182
vaxtda bu orqanlara qan axınını məhdudlaşdırır. Vazomotor mexanizmlərin
razılaşdırılmış və məqsədyönlü belə “oyunları”, ürək fəaliyyəti və tənəffüs normada
hərəki-damar, tənəffüs, digər vegetativ mərkəzləri və baş beyin qabığı arasında
qarşılıqlı reflektoru və humoral əlaqələri təmin edilir.
Qanitirmə zamanı adətən DSQH və damar məcrasının tutumu arasında daha
dərin uyğunsuzluq müşahidə edilir. Orqanizmin o nahiyyələrində və orqanlarında
damar məcrasının tutumu azalır ki, həmin orqan və toxumalarda qan cərəyanının
azalması yaxın vaxtlarda orqanizm üçün təhlükə törətmir. Belə hallarda
vazokonctriksiya kompensasiya fazasının patofizioloji əsasını təşkil edir.
DQH nə qədər çox azalırsa, damarların bir o qədər dərəcədə də spazmı baş
verir, toxumaların oksigenlə təchizatı daha çox pisləşir. Əgər kompensator spazm
nəticəsində damar məcrasının tutumu və DQH arasında tam uyğunluq
(
соответствие) yaranırsa, onda sistolik arterial təzyiq ilkin
vəziyyətdə qalacaq, ya
da əhəmiyyətsiz dərəcədə enəcəkdir. Əks halda (çox miqdarda qan itgisindən və ya
kompensator mexanizmlərin zəif olmasından) arterial təzyiqin enməsi müşahidə
ediləcəkdir.
Qan dövranının mərkəzləşməsi ilə gedən vazokonstriksiyanın təzahürlük
dəarəcəsinə nəinki qan itgisinin həcmi, həm də vegetativ sinir sisteminin reaktivliyi
təsir edir. Vegetativ sinir sisteminin reaktivliyinin yüksək olduğu zaman az
miqdarda (DQH-nin təxminən 20%-bmiqdarında) qan itgisinə qarşı orqanizm
arteriolaların, prekapillyar sfinktorların, venulalrın, eləcə də kiçik və orta venaların
güclü spazmı ilə reaksiya verə bilər. Belə hallarda arterial təzyiqin yüksəlməsi ilə
yanaşı mərkəzi venoz təzyiqin də artması müşahidə edilir. Qan dövranının
mərkəzləşməsi zamanı qan cərəyanə bir sıra orqanlarda lazımi qədər saxlanılır,
digərlərində, xüsusən də periferiyada xeyli azalır. Qan cərəyanı azalmış orqan və
toxumalarda hipoksiya əlamətləri meydana çıxır, oksidləşmə reaksiyaları pozulur,
metabolik asidoz inkişaf sdir. Bu zaman xəstəyə vaxtında adekvat tədbirlər
görülmədikdə metabolik asidoz digər amillərlə birgə kompensator mexanizmlərin
qırılmasındə (
за срыв) mühüm rola malikdirlər.
Yeridoldurulmayan qanitirmə zamanı kompensasiya fazasında vegetativ-
endokrin sistemini blokada edən və ləngidən preparatlar əksgöstərişdir, belə ki,
həmin kompensator mexanizmlərin üzülməsi nəticəsində bu faza tezliklə daha dərin
– dekompensasiya fazasina keçə bilər.
Periferik damarların spazmının aradan götürülməsinə istiqamətlənən
preparatlar yalnız qan itgisinin yerinin doldurulması ilə eyni vaxtda ya da ondan
sonra istifadə edilə bilər.
Periferik damar spazmını obyektiv müayinə kimi
pletizmoqrafiya vasitısi ilə
müəyyən etmək olar. Bud və bazu arteriyalarında təzyiqi ölçüb müqayisələr
aparmaqla da periferik damar spazmının vəziyyətini qiymətlındirmək olar. Belə ki,
Damarların normal tonusu şəraitində bu arteriyalarda təzyiqlər fərqi çox az olur və