447
Şevka və s. birbaşa hasiledicilər çox azdır.
MÜSTƏQĠL DÖVLƏTLƏR BĠRLĠYĠ ÖLKƏLƏRĠN ÜZÜMÇÜLÜYÜ
Ukrayna. Üzümçülüklə ən çox məşğul olan vilayətlər Odessa, Nikolayev,
Xerson, Zaporojye, Krım, Vinnitski və Zakarpatiyadır. Üzümlüklərin sahəsi 300
min hektara yaxındır.
Təbii şəraiti üzüm üçün əlverişlidir. Əsas üzümçülük rayonlarının iqlimi
quraq, yayı isti, cənub rayonlarında yağmurlar azdır (350mm). Qışı kifayət qədər
sərtdir, mənfi -32° C-ə qədər düşür. Tez payız, gec yaz şaxtaları tez-tez olur.
Vegetasiya dövründə fəal temperaturların miqdarı 3300° təşkil edir. Şimal
rayonlarında bu göstərici 2400-2600-dir.
Cənub gillicəli və yüngül gillicəli qara torpaqlar Odessa, Nikolayev, tünd–
şabalıdı torpaqlar isə Xersonun yaxınlığındadır. Odessada fəaliyyət göstərən
V.Y.Tairov adına Ukrayna Üzümçülük və Şərabçılıq İnstitutu torpaqda nəmliyin
toplanması və qorunub saxlanması, eləcə də kolların torpağa basdırılması üzrə
apardıqları kompleks aqrotədbirlər dəmyə üzümçülüyün inkişafında xüsusi
əhəmiyyət kəsb etmişdir.
Ukraynada üzümçülüyün əsas istiqaməti bərk və çərəz süfrə şərabları, şampan
və konyak şərab materialları istehsalı üçün texniki və təzə halda istifadə üçün
süfrə üzümlərinin becərilməsindən ibarətdir. Sort tərkibi çox müxtəlifdir. Texniki
sortlardan Plavay, Aliqote, Sereksiya, Kaberne- Sovinyon, Lidiya və s. Süfrə
üzümlərindən Şasla, Senso, Alimşak, Çauş, Portugizer və Hamburq muskatı geniş
yayılmışdır.
Krımın üzümlükləri əsasən öz kökü üstündədir. Ən yaxşı və keyfiyətli
üzümçülük Cənubi Krım rayonudur. Cənubi Krımın əhəngli və şiferli
torpaqlarından Ağ muskat, Çəhrayı muskat, Muskadel və boz Pinodan yüksək
keyfiyyətli və məşhur çərəz və Krasnıy kamen şərabları alınır.
Yeni sortların öyrənilməsi və aqrotexniki tədbirlərin işlənib hazırlanmasın -da
o vaxtkı Ümumittifaq Üzümçülük və Şərabçılıq İnstitutu ―Maqaraç‖ın böyük
xidmətləri olmuşdur.
Odessa vilayətində Rislinq, Kaberne-Sovinyon, qara Pino sortlarından yüksək
keyfiyyətli süfrə şərabları və Şampan materialı alınır.
Xerson vilayətində iri massivli üzümlüklər aşağı Dneprin qumsal
torpaqlarında yerləşir (Kaxovka,Siryupin və b.).
Moldova. İri və köhnə üzümçülük rayonlarından biridir və sənaye
şərabçılığının iri miqyaslı bazası hesab edilir. Təbii şərait üzümçülük üçün
əlverişlidir. Ölkənin iqlimi ümumən istidir, cənub rayonlarında bir qədər
quraqlıqdır.Moldovada
üzümçülükdən
gələn
gəlir
bütövlükdə
kənd
təsərrüfatından gələn gəlirin 25-30% -ni, ölkə gəlirinin isə 40%-ni təşkil edir.
Kişinyovun özündə müsbət temperaturların yekunu 3100-dür. Mütləq
448
minimum -26
0
, yağıntıların miqdarı 450 mm-dir. Əsas üzümçülük rayonlarında
torpaq örtüyü gillicəli, qumsal və qumlu qara torpaqlardır. Üzümlüklər əsasən
calaq əkin materialı ilə salınır. Filloksera ilə yanaşı tor gənəciyi, üzüm salxım
yarpaqbükəni, xəstəliklərdən isə mildiu, oidium, xloroz və eska üzüm bitkisinə
ziyan vurur.
Üzümlüklərdə aqrotexniki kompleksə aşağıdakılar daxildir: torpaqda
nəmliyin toplanması və saxlanması məqsədilə torpaqbecərmə işləri, eroziyaya
qarşı mübarizə, qarın yığılması və qar sularının qorunub saxlanması, kolları
torpağa basdırmaqla onların şaxtadan mühafizəsi və s.
Moldova üzümçülüyünün xarakterik xüsusiyyətlərindən biri üzümlüklərinin
çox hissəsi yerləşən yamaclardan istifadə edilməsidir. Üzümlüklərinin yalnız 3-4
min hektarı suvarılır. Xəstəlik və zərərvericilərə qarşı kompleks davamlı sortlar
yaradılması üzrə elmi - tədqiqat müəssisələrində işlər aparılır.
Ekolji –coğrafi şəraitə görə ölkə ərazisi 4 kənd təsərrüfatı zonasına bölünür:
Şimal, mərkəzi (kodr), cənub və cənub- şərqi. Sənaye üzümçülüyü əsasən
mərkəzi (üzümlüklərin 44, 4 %-i) və cənub (47,3 %), əsas süfrə üzümləri-Şasla
qrup (26,2 %), Jemçuk saba (15,2%), Üzümlüklər kraliçası (14%),n Hamburq
muskatı (10,8 %), Maqarac tezyetişəni və Kardinal ( 16 % ). Şaxtaya, xəstəlik və
zərərvericilərə qarşı nisbətən davamlı, eyni zamanda geniş yayılmaqda olan yeni
süfrə üzümləri də geniş yayılmaqdadır: Moldova, Ağ Sruçenski, Dekabr,
Kutuzov, Vierul-59, Liana, Bənövşəyi tezyetişən, Odessa tezyetişəni və s.
Aparıcı texniki sortlar-Rkasiteli (15,7%),Kaberne (13,5%), Aliqote (13,3%),
Ağ Fetyaska (9,8 %), Sovinyon (7,3 %), Merlo (5,9%), Pino qrupu.
Rusiya federasiyası. Üzümlüklərinin 99%-i Şimali Qafqaz ekoloji-coğrafi
regiyonunda yerləşir. Onun ərazisi 4 zonaya bölünür: Qara dəniz, dağətəyi,
mərkəzi və şimali. İnzibati bölgüyə görə sənaye üzümçülüyü Dağıstan Muxtar
Respublikasında, Krosnadar diyarında, Çeçen-İnquş Muxtar Respublikasında,
Rostov vilayəti, Stavropol diyarı, Kabordin- Balkar və Şimali Osetiya Muxtar
Respublikaları. Qışda torpağa basdırılan üzümlükləri ümumi üzümlüklərin 45 %-i
təşkil edir.
Şimali Qafqazda nəmlik az olduğundan onların bir qismi suvarılandır. İllik
atmosfer çoküntülərinin miqdarı 300-500 mm-dir. Krasnodar diyarı əlvrişli
torpaq-iqlim şəraiti olduğuna görə əsas sənaye üzümçülüyü zonası hesab edilir.
Burada üzümlüklərin basdırılmayan,basdırılan və yarımbasdırılan olmasına görə
üzümlüklırin becərilməsində kollara verilən formaların seçilməsində və becərmə
texnologiyasına diferensial yanaşılır. Rostov vilayətinin əsas üzümcülük rayonları
Don çayının sağ sahili, Simlyanski, Razdorski, Konstantinovski, Novoçerkasski
və Aksayski rayonları hesab edilir. Vilayətdə əsasən yerli üzüm sortları becərilir.
Pleçistik, Qara Simlyanski, Qızılı Krasnostop, Şampançik, Puxlyakovski, Dolqıy