hissi rivojlanmay qoladi. U o‘ziga
mos ishni tanlab olib, oxiriga etkaza olmaydi va
irodasiz bo‘lib qoladi.
Inson kamolotiga ta’sir etadigan omillardan biri tashqi muhitdir.
Muhit deganda kishiga tabiiy ta’sir etadigan tashqi voqealar majmui tushuniladi.
Bunga tashqi muhit, ijtimoiy muhit, oila muhiti, mikro muhit kiradi.
Inson kamolotida mikromuhit, ya’ni oila sharoiti katta ta’sir kuchiga ega.
CHunki bola ko‘z ochib ota-onasi, qarindosh - urug‘ini ko‘radi. Uning intensiv
jismoniy va psixologik rivojlanadigan davri oila ta’sirida shakllanadi. Oilaning hayot
tarzi, undagi bola tarbiyasiga ijobiy ta’sir etadigan tarbiyaviy muhit uning kamolotida
muhim ahamiyat kasb etadi.
Har bir oilada tarbiya berishning o‘ziga xos va mos bir qator muhim qonun -
qoidalari borki, unga qat’iy amal qilish tarbiya ishining samarali bo‘lishini
ta’minlaydi. Bu qonun-qoidalarni nisbiy
ravishda umumiy deyish mumkin, chunki
har bir bola - betakror ijtimoiy mavjudot, ularning o‘ziga xos shaxsiyati, ruhiyati va
xulq-atvori bor. SHu bois shunga qarab muomala qilish darkor. SHuning uchun
tarbiyada ota-onaning mas’uliyati, obro‘-e’tibori muhimdir. Ota-onalar majlisining
vazifalaridan biri esa ana shu tarbiya jarayonida ota-onalarga yordam berish, ular
orasida tajriba almashish imnoniyatlarini yaratishdan iborat.
Maktablarda ota-onalar tibbiyot xodimlari, psixologlar hamda
pedagoglar bilan
birga tashviqot ishlari olib borish maqsadga muvofiqdir. Ota-onalar bilan
suhbatlashish va ularga konsultatsiya berishda sanitariya - oqartuv ishlarining muhim
shaklidir. SHu bilan birga “ko‘chma jild (papka) lar” ning tayyorlab borilishi, har bir
bolaning ma’lum bir rivojlanish xususiyatlarini aniqlashda yordam beradi.
Har bir bolaning o‘zi bir olam. Bola tarbiyasi to‘g‘ri yo‘lga qo‘yishda barchamiz
mas’ulmiz.
Ota-onaning farzandlari oldida bajarishi kerak bo‘lgan muhim vazifalaridan biri,
ularni hayotga tayyorlash va kasb-hunar tanlashlariga ko‘maklashishdan iboratdir.
Har bir ota o‘z farzandini tarbiyalab voyaga etkazish bilan mamlakatimizni
rivojlantirish ishiga hissa qo‘shayotganini tushuntirib etishlari muhimdir.
Har bir ota-ona farzandining kasbiy qobiliyati, qiziqishi va layoqatidan, maktab
amaliyotchi psixologi tomonidan berilgan tavsiyadan xabardor bo‘lishi, farzandining
tanlagan kasbiy qarorini qo‘llab-quvvatlab, ularning tanlagan kasblari orqali hayotda
o‘z o‘rinlarini topib ketishlariga ko‘maklashishlari va ishonch bildirishi kerak.
Agar ota farzandining kasbiy qaroriga ishonch bildirmasdan, o‘zi istagan
akademik litsey va kasb-hunar kollejiga yo‘naltirsa, hayot sinovlari oldida ularni ojiz
qilib qo‘yishini anglashi lozim.
Ota-onalar farzandlarining qiziqishi va layoqatlariga to‘siqlik qilmasligi
ixtiyoriy kasb-hunar tanlashiga yo‘l berishi, o‘z-o‘zini
boshqarishi va kasbiy
"Science and Education" Scientific Journal / ISSN 2181-0842
January 2022 / Volume 3 Issue 1
www.openscience.uz
883
qobiliyatini namoyon etishiga imkon yaratish lozim. Faqat bu yo‘nalishda farzandi
uchun hamfikr bo‘lishi tavsiya etiladi.
Har bir ota-ona farzandining o‘qishi, nimalarga qiziqishini, qanday
mashg‘ulotlar bilan shug‘ullanishini, uning o‘rtoqlari kimligini bilishi, ota va o‘g‘il,
ona va kiz o‘rtasida do‘stona oilaviy suhbatlar o‘tkazilishi lozim.
Ayniqsa, psixolog maslahati ota-onalar uchun hozirgi kunda muhim ahamiyatga
egadir.
Ota-onaga hurmat, ular oldida umrbod qarzdorlik burchini chuqur anglash, har
qaysi insonga xos bo‘lgan odamiylik fazilatlari va oilaviy munosabatlar oila muhitida
shakllanadi. Oilaviy tarbiya masalasida xatolikka yo‘l qo‘ymaslik uchun, avvalo, har
qaysi xonadondagi ma’naviy muhitni o‘zaro hurmat, axloq-odob,
insoniy
munosabatlar asosiga qurish lozim.
O‘zbek xalqi azaldan o‘zining bolajonligi, oilaparvarligi bilan ajralib turadi.
Farzandga mehr qo‘yish, ularning qornini to‘q, ustini but qilish bilan bolalarimizni
yoshlik chog‘idan boshlab milliy tarbiya, ahloq- odob, yuksak ma’naviyat, o‘z
iqtidori, qobiliyati, qiziqishlari asosida kasb- hunarga to‘g‘ri yo‘naltirish
oiladagi
dolzarb masaladir.
Ushbu haqiqatdan kelib chiqqan holda, yoshlarimizni har tomonlama sog‘lom va
barkamol etib tarbiyalash, hayot abadiyligi, avlodlar davomiyligini ta’minlaydigan
ma’naviyat qo‘rg‘oni bo‘lmish oilani mustahkamlash bugungi kunda barchamizning
insoniy burchimizga aylanishi zarur. SHu bois mustaqillik sharofati bilan oila
institutini jamiyatning boshqa muhim ijtimoiy tuzilmalari, yurtimizdagi ma’naviy
o‘zgarishlar bilan uyg‘unlikda rivojlantirishga, uning
nufuzini oshirishga davlat
siyosatining eng muhim va ustuvor yo‘nalishi sifatida doimiy e’tibor berilmoqda.
Dostları ilə paylaş: