34
Şəkil 2.16 Tikintidə nərdivanlardan istifadə
Əməyin təhlükəsizliyi üzrə əlavə (artırılmış) tələblər irəli sürülən işlərə qəbul olunmuş işçilərə iş
yerində ilkin təlimatdan öncə həmkarlar ittifaqı və dövlət nəzarət orqanları
tərəfindən təsdiqlənmiş
proqramlar əsasında təhlükəsiz iş metodları üzrə təlim keçilməlidir. İşlərin taxtabəndlər, ayaqaltılar və
dayaqlar üzərində aparılması üçün onların sazlığına əmin olacaq ustanın (iş icraçısının) icazəsini almaq
lazımdır.
Nasaz taxtabəndlər, ayaqaltılar, dayaqlar üzərində eləcə də təsadüfi dayaqlar (çəlləklər, kərpiclər
və s ) üzərində söykədilmiş döşəmələr üzərində qadağan olunur. Daşınan nərdivanın uzunluğu 5 m dən
çox olmamalı və nərdivanın yuxarı qurtaracağından ən azı 1m məsafədə yerləşmiş pillədən işləmək
imkanı təmin etməlidir. Daşınan nərdivanların pillələri oyulub nərdivanın yan taxtalarına keçirilməli və
mismarla bərkidilməlidir (yalnız mismarlarla vurulmuş və yan taxtalara oyub keçirilməmiş pillələri olan
nərdivanlardan istifadə etmək qəti qadağandır). Nərdivan hər iki metrdən bir (uzunluq boyunca) çəkilib
bağlana bilən boltlarla bərkidilməlidir. Nərdivanların aşağı qurtaracaqları metal çıxıntılar və ya rezin
ucluqlar şəkilində dayaqlara malik olmalıdır (dayaq səthinin materialından və vəziyyətindən asılı olaraq).
Nəqliyyatın və ya adamların gediş-gəlişli yerlərində nərdivanlarla işlərkən
həmin yerlərdə hasarlar
quraşdırılmalı və keşikçi qoyulmalıdır.
Yeni təhlükəsiz iş metodları üzrə praktik məşğələləri istehsalat təlimi zamanı təlim
emalatxanalarında (sexlərdə işçilərin, meydançalarda) təlimatçının rəhbərliyi altında yaxud iş yerində
yüksək ixtisaslı işçinin briqadirin və ya lazımi hazırlığı olan başqa mütəxəssisin rəhbərliyi altında
keçirilməlidir. Hər bir işçiyə təlim keçirilməsi mərhələləri təlim işinin qeydiyyat jurnalında qeyd
olunmalıdır.
Söykəmə nərdivanların və asma nərdivanların konstruksiyası iş zamanı
sürüşmə və aşma
(devrilmə) imkanlarını istisna etməlidir.
Söykəmə və asma nərdivanların aşağı uclarında torpağa
batırmaq üçün metal iti ucluqlar olmalıdır. Hamar dayaq səthlərdə (parket, metal, lövhə, beton) belə
nərdivanlardan istifadə edərkən onların aşağı uclarına rezindən və ya başqa sürüşkən olmayan
materialdan başmaqlar taxılmalıdır.
Söykəmə nərdivan quraşdırılarkən onun yuxarı ucunun yerdəyişməsi
mümkün olan hallarda
etibarlı şəkildə dayanıqlı konstruksiyalara bağlanmalıdır.
Borulara və ya xətlərə söykəmə nərdivanların yuxarı ucları küləyin təsirindən və ya təsadüfi
təkanlardan yıxılmasının qarşısını alan xüsusi qarmaq tutucularla təchiz olunurlar.
Nərdivanların və meydançaların qaldırılmasından əvvəl onlar montaj edilən konstruksiyalara
quraşdırılmalı və bərkidilməlidir. Söykəmə nərdivanın uzunluğu işçiyə nərdivanın yuxarı ucundan 1 m-
dən az olmayan məsafədəki pilləsində ayaq üstə duraraq işləyə bilmək imkanını təmin etməlidir.
Söykəmə və ya asma nərdivanlardan istifadə olunarkən aşağıdakılara yol verilmir:
nərdivanın hasarı və ya dayağı olmayan ən yuxarı iki
pilləsində durub işləməyə;
söykəmə və ya asma nərdivanın pilləsində birdən çox adamın olmasına;
35
söykəmə nərdivanla yük qaldırmağa və ya endirməyə, üzərində alət saxlamağa.
Nərdivan iki işçi tərəfindən daşınarkən ucluqları arxada qoyaraq və qarşıdan gələnləri təhlükə
barədə xəbərdar edərək aparılmalıdırlar. Nərdivan bir işçi tərəfindən daşındığı halda o, maili vəziyyətdə
elə tutulmalıdır ki, nərdivanın qabaq ucu yer səthindən 2 m-dən az olmayaraq yuxarı qaldırılsın.
Nərdivanlar quru yerlərdə, təsadüfi mexaniki zədələnmələri
istisna edən şəraitdə
saxlanılmalıdır.
Şəkil 2.17 Nərdivanlarda işləyərkən söykənmə və asma qaydaları
2.4.2.Tələbələr üçün fəaliyyətlər
Valideynlərinizdən hündürlükdə işləyən zaman istifadə etdikləri vasitələrin təhlükəsizliyi
barədə məlumatlar toplayın və onları sinifdə müzakirə edin.
Daşınan nərdivanların təhlükəsizliyi haqqında müzakirə təşkil edin.
Aşağıda göstərilən şəklə (şəkil 2.18) münasibət bildirin. Siz burada 3 bilik, 3 bacarıq, 3
yanaşma nümunəsini göstərin.
Şəkil 2.18 Səriştəli işçi
Söykəmə və ya asma nərdivanlardan istifadə qaydaları haqqında esse yazın.
36
2.4.3. Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
Dostları ilə paylaş: