------------- БЮЙЦК ЮVLИYA - АЬА MИRBAЬЫR аьа ------------
50
Axundzadə isə öz qabiliyyətləri ilə dini rütbənin ən yüksək
pillələrinə qədər ucalmışlar.
Qаfqаz Müsəlmаnlаrı Ruhаni idаrəsi Аli-Dini Şurаsının və
qаzilər Şurаsının üzvü, nаhiyyə qаzisi, «Ziyа» fəxri mükаfаtı
lаureаtı Hacı Salman Bаbаzаdə onlаrın yolunu uğurlа dаvаm
etdirir. İlahiyyat alimləri olan bu şəxsiyyətlər, geniş
dünyagörüşü olan digər axund və mollalar Salyanın məscid və
mədrəsələrində camaatın mənəvi inkişafından ötrü əllərindən
gələni əsirgəməmişlər.
Salyan şəhərində tikilmiş məscidlərin tarixi ilə əlaqədar
apardığımız araşdırmalara istinad edib deyə bilərik ki, şəhərdə
əsasən XIX əsrin ortalarından etibarən əsaslı şəkildə məscid
binalarının tikintisinə başlanmışdır. Həmin dövrdə tikilmiş irili-
xırdalı məscid binalarının sayı on beşə yaxın olmuşdur.
Onlardan bir neçəsi 20-30-cu illərdə din əleyhinə aparılan
ümumi siyasətin qurbanı olmuş, bəziləri isə sonrakı illərdə
baxımsızlıq və ümumən etinasızlıq üzündən dağılıb getmişdir.
Onlardan şəhərin Seyidlər məhəlləsində olmuş Qumqədir
məscidini, Beşdəli məhəlləsində Ağa məscidini, Qaracüzlü
məhəlləsində Fədai məscidini və s. göstərmək olar.
XIX əsrin ikinci yarısında tikilmiş «Böyük məscid», yaxud
«Cümə məscidi»ni müqəddəs Məkkə ziyarətindən qayıtmış,
Salyanın hörmətli adamlarından biri olan Hacı Mehdi öz
sərmayəsi hesabına oğlunun adına ucaltmışdır. Hаzırdа uçub
yаrаrsız vəziyyətə düşmüşdür. Məscidin içərisində baş fasadın
sağ və sol girişində daşda həkk olunmuş ərəb dilində yazılar
vardır. Burada göstərilir ki, bu məscid hicri 1283-cü ildə (miladi
1865-ci il – red) Hacı Mehdinin oğlu Ağa Hüseynin adına
ucaldılmışdır. Ustası Kərbəlayi Əli Əkbər olmuşdur. Yazılar
bu günə qədər yaxşı saxlanılmışdır. Məscidin bir hissəsi 30-cu
illərin əvvələrində küçə çəkilişi ilə əlaqədar sökülmüşdür. Vaxtı
ilə çəkilmiş, əlimizdə olan şəklinə əsasən deyə bilərik ki,
məscidin minarəsi zərif və mütənasib olmuşdur. Həm məscid,
həm də mədrəsə kimi fəaliyyət göstərən bu tikinti incə zövqlə
------------- БЮЙЦК ЮVLИYA - АЬА MИRBAЬЫR аьа ------------
51
işlənmişdir. İçəridən sütunlarla ayrılmış gümbəzaltı tacları
cəlbedicidir. Sol girəcəkdə bir tağ aşrımı boyda otaqda şəbistan
yerləşir.
Deyilənlərə görə, Cümə məscidinin bənnаsı Kərbəlаyi Əli
Əkbər İrаndаn dəvət edilmişdi. Özülünü inşа etdikdən sonrа
deyir ki, qoy bərkisin, mən də İrаnа, evimə dəyim. Düz, beş
ildən sonrа gəlir. Cаmаt ondаn soruşur: «Аy ustа, biz elə bildik
sən gəlməyəcəksən». Ustа cаvаb verir ki, «Mən Аllаh evi inşа
edirəm, bu uzun illər qаlmаlıdır, təməl bərkiyib, аrtıq tikmək
olаr». 150 ilə yаxın vаxt keçməsinə bаxmаyаrаq özümüz
tərəfindən yаrısı uçurulmаsаydı, indi də fəаliyyət göstərirdi.
İnşəаllаh, bu yаxınlаrdа bərpа işlərinə bаşlаnmаlıdır.
Hаcı Tаğı, Şilli və Seyidlər məhəlləsindəki məscidlər,
qeyrətli həmyerlimiz Əliаğа Hüseynov tərəfindən əsаslı təmir
edilmişdir.
Bu məscidi ən yaxşı memarlıq və arxitektura
nümunələrindən biri kimi qiymətləndirirlər.
XIX əsrin ikinci yarısı və bizim əsrin əvvəllərində yaşamış
varlı Salyan tacirlərindən olan, indi də adı hörmətlə çəkilən Hacı
Tağı Kərbəlayi Hüseyn bəy oğlunun Salyan məscidlərinin
tikilməsində böyük rolu olmuşdur. Hacı Tağı şəhərdə əsaslı
şəkildə üç məscid binasını öz pulu ilə tikdirib müsəlman əhlinə
bağışlamışdır.
Atasının var-dövləti hesabına özünə mülk yaradan Tağı
getdikcə varlanmış və çox keçmədən adlı-sanlı bir bəyə
çevrilmişdir. Tağının nə qədər sərvəti artsa da, üzü gülmürdü.
Övladı olmayan Tağı deyilənə görə, üç dəfə evlənmişdir. Lakin
qismətində övlad olmamışdır. Getdikcə yaşlanan Tağı bir varlı
müsəlman kimi boynunda olan borcu yerinə yetirməyə çalışır.
Müqəddəs Məkkəyə ziyarətə gedib qayıdır. Taleyinə sonsuzluq
yazılan Hacı Tağı ömrünün qürub çağında Salyanın nüfuzlu
şəxsiyyəti sayılan Ağa bəyin məsləhəti ilə övlad əvəzi kimi
məscid tikdirməyi qərara almışdır.
------------- БЮЙЦК ЮVLИYA - АЬА MИRBAЬЫR аьа ------------
52
Hacı Tağı şəhərin Qaracüzlü məhəlləsində məscid tikdirir.
Məscidin çöl divarında, mehrabın üstündə ərəb dilində yazılmış
kitabədə göstərilir: «Bu məscidin binası kərbəlayi Hüseyn bəy
oğlu Hacı Tağı tərəfindən qoyulub-hicri 1327-ci il, ramazan
ayının ortalarında (miladi 1909-cu il sentiyabr ayının ortaları-
red) tikilib bağışlanılıbdır. Bənnası Əli Əkbər olmuşdur.»
Məscid bu gün də fəaliyyət göstərir. Binanın sol tərəfində
olan minarə sonradan sökülmüşdür. Sağ tərəfdə şəbistan yerləşir.
Məscidin içərisində bütün divarlar boyu müqəddəs Qurandan
Məhəmməd Peyğəmbərin meracını əks etdirən «Bəni israil»
surəsinin ayələri yazılmış, şərq üslubunda müxtəlif bəzək işləri
aparılmışdır. XX əsrin 30-cu illərinin axırlarında bir müddət
bağlanılan məscidin 1943-cü ildə açılmasında rayonun hörmətli
mömin şəxslərindən olan Mirzə Xəlilullah və Məşədi Fəttahın
böyük rolu olmuşdur.
Şəhərin Seyidlər məhəlləsində yerləşən, müxtəlif dərman və
preparatlar saxlamaqdan ötrü anbar kimi istifadə edilən
müqəddəs məscidimizdən bəlkə
də indiki nəslin
nümayəndələrinin xəbəri yoxdur, yaxud da binanın vaxtı ilə
Allah evi olmasını heç ağıllarına belə gətirmirlər. Çünki
məscidin fəaliyyəti 1929-30-cu illərdən dayandırılmışdır.
Hündür və əzəmətli görünən məscidin minarəsi sökülmüşdür.
Çöl divarında, mehrabın üstündə ərəb dilində olan kitabə
məscidin kim tərəfindən tikilməsi ilə əlaqədar yuxarıda
söylədiyimiz fikri təsdiq edir: «Bu məscidin binası qoyulub
Hacı Tağı Kərbəlayi Hüseyn bəy oğlu tərəfindən, rəbiəl-axır
ayında, hicri 1326 ildə» ( Miladi 1908-ci il, aprel ayında-red).
Şilli məhəlləsinin məscidi kimi tanınan tikili bu günə qədər
qalsa da, baxımsızlıq üzündən köhnəlmişdir. Çox keyfiyyətlə və
incə zövqlə tikilən məscidə zaman və təbiət nə qədər əl çəksə də,
gözəlliyi və orijinallığı ilə başqa tikililərdən seçilir. Məscidin
fəaliyyəti 1929-cu ildə dayandırılmış və onun bir hissəsi sökülüb
yerində küçə salınmışdır. Binanın divarlarında yazı və müəyyən
bir qeyd aşkar edə bilmədik. Lakin məhəllənin ixtiyar qocaları
Dostları ilə paylaş: |