə - 4,0 mlrd.
cüt ayaqqabı istehsal olunur. Son illərdə ayaqqabı istehsalında ĐOÖ-
lər böyük sıçrayışlara nail olmuşlar. Bu sahədə Çin dünyada 40%-
dən, Asiya regionunda isə 50%-dən artıq xüsusi çəkiyə malikdir.
Qeyd etmək lazımdır ki, Çin ən çox idman və ev ayaqqabıları
buraxılışı üzrə ixtisaslaşmışdır. Həmin ayaqqabılar başlıca olaraq
Qərbi Avropaya, eləcə də Şimali Amerika ölkələrinə ixrac olunur.
Belə ki, nəticədə Çin Qərbi Avropa bazarını 25% ayaqqabı ilə təmin
edir.
Çox bahalı, natural xammaldan hazırlanan və yüksək
əməktutumlu ayaqqabı növləri istehsalı iqtisadi cəhətdən inkişaf
etmiş ölkələr üçün daha çox xarakterikdir. Belə ayaqqabılardan hər il
1,0 mlrd. cüt hazırlanır. Bu sahədə Đtaliya liderlik edərək ildə - 500
mln. cütə qədər məhsul verir. Belə ayaqqabıların 90%-i Qərbi
Avropa, ABŞ, Kanda bazarları üçün nəzərdə tutulur. Đtaliya qiymətli
və çox modalı ayaqqabılar buraxmaqla ixtisaslaşmışdır.
ETĐ dövründə toxuculuq sənayesi həm struktur, həm də ərazi
cəhətdən köklü surətdə dəyişikliyə məruz qalmışdır. Kimyəvi lif
istehsalının
sürətli
inkişafı
toxuculuğun
strukturunu
və
texnologiyasını tamamilə dəyişdirmişdir. Natural - ipək, yun, pambıq
parçalara qarşı kimyəvi liflərdən hazırlanan parçalar rəqabət rolunda
çıxış etməyə başlamışlar. Hal-hazırda qiyməti çox yüksək olan
natural parçalar az miqdarda buraxılır.
Qeyd etmək lazımdır ki, XX əsrin sonlarında XXI əsrin
əvvəllərində natural xammal və kimyəvi liflərdən dünyada ümumi
parça istehsalı - 130 mlrd. kv. metri ötüb keçmişdir.
Onu da göstərmək yerinə düşər ki, yüngül sənayedə
toxuculuq, tikiş, ayaqqabı sahələri liderlik edərək ümumi məhsulun
1/3-ni verirlər. Yüngül sənaye məhsullarının - 45%-i ĐOÖ-lər
hesabına əldə olunur.
Kimyəvi liflərdən toxunan parçalara görə ABŞ, Hindistan,
Yaponiya, Koreya Respublikası, Tayvan, Çin, AFR qabaqcıl yerləri
tuturlar. Bu parçaların ixracatında isə tanınan dövlətlər Koreya
Respublikası, Tayvan və Yaponiyadır.
Kimyəvi liflərdən toxunan parçalardan fərqli olaraq pambıq
parça buraxılışında ĐOÖ irəlidədirlər. Son illər pambıq parça
toxunuşu 75 mlrd. kv. metrdən çox olmuşdur. Çində - 24,0 mlrd. kv.
metr, Hindistanda - 21,0 mlrd. kv metr, ABŞ-da 4,0 mlrd.kv metrdən
artıq, Braziliyada - 1,1 mlrd. kv. metr, Rusiyada - 1,1 mlrd.kv metr,
Đtaliyada -1,0 mlrd. kv. metr, Yaponiyada - 0,8 mlrd. kv metr,
Tayvanda - 0,8 mlrd. kv.metr, AFR-də 0,5 mlrd. kv metr, Fransada
isə - 0,5 mlrd.kv metr pambıq parça toxunmuşdur.
Çin əldə olunan pambıq parça ipliyinin - 1/3-ni də verərək
dünyada liderlik edir.
Çində adambaşına -19,0 kv.m, Hindistanda 18 kv.m, ABŞ-da -14,5
kv.m pambıq parça toxunur. Pakistan, Hindistan, Misir, Tayvan, Çin,
AFR, Yaponiya, Đtaliya pambıq parça ixracatında hamı üçün tanınır.
Pambıq parçaya nisbətən yun parça daha mürəkkəb tərkiblə
tanınır. Buraya kamvol, yarıyun, zərif mahud, qaba mahud parça
növləri daxildir. Toxuculuqda yun parçalar ən bahalı növ hesab
olunurlar. Onların hazırlanması ənənəvi olaraq Qərbi və Şərqi
Avropa, Şimali Amerika, Asiya ölkələri üçün məqbuldur. Bu sahədə
Çin qabaqcıl yerə malikdir. Dünyada ən böyük yun istehsalçıları və
ixracatçıları - Avstraliya, Yeni Zelandiya, Argentina, Uruqvay, CAR,
Böyük Britaniya və Đspaniya sayılır. Dünyada yun parça
toxunmasının 2/3-ni ĐEÖ-lər verirlər.
Dünyada kətan parça toxunmasını fabrikləri Rusiya, Fransada,
Belçikada, Niderlandda, Böyük Britaniyada cəmlənmişdir.
Təbii ipək parça toxunması yenidən sürətlənsə də onun
müəssisələri hələ qədimdən Çində, Yaponiyada, Hindistanda mövcud
olmuşdur. Bu sahədə «Qədim Đpək Yolu» böyük əhəmiyyət kəsb
etmişdir.
Toxuculuq sənayesinin xüsusi növündə xalçaçılıq durur. Onun
hazırlanmasında kimyəvi liflərdən, yundan, pambıqdan istifadə
edilir. Bu sahədə ĐEÖ-dən ABŞ, Böyük Britaniya, Belçika tanınsalar
da, Hindistan həm istehsalçı, həm də ixracatçı rolunda çıxış edir.
Dostları ilə paylaş: |